Opinione

Në gjendjen që është sot opozita, ka vrarë shpresën se pas një qeverie të keqe, opozita e tij mund të ndërtojë një qeveri të mirë!’
Shkruan Majlinda Bregu

E para: Çelja e negociatave të anëtarësimit me Shqipërinë e Maqedoninë është jetike për të mbajtur gjallë orientimin pro europian të vendeve të Ballkanit Perëndimor. Çdo mjegull ndaj kësaj qasje vetëm na bën më vulnerabël ndaj tentakulave të bashkëpunimit politik dhe ekonomik me palët e treta të interesuara për rajonin. Është e papranueshme që ky rajon të mbetet peng i politikave që e justifikojnë pazhvillimin vetëm me historine tonë të pafat, luftrat, konfliktet etnike apo ato të vetvrasjeve politike.

E dyta:Ballkani Perëndimor nuk ecën përpara dot pa prezencë, politika, standarte, investime nga Europa! Shqiptarët kudo qofshin, nuk kanë hajër nëse harrohen apo nuk llogariten në hartën e kontinentit Europian! Dhe kjo është me rrezik për kombin, jo për politikanët! Kjo ka qenë edhe fryma e thirrjeve që ka bërë sot, Komisioneri Hahn dhe Eurodeputet vendeve anëtare.

E treta: Dritëshkurtësia për ta parë vendimin e kësaj jave si sherbim për Edi Ramën apo denim për Lulzim Bashën,ose anasjelltas, është si t’ju thuash shqiptarëve se Europa që keni 30 vjet që e kërkoni, shqetësohet vetëm se mos nga vendimi i saj, i ngelet hatri ndonjërit prej këtyre çunave!

E katërta: Europa, prezente dhe jo e munguar, është e vetmja shpresë për të ushtruar presion ndaj qeverisë.

Në rastin tonë është jetike. Shqipëria sot nuk ka opozitë! Madje po e ripërsëris pa u shqetësuar ju pëlqen apo jo të punësuarve llapaqenë të Bashës: në gjendjen që është sot opozita, ka vrarë shpresën se pas një qeverie të keqe, opozita e tij mund të ndërtojë një qeveri të mirë!

Nuk ka rol opozita në plotësimin e detyrimeve, por ka përgjegjësinë të mos bëhet e pabesueshme.
Kushdo është i lirë të mos bjerë dakord me ketë. Por janë më të shumtë ata që e pranojnë edhe kur nuk kanë guxim ta thonë publikisht!

E pesta: Shqipëria nuk ka institucione të forta. Nuk ka ende drejtësi funksionale. Nuk shquhet për shoqëri civile të fuqishme. Nuk ka as media të pavarur, por ka gazetarë qe ju nepërkëmbet pavarësia. Çelja e negociatave është garanci dhe për pushtetet e pavarura për të mos u ndjerë të kërcënuar nga pesha e pushtetit.

E gjashta: kjo është çeshtje nevoje kombëtare dhe vendimarrje Europiane.Jo gjithmonë janë e njejta gjë! Jo të gjithë e kuptojnë se ngurtësia nuk e shpëton as e bën me të arrirë Europen!
Bën më të pamundur menaxhimin e situatave që dalin jashtë kontrollit.

Paska patur të drejtë Orwell kur thoshte:

“Është luftë e vazhdueshme për të parë se çfare ke para hundës tënde”

Nga Keanu Reeves*

“Unë nuk mund të jem pjesë e një bote ku burrat i veshin gratë e tyre si prostituta duke treguar çdo gjë që duhet të mbrohet. Ku nuk ka asnjë koncept nderi dhe dinjiteti dhe ku mund të mbështetesh te diksuh vetëm kur të thotë “të premtoj”.

Ku grate nuk duan femijë dhe burrat nuk duan një familje.

Kur pinjollët besojnë se janë të suksesshëm pas timonit të makinave të baballarëve të tyre, dhe ku një baba i cili ka pak pushtet përpiqet t’u vërtetojë ju se ju jeni askushi.

