Opinione

Nga Mentor Kikia

Rasti i sulmit me armë në shtëpinë e prindërve të gazetares Klodiana Lala duhet të zbardhet me urgjencë. Sepse, ne duhet të dimë nëse ai sulm i adresohej asaj pesonalisht, për shkak të profesionit, pra për shkak të asaj që ajo ka shkruar apo ka folur?

Sepse, ne duhet të dimë nëse ka shkuar deri këtu reagimi i njerëzve të fortë, të politikës dhe krimit, që nuk lejojnë tu preket as imazhi publik? Apo për të mësuar që ka shkuar deri këtu kërcënimi ndaj punëtorëve të medias?

Sepse, nëse kjo është e vërtetë, atëherë jemi në një situatë të rëndë dhe alarmante dhe autorët duhet të dalin para drejtësisë në “mënyrë shembullore”, sa më shpejt.
Sespe, edhe nëse ai sulm ka arsye të tjera, duhet të zbardhet, sa më parë, për ti siguruar jetën atyre njerëzve që u paralajmëruan atë natë në mënyrë ”simbolike”, e për të davaritur panikun e krijuar mes tyre.

Ky nuk është rasti. Ngjarja ta do që sot të ngrejmë të gjithë zërin kundër asaj që ndodhi. Dhe unë e bashkoj të gjithë britmën time me ata që bërtasin për të siguruar lirinë e medias, lirinë e punës tonë për të informuar dhe denoncuar paudhësitë dhe maskarallëqet e pafundme në këtë vend. Ky pra, nuk është rasti, për të thënë gjëra të tjera, por unë mendoj se duhen thënë. Pikërisht në shërbim të asaj lirie që ne e kërkojmë me forcë, jo për vete, por si frymë dhe gjak për demokracionë tonë.

A e abuzojmë ne gazetarët lirinë tonë, apo, a abuzojmë ne me të tjerët, në emër të profesionit tonë? Të flasësh “qesim”, por guximshëm, nuk është gazetari investigative. Kjo dëmton imazhin tonë, profesionin e misionin tonë, dhe u shërben edhe më shumë atyre që duhen denoncuar, jo me fjalë të guximshme, por me fakte të forta. U shërben atyre që kërkojnë heshtjen tonë. U shërben, të na zhvlerësojnë dhe konsiderojnë si koshere që gumëzhin, pa pickuar.

Portalet e mediat online mbushen çdo ditë me lajme të tilla. Me saktë me shkrime ku nuk dallohet ku mbaron lajmi e ku fillon qëndrimi i autorit. Akoma më keq, çdo kush i jep të drejtë vetes të thotë çdo gjë, të sulmojë e shajë gjithkënd, dhe kjo në emër të gazetarisë, lirisë së medias. Padyshim, media duhet të jetë e lirë, pa asnjë kufizim. Por jo e lirë të llapë, të shajë e denigrojë, shpesh edhe njerëz krejt pa faj. Duhet të jetë e lirë të denoncojë, të informojë e investigojë.

Në emër të gazetarisë, edhe një syresh ndër ne, shkruan në median e tij dhe nëpër portale, duke sharë e shpifur ndaj një familjeje. Duke mos i lënë kusur, gruas e burrit, fëmijëve dhe farefisit, themeleve të shtëpisë dhe katundit të origjinës.

Duke i nxjerrë në pazar deri edhe dhëmbët e dhëmballët të mbushura e të pambushura, recetën e ilaçeve të stomakut, zemrës e qetësuesit e gjumit. Kjo shitet si denoncim i korrupsionit. Në fakt është një përndjekje kriminale që bëhet, sepse gruaja-drejtoreshë arsimi, nuk i futi në punë si mësuese bashkëshorten gazetarit. Dhe gazetarit mos ia kthe fjalën, se ai të bën gjëmën.

Dikush tjetër shkruan natë e ditë për dyqane e supermarkete që shesin ushqime të rrezikshme. Pa asnjë fakt, asnjë provë, pa asnjë emër artikulli.

