Opinione

Deputetja Grida Duma, ka kërkuar që marrëveshja e ratifikuar me Austrinë, mbi njohjen e kontributeve shoqërore të shqiptarëve në Austri, të vijonte me shtetet e Italisë dhe Greqisë.

Problem për vendin tonë, i cili ka mungesë të shifrave të sakta të numërit të shqiptarëve të cilët jetojnë dhe punojnë në shtetin austriak, është edhe plakja e popullsisë.

Zonja Duma theksoi se plakja e popullisë së vendit tonë sjell ngecje të zhvillimit, ndërkohë që qeveria shqiptare nuk ka asnjë strategji krahasuar me vendet e zhvilluara.

Plakja e popullisë së Shqipërisë, tha Duma, sjell krizë në kontribut shoqëror dhe shëndetësor.

“Shifrat tregojnë se do të përgatitemi për një krizë globale, kriza e plakjes së popullsisë ku vendet perëndimore i tremben faktit se në vitin 2050 plakja në vendet e BE-së do të arrijë në masën 17%. Ne jemi sot në situatën ku plakja e popullisë është në masën 32.9% e cila rezulton si vendi i 43, si një ndër vendet që rankohet me vendet e Afrikës dhe plakja e popullsisë do të gjenerojë shkretimin e këtij vendi”, theksoi Duma.

Zbardhen përgjimet e drejtuesve të policisë në Vlorë: “Kemi leje nga lart”. Si funksiononte skema e trafikut të drogës dhe përdorja e emri i ish-ministrit si garanci nga kushërinjtë. Një pjesë e parave të drogës vinin “lart” në Tiranë.

Hetimet e prokurorisë për aktivitetin e bandës së “Habilajve” të arrestuar në Itali kanë nxjerrë detaje të reja për mënyrën sesi funksiononte skema e trafikut të drogës. Dosja dhe përgjimet e publikuara dje nga Partia Demokratike tregojnë se anëtarët e bandës “Habilaj” kishin mbrojtjen e Policisë së Shtetit në Vlorë dhe direkt të drejtuesve të Ministrisë së Brendshme dhe njerëzve afër ish-ministrit Saimir Tahiri. Këtë thotë PD-ja me faktet që nxjerrin nga dosja e përgjimëve. Ato tregojnë se Artan Habilaj dhe Florian Habilaj, dy nga drejtuesit e bandës që po gjykohet në Itali, komunikonin rregullisht me tre policisë në rangje drejtuese në Qarkun e Vlorës. Konkretisht me drejtorin e Policisë së Vlorë, Jaeld Çela dhe shefin e antidrogës në Vlorë, Gjergj Kohila. Të dy këta efektivë, pas arrestimit të anëtarëve të bandës në Itali dhe në Shqipëri për llogari të drejtësisë italiane janë larguar nga vendi dhe janë në kërkim policor. Edhe vetë fakti që kanë ikur nga arrestimi flet se kanë qenë të implikuar në këtë trafik, pasi një njeri normal nëse akuzohet, fjala vjen kot, shkon para drejtësisë dhe mbrohet.

Sipas dosjes së prokurorisë, drejtuesit e bandës deklarojnë në komunikimet e zbardhura telefonike dhe mesazhe se kishin garanci nga strukturat e policisë për të kultivuar drogë në Vlorë, konkretisht në zonën e Kuçit. Në biseda del dhe një fakt i papërmendur më parë, ku një nga anëtarët e bandës deklaron se policia i kërkonte 30 përqind të vlerës së drogës që do të mbillej.

Hetimet dhe dosja e prokurorisë e publikuar dje nga PD nxjerr lidhjen direkte mes shefit të policisë së Vlorës dhe ish-ministrit Saimir Tahiri. Sipas dosjes Jaeld Çela rezulton se komunikonte rregullisht me shoferin e Saimir Tahirit, Gentjan Ceka. Gjithashtu, komunikimet e zbardhura nga pala italiane tregojnë se në disa raste shefi i policisë së Vlorës kur fliste për Habilajt tregonte se ata ishin “kushërinjtë e ministrit”. “Bisedat mes drejtuesve të bandës së Habiljave dhe drejtuesve të policisë së Vlorës, provojnë se Policia e Shtetit, jo vetëm ishte kthyer në roje të transportit të kanabisit drejt Italisë, por Jaeld Çela ka dekonsipruar operacionet e Shërbimit Informativ Shtetëror për llogari të Habilajve, që vetë trafikantët në përgjime i quajnë “kusho të ministrit” dhe që “siguronin garanci për kanabisin”,- tha dje deputeti i PD-së, Enkelejd Alibeaj.

