Profesor Përparim Kabo komenton në rrjetet sociale dorëheqjen ditën e djeshme nga kreu i LIBRA, të kryetarit të kësaj partie, Ben Blushi.
Duket se Kabo nuk ka besuar në qëllimin për të cilin u ngrit kjo parti, duke e konsideruar se veprimi u bë vetëm për inat të PS.
Komenti i Përparim Kabos në facebook:
Gjërat aspak serioze në shoqërinë tonë janë krijimi partive politike për inat të partisë nënë …dhe nga trima që do bëjnë namin. Kryetarët e tyre pasi rrëzohen që në dallgën e parë e lënë atë,… japin me demek dorëheqjen duke treguar se vetëm serioz nuk janë…Po ku iku ideali, premtimet, vizonet ndryshe, ai nami që ju do bënit…Kësaj i thonë të humbasësh pa nam e pa nishan…Punë njerëzish pa shtyllë kurizore….
Analisti dhe shkrimtari Fatos Lubonja i është përgjigjur ofendimeve të historianit Pëllumb Xhufi mbi debatin për heroin kombëtar Gjergj Kastriot Skënderbeun.
Snalisti Fatos Lubonja thotë se figura e tij duhet parë përtej mitit.
“Duhet ta ndajmë historinë e Skënderbeut nga miti, të mos ngelemi me përralla. Ka ardhur koha të bazohemi në fakte dhe në dokumente”, tha ai i ftuar në studion e emisionit “Kjo Javë” në News 24.
Ai i referohet botimeve të historianit Oliver Schmitt, teksa flet për Skënderbeun dhe i përgjigjet deklaratave të historianit Pëllumb Xhufi, i cili ka thënë pak ditë më parë se Lubonja është i palexuar për këtë çështje dhe se duhet t’i rrijë larg Skënderbeut. “Të merret me punë të tjera por me Skënderbeun Jo! Po e them edhe njëherë Fatosi është i palexuar”,- ka thënë Xhufi.
Nga ana e tij Lubonja e cilëson injorant Xhufin. “Unë nuk jam historian, por s’mund të thuash që jam i palexuar. Pikërisht këta njerëz si Xhufi e kanë bërë ketë vend të të shihet ende si vend Stalinist. E dëgjoni çfarë thotë?! Të qendrojë larg sikur ky e ka monopolin! Kjo është injorancë. Kur flitet për histori është një e vërtetë që nuk e ka as njëri as tjetri. Ky thotë mos e boto këtë qëndro larg. Kjo është injorancë”.
Sa për deklaratat e thëna nga Aurel Plasari se Skënderbeu nuk është rrëmbyer asnjëherë nga turqit, por është rritur e stërvitur në Krujë, Lubonja thotë se është një tjetër deklaratë vetëmburrëse, shkruan BW.
“Me sa di unë i punësuar i osmanëve ka qenë i ati. Me këtë del sikur ishim ne shqiptarët që e edukuam Skënderbeun. Fakt është që ai ishte jeniçer, se si përdoreshin se si edukoheshin jeniçerët këtë nuk e dimë. Pra, në të gjithë këtë deklaratë ka një nevojë për vetëmburrje”,- sqaroi ai.
Sa për deklaratat e thëna nga Aurel Plasari se Skënderbeu nuk është rrëmbyer asnjëherë nga turqit, por është rritur e stërvitur në Krujë, Lubonja thotë se është një tjetër deklaratë vetëmburrëse.
“Me sa di unë i punësuar i osmanëve ka qenë i ati. Me këtë del sikur ishim ne shqiptarët që e edukuam Skënderbeun. Fakt është që ai ishte jeniçer, se si përdoreshin se si edukoheshin jeniçerët këtë nuk e dimë. Pra, në të gjithë këtë deklaratë ka një nevojë për vetëmburrje”,- sqaroi ai.
Sa për deklaratat e thëna nga Aurel Plasari se Skënderbeu nuk është rrëmbyer asnjëherë nga turqit, por është rritur e stërvitur në Krujë, Lubonja thotë se është një tjetër deklaratë vetëmburrëse, ashtu siç ju pëlqen shpesh shqiptarëve.
“Me sa di unë i punësuar i osmanëve ka qenë i ati. Me këtë del sikur ishim ne shqiptarët që e edukuam Skënderbeun. Fakt është që ai ishte jeniçer, se si përdoreshin se si edukoheshin jeniçerët këtë nuk e dimë. Pra, në të gjithë këtë deklaratë ka një nevojë për vetëmburrje”,- sqaroi ai.
