Opinione

I ftuar në emisionin “Studio e Hapur”, avokati i njohur Spartak Ngjela u shpreh në lidhje me arrestimin e sotëm të ndodhur në Kosovë, ku ministri Marko Gjuriç u ndalua nga policia kosovare me të shkelur në territorin e Mitrovicës.

Avokati shprehet se jemi përballë një lufte të nxehtë mes SHBA-ve dhe Rusisë, interesi i të cilave është i lartë në rajonin e Ballkanit. Sipas Ngjelës, edhe urdhëri për dëbimin e dy zyrtarëve të ambasadës ka ardhur i diktuar nga SHBA.

“Janë dëbuar dy diplomatët më të rëndësishëm rus. Rusia në vendin tonë ka forcë, ka agjenturën e vet e të tjera si këto. Nuk është e shkëputur kjo e sotmja. Është arrestuar në Kosovë ministri Gjuriç.

Kanti na ka thënë “njëherë është rast, kur përsëritet është raport”.

Ka lidhje të drejtpërdrejt. Ka filluar eskalioni për sqarimin e plotë të çështjes shqiptare dhe për të ndaluar çdo veprim subversiv të Moskës, Beogradit dhe Athinës

Këtu është luftë e nxehtë. Është interesi i dy fuqive, Uashingtonit dhe Moskës dhe sigurisht që do fitojë Uashingtonit”- tha Ngjela.

Ndërsa ish-ministri i jashtëm Paskal Milo shprehet se kemi të bëjmë me një atashe ushtarak (Vladislav Filipov) dhe Sekretarin e Parë të Ambasadës (Alexey Nikolaevich), që sipas tij shumë mirë mund të kenë qenë agjentë.

“Mund të jenë agjentë. Çdo qeveri dërgon në ambasadat e saj në bazë të fuqive që ka agjentë. Lidhur me veprimtarinë që nuk përputhet me statusin diplomatik, ata në një moment të caktuar janë interesuar sa ushtri ka Shqipëria, sa armë ka, tek i ka. Në momentin që një diplomat pyet një ushtarak apo një qytetar, apo shkon një një zonë strategjike dhe ky mbahet shënim dhe kur gjykohet momenti. Nuk është se qeveria e zbuloi dje që këta dy diplomatë bëjnë një detyrë tjetër nën mbulesën e shërbimit diplomatik”, deklaroi Milo.

Kjo e hënë ka qenë një ditë e ngarkuar politikisht pasi kujtojmë se pas vendimit të SHBA e shumë shteteve të NATO-s për të larguar diplomatët rusë nga vendet e tyre respektive, të njëjtin qëndrim ka mbajtur dhe Shqipëria. Shkak i kësaj lëvizje që ka përfshirë dhe shtete të mëdha si Amerika, Britania, Gjermani, Franca etj, është vdekja misterioze e ish agjentit rus Sergei Skripal dhe vajzës së tij Yulia.

Vdekja sipas rezultatit të hetimeve ka ardhur për shkak të një agjenti kimik (nervor). Britania, aty dhe ku ka ndodhur vdekja e dy rusëve, akuzon vetë shtetin rus si organizatorin e fshehur prapa këtij krimi, ndërkohë Moska e mohon.

Bërja me pagesë të Rrugës së Kombit ka ngjallur shumë reagime si në Shqipëri ashtu edhe në Kosovë.

Pas vendimit ku çdo automjet që do të kalojë nga Rruga e Kombit do të paguajë një taksë që varion nga 2.5 euro për motorët deri në 22.5 euro për kamionët e rëndë, qytetarë të shumtë i janë ankuar kryeministrit Rama në Facebook-un e tij, disa prej të cilëve kreu i qeverisë i ka kthyer dhe përgjigje.

Komentuesi: Akoma me ato 300. 000 vendet e punës ti?! Po vrëm rreklama bëni ju se gjë tjetër nuk shoh. Shqiptarët po vuajnë për bukën e gojës e ti u vë taksa, taksa, taksa! Kur ata nuk kanë punë me se do i paguajnë?! Vendisin jashtë shtetit taksa po kur rruga është bërë nga koncensionari e jo me taksat e popullit. Plus që cilësia e rrugës është skëtërrë.

Edi Rama: Fakti qe nuk sheh ti gje tjeter Ardit, nuk do te thote se nuk ka gje tjeter per te pare, eshte problem sysh dhe mendje domethene! Vendet e punes jane realitet, sepse keta njerez jane reale nuk jane reklame, ndersa sa per rrugen, eshte krejt normale qe te paguhet per perdorimin e rrugeve, pikerisht sepse duhet te mirembahen e me kete pagese garantohet mirembajtja me cilesi e rruges

Komentuesi: 260 mi lek 5 veta e te shty. Mujin e ste vjen zor ta publikosh po drrita uj ja pagun ti ktyne se 260 me cmimet qe jan ktu as per buk sdalin

Edi Rama: Ishte me mire me 67 mije lek te vjetra ne muaj thua ti Antonio? Hajde mendje hajde, lum ti per rradaken bosh, mire qe s’punon per vete po edhe tallesh me ata qe punojne

Komentuesi: Pun me 5e ne dit a jetohet me to vec per buk sdalin. Dhe 14ore pun per 5e ajde Shqipri kemi super shtet ne

Edi Rama:Kane qene shume me pak para kater vjetesh, jame me shume sot dhe do jene shume me teper neser, por shtohen me pune e me kontribute leket, nuk shtohen me frymen e shenjte e as me llogje ne fejsbuk Doni, keshtu qe mbaje te qeshuren per te tjera raste se ketu s’ka asgje per te qeshur e dukesh keq