Dëshmitë e reja të sjella dje nga PD për trafikun e drogës në Vlorë tregojnë shkallën e implikimit të zyrtarëve të Policisë së Shtetit si dhe përdorjen e emrit të ish-ministrit nga ata që njiheshin si kushërinj të tij në Vlorë. Detajet tregojnë se raportet mes ish-ministrit dhe personave të akuzuar për trafik droge nuk kanë qenë thjesht te shitja e makinës së famshme, por shkojnë deri në mbrojtje për aktivitetin e tyre në Vlorë. Tashmë nuk flitet për hipoteza, por për dokumente hetimore të cilat i ka Prokuroria shqiptare. Veç akuzave për ish-ministrin, për herë të parë provohet se skema e trafikut drogës ka pasur mbrojtjen e segmenteve të Policisë së Shetit. Agjentë që duhet të luftonin mbjelljen e drogës tani rezultojnë se informonin trafikantët për hetimet dhe u sugjeronin zonat se ku mund të mbillnin hashash pa i ngacmuar njëri. Në këmbim të garancisë, efektivët e policisë kanë marrë, siç tregojnë përgjimet, 30 përqind të vlerës së drogës. Në këtë mënyrë, vetë segmente të Policisë janë kthyer në trafikantë.

Këto dëshmi rrëzojnë dhe gjithë propagandën e qeverisë “Rama” lidhur me fenomenin masiv të hashashit në vitet 2013-2016. Droga jo vetëm që nuk u luftua, por u tolerua me vetëdije deri në nivelet me të larta. Më e rëndë në këtë situatë është se sot jo vetëm gjithë trafikantët kryesorë nuk janë para drejtësisë, por as policët që faktohen si bashkëpronarë të drogës.

Ajo periudhë e policisë është periudha më e zezë e policisë së shtetit dhe si pasojë duhet pastruar Policia nga ky imazh negative. Pastrimi vjen duke arrestuar të gjithë kupolën e cila del e lidhur me fijet e krimit të drogës.

Ministri Fatmir Xhafaj ishte në SHBA dhe takoi në FBI e DEA drejtues të tyre. Nuk dihet saktësisht se çka biseduar, pasi ai i mban sekret, por burime thonë se ministri Xhafaj ka ardhur me dosje për personazhe VIP nga politika të cilët kanë lidhje me krimin.

Q.Xhani.

Deputeti i PD Enkelejd Alibeaj ka nxjerre sot dokumentin me 18 faqe është bazuar në të dhënat e antimafias italiane, e cila ka përgjime bisedash dhe shkëmbime mesazhesh mes Habiljave dhe drejtuesve më të lartë të Policisë së Vlorës, të cilët provohet se ishin garantët për mbjelljen dhe trafikun e kanabisit drejt italisë.

Gjykata e Krimeve të Rënda në Tiranë ka caktuar në 25 nëntor 2017 masën e sigurisë arrest me burg për Jaeld Celën dhe Gjegj Kohilin, dy ish shefat e policisë të implikuar në trafikun e drogës.

Në vendimin e Gjykatës, i cili u bë publik sot edhe nga Partia Demokratike përmes një konference për shtyp të Enkelejd Alibeajt, përmenden edhe kushërinjtë e ministrit që për kohën kur janë zhvilluar bisedat dyshohet se bëhet fjalë për Sajmir Tahirin.

Do të rishkruhet historia e Shqipërisë dhe e Ballkanit Perëndimor, e do të shporren të korruptuarit e Tiranës. Ky është procesi që ka nisur në Shqipëri dhe për Shqipërinë. Por edhe në Kosovë e për shqiptarët kudo ku jetojnë.

I.
Para dy ditësh filloi dhe goditja kundër ndërhyrjes Ruse këtu; por edhe kundër provokimeve sërbe në Kosovë.
Arresti dhe poshtërimi që i bënë djemtë trima të Kosovës një krimineli serb, ishte një gjest real i heroikës shqiptare që ka mbërritur në aktualitetin shqiptar.

Beogradi është në zi; sepse kurrë nuk e kishte menduar forcën shqiptare. Kurse shqiptarët kudo ku jetojnë në Ballkan janë në një ngritje reale të moralit të tyre.
Beogradi ka punuar gjithmonë me të blerët në Tiranë dhe në Prishtinë, dhe ka pasur ndihmën e Moskës.

Kjo që ndodhi në të dy shtetet shqiptarë nuk është rastësi, por është shenjë që goditja e ndërhyrjes së Beogradit dhe Moskës, do të vijë shpejt për t’i ekspozuar edhe nivelet e larta të korrupsionit shqiptar, i cili me mendjelehtësi, dhe nga halli, i është drejtuar Moskës.