Lubonja shtoi ndër të tjera se vlera e vetme e mitit të Skënderbeut në kohën e sotme është t’i bëjë shqiptarët të presin ende që Skënderbeu të vijë e t’ju sjellë lirinë.
“Figura e Skënderbeut kështu siç e trajtojmë ne si mit për mendimin tim është fenomen kulturor, ky lloj miti është miti që i bën shqiptarët të vazhdojnë ende të presin Skëndërbeun t’ju sjellë lirinë. Ne na duhet të ndërtojmë shtetin por nuk mjafton një figurë, nuk mjafton as Edi Rama dhe as Enver Hoxha se edhe ai shihej si Skënderbe. Edhe tani del ajo Spiropali dhe e quan Ramën Skënderbe. Ne kohën e sotme ai që bëhet Skënderbeu i radhës që e përdor Skënderbeun bëhet dhunuesi ynë”, shtoi Lubonja.
Ende më vjen ndërmend ti dhe veprimet e tua, çdo ditë.
E dashur zuskë,
Po, unë ende nuk mund të të drejtohem me emrin tënd. Ti je ende ajo gruaja që u përpoq të vjedhë dhe të marrë burrin tim nga unë dhe fëmijët e mi. Po, burri im ishte idiot që “ra në dashuri” me ty, por kjo nuk ka të bëjë me atë – ka të bëjë me ty.
Nuk pate sukses. Në sytë e mi (dhe në sytë e shumë njerëzve të tjerë), kurrë nuk do t’ia dalësh. I ke bërë një gjë të pafalshme familjes time. Ti u përpoqe ta shkatërrosh atë.
A nuk mendove se një grua pranë burrit me të cilin ti po kaloje natën do të shkatërrohej? A nuk të interesoi aspak? Ndoshta jo, dhe kjo është ajo që të bën një njeri të tmerrshëm.
A nuk mendove se fëmijët e burrit që ti po gjuaje do të thoshin: “Pse ajo zonjë po përpiqet ta largojë babanë tonë nga ne?”
Jo, nuk e ke menduar sepse ti je një person pa shpirt.
Si është puna jote kështu? Gratë duhet të qëndrojnë së bashku në këtë botë, të mos luftojnë kundër njëra-tjetrës.
Karma është e fuqishme, ta dish. Do të vijë tek ty (nëse ende nuk ka ardhur). Do të tregohet edhe ajo e keqe, gjithashtu. Kur përpiqesh të prishësh një familje, nuk ka gjë tjetër që të pret veçse e keqja që vjen në rrugën tënde.
Duhet ta dish se kemi kaluar shumë peripeci, pasi ai më zgjodhi Mua dhe jo Ty. Kam lexuar të gjitha emailet që ti i dërgoje atij dhe ato që ai të dërgonte. Të gjitha deklaratat e dashurisë dhe se si ju të dy ishit “shpirtra binjakë”.
O zot më jep durim.
Gjashtëmbëdhjetë vite – për kaq kohë kam qenë me burrin tim. Ti? Tetë muaj. Pse? Sepse me të vërtetë mendove se mund të flije me një burrë të martuar dhe të fitoje, apo jo?
Ti me të vërtetë mendove se ai do të bëhet i yti? Më bën për të qeshur. Je një budallaçkë.
E di ç’është më e keqja? Pasi ai të la, ti vazhdove jetën tënde. Sigurisht, ti ndoshta je mërzitur, por ajo nuk është asgjë.
Asgjë, krahasuar me zjarrin në të cilin ne po përpiqeshim e digjeshim pas asaj ngjarjeje. Ne kishim një familje që duhet të bashkohej. Ti nuk ke idenë se sa e vështirë është. Ti nuk do të mund ta përballoje atë.
Unë ende mendoj për ty çdo ditë. Nuk e urrej më burrin tim, Jam krenare për të. Ai ka qenë model i përsosur për dikë që ka kryer një tradhti bashkëshortore. Ke të drejtë për një gjë: ai është një dreq burri.
Përgjatë të gjitha netëve me ulërima deri sa më pëlcisnin mushkëritë, duke qarë dhe kërcënuar se do të ikja, ai qëndroi atje duke i përballuar të gjitha. Sigurisht, ka pasur ditë kur ai mendonte se nuk do të mund ta përballonte fajin për dhimbjen që TI dhe AI më shkaktuat.