Komentuesi:Edo, ti o shok flet per Bashkim Kombetar dhe vepron per Ndarje Kombetare, apo si eshte puna? 10 euro o shok eshte shume. Dynjaja ska buk te haje, ti I vendos taks skandaloze. Te kemi dhene voten, jo per te na bere gropen, por per te na cuar perpara. Ndaj rishikoje ate taksen e Rruges se Kombit, mos u be edhe ti me keq se Saliu & Luli

Edi Rama: Nuk ka pagese 10 euro Albi, eshte 5 euro, cmim qe paguhet kudo ne rajon dhe kontribut qe shkon per mirembajtjen e rruges, e cila u ndertua pjeserisht (nderkohe qe kompania do te perfundoje edhe ndertimin) dhe mbeti ne meshire te fatit nga pamundesia e mirembajtjes qe ka nje kosto jo te vogel!

Rruga e Kombit është një nga super-skandalet e Shqipërisë. Në ndërtimin e kësaj rruge janë vjedhur mbi 230 milionë euro. Kjo e raportuar nga Kontrolli i Lartë i Shtetit.
Kush i mori këto fonde?Sali Berisha, ish-kryeministër dhe Lulzim Basha, ish-ministër.E rropën këtë rrugë duke vjedhur djersën dhe taksat e popullit plot 230 milionë euro.

Imagjinoni çfarë do ishte ndërtuar me këto fonde, të pakten 10 shkolla, apo dy aeroporte, apo një autostradë evropiane që përshkon edhe jugun e Shqipërisë.

Megjithatë, në momentin kur u hetua nga Prokuroria, Basha u sëmur dhe e zuri barku. Kështu deklaronte sa herë e thërriste Prokuroria për dëshminë e tij.

A kanë fytyrë tani këto dy politikanë që të dalin t ë shajnë Edi Ramën për  taksën 5 euro që ka vendosur për këtë rrugë si taksë mirëmbajtjeje.

Absolutisht jo!

Ata po e përdorin për sulmet e tyre duke e bërë Ramën për 5 lekë, për 5 eurot që ai vendosi si taksë mirëmbajtjeje.

Nëse keni udhëtuar në Kosovë, e keni vënë re ndryshimin mes rrugës së Kombit në anën e Shqipërisë, e cila ka punimet më skandaloze, ndërsa në Kosove ka një cilësi shumë herë më të mirë.

Kjo pasi në Shqipëri është bërë një vjedhje kolosale.

Le ti kthehemi Edi Ramës!

Sa i takon taksës së vendosur nga Edi Rama, kjo është si ti marrësh gjak popullit nga vetulla.

Shuma prej 5 eurosh, pra 700 lekë, është tepër e lartë për xhepat tanë.

Kukësi, është qarku më i vafër në Shqipëri dhe qytetarët e saj preken më shumë nga kjo taksë.

Taksa duhej vendosur, pasi është një autostradë që lidh dy shtete, Shqipëri-Kosovë dhe duhet mirëmbajtur.

Taksa të tilla paguan e gjithë bota. Nëse udhëton nga Padova në Venezia, në autostradën që lidh këto dy qytete, do të paguash 5 euro.

E njëjtë me taksën e vendosur nga Rama, por kryeministri jonë duhet të dijë se paga minimale në Itali është 1000 euro dhe jo 20 mijë lekë sin ë Shqipëri.

Taksa e vendosur, mund të jetë një zgjidhje për mirëmbajtjen e rrugës, por shuma është tepër e rëndë për xhepat e shqiptarëve.

Rama duhet të bëjë mirë llogaritë…e popullit që s’ka bukë që të hajë!

Tashmë prej më shumë se dy javësh Shkodra po përjeton periudhën më të keqe të vitit, pasi shumë zona rreth qytetit gjenden nën pushtetin e ujit.
Situata është dramatike për familjet dhe gjënë e gjallë, por kjo nuk do të thotë asgjë për pushtetin i cili nuk ka reaguar në mënyrë aktive për të shpëtuar shkodranët nga kjo përmbytje masive.

Në këto kushte, kur qeveria por as bashkia nuk janë në gjendje të bëjnë diçka për Shkodrën, me sa duket dikush ka një ide radikale: Shpalljen e autonomisë së Shkodrës!

Arben Ceni, administrator i njësisë Ana e Malit është shprehur:

Shkodra me këto resurse që ka mund të marrë edhe autonominë, kështu do shkojë puna.
3 hidrocentralet janë në Qarkun e Shkodrës, kemi Thethin, kemi plazhin më të mirë në Shqipëri, Velipojën, kemi liqenin më të madh në Shqipëri dhe Ballkan po ta marrim si radhitje. Të gjitha këto janë resurse, domethënë ne s’kemi nevojë (për të qenë të varur).

Domethënë si Katalonja, të ndahemi edhe ne dhe ta menaxhojmë ne vendin tonë si Shkodër, të paktën të mos ia vëmë fajin kujt. Pse ta vëmë në siklet Kryeministrin. Ai të vazhdojë të punojë me Vjosën me Semanin, të mos merret me Drinin e këto.”

Kjo është një deklaratë e bujshme në fakt dhe mbetet për t’u parë se si do rrjedhin gjërat…

https://www.facebook.com/realitetipost.al/videos/1793194090732779/?t=0