Ne shqiptarët sot jemi në kohën tonë por korrupsioni i lartë shtetëror në Tiranë, ashtu si në njëqind vjet, i gjithë është hedhur drejt kundërshtarëve shekullorë të Shqipërisë.
Kurse, gjesti i grushtit kosovar pardje, dhe largimi non grata i dy figurave të ambasadës ruse në Tiranë, i ka trembur të gjithë, edhe serbët edhe shqiptarët e shitur.

Në fakt kjo është historia e popujve kur këta kanë arritur cakun e çlirimit të tyre.

ll.
Shqiptarët dhe vetë Shqipëria janë përpara faktit historik të shumëpritur: ka filluar proces i shkatërrimit të gënjeshtrës së madhe ndërkombëtare të deformimit të historisë kundër shqiptarëve, dhe i gënjeshtrës së brendshme të një korrupsioni antishqiptar njëqind vjeçar.

Që të dyja këto kështu kanë qënë në mëse një shekull: errësimi i qëllimshëm i historisë së Shqipërisë; genocidi antishqiptar në territoret e pushtuara shqiptare në Serbi dhe në Greqi; por dhe shitja interesit kombëtar nga lidershipet e korruptuar shqiptarë – të gjitha këto, në njëqind vjet, kanë pasuar njëri-tjetrin, dhe kanë përshkuar historinë e Shqipërisë.

Në të vërtetë, ka ardhur bash koha e ndërtimit real të shtetit shqiptar, dhe shenjat u dhanë se politika amerikane duket se e ka vendosur që faktet e saj kundër eksponentëve shqiptarë të pushtetshëm, të lidhur me Moskën dhe Beogradin, t’i bëjë publikë. Dhe sigurisht që këtu patjetër se do të fillojë konkretisht denigrimi i aktit të turpshëm të korrupsionit të lartë shtetëror në Shqipëri.

Këta vjedhës ordinerë, pasi i grabitën shqiptarët në një shekull dhe u bashkuan me pushtuesit si të blerë, kanë ardhur tani dhe kërkojnë që të ndryshojnë fatin e Shqipërisë dhe shqiptarëve.
Por janë krejt të pazotë që të mundin politikën amerikane. Korrupsioni kryeministror sot, i lebetitur kërkon ndihmë te ata që kanë ushtruar genocid antishqiptat; por kanë marrë fund. Ky korrupsion tani është mundur përfindimisht në Tiranë.

Ristrukturimi i shtetit shqiptar, riorganizimi i strukturuar i shtetit të Kosovës deri në ushtrinë shqiptare; vendosja me strukturë moderne e drejtësisë në Shqipëri, dhe ringritja e shqiptarëve të Maqedonisë në shtetformimin e shtetit maqedon, përmban në vetvete hapin e parë të bashkimit shqiptar në Ballkanin Perëndimor.
Dhe ky proces, sigurisht që do të vijojë drejt shqiptarëve të Malit të Zi dhe shqiptarëve të Greqisë, por kuptohet se në këtë ndërkohë, gjithçka është përqëndruar te identifikimi dhe neutralizimin i ndërhyrjes ruse në Tiranë me anë të korrupsionit kryeministror shqiptar.

Në lidhje me këtë çështje, dje shefi i Shërbimit Informativ Shqiptar, ka dhënë në Parlament, me dyer të mbyllura, aspektet konkrete të ndërhyrjes së Rusisë në Shqipëri. Kjo tegon se që sot e më tej historia e shqiptarëve të Ballkanit do të ecë vetëm në këtë rrugë.

lll.
Në fakt sot në këtë zonë ballkanike janë dy shtete shqiptarë, Shqipëria dhe Kosova, por që të dy këta shtete shqiptarë nuk kanë ende strukturën reale të shtetit modern: nuk kanë drejtësi, nuk kanë administrim strikt logjor, dhe nuk kanë krijuar dot efiçencën kombëtare të tregut të lirë, sepse janë të pushtuar nga korrupsioni, klientela korruptive antikonkurencë në treg, dhe nga ndërhyrjet sërbe e ruse të pandëshkuara .

Por pardje, siç e shprehëm edhe më lart, filloi procesi i pastrimit edhe në Tiranë edhe në Kosovë. Tirana zyrtare dënoi dy diplomatë të nivelit të lartë të ambasadës ruse; kurse në Mitrovicë u arrestua Gjuriç, përfaqësuesi i qeverisë serbe për Kosovën.
Por është vetëm fillimi.
Pyetja është kjo: a do të arrestohen edhe të korruptuarit shqiptarë të lidhur me ta?
Sigurisht që po.
Por politika amerikane duhet të zbulojë faktet përpara opinionit publik shqiptar. Pasi shqiptarët të shohin faktet; gjithkush do të bindet që të paktën në 20 vjetët e fundit është qeverisur nga njërëz të rrugës që nuk kanë pasur asnjë lidhje me qeverisjen në dobi të shqiptarëve.