Kishte ditë kur ai nuk mendonte se do t’i mbijetonte kësaj stuhie. Por a di çfarë? Ai ia arriti. Ne arritëm ta duam sërish njëri-tjetrin pavarësisht rrëmujës që ti le pas.
Ti ndoshta je marrë me të tjerë burra tashmë. Zuskat e bëjnë gjithmonë këtë.
Nëse mendon për burrin tim, unë shpresoj që ti ta dish se ke treguar se je një person i keq. Kushdo që përpiqet të marrë një bashkëshort dhe baba, ta mbajë larg familjes së tij është një person i lig.
A të ndodhi kjo gjë edhe ty dikur? A është kjo arsyeja përse ti u përpoqe t’ia bëje atë gjë dikujt tjetër? Kjo nuk është e drejtë. Unë nuk të bëra asgjë ty, fëmijët e mi sigurisht që jo.
Ndoshta, nga ndonjë rastësi e universit, ti po e lexon këtë tani. Nëse do të ishe para meje, do të të thoja këtë:
Une e dua burrin tim. Unë jam krenar për burrin tim. Ti je vetëm një kujtim i hidhur tani. Ne ia dolëm. Ne jemi shpirtrat binjakë – Ti je budallaçka.
Ish-studenti shqiptar në Bursa të Turqisë Gerti Pashja, ka rrëfyer në një intervistë nga burgu i Fushë-Krujës të gjithë dinamikën e ngjarjeve që e çuan atë pas hekurave të qelisë.
I konsideruar nga organet e drejtësisë si njeriu i dytë më i rëndësishëm i grupit prej besimtarësh të dënuar për terrorizëm, ai shprehet se nuk ka pasur asnjë lidhje me personat e tjerë duke argumentuar se ndëshkimi i tij ka ardhur veç si pasojë e qëndrimeve anti-sistemit demokratik.
Sipas Pashjas, demokracia dhe islami bien ndesh me njëra-tjetrën ku nënvizon se nuk mund të quhet mysliman një person që bën thirrje për votime pasi kërkon të zgjedhë një “zot” tjetër për pos Allahut.
Ndërkohë, sa i përket luftimeve të përgjakshme në Siri, i dënuari gjykon se çdo mysliman do të shkonte atje për të shërbyer duke mos përjashtuar as veten.
Sipas dosjes, gjatë procesit hetimor Prokuroria e Krimeve të Rënda ka gjetur fakte kundër ku Pashja rezulton i përfshirë në rekrutimin e xhihadistëve shqiptarë në konfliktin me militantët e ISIS. Referuar të njëjtit dokument, Pashja u tregonte atyre rrugën se si të shkonin deri në frontin e luftës.
“TemA” hyri në burg për të mësuar të vërtetën e pretenduar prej tij për të cilën tregon se nuk përfillet nga organet përkatëse.
Pashja, me sa vite jeni dënuar? Cilat ishin akuzat kryesore që ju çuan pas hekurave?
Unë jam dënuar me 17 vite burg por ndëshkimi ju siguroj se s’ka lidhje me realitetin. Akuzat e Prokurorisë për thirrje terroriste dhe rekrutim personash nuk u provuan kurrë. Argumentimi kryesor prej tyre ishte se ne jemi kundra Amerikës apo dikush kundër Stalinit. Këto gjenden edhe në dokumente zyrtare.
Atëherë çfarë ju solli këtu?
Ajo që mendoj se ka sjellë dënimin tim është fakti se kam bërë thirrje në rrjetet sociale që myslimanët të mos marrin pjesë në votime. Duhet të dini se sistemi demokratik bie ndesh me islamin. Pjesëmarrja në votime është zgjedhja e një tjetër zoti tjetër përpos Allahut. Kur njeriu zgjedh deputetët për t’i udhëhequr praktikisht sjell tjetër zot. Ndërkohë ligjvënia në konceptin islam i takon vetëm Allahut. Mendoj se njerëzit apo partitë që thërrasin për votime nuk janë myslimanë.
Çfarë bënit në momentin e arrestimit?
