Opinione

Meta e Berisha të trembur nga burgu, dalin në ekran me urgjencë. Presidenti vetëm tregon se është jashtë qelisë, ish kryeministri kërcënon me plumb

Menjëherë pas konferencës së shtypit të ish ministrit të Brendshëm Saimir Tahiri, deklaratave të forta të tij, “minjtë” nisin të lëvizin. Ndoshta janë tronditur nga mesazhet e forta dhe të vërtetat që ka përcjellë Tahiri, në momentin kur dha dorëheqjen nga mandati i deputetit.

Nuk po hyjmë në detaje se çfarë tha ish ministri i Brendshëm në tërësi, por ajo që mund të nënvizojmë është fakti se Tahiri përmendi Berishën si vrasës nga i cili nuk mund të pranojë moral, dhe Metën e Monikën të cilët nuk ke nga t’i kapësh, aq shumë pis janë bërë.

Me sa duket kjo i ka trembur fort Berishën dhe Metën sa dolën në disa televizione periferike për të bërë “adetin” dhe për të qënë prezent në sytë e shqiptarëve se janë “gjallë” dhe jashtë qelisë.
Kështu, Presidenti Ilir Meta doli në ekran mbrëmë dhe nuk iu përgjigj asnjë pyetjeje të gazetarit, megjithëse ai ishte ithtar i tij. Akuzat e Tahirit, i kaloi me shprehjen e famshme se “kjo nuk është e rëndësishme”.

Po ashtu dhe për dorëheqjen nga mandati i deputetit të Tahirit dhe kalimin në dizpozicion të drejtësisë, Meta tha vetëm se nuk duhet të ushtrohet presion mbi drejtësinë. Asnjë vlerësim, as negativ dhe as pozitiv.

Njëherësh dhe për akuzën e fortë të “Mother Jones” ndaj Ilir Metës se ka lobuar në SHBA për një foto me presidentin amerikan Donald Trump me para të financuara nga rusët, Meta nuk dha asnjë përgjigje.

Madje tha se ndjehej i fyer vetëm nga pyetja, jo më të jepte një përgjigje të saktë, duke thënë se përgjigjen shterruese e ka dhënë kushuriri i tij drejtor i shtypit në LSI, Shaban Sulçe. Pra nuk tha asgjë.

Po ashtu dhe për raportin e “Freedon House” që shkruante se lufta kundër korrupsionit mori një goditje të fortë me zgjedhjen president të Ilir Metës nuk tha asgjë. As për deklaratën e Llallës se ambasadori Donald Lu i kishte kërkuar arrestimin e Ilir Metës, presidenti Ilir tha se ishte një çështje e sqaruar tashmë.

Pra në tërë intervistën në pikun e shikimeve në këtë ekran periferik televiziv, Ilir Meta nuk iu përgjigj asnjë pyetjeje, nuk tha asgjë.

Atëherë lind pyetja: Pse Ilir Meta doli mbrëmë në emisionin televiziv?!
E vërteta është se Ilir Meta doli para shqiptarëve për të thënë se ishte aty, nuk frikësohet nga sulmet që i vijnë nga deputetët apo dhe nga kreu i qeverisë. Pra doli për të treguar se është jashtë qelisë, madje për të treguar më tepër se nuk guxon njeri ta fusë në burg.

Në të njëjtën gjatësi vale ka qënë dhe ish kryeministri Sali Berisha, në daljen e tij televizive të paralajmëruar. Në ndryshim nga aleati i tij në krime, vjedhje dhe maskarallëqe, Ilir Meta që nuk tha asnjë gjë, Sali Berisha u hodh në sulm kundër të gjithëve.
Berisha akuzoi Edi Ramën, akuzoi Saimir Tahirin. Madje teksa përmendi plumbin në zarf, ndonëse ia adresoi ish ministrit të Brendshëm, në të vërtetë ishte një kërcënim neto i Berishës ndaj Ramës. Për t’i thënë se ai dhe familja e tij nuk preken nga drejtësia.
Pra Sali Berisha dhe Ilir Meta kanë një hall të fortë, kanë hall burgu që kanë dalë një natë më parë në ekranin e mediave njëri për të kërcënuar dhe tjetri për të mos thënë asgjë.

Të dy kanë hall burgu, pasi dosjet po u kopsiten një nga një nga organet ligjzbatuese shqiptare me ndihmën e partnerëve ndërkombëtarë SHBA dhe BE. Berisha e ka më të agravuar situatën ,ndaj është hedhur në sulm me kërcënime. Eshtë situatë e rëndë për ta.Pamfleti.com

Ambasadorja e BE-së në Tiranë Romana Vlahutin gjatë pjesëmarrjes së saj në forumin për sigurinë në qytetin e Lezhës tha se Shqipëria ndodhet në zemër të Evropës. Por gjatë bashkëbisedimit hoxha i xhamisë së Lezhës, Agim Terezi kërkon rikthimin e dënimit me vdekje. Gjatë takimit ku i pranishëm ishte edhe ministri Xhafaj dhe ambasadorja e BE Vlahutin, ai kërkoi që të rikthehet dënimi me vdekje.

Shqipëria është rast i veçantë dhe në Europë duhet të pranohet si një rast i veçantë se nëse rikthehet dënimi me vdekje do të zgjidhen shumë plagë sociale që kanë mbërthyer vendin.

Ne si komunitet mysliman do lobojmë në Parlament nëse jepet drita jeshile prej jush. Por ambasadorja e BE, Romana Vlahutin u shpreh se BE nuk e pranon dënimin me vdekje.

