Opinione

Por ti Lulzim duke mos e ditur mirë historikun e 26 majit 1996, duhej që më parë të kishe pyetur ustallarët e vjetër që kanë mbetur në atë parti, pastaj të kishe vendosur të ftoje në protestë të majtët.
Shkruan Artur Ajazi

Partia Demokratike e Lulzim Bashës, ka vendosur të protestojë “ashpër” në 26 maj, pikërisht në përvjetorin e 22 të maskaradës së votimeve, nga ku opozita e asaj kohe sot në pushtet, u dhunua, sepse u ngritën për votat e vjedhura, dhe u rrahën barbarisht drejtuesit e saj nga “skuadrat” e veshura me lara-lara të shtetit të asaj kohe.

Çuditërisht Lulzimi ndoshta edhe pa “dashje”, ka vendosur të përkujtojë një nga bëmat e padëgjuara të partisë tij, duke dalë në shesh në 26 maj, por kësaj here jo për votën e vjedhur, por për të rrëzuar qeverinë legjitime me dhunë.

Padyshim rikthimi në vendin e “krimit elektoral” mbetet tipar i atyre që dhunën e kanë si busull drejtimi edhe në politikë.

Por përse në 26 maj zoti Basha, përse vendose që pikërisht pak ditë para qershorit, kur vendi dhe shqiptarët, presin përgjigjen e madhe për hapjen zyrtare të negociatave, ti dhe shpura tënde e investigatorëve, vendosët të “pushtoni sheshet” duke u përpjekur edhe njëherë të mblidhnin rreth vehtes mijëra e mijëra vetë.

Madje ti si kryetar opozite, apo si kryetar PD, u bëre thirrje edhe socialistëve të mblidhen rreth protestës tënde të “fuqishme” për ti thënë ndal “dhunës, korrupsionit, trafiqeve, e oligarkisë”, etj, etj.

Duke mos e ditur mirë historinë e 26 majit 1996, ti nuk ke vendosur akoma edhe vendin ku do të mbahet protesta e fuqishme e opozitës së bashkuar.

Duke mbledhur “aleatët” e PD, të cilët nuk kanë as anëtarësi, as kryesi dhe as struktura partiake, pasi janë thjesht celula familjare, kujtove se do të impresionosh shqiptarët majtas dhe djathas, për të ardhur në “protestën e madhe” e cila edhe kësaj here do të jetë “si uragan”.

Por ti Lulzim duke mos e ditur mirë historikun e 26 majit 1996, duhej që më parë të kishe pyetur ustallarët e vjetër që kanë mbetur në atë parti, pastaj të kishe vendosur të ftoje në protestë të majtët.

Por duket se ata qëllimisht të kanë shtyrë edhe kësaj here në batak.

Për socialistët e thjeshtë, 26 maji 1996, është dita e zezë e vjedhjes së votave me dhunë në gjithë vendin, është dita e grabitjes së kutive të votimit nga skuadrat e veshura me uniforma të shtetit, që nuk ishin gjë tjetër veçse persona me precedent të theksuar kriminal.

Ata pikërisht në 26 maj 1996, u turrën në qendrat e votimit, blenë vota sa kishin mundësi, dhe atje ku nuk arritën, rrëmbyen kutitë e votimit nën presione dhe dhunë barbare mbi kundërshtarin politik.

Por sikur të mos mjaftonte kjo zoti kryetar, dhuna nuk kurseu as liderët e opozitës së asaj kohe, duke u përbaltur jo vetëm zgjedhjet e “lira dhe të drejta” por edhe Shqipëria e cila zinte vendin e parë në faqet e gazetave europiane.

Dhe pikërisht 26 maji i 1996, (si dhe barbaria e vazhduar në tetorin e atij viti edhe me zgjedhjet lokale, duke e nxjerrë fituese PD me mbi 99 per qind) u bënë shkak për përkeqësimin e situatës politike, dhe pas pak muajsh edhe shkatërrimin e shtetit nga themelet.

Ndoshta ustallarët e vjetër, të mbetur akoma në PD, nuk ta kanë sqaruar mirë 26 majin e 1996 zoti kryetar, pasi ti nuk do të kishe vendosur të thërrisje në “protestën madhështore” edhe demokratët edhe socialistët.

