Opinione

Avokati Spartak Ngjela, thotë se shqiptarët sot “janë pesimistë, pa shpresë dhe pa besim të atdheu i tyre”.

E për të dalë nga kjo gjendje, sipas tij, “kjo arrihet vetëm me vendosjen e drejtësisë dhe me ndëshkimin drastik të të gjithë elitës kryeministrore shqiptar.
Vetëm kjo e kthen dinjitetin e nëpërkëmbur të shqiptarëve, se kjo është e vetmja zgjidhje për ngritjen e moralit shqiptar të rënë sot deri në një humbje tërësore.

Kjo do të kthejë solidaritetin shoqëror shqiptar; eliminimin e urrejtjes që sundon sot në shoqëri, dhe do të krijojë vlerat e vërteta morale të shqiptarëve”.

REAGIMI I PLOTE

Një shoqëri e dominuar nga korrupsioni kryeministror, është tërësisht një shoqëri e dhunuar.

Por një përdhunë e tillë kryeministrore që zgjat me dekada, vjen dhe ia heq vlerësimin për vetveten një shoqërie dhe tërë një populli.

l.
E shihni që shqiptarët sot nuk kanë më besim te vetvetja?
Sepse janë të dhunuar deri në ekstrem nga korrupsioni kryeministror, dhe kanë humbur vetëvlerësimin.

Nga të gjitha llojet e korrupsionit, korrupsioni më i egër dhe më dëmprurës për një shoqëri, është korrupsioni kryeministror. Ky korrupsion përbuz popullin, korrupton gjyqtarët, grabit tregun me klientelën e tij, dhe fyen shoqërinë me padrejtësinë e imponuar.

Varfëria është gjithmonë pjellë e kësaj gjendjeje, sepse një shoqëri që detyrohet të jetojë kështu, pa drejtësi dhe e përbuzur nga vjedhja kryeministrore, humbet çdo vlerë. Të gjitha shoqëritë e varfëra kanë humbur vlerën e vetvetes.

Kjo është arsyeja që shqiptarët sot janë pesimistë, pa shpresë dhe pa besim të atdheu i tyre.
Korrupsioni kryeministror krijon klientelën e vet, përbuz popullin e vet pikërisht pse e vjedh dhe e poshtron atë; urren intelektin e lartë dhe moralitetin, se kërkon ta disponojnë vetë moralin shoqëror: ky korrupsion infiltron në shoqëri idenë se të gjithë vjedhin, dhe duhet respektuar vjedhësi më i fortë… domethënë – kryeministri.

Ky është në substancë korrupsioni kryeministror shqiptar.

Il.
Po si mund të dilet nga kjo gjendje, që të kthehet besimi i një populli të dhunuar për të ardhur te vlera e vetvetes dhe te besimi ndaj atdheut të vet?

Kjo arrihet vetëm me vendosjen e drejtësisë dhe me ndëshkimin drastik të të gjithë elitës kryeministrore shqiptar.
Vetëm kjo e kthen dinjitetin e nëpërkëmbur të shqiptarëve, se kjo është e vetmja zgjidhje për ngritjen e moralit shqiptar të rënë sot deri në një humbje tërësore.

Kjo do të kthejë solidaritetin shoqëror shqiptar; eliminimin e urrejtjes që sundon sot në shoqëri, dhe do të krijojë vlerat e vërteta morale të shqiptarëve.

Një shoqëri e dhunuar dhe e përbuzur nga korrupsioni kryeministror ndihet si:
– E trembur për jetën
– E pavlerë në vetvete
– Pa shpresë për të ardhmen.
E parë më konkretisht, kjo në fakt është gjendja që ka shkaktuar korrupsioni kryeministror në Shqipëri në këta 25 vjet; pas daljes së tij nga tragjedia e makabritetit komunist.
Dhe e gjithë kjo gjendje domosdoshmërisht kërkon ndëshkim në emër të drejtësisë.