Dënimi me vdekje nuk pranohet nga Bashkimi Europian.

Shkruan Bedri Islami

Në mendimin tim ai bëri gjënë e duhur, megjithëse disi me vonesë. por, edhe tani, nuk është vonë për të patur një rrugë më të lirë hetimi dhe gjykimi, nëse ndodh kjo, për gjithçka që është dyshuar në jetën e tij si ministër i brendshëm.

Ka gjashtë muaj që çështja “Tahiri” është më e përfolura, më e ndjekura, më seriozja dhe prova e një ballafaqimi mes së vërtetës në jetën e dretësisë shqiptare dhe të rremes së deritashme.

Nuk e paragjykoj Saimir Tahirin. Nuk e di nëse është i fajshëm apo i pafajshëm. Në gjashtë muaj kundër tij është hedhur një mal me akuza të politikës së ditës, dhe nga ana tjetër është hedhur poshtë po ky mal, sa që secili e ka të vështirë të zbulojë se çfarë gjenet në të vërtetë në fillesën e kësaj rropullie.

Duke qenë ministri i punëve të Brendshme më jetëgjatë në detyrën e tij pas vitit 1990, ka qenë e natyrshme të ketë shumë mendime, pro e kundër tij, por në fund të fundit strukturat e drejtësisë, të monituruara nga ndërkombëtarët do e japin verdiktin e tyre.

Që kjo çështje nuk është jashtë vemendjes ndërkombëtare e bëri edhe më të qartë ambasadori amerikan, Donald Lu, në prononcimin e tij të fundit.

Për gjashtë muaj opozita kishte të njëjtin lejtmotiv: përse Tahiri nuk hoqi dorë nga imuniteti i tij, dhe përtej saj, përse shumica po e mbron me çdo kusht , përmes forcës së kartonit, imunitetin e deputetit Tahiri.

Sipas saj, pas këtij imuniteti fshiheshin raportet mes Ramës dhe Tahirit, mes këtij të fundit dhe shumicës dhe se, nëse ai do të ishte pa imunitet, gjithçka do të përmbysej, shumica qeveritare do të binte, shteti do të thërmohej etj.

Në të gjitha prononcimet, brenda e jashtë vendit, të opozitës dhe të një grupimi analistësh, shumë nga të cilët në të njëjtën linjë me opozitën, është vënë theksi pikërisht tek imuniteti i Tahirit, si garanti i tij për të mos qenë objekt i hetimit, gjykimit e dënimit.

Të gjithë drejtuesit e opozitës, një zëri ose në zëra të ndryshëm, çuditërisht opozitarët burra kishin zë femror, ndërsa opozitaret kishin zë burri, i thonin Tahirit : zbrit nga imuniteti. Shkonin dhe më tej, me të njëjtat zëra i thonin shefit të qeverisë: Zbrite nga pema e imunitetit, mos e mbro, sa kohë Tahiri është në imunitet, do të thotë se jeni një dyshe e pandarë, se jeni njëlloj, se duke mos hequr imunitetzin, mbron krimin etj.

Tani, Tahiri, vetë ai ose me shtytjen e dikujt tjetër, në këtë rast nuk është primare, zbriti nga pema e madhe e imunitetit, ku kanë hipur prej vitesh shumë të tjerë , si Mejdiu, Basha, Bumçi etj dhe nuk po zbresin.

Tani që ai zbriti, filloi pjesa e dytë e thirrjeve: Hip në imunitet. Ke zbritur se kjo është lojë, se po luan lojën e ramës, se pas tërheqjes tënde do të jesh në arrest shtëpie, se është marrëveshje e fshehtë, se ia kërkoi gjermani, se erdhën prova të reja dhe rama i ka premtuar që të ruajë veten.

Gjashtë muaj rrjesht imuniteti ishte patatja e nxehtë e opozitës.

Të jemi të qartë, edhe nëse kjo do i ndodhte opozitës kur ishte në pushtet, për shumicën e sotme në opozitë do të ishte po ashtu patate e nxehtë.

Por, në gjashtë muaj, opozita donte heqjen e imunitetit. ja, u hoq! Po tani?

Përsëri nuk është e një mendje. Për opozitën , sot, është më mirë që Tahiri të kishte imunitet, pra të hipe në pemën e madhe të mbrojtjes së imunitetit dhe prej sa të fërshëllente përmes gjetheve. Sepse, kur je pjesë e krimit, vetëm me gjethet e imunitetit mund të mbrohesh.

Mbrohesh, edhe pse ke qenë i akuzuar zyrtarisht për përvetsime qindra mlionësh, edhe pse je pjesë e një vrasje makabre si në Gërdec, mbrohesh edhe nëse vret në mesin e bulevardit…fshihesh edhe nëse paralajmëron se do e vrisje vetë shefin e opozitës dhe do i mbaje fjalimin më të fortë në botë, fshihesh edhe nëse biri yt dërgoi në pasjetë, përmes shpërthimeve 36 vetë, mes tyre edhe fëmijë.

Tahiri, vonë ose herët, e dha dorëheqjen e tij.

Opozitën , si ishte e pritshme, më shumë e tremb shembulli i tij, se nesër mund të ia kërkojnë edhe pjesëve të saj, ndaj i thotë se, kjo heqje imuniteti është lojë, hip përsëri në pemë dhe prej aty prit kur të të gjuajmë. Por, mos u ul, se, ku i dihet, nesër mund të na ulin edhe ne.

Histori shqiptare!