Pas shkollimit për degën “punë sociale” në Elbasan, unë shkova në Turqi për të ndjekur universitetin. Forcat turke më ndaluan me urdhër ndërkombëtar të lëshuar nga Tirana dhe kam ardhur deri në aeroport pa pranga. Autoritetet atje nuk kishin asnjë problem me mua edhe pse unë jetoja në vendin e tyre.
Dua të them se para zhvendosjes sime në Turqi, kam jetuar në qytetin e Cërrikut. Pretendimi i organeve të drejtësisë ka lidhje me aktivitetin tim në këtë qytet ku më kanë akuzuar sikur ne kishim një ambient që faleshim jashtë vendeve të përcaktuara. Pretendohet nga ta se unë kam dërguar njerëz nga Cërriku në Siri, por siç ju thashë për këtë nuk ka asnjë fakt.
Cila është lidhja juaj me grupin e dënuar për terrorizëm dhe konkretisht Genci Ballën dhe Bujar Hysën?
Kam jetuar në Turqi gjatë periudhës që nisi konflikti në Siri pasi kryeja studimet për teologji. Nuk kam pasur asnjë kontakt me këta persona pavarësisht se ata njihen si hoxhallarë.
Shqipëria është e vogël dhe njerëzit njihen si fytyra. Nuk i akuzoj dhe as i paragjykoj për ndonjë gjë.
Unë kam qenë në Leshnicë dhe Zargoçan të Pogradecit ku jam njohur gjerësisht me ngjarjet në lidhje me terrorizmin. Ju e njihni personalisht ish-imamin Almir Daci që dërgoi video kërcenuese për shqiptarët?
Unë e njoh pasi ai vinte vazhdimisht në qytetin e Peqinit dhe jam prezantuar në vitin 2008 si besimtar. Për herë të fundit u takuam në vitin 2012 dhe më pas nuk kam pasur asnjë kontakt me të.
Cili është gjykimi juaj mbi shqiptarët që kanë zgjedhur të shkojnë në Siri për t’u bërë pjesë e luftës së përgjakshme?
Ata kanë shkuar atje me vullnetin e tyre të lirë ashtu si edhe forca të tjera ruse apo amerikane bëhen pjesë e luftës pro Bashar Al-Assad apo interesave të Amerikës. Ky grup njerëzish ka shkuar me një mision tjetër dhe mendoj se është një luftë që ka vazhduar dhe do të vazhdojë. Një mysliman e zgjedh këtë rrugë. Personalisht nuk shoh ndonjë problem se ata kanë depërtuar në Siri për të luftuar. Dikush do që të mbajë një sistem islam, dikush do që të mbajë regjimin e diktatorit.
Ju i keni bërë thirrje për të shkuar? Mu përgjigjni me “po” ose “jo”?
Unë kam qenë në Turqi dhe nuk ka pasur asnjë thirrje nga ana ime. Njerëzit shkojnë në Siri për diçka individuale ku ju kujtoj se islami e pranon xhihadin. Nga njëra anë shumë ushtarë zgjedhin të mbrojtur demokracinë, dhe nga ana tjetër myslimanët e shohin si obligim fetar për të shkuar dhe për të luftuar krah Allahut. Ne besojnë se kur vritesh për Allahun shkojmë në xhenet. Sot është një luftë e hapur mes perëndimit dhe islamit. Besimtarët e kanë ndjerë obligim dhe do shkojnë sot, nesër. Rekrutuesi më i madh i myslimanëve për të shkuar në luftë është Kurani. Aq më tëpr kur vetë ish-kryeministri Sali Berisha bëri thirrje në atë kohë për të shkuar atje. Atëherë çfarë doni më?
Ju kujtoj se Islami zyrtar në botë është distancuar nga lufta e përgjakshme në Siri…
Islami zyrtar nuk është islam. Nuk konsiderohen myslimanë. Janë thjesht institucione që janë vendosur në luftë përballë islamit. Për besimin tonë nuk kanë të drejtë që të flasë institucioni pasi burimet tona janë Kurani, tradita profetike e profetit, dhe konsensusi i gjithë myslimanëve.
Pra ju nuk i njihni?
Natyrisht që nuk i njoh. Një institucion që lufton për të mbajtur demokracinë në këmbë, nuk mund të quhet kurrsesi islam. Demokracia dhe islami janë dy koncepte që nuk mund të qëndrojnë bashkë pasi janë përjashtuese e njëra-tjetrës. Ligjvënia nuk i takon njeriut por i takon Zotit.