Ku njerëzit deklarojnë në mënyrë fase se besojnë në Perëndi me një gotë alkooli në dorë dhe mungesën e të kuptuarit e fesë së tyre.

Ku koncepti i xhelozisë konsiderohet i turpshëm dhe modestia është një disavantazh.

Ku njerëzit kanë harruar dashurinë, por thjesht janë në kërkim për partner të mirë.

Ku njerëzit riparojnë cdo zhurmë të makinës së tyre, duke mos kursyer para dhe kohë, ndërsa me vetën e tyre, ata duken aq të varfër sa vetëm një makinë e shtrenjtë mund të fshehë atë që janë.

Ku djemtë harxhojnë paratë e prindërve në klubet e natës, nën tinguj primitive dhe vajzat bien në dashuri me ta, për këtë.

Ku burrat dhe gratë nuk janë më të identifikueshëm dhe ku e gjithë kjo quhet liria e zgjedhjes, por për ata që zgjedhin një rrugë të ndryshme, quhen të vonuar ose të prapambetur.

Une e kam zgjedhur rrugen time, por është për të ardhur keq që unë nuk kam gjetur mirëkuptim mes njerëzve tek të cilët kam shpresuar se do të gjeja më shumëse askund…”

*Keanu Charles Reeves lindur më 2 Shtator, 1964 në Beirut, Lebanon. Reeves është një aktor kanadez. Ai ndoshta njihet me emrin Neo nga filmi The Matrix dhe gjithashtu për rolet e tij ne filmin Speed dhe komeditë Bill Ted’s Excellent Adventure. Gjithashtu është anëtar i grupit Dogstar, gjatë viteve 1990, si një basist.

Siç dihet tashmë historia që territoret shqiptare mbeten të copëtuara nga e famshmja “Konferenca e Ambasadarëve” ,ku për të rregulluar interesat e fuqive të madhe mëdha,do “sakrifikohej”  Shqipëria.

Një nga shkrimtarët  tonë Gjergj Fishta i cili ka dhënë  kontributet e tij gjatë historisë sonë kombëtare. Shkruante në atë kohë:

Uh! Evropë, ti kurva e motit!

Që i re  mohit, besës së Zotit!

Po, á ky asht sheji i qytetnisë?

Me da token e Shqypnisë,

Për me mbajt klyshtë e Rusisë?

Këto vargje të zemërimit dhe pesimizmit,Gjergj Fishta i kishte deklamuar si shqiptar, si pjesëtar i një kombi që po viktimizohej dhe po sakrifikohej për interesat e sllavëve dhe grekëve të Ballkanit. Evropa e asaj kohe përfillte interesat e veta, duke ia plotësuar Serbisë, “këlyshëve të Rusisë” të gjitha kërkesat, duke krijuar edhe një Republikë të vogël serbe në veri të Kosovës, me qëllim për ta mbajtur peng bashkimin e shqiptarëve.

Po sot ,mbas 100 vjet nga  Konferenca e Londrës, dhe 10 vjet  pas shpalljes së Pavarësisë së Kosovës, a mendojmë ende kështu?

Shumë gjëra dhe fakte historike kanë ndryshuar ndaj synimi si i Kosovës ashtu edhe i Shqipërisë është përfshirja në Europë. Dhe jo vetëm kaq por gjithashtu kërkojmë të na qeverisë dhe të vendosë rregull brenda territorit tonë. Sot “Europës” i besojmë verbërisht si populli ashtu edhe qeveritë  duke qenë falenderuese deri në përulje…

Por e meriton Europa përuljen?!

Nga Kleda Fishta

BOTËKUPTIM MBI ÇËSHTJEN PELLAZGJIKE

Aristotel Petro

Prej shumë kohesh teza e çështjes pellazgjike po diskutohet duke pranuar apo kundërshtuar shume teori, por…

Kush janë pellazgët?

Kur kane jetuar ata?