Por, në fakt, kjo është edhe metoda që ka filluar t’ia imponojë korrupsionit kryeministror shqiptar politika amerikanë me Reformën në Drejtësi.

lll.
Vetëm ndëshkim i drastik i korrupsionit kryeministror dhe likuidimi i drejtësisë së korruptuar do t’i kthejë shqiptarët nga një shoqëri që thotë se “ne jemi të humbur” , në njerëz që do ndihen se, më në fund, pavarësisht nga dhunimi i gjatë, kanë mbijetuar.
“Ne tani nuk jemi më të humbur”; do të thonë shqiptarët kur të fillojë ndëshkimi dyfish i korrupsionit kryeministror, si shpronësim dhe si penalitet, se shqiptarët do të ndihen përfundimisht si të mbijetuar që do ecin drejt mirëqënies së tyre të grabitur.

Kjo do t’i japë tealisht shoqërisë forcën e brendshme kombëtare të një kombi europian.

Nuk është bashkimi mekanik i Shqipërisë me Bashkimin Europian që do t’i japë dinjitetin kombëtar shqiptarëve; por vetëm vendosja e drejtësisë.

Ndëshkim i keqbërësve, rivendos ekuilibrin e moralitetit shoqëror; sepse vetëm kështu fillon vendosja e ligjit.

Vendosja e ligjit sjell në fakt dinjitetin shoqëror, dhe dinjiteti shoqëror sjell edhe dinjitetin individual.

Ja, ky është sekreti i Reformës në Drejtësi – dhe kjo Reformë që tani ka nisur, do të shkojë deri në fund.

Avokati Spartak Ngjela është i mendimet se Kryeministri Rama ka shkuar në Amerikë me mendimin se do t’i shpëtojë skartimit të tij si i korruptuar, duke u mburrur me një histori që nuk i përket Enver Hoxhës, por atyre që vrau Enver Hoxha, duke iu refruar këtu hebrenjve.

“Ç’punë ka ky pafille me Ibrahim Biçakun, Lef Nosin, Patër Anton Arapin, Fuad Dibrën dhe njëzet a tridhjetë të tjerë që iu thanë Jo! gjermanëve për të dorëzuar ebrejtë, por që i vrau Enver Hoxha!” , shkruan Ngjela.

Spartak Ngjela zbulon pse Rama iku në Amerikë: Është i trembur deri në palcë

Statusi i tij i plotë:

Të gjithë ata burra të mëdhenj shqiptarë që na ngritën në histori kur nuk pranuan të dorëzonin ebrejtë te nazistët, i vrau Enver Hoxha dhe hordhitë e tij në vitet 1945-1946.

Kryeministri shqiptar, një enverist i çalë, ka shkuar në Amerikë me mendimin se do t’i shpëtojë skartimit të tij si i korruptuar duke u mburrur me një histori që nuk i përket Enver Hoxhës por atyre që vrau Enver Hoxha.

Përderisa është fakt historik që të gjithë shqiptarët e mëdhenj që shpëtuan ebrejtë, u vranë dhe u masakruan nga Enver Hoxha në vitin 1945-1946, ku e gjen kurajën një enverist si Edi Rama që shkon e mburret personalisht për të masakruarit e Enver Hoxhës?
E gjen te ligësia e tij.

Shqiptarët sot kanë një kryeministër që, pasi është pushtuar nga ligësia si sëmundje, mendon se mund të shkatërrojë shqiptarët përfundimisht.

Esencialisht- i trembur deri në palcë nga ndëshkimi ligjor..
Psikikisht- i sëmurë
Moralisht- i korruptuar.
Ç’punë ka ky pafille me Ibrahim Biçakun, Lef Nosin, Patër Anton Arapin, Fuad Dibrën dhe njëzet a tridhjetë të tjerë që iu thanë Jo! gjermanëve për të dorëzuar ebrejtë, por që i vrau Enver Hoxha!

Zotërinj!
Ebrejtë i mbrojtën burra të mëdhenj që kishin shkrirë pasurinë e tyre për Pavarësinë e Shqipërisë; dhe jo hajdutë si këta tanët që në 12 vjet i kanë vjedhë shtetit shqiptar dhe shqiptarëve mbi 12 miliardë Dollarë; por që do t’i dorëzojnë tani deri në qindarkën e fundit.