Pajtoheni me faktin se në Francë, Belgjikë, Gjermani dhe vende të tjera janë bërë sulme terroriste ndaj njerëzve të pafajshëm? Në këto hapësira publike mund të gjendeshin edhe të afërmit e tu apo të mi…
Të vrarë civilë që ka ekzekutuar ISIS janë 2%, ndërsa të tjerët janë ushtarakë. Nuk shkoi ISIS në Evropë por erdhi Evropa në Siri. S’mund të krahasohen 100.000 veta që janë vrarë në një qytet sirian, me 1000 veta që ka vrarë ISIS në Evropë. Andrea, kemi dy qytete Raka dhe Mosuli që sot janë zero. Kur perëndimorët vrasin civilë legjetimohem, kur myslimanët ekzekutojnë civile quhen akte terroriste. Parimisht myslimanit nuk i lejohet të vrasë civilë, por ka raste të veçante kuedhe profeti Muhamed ka vrarë. Sulmet që ata kanë bërë janë vetëmbrojtëse.
Kur do marrë fund kjo përplasje e përgjakshme sipas jush nëse vijohet me këtë “gjuhë”?
Të jeni të sigurtë se edhe nëse zhduket “Shteti Islamik”, edhe sikur të ngrihet e gjithë bota me bombardime, nuk mbyllet kjo punë. U vra Osama bin Laden dhe s’u mbyll.
Ju vetë, a do të shkonit që të luftonit në Siri krah xhihadistëve?
Çdo mysliman shkon kur shikon se si vriten fëmijë, gra, luftohet islami dhe përdhoset feja. Nuk ka ndonjë problem dhe s’shoh ndonjë gjë të keqe. Është njëlloj si çdo demokrat kur shkon të luftojë për demokraci. Nëse do më kërkohet mua, do të shkoj. S’ka asgjë të keqe këtu.
A keni pasur ëndërr të bëheni imam? Çfarë aspironit për të ardhmën?
Profeti Muhamed i ka këshilluar besimtarët që të mos e kërkojnë postin. Të bëhesh imam nuk është e thjeshtë. Synimi im nuk ka qenë ky.
Ca mendoni të bëni pasi të dilni nga burgu?
Qëllimi i myslimanit është bota e përtejme. Sa më shumë do të predikoj fenë e Zotit dhe ta jetoj veten. Pastaj se si do marrë jeta, këtë e di veç Allahu.
Ish-kreu i Policise Ndertimore, Mithat Havari, kryepolici me te cilin kryeministri Edi Rama, ne mandatin e pare si kryebashkiak i Tiranes, shemben kioskat te Parku Rinia dhe rreth Lanes, e ka thumbuar sot te parin e qeverise, me nje koment qe i ka bere ne Facebook.
Poshte videos se Rames, per premtimin e mbajtur per femijet me diabet, Havari, i sugjeron kryeministrit te mos merret “me armiqte e klases”, por te merret me pune.
Rama nuk ia ka kursyer nje pergjigje, atij qe e cileson “miku im”.
Ajo ka qenë ish zv/ministre e Financave, por aktualisht eshte pedagoge. Irena Beqiraj, përfshihet ne debatin e fundit lidhur me ngacmimet seksuale ne pune. Por me një status në rrjetet sociale ajo përcjell një këshillë për femrat, sidomos studentet që dalin nga auditorët dhe përballen më pas me tregun e punës dhe shefat meshkuj. Ish zv/ministrja shkruan se këta të fundit mendimin e parë do ta kenë se çfarë ka poshte fustanit të vajzës së radhës që kërkon pune.
Postimi i plotë Debati I fundit per gacmimet seksuale me kujtoi nje histori te vjeter. Kur jepja Mesim ne nje universitet ne fund te semestrit behej vlersimi I pedagogut. Ndergjithe komentet plot batute e humor ca syresh edhe ironik te studeteve te mi ….. Me beri pershtypje nje prej tyre qe nga konteksti ishte I nje vajze ” profesoresha eshte shume tolerante me cunat ! Vajzave ua nxiu jeten!. Kishte te drejte. Leksionin e fundit ju drejtova vajzave te kursit me keto fjale :
Vajza te dashura! Eshte e vertete jam shume kerkuese me ju . Po a e dini cfare u pret sa te dilni nga keto auditore? Nje realitet tejet maskilist edhe vanitoz. Te bukura te reja 70 ÷ e juaja do te gjejne nje shef mashkull ne zyren e pare. Mendimi I pare qe disa syreve do tu kaloje kokes si shigjete eshte ” cfare fshihet poshte fustanit ” e vetem me zotesi e besim tek vetja do te mund ta perqendroni mendimin e shefit tuaj tek ajo qe ju dini.