Por duke u ndalur tek demokratët, apo tek urdhëri që u ke dhënë kryetarëve në rrethe, mendoj se pikërisht “baza e partisë tuaj”, mbetet një problem madhor që keni.

E para , strukturat në rrethe nuk ekzistojnë, e dyta baza e PD në rrethe është aq e pakësuar, sa nuk mendohet më as për protesta lokale, dhe jo pastaj për protesta kombëtare.

E treta, një ndër arsyet përse janë larguar militantët nga PD, mbetet zhgënjimi që ata kanë marrë nga humbjet elektorale, dhe aleancat me parti si LSI, apo afrimi në parti i personave anonimë, që nuk janë as anëtarë të asaj partie, apo që janë mandatur si deputetë të listës tënde, pas pazareve apo qokave me afera biznesesh.

Zoti Basha, të ngresh popullin në një protestë madhështore, duhet të jesh i besueshëm, duhet të jesh fjalëmbajtur, duhet të jesh lider partie, duhet të jesh i drejtë, duhet të jesh i paakuzuar, e padyshim duhet të jesh politikan karizmatik.

Populli nuk të beson kur ti merr CD , video apo regjistrime në audio, nga persona që dikur kanë qenë pjesë e trafikut dhe janë dënuar me burg jashtë vendit, populli nuk të beson kur shpura juaj del në ekrane dhe bëhet gazi botës, duke u ngatërruar me deklarimet e veta, dhe duke mbrojtur “të penduarit” e trafikut në Vlorë.

Ke shumë punë zoti Basha, ke shumë gjëra për të zgjidhur brënda PD, para se të ftosh shqiptarët majtas dhe djathas të ngrihen në “protesta popullore”, aq më tepër në 26 maj. Më mirë të kishe gjetur një datë tjetër, diku nga korriku.

Dy Ballinjtë e PD, i ati “kurvëron” me PS, i biri është “zhdukur” qysh nga dita e publikimit të videos “Babale”

Shkruan: Memo Aliaj

Edhe brenda “kullës anti-komuniste” të Ballinjve, paska zhvillime këto ditë, kur ata duhej të ishin të parët në krye të betejës së Saliut e Lulit, për të bërë sa më të besueshme videon “Babale”.
E kemi fjalën për “antikomunistin e tërbuar” Fahri Balliu dhe për të birin e tij “kryedemokrat”, deputetin politolog Balliu-Klevis, që në këta rsst duhej të luftonte me vezë e me miell kundër ministrit të Brendshëm!

Nisur prej faktit, që babë e bir “marrin zjarr” e nuk pushojnë së sharri edhe kur Rama del me tuta sporti, “çudit” heshtja e tyre në këto ditë historike për PD, kur Saliu dhe Luli, nëpërmjet “çingijeve” Salianji e (S)alibeaj, kanë hedhur në qarkullim videon “Babale”, prodhuar nga studio “Jetmiri”, me adresë “SHQUP, zyra “Kunati”-Tiranë”, sponzorizuar nga Luli.

Ballinjtë nuk po ndihen fare këto ditë, kur e gjithë PD-ja e përforcuar edhe nga Ftaja i Gërdecit është mobilizuar, në luftën e drejtuar nga dhëndri i Xhafës, për të rrëzuar ministrin Xhafaj e më pas qeverinë “Rama”. Po hesht për këtë video “anti-drogë” Balliu plak, shef i gazetës me titull nenin “55” të ish-diktaturës, me të cilin përgjoheshin e çoheshin minimalisht 9 vite burg, të gjithë ata që spiunoheshin nga Saliu, Fahriu dhe babi i Lulit, ish-zyrtar i lartë i Ministrisë së Brendshme, me funksion drejtor i sigurisë i parkut të veturave të anëtarëve të Byrosë Politike të PPSH.

Mirëpo sipas një fotografie, Balliu plak nuk po qëndron indiferent, përkundrazi ka nisur sekserizmin me drejtuesit e lartë të PS, duke u takuar nëpër qytete. Mesnatën e 10 ditëëve më parë, Balliu plak ishte në Durrës me Vangjush Dakon, në një “darkë pune me dyer të mbylluara”. Pesë ditë më parë, thuhet se ka qenë në “drekë pune” në Vlorë me kryebashkiakun Dritan Leli dhe në kthim për në Tiranë, ka ndaluar për një “darkë pune” në Fier me kryebashkiakun Armando Subashi, shkuar atje, me “shkuesinë” e Gramoz Rucit.