Gjestet e forcës së shqiptarëve në të dy shtetet shqiptarë të Ballkanit, që sigurisht se potencohen nga përkrahja amerikane, duhet të përbëjnë këtej e tutje substancën e zhvillimit sjqiptar; sidomos në ndihmë të rformës që ka nisur të strukturohet në Shqipëri dhe në Kosovë, e veçanërisht në Tiranë, sepse kryesore për të gjithë botën shqiptare në Ballkanin Perëndimor është reforma në Shqipëri.

Reformimi për strukturimin e drejtësisë dhe të shtetit shqiptar, është domosdoshmëri historike e zhvillimit real të shqiptarizmës në këtë botë ballkanike.
Dhe kjo do të kryhet sepse në këtë instalohen tre interesa të mëdha: interesi shqiptar, interesi amerikan dhe interesi gjerman.
Shqiptarët sot janë domosdoshmëri e politikës perëndimore në rrafsh global; dhe ky ishte fati i të gjithë shqiptarëve që tani kanë nisur fenomenin e tyre të ri që do t’i përcjellë nga mbijetesa në prosperitet.

Nga Spartak Ngjela

Në emisionin e sotëm “Studio e Hapur” të gazetares Eni Vasili në News24 u diskutua çështja e dosjes “Llalla” si dhe Vettingu.

Në lidhje me hetimin e ish-kryeprokurorit, gazetarja Klodiana Lala e ftuar në studio tha është zyrtare tashmë që prokurora e Durrësit ka nisur hetim ndaj Llallës.

Ajo u shpreh se është ndër të paktat raste kur prokuroria po vepron në fshehtësi totale.

Është zyrtare që prokuroria e Durrësit ka nisur hetim ndaj Llallës. Ky i fundit nuk ka statusin e të pandehurit, janë dyshime. Është ndër të paktat raste kur prokuroria po vepron në sekret të plotë hetimor. Hetimet 5 mujore janë kryer në diskrecion të plotë, sic e do ligji. Ka një rritje drastike të pasurisë së Llallës nga viti 2003 kur ka deklaruar pasurinë e deri tani. Ky hetim po kryhet nga Donika Prela, drejtuese e Prokurorisë së Durrësit. Nuk dihet a do kemi një hetim në gjendje të lirë, sekuestrim pasurie a ndonjë masë tjetër.

Dyshime për Llallën janë rritur edhe se bëhet fjalë për një ullishte të blerë 9 vite më parë nga ai për 22 mln lekë, dhe tani ka kërkuar ta shesë për 50 mijë euro. Duhet parë se si ndryshon çmimi nga koha e blerjes dhe ajo e shitjes.A rrezikon Llalla prangat?

Klodiana Lala:Të gjithë zyrtarët e lartë të dyshuar për korrupsion apo pastrim parash, gjykata ka operuar për masën e arrestit me burg. Nga praktika, prokuroritë kanë operuar me masë sigurie në mungesë për të mos i lënë mundësinë e daljes jashtë shtetit personit në fjalë. Nuk mund ta them definitivsht. Ai rrezikon deri në 7 vite për këtë vepër penale, por nëse faktohen akuza të tjera atëherë dënimi rritet

Mentor Nazarko: Ky është një proces me karakter afatgjatë. Janë kujdesur që ai që do jetë peshku më i madh të jetë aq i madh sa impakti jo vetëm mediatik të jetë i jashtëzakonshëm

Ervis Iljazaj:Këto veprime mund të jenë veprime të ligjshme, me transaksione të ligjshme, por ka rritje fiktive të pasurisë. Ka trefishime të çmimeve që e bëjnë prokurorinë të dyshojë. Kjo është hera e parë që një ish-kryeoprokur hetohet. Adriatik Llalla po hetohet se kemi hakmarrje nga drejtësia e re, se ai është cilësuar shpesh nga SHBA si simbol i kundërrezistencës së vettingut ? Ideja që kanë filluar me Llallën është simbol i hetimit për të gjithë? Jam me këtë të dytën më shumë. Ne do e hetojmë Llallën për atë që ka bërë. Por ai nuk ka pushtet, ne duhet të hetojmë edhe njerëz që janë në  pushtet, jo vetëm ata që nuk kanë më. Besoj se shumë shpejt jemi pranë një peshku të madh të arrestuar, nuk e di a do jetë Llalla apo jo.

Nazarko: Nëse do respektohet strikt norma proceduriale mund t ë ketë edhe një formë tjetër. Do kërkohet arrest me burg për ish-shefin e vet? Apo s’do shihet në një mënyrë kaq të ashpër.