Bota jashte eshte vanitoze te dashurat e mia. Ne kete vanitet mbytes cdo gjeje I vihet nje cmim. Edhe juve do perpiqem tu vendosin nje cmim, nje rroge me te mire , karrjere me te shpejte, do jeni gjithmone ne tundimin per te qene ju ylli ne ngjitje. Por eshte vetem cmim jo vlere. Duhet te jeni te pergatitura inteligjente, te zonjat e vetes , te afta per ti shpetuar ketij rrethi vicioz.
Edhe e fundit asgje mos kerkoni deshperimisht ne kete jete pervec pavaresise edhe integritetit. E keto te dyja mund ti keni vetem kur e keni koken plot, edhe keni me shume per te ofruar sesa bukurise, edhe trupit.Prandaj jam kerkuese me femrat e do vazhdoj te jem.
Në një analizë të gjatë kushtuar gjeopolitikës në Ballkanin Perëndimor dhe raportit të shteteve të kësaj pjesë të Evropës me fuqitë e mëdha si SHBA apo Rusia, gazetari Blendi Fevziu sugjeron më shumë punë për shtetet shqiptare dhe një kujdes të shtuar, pasi jo gjithmonë të “mëdhenjtë” do të kujdesen për ne.
Blendi Fevziu shkon edhe më tutje, duke deklaruar se pas vrasjes së Ivanoviç në Kosovë dy ditë më parë, mund të fshihen pikërisht forcat e mëdha, e në këtë rast Rusia.
Gazetari e lidh ngjarjen e rëndë të ndodhur dy ditë më parë edhe me reagimin e fortë që ka bërë këtë të enjte Rusia zyrtare, kundër kreut të qeverisë shqiptare. Deklaratat e Ramës për rolin e qeverisë së tij në njohjen e gjuhës shqipe në Maqedoni, duket sikur kanë acaruar Moskën duke sjellë dhe një reagim mjaft të ashpër. Fevziu e sheh reagimin e Rusisë si një përpjekje të kahershme të këtij shteti për të influencuar dhe destabilizuar situatën në rajon në favor të tyrin. Kjo sepse, sipas gazetarit, Rusia prej kohësh e ka humbur influencën në Ballkan dhe po kërkon me çdo kusht ta rifitojë.
Por nga ana tjetër, shkruan Fevziu, do të ishte një veprim i mençuar që Shqipëria, Kosova dhe të gjitha vendet ku ka shqiptarë, të kuptonin se nuk mund të qëndrojmë përjetësisht nën çadrën e SHBA-ve. Fevziu shkruan se tashmë ka ardhur koha që shqiptaria të mundohet për të bërë lëvizjet e saj dhe të kujdeset vetë për interesat e saj.
“Nëse nuk kujdesemi për veten, askush nuk do kujdeset më për ne. Dy dekada na ndihmuan të tjerët, tani mbetet të ndihmojmë veten!”- përfundon gazetari.
Për më tepër lexoni analizën e Plotë të Blendi Fevziut:
“Shqiptarët janë në momentin e tyre më të mirë historik”, deklaroi një politikan me rastin e hapjes së vitit të Skënderbeut. Nisur nga një shikim thjeshtë historik, deklarata e tij ishte korrekte. Por nuk mjafton vetëm kaq? Pyetja e parë që më erdhi ndër mend pas saj, është a janë shqiptarët në të njëjtën pozitë të favorshme gjeopolitike? A jemi sërish sot, në po atë situatë të artë që qemë në vitet 1990 – 2009? A mbaruan për ne dy dekada magjike, në të cilat rikuperuam shumë prej gjeravë që kishim bjerrur në thuajse 80 vite të tjera të ekzistencës sonë shtetërore? Dhe në ç’rrethana ndodhi kjo?
Nuk ka asnjë dyshim që më shumë se sa falë rolit tonë, kjo erdhi si pasojë e kombinimit të rrethanave ndërkombëtare.