Pak orë më parë, Balliu plak u forgrafua në një kafene në Korçë, me ish nr.2 të qeverisë “Rama-1” Niko Peleshi, tashmë ministër u ushqimeve, ku Fahriu “ngjyen gishtat” me ca pazare importesh shumice nga “Qafë-Thana” e “Kapshtica”, si sekser i firmave monopol. Në heshtje të plotë po qëndron edhe Balliu i ri, i cili në këtë aksion luftarak të PD, të koduar “Video-Babale”, politilogu ndërkombëtar Balliu-Klevis, nuk po shfaqet as në krahë të shef Lulit, as prapa menderes së Saliut dhe as në mes “çetës trime” të Salianjit!

Të gjtihë shprehin habi, lidhur me heshtjen e dy ballinjëve ndaj viedos “Babale”, për më tepër kur i “madhi” ka filluar të “puthet” me shefat e PS, ndërsa i “vogëli”, që kur është publikuar videoja, nuk po duket as në “shpellën” PD. Mirëpo nga “zyra agjenturore” e Mulit, thuhet se ballinjtë po luajnë diçka në “heshtje”, sepse Balliu plak nuk hesht e as nuk flet kot, përkundrazi di të luaj “poker” hipokrizie e dredhie, mbasi Fahriu qimen e ndërron, por zakonin s’e harron, aq sa për “1 paçe” ai lëpin çdo mendere qiftë edhe nëse i duhet ta bëjë këtë “akt burrërie” edhe nëse menderja është në momentin e jashtëqitjes!

Rama ka nje taktike bajate që e perdor sa here ështe në pozitë të vështire. Hap sherr me gazetaret dhe në çdo rast e bën qëllimisht.

Shkruan Klodian Tomorri
Keto tre ditet e fundit kane qene ndoshta ditet me te erreta per prespektiven europiane te Shqiperise. Kryeministri jo vetem qe u kthye me duar bosh nga Sofia, por atje mori dhe nje mesazh ogurzi; antaresimi i Shqiperise ne Bashkimin Europian tani nuk eshte me i sigurte.

Nuk behet me fjale per vonese apo zgjatje te procesit te antaresimit. Tani eshte vene ne dyshim, vete fakti nese Shqiperia do te jete ndonjehere antare e BE. Kjo s’ka ndodhur asnjehere me pare.

Samiti i Sofies ishte nje deshtim total. Sigurisht qe pergjegjesi kryesor ne kete ane eshte Edi Rama.

Flirti i qeverise me krimin, perzierja drejteperdrejte e ministrave dhe policise ne trafikun e droges, mungesa e vullnetit per te vendosur shtetin ligjor sigurisht qe do kishte fature edhe ne Bruksel. Te rende madje. Aq sa tani po duan te na e kthejne koken prape nga Lindja.

Por per hir te se vertetes, Rama nuk eshte pergjegjesi i vetem. Bashke me te jane dhe nje tufe hipokritesh, qe sot qeverisin neper Europe.

I pari eshte Emmanuel Macron. Presidenti i Frances eshte tipiku i politikanit hipokrit. Nje muaj me pare shkoi gjithe pompozitet ne senatin amerikan per te shpetuar boten nga rreziku Trump.

Me petkun e heroit foli atje se si proteksionizmi dhe politika e izolimit jane armiqte me te medhenj te botes se lire demokratike. Nje muaj muaj me vone, ky qe kritikoi politikat proteksioniste te Trump eshte bere perfaqesuesi kryesor i rrymes se proteksionizmit dhe mbylljes ne Europe.

Me nje hipokrizi tipike majtiste deklaroi se 15 vitet e fundit, politika e zgjerimit e ka dobesuar Europen. Dmth Europen sipas ketij e paska dobesuar Rumania, Bullgaria dhe Kroacia dhe sot rreziku me i madh i saj qenka Shqiperia.

Ky eshte presidenti francez, pasardhes i Zhak Shirakut dhe Fransua Miteranit.