Ke kanë lëne trashëgimtare?

Këto janë disa nga pyetjet qe përbejnë një debat shume shekullor, debat te cilit ne këndvështrimin tim po mundohem ti jap një përgjigje personale logjike, them logjike sepse, edhe referencat me te vjetra te filozofëve te lashtësisë nuk i kalojnë të 2500 vjetet. Problemi sot nuk qëndron me pohimet e këtyre filozofeve e shkronjësve të historisë se vjetër se sa me deformimet që u janë bërë shkrimeve te tyre gjate këtyre dy mijëvjeçarëve te fundit.

Ndaj, çdo kush që është i pasionuar për temën e historisë antike të kontinentit Evropian e ndjen lehtësisht praninë e këtyre deformimeve dhe në mënyrë po kaq të natyrshme i shmang këto deformime që kane ndodhur gjatë kohërave. Sot nuk vihet me në dyshim që civilizimi Pellazg ka qenë civilizimi qe ka paraprirë krejt qytetërimin evropian e si rrjedhoje edhe atë botëror.

Por, a kane te drejte shtetasit e qytetërimit evropian te quhen pasardhës te pellazgeve? Une mendoj se si linje gjaku, përgjigja është… Po! Siç do të shohim më poshtë do ta kuptojmë që e gjithë Evropa është krijim i të njëjtës shoqëri apo civilizim, kështu që, Evropianet mund të kenë të drejtë në aspektin e linjës së gjakut, por, pellazgët kishin edhe një gjuhë e një kulturë, kujtimi i së cilës ka humbur ndër popujt e Evropës. Të vetmit që mbartin trashëgimin e gjuhës dhe kulturës pellazge janë vetëm shqiptaret, por…

Si arritëm deri këtu? Dikush mund të thotë se po bie ne kontradiktë por, le të analizojmë paksa zanafillën e krijimit të bashkësive e me pas të shteteve Evropiane (pa përjashtim). Të dhënat me të vjetra ne i kemi nga 24 këngët e Iliadës dhe nga udhëtimet e Odisesut të trashëguara nga Homeri.

Me përfundimin e Luftës se Trojës, Enea Dardani u shpërngul drejt gadishullit Italik ku u mirëprit nga Latini dhe ku u perzie me bashkësinë Etruske, bashkësia Etruske qe civilizimi I pare ne Evropën Perëndimore e cila pas mberitjes se Eneas mori nje hov e zhvillim te rendesishem , nga i cili me vone linden qytete e perandori mjaft të rëndësishme ajo u bë zanafilla e qytetërimit latin prej të cilit u krijua Roma. Me logjike nuk vihet ne dyshim se Romaket qene vazhduesit e qytetërimit Etrusk qytetërim i cili u shkri me banoret vendas të gadishullit Italik pas mbërritjes nga Troja ne ketë gadishull.

Perandorët qe fuqizuan Romen dhe krijuan me vone disa Roma të reja ne Evrope ngriheshin ne fuqi me logjiken e pretendimit të fisnikërisë se tyre dhe trashëgimisë të gjakut Trojan. Kështu ne lindje të Evropës u krijua Perandoria e Romes se re, Rumelia apo siç njihet Perandoria Bizantine. Në veri lindje të Evropës pas dobësimit të Perandorisë Bizantine u ngrit dinastia Romanov apo ne shqip Roma e Re e kështu me radhe. Ky qe një përshkrim i shkurtër i asaj çka njihet deri më sot vetëm për tre mije vitet e fundit. Ama… Pellazget nuk kane jetuar vetëm në një periudhe të caktuar të historisë, ata kane qene ekzistent mijëra vite me herët duke trashëguar civilizimin, dijen dhe fuqinë e hershme antike. Gjetjet e shumta ne Egjipt ne Bosnje e ne krejt Mesdheun nuk mund të anashkalohen pa një lidhje me njëra tjetrën.