Mbarimi i luftës së ftohtë; rënia e Bashkimit Sovjetik dhe ridimensionimi i vështirë dhe i ngadalshëm i Rusisë; çmenduria politike e Millosheviçit dhe rreshtimi i tij nacionalist, sollën një situatë të re.
Në vitin 1990, Shqipëria hoqi dorë nga marrëzia gjysëm shekullore komuniste dhe nga sulmet verbale kundër SHBA. Amerikanët e kuptuan që propaganda komuniste nuk kishte ndikuar fare në ndjenjat pro amerikane të shqiptarëve. Nga ana tjetër, të shpërndarë në Jugosllavi dhe në Maqedoninë e sapo pavarësuar, Shqiptarët mbeteshin një faktor i rëndësishëm në Ballkan. Diplomacia Amerikane e dinte këtë. Po në këtë kohë, rrëzimi i Bashkimit Sovjetik, e kishte prishur statusin e privilegjuar të Jugosllavisë. Për sa kohë midis SHBA dhe BS vijonte rivaliteti i luftës së ftohtë, Beogradi, i papërcaktuar me asnjërin krah, ndihej i përkëdhelur nga të dyja palët. Secila palë donte ta kishte në anën e saj, ose minimalisht të mos ishte me tjetrin. Kur ky rivalitet mbaroi, Jugosllavia nuk mund ta kishte më të njëjtin status. Nuk mund të mbylleshin sytë përpara difekteve të saj, thjeshtë për të mos lejuar të afrohej më shumë me palën tjetër. Sepse pala tjetër thuajse nuk ekzistonte më dhe s’kishte ndonjë interes të madh në Ballkan. Veç kësaj, shteti i madh 22 milionësh Jugosllav u dizintegrua dhe balanca e forcave anti serbe ishte po aq e fortë sa ajo pro serbe. Sllovenët, Kroatët, Boshnjakët e më vonë edhe Mali i Zi u rreshtuan kundër serbëve duke e dobësuar më shumë ndikimin e këtyre.
Në këtë kohë ndodhi edhe lufta e Kosovës. Një faktor dominues që çoi në bombardimet ishte dobësia e Rusisë. Jelcin kishte probleme të mëdha ekonomike dhe kërkonte të ruante një raport sa më të mirë me perëndimin. SHBA e Klintonit nuk e konsideronte atë një faktor që mund të ndalonte bombardimet. Po ashtu shtetet e BE.
Sot situata është ndryshe. Rusia e Putinit është shumë herë më e fortë se sa ajo e Jelcinit 20 vjet më parë. Vendet e BE po mundohen të kenë marrëdhënie sa më të kujdesshme me Rusinë. Tramp është më i predispozuar të merret vesh se sa të përplaset me Putin. Interesat Amerikane në Azi mund të lejojnë një tolerim të Rusisë në Ballkan. Vetë Rusët janë sot më aktiv se sa kanë qenë çdo herë në këto 28 vjet pas shembjes së Bashkimit Sovjetik. Sot ata kanë reaguar sërish kundër zyrtarizimit të gjuhës shqipe në Maqedoni. E kanë bërë këtë në mënyrë brutale. Nuk është çudi që rusët të qëndrojnë pas vrasjes së Ivanoviçit në Mitrovicë, ose së paku të përfitojnë prej situatës së krijuar atje. Duke qenë gjithnjë dhe në çdo rast kundër Kosovës së Pavarur.
Rusët duan të krijojnë zonën e tyre të influencës dhe të jenë pjesë e vendmimarrjes në Ballkan. Kjo situatë mund të favorizojë serbët. BE e do Serbinë në Europën e Bashkuar, SHBA në NATO. Rusët e duan jashtë. I vendosur midis dy grupimeve tashmë rivale, Vuçiç mund të fitojë sërish statusin e privilegjuar që e kishte humbur Jugosllavia e vitit 1990. Duke luajtur nga pak dhe duke ju shkelur syrin të dyja palëve.
Natyrisht, Shqipëria ka shpëtuar një herë e mirë nga influenca Ruse. Në këtë vend rusët s’i kanë dashur kurrë. Ne jemi anëtarë të NATO -s dhe me ambicie të qarta drejt BE. Por Kosova dhe Maqedonia mund të kenë probleme. Raportet ndërkombëtare mund të ndryshojnë disi dhe ne duhet të jemi të përgatitur për këtë. Duhet të marrim masa vetë.