Opozita ka planifikuar që të ngrihet në protestë në datën 26 maj nën kauzën e rrëzimit të ministrit të Brendshëm, Fatmir Xhafaj, pas lidhjeve që aludohet të ketë vëllai i tij me trafikun e drogës. Mirëpo në rast se kthehemi pas në kohë, plot 22 vite më parë data 26 maj e vitit 1996 do të hynte në histori si dita e zgjedhjeve më të këqija në historinë shqiptare. Kjo ishte ditë zgjedhjesh, por që degjeneroi në dhunë dhe u sulmuan fizikisht shumë qytetarë të thjeshtë, por edhe personalitete të njohur, si: Namik Dokle, Arta Dade, Servet Pëllumbi, etj.

Partia Demokratike u akuzua se në atë ditë dënoi me “vdekje” zgjedhjet e lira, ndërsa si për koiçidenca, opozita ka zgjedhur ta zhvillojë protestën e radhës pikërisht në këtë datë. Për të treguar nëse përzgjedhja e kësaj date është bërë me qëllim për të përkujtuar zgjedhjet e 1996 apo është thjeshtë e paplanifikuar, gazeta kontaktoi me zëvendësministrin e Mbrojtjes, Petro Koçi dhe me ish-kreun e Shërbimit Informativ Shtetëror, Fatos Klosi.

Të dy këta personazhe ndajnë mendime të ndryshme për këtë temë. Petro Koçi theksoi se organizimi i protestës së javës së ardhshme është bërë me paramendim. “PD do festojë përgjakjen e zgjedhjeve të 26 majit 1996. Në fakt ajo ditë ka qenë grusht shteti që zgjati efektin e vet vetëm një vit. Por Partia Demokratike nuk ngopet kurrë me bëma të tilla. Prandaj vijoi me 14 shtatorin 1998, me 21 janarin, etj”, deklaroi zëvendësministri i Mbrojtjes.

Ndërsa planin e opozitës për të protestuar të shtunën, ai e konsideroi si një përpjekje për të bllokuar hapjen e negociatave. “Është protestë kundër hapjes së negociatave. PD po kryen luftë pa kompromis kundër integrimit evropian. Gjithë inskenimet e PD janë pjesë e një konspiracioni kundër një interesi strategjik të Republikës së Shqipërisë. Kjo e fundit mund të theksohet. PD, në krye të një konspiracioni kundër hapjes së negociatave, një interesi strategjik themelor”, tha Petro Koçi.

Reagimi i Fatos Klosit

Krejt ndryshe nga Petro Koçi, mendon ish-kreu i SHISH, Fatos Klosi. I kontaktuar po ashtu ditën e djeshme nga gazeta, Klosi nuk e hodhi poshtë mundësinë që një gjë e tillë të jetë menduar nga opozitarët. Por nga ana tjetër, ai theksoi se edhe nëse ky organizim është i vërtetë nga Partia Demokratike, sërish është i pavlerë sepse populli nuk gënjehet më.

“Nuk besoj të jetë bërë me qëllim për 26 majin e 1996. Ata mund ta kenë menduar, por populli nuk e fërshëllen fare këtë gjë. Nuk ka ndonjë pasojë. E përsëris që dikush nga opozita mund ta ketë menduar sepse kanë qejf atë krisjen që ka ndodhur, por nuk besoj se popullit i bëjnë përshtypje këto gjëra. Në të gjitha këto mitingjet më shumë provohen aftësitë e këtyre që organizojnë sesa motivi për të cilin bëhet një gjë e tillë”, tha Klosi.

Më tej, ai komentoi edhe planin e opozitës për të protestuar kundër ministrit të Brendshëm, Fatmir Xhafaj. Sipas Klosit, kjo është një kauzë e dështuar dhe qesharake. “Të dalësh në protestë që ministri i Brendshëm të japë dorëheqjen sepse vëllai i vet qenka marrë shumë vite më parë me drogë, më duket e pakuptimtë. Kjo është luftë politike dhe ata do të bëjnë punën e tyre, por nuk më duket serioze me thënë të drejtën. Më duket një kauzë e padrejtë dhe fallso.

Nuk është kauzë lufte kjo që duhet të bëjë një opozitë. Opozita të paktën duhet të bëjë luftë për të treguar se unë jam më e zonja se partia që është në pushtet dhe unë i bëj gjërat më mirë, jo vëllai i këtij është kështu, ky tjetri ka këtë apo atë mik. Kauza e opozitës është qesharake”, u shpreh Fatos Klosi./ SOT