Udhëheqësit e mbretërive apo të perandorive të kohëve antike kishin të njëjtat dije dhe të njëjtën trashëgimi e, edhe pse shpesh udhëhiqnin popuj të ndryshëm nën komandën e tyre.

Keshtu, faraonet ne EGJYPT nuk kishin të njëjtën linje gjaku me shumicën e popullsisë vendase. Shumëllojshmëria e racave të ndryshme jo vetëm ne EGJYPT por dhe ne vende të tjera të zhvilluara të asaj kohe, diku shumice diku pakice, udhëhiqej nga e njëjta linje gjaku e asaj Pellazge. Jeta është lëvizje dhe ndryshim i përhershëm. Ky postulat i më të diturve të këtij planeti është një fakt i vetëtuar qe herët.

Po kështu këto 2500 vitet e fundit një lëvizje e tille është e dukshme ne mbare planetin tone, në çdo luftë që behet djegia apo vjedhja e bibliotekave e arkivave është prioriteti i parë. Dija dhe evolucioni i kohërave ne ketë mënyrë ‘’humbasin’’ apo konservohen për një pakice qe mundohet të dominoje çdo gjë. Shpikja e religjioneve gjatë dy mijëvjeçarëve të fundit është një tjetër mision ne mbylljen e mendimit apo dijes njerëzore. Përndjekjet e ‘’heretikeve’’ nuk kane qene të pakta dhe të vetmin faj qe ata mbartnin ishte dija e tyre, gnosticizmi i tyre. Këto lëvizje e përndjekje kanë lënë një gjurmë jo të vogël edhe tek popujt ballkanik e me se shumti tek shqiptaret të cilët ne një farë me mënyre janë copëtuar ndër vete duke krijuar kështu nga ky copëtim Ballkanin dhe shume shtete të tjera ne Mesdhe.

Po simbolika a na tregon dicka? Cfarë mund të jetë simboli shqiponjës dhe i gjarprit ne antikitet? Simbolet e Pellazgeve janë Gjarpri dhe Shqiponja. Gjarpri është mishërim i njerëzve me prejardhje tokësore kurse shqiponja i atyre me prejardhje qiellore apo yjore. Nga kjo kuptojmë se mundësia e mbërritjes se pellazgeve ne tokë nga yjet apo planetët fqinje nuk është e pamundur dhe që, duke u kryqëzuar me vendasit kane krijuar një bërthame të re popullsie. Iliret njihen sot botërisht qe janë paraardhësit e Shqiptarëve, por… Nga vjen emërtimi Ilir? Me e kuptueshmja dhe e besueshmja nder studiues e albanologe, ky emër vjen nga emri Yll, Ili ose Eli qe sipas dialektit të atëhershëm apo, të shqipes se hershme,u krijuan emrat e yllenjve apo ilireve. Po ashtu edhe Elin apo Helen nen kupton po diellin apo nje yll ,pra kemi të bëjmë me të njëjtin grupim njerëzish qe dhe pse të ndare ne disa fise përbenin të njëjtin qytetërim arkaik. Iliret janë popull autoktone të cilët janë shkrire e kane jetuar ne të njëjtën kohe me pellazget. Kane pasur një afërsi shume të madhe mes tyre dhe një bashkëpunim sikur të ishin nje trup i vetëm dhe kishin një shtrirje prej Adriatikut e deri ne detin Mesdhe.

Pellazget kane populluar apo mbretëruar të gjithë mesdheun, lidhjet me të forta mes tyre ishin jo vetëm me Iliret por dhe me Trakët, Daket, Epirotët, Thesprotët etj.

Gjuha e folur por dhe e shkruar mendohet të ishte e njëjta dhe pse me disa dialekte të ndryshme. Kjo gjuhe sot si nje arkiv i gjallë trashëgohet vetëm nga Shqiptaret, gjuhet e tjera qe fliten ne krejt Evropën dhe pse ‘’gabimisht ‘’ quhen indoevropiane janë gjuhe qe kane evoluar nga Shqipja e hershme ose me baze rrënjën e kësaj gjuhe.