Euforia e marrëdhënieve të mira me SHBA dhe BE nuk mjafton më. As analizat diletante që ne i duhemi SHBA dhe ajo në çdo rast do përplaset për ne. Ne duhet të kishim punuar dhe duhet të punojmë për një infrastrukturë të përbashkët. Në vend të krijimit të feudeve të shqiptarëve, duhej të kishim pasur një treg të përbashkët; një shoqëri të integruar kulturore e shpirtërore. Përrallat se ne jemi të zgjedhurit dhe të favorizuarit e Ballkanit duhet të marrin fund dhe ne duhet të ndërtojmë vetë vendin që na takon këtu. Duhet të jemi më të kujdesshëm ndaj aleancave tona natyrale dhe më kërkues për të ngritur shoqëri më demokratike, më të hapura dhe më pak të korruptuara.
Nëse nuk kujdesemi për veten, askush nuk do kujdeset më për ne. Dy dekada na ndihmuan të tjerët, tani mbetet të ndihmojmë veten!
Dita e sotme shënon 550 vjetorin e vdekjes së heroit tonë kombëtar, Skënderbeu.
Pavarësisht se kanë kaluar 550 vite, e falë tij shqiptarët përjetojnë krenarinë më të madhe, origjina, jeta dhe veprat e tij janë akoma të pazbuluara plotësisht, shkruan albeu.com.
Rreth figurës heroike të Skënderbeut akoma vërviten teza dhe debate nëse ishte apo jo sllav.
Rreth kësaj teme të nxehtë ka komentuar kohë më parë edhe analisti i njohur, Mustafa Nano.
Ai ka deklaruar se Skënderbeu ishte me origjinë sllave pasi sipas tij, Vojsava, nëna e tij ka qënë sllave.
“Atëherë, në shekullin XIV, etnia apo identiteti kombëtar nuk ka qenë shumë i rëndësishëm.
Ne sot themi që Skënderbeu ka qenë shqiptar dhe ka qenë i joni, ndërkohë që ai ka qenë më shumë i krishterë se shqiptar kur u bë i famshëm, madje ai nënën e ka pasur sllave.
Etnia nuk ka qenë shumë e rëndësishme atëherë dhe martesat mes shqiptarëve dhe serbeve bëheshin pa problem.
Një pjesë e historianëve në Shqipëri i kanë mëshuar idesë se shqiptarët dhe sllavët janë armiq të përjetshëm, se ka një kimi të munguar dhe këtu thonë një gënjeshtër të madhe.
Në 150 vitet e fundit po, raporti është i vështirë midis shqiptarëve dhe sllavëve apo shqiptarëve dhe grekëve.
Por kjo sepse lindën nacionalizmat ballkanike, lindën këto ndjenjat kombëtare. Më përpara nuk kanë pasur gjëra të tilla, kanë bashkëjetuar për bukuri me njëri-tjetrin”- deklaroi ai kohë më parë.
Kjo tezë shkaktoi reagime të ashpra dhe sulme ndaj analistit i cili jo vetëm që su zbraps por bëri edhe një tjetër deklaratë të bujshme.
Sipas Nanos, jo vetëm Vojsava ishte sllave, por edhe fëmijët e Skënderbeut janë martuar me serbë, si vajza edhe djali.
“Madje – në këtë pikë, mbahuni burra! – edhe i biri i Skënderbeut, me emrin Gjon, mori për grua Jerina Paleologen (Erina Paliologa në origjinal), që ish bijë e Llazarit, despotit të Serbisë (shih faqen 432 te përkthimi i Xhufit apo faqen 28 te libri i Charles Hopf-it). Doni më?
Edhe e motra e Skënderbeut, Maria (siç e quan Gjon Muzaka) apo Mara (siç e quan Marin Barleti), u martua me Stefan Cernojeviqin (shih faqen 447 te libri i Xhufit “Nga paleologët te Muzakajt”, dhe faqen 295 te libri i Charles hopf-it “Chroniques greco-romanés”).
Siç shihet, Kastriotët i kanë pasur shumë për zemër martesat me serbë e sllavë”- ka përfunduar Nano.
Tezat rreth kësaj çështje të nxehtë vazhdojnë të diskutohen në studio të ndryshme televizive por pavarësisht hipotezave, Skënderbeu mbetet heroi i shqiptarëve dhe për këtë nuk ka asnjë dyshim.