Vetëm duke abuzuar me ndjeshmërinë e njerëzve për sigurinë ushqimore e vetëm për të vënë gjoba ndaj tregtarëve. Nëse këta soj gazetarësh i rrahin nesër në ndonjë qoshe, a duhet vallë të protestojmë për cënimin e lirisë së medias?

Respektimi i lirisë është padyshim i dyanshëm. Ne e kërkojmë lirinë, jo për veten tonë, por në emër të demokracisë, për të përmbushur një mision, që nuk është në shërbimin tonë, por në shërbim të demokracisë dhe shoqërisë. Të jesh gazetar nuk është një privilegj. Eshtë një detyrë, madje e vështirë, për ti shërbyer shoqërisë.

Kreu i PDK-së, Nard Ndoka, i ka bërë thirrje kryeministrit Edi Rama që të reagojë, pasi krimi ka pushtuar Shqipërinë.

Ndoka e ka cilësuar ngjarjen e sotme të Shkodrës, ku u ekzekutua biznesmeni 31 vjeçar, si rënie të shtetit.

Ja postimi i Ndokës:

Shko në Shkodër Z. Kryeministër! Zgjohu Zoti Kryeminister, Rendi dhe siguria nuk jane statistike numrash, por garanci dhe shpresë për të jetuar në këtë vend.

Zgjohu nga “gjumi”, çliroju nga demagogjia; qendro në krye të shtetit, qeveris dhe mos u tall me popullin tënd, që të vetmen shpresë ka shtetin që ta mbrojë.

Ku është shteti, ku është rendi e siguria, ku është përgjegjësia e juaj si KM?

Katër vrasje me pesë viktima në Shkodër, dy persona të zhdukur, tre automjete të djegura; ende asnjë autor i dyshuar, asnjë piste hetimi, asnjë motiv, asnjë përpjekje institucionale, asnjë shpresë për familjet shkodrane.

Sa tmerr, sa turp, sa mungesë përgjegjësie e profesionalizmi, sa frikë për sot e për nesër. Kryeministri na thotë; se po mos të kishte ndodhur ngjarja kriminale në Selenicë, do ishim më mirë se vjet!

Sa ftohtë llogjikon, sa frikshëm, sa pa përgjegjësi; krimi nuk është statistike, por jetë njeriu Z.Kryeminister.

Leri të tjerët të merren me shifrat, por merru me fenomenin kriminal në rritje, që po zhduk shpresën në këtë vend.

Shpalli luftë krimit dhe kriminelëve, atyre të rrugës dhe atyre qe i ke në parti e Kuvend, që ti ka sjell krimi aty, për të mbrojtur vetën me “avokatët e djallit” me mandat politik.

Zgjohu Zoti Kryeminister, filloje luftën me vetën dhe të tuat si fillim, me të tjerët të merret drejtësia, por pa avokatët e djallit nëp?r këmbë, të mandatuar nga vota e krimit.

Qytetaria shkodrane vërtet nuk të don, por ky dënim është i rëndë për ta, këtë nuk do ta falin kurrë!

Kuptoje këtë situate, po ta them si mik, si deputet i zgjedhur në Shkodër pesë herë, e njoh atë qytet, më ka mandatuar ti përfaqesoj.

Por të njoh edhe ty si njeri, si Kryeminister, ndaj gjej forcë dhe kurajo; shko në Shkodër, çliroje Drejtorinë e Policisë nga interferimi i krimit dhe drejtimi i përfaqësuesve të tu politikë.

Kaq e thjeshtë është zgjidhja; por në keto kushte, sot e ke vetëm ti në dorë ta zgjidhësh, për fatin tonë të keq! Shko në Shkodër Z.Kryeministër!

Ish-kryetarja e Kuvendit dhe deputetja e PD-së Jozefina Topalli përmes një postimi në rrjetet sociale ka reaguar lidhur me ngjarjen e rëndë të ndodhur ditën e sotme në Shkodër ku biznesmeni Arjan Ferracaku u gjend i vdekur në zonën e Livadhës pasi ishte qëlluar me kallashnikov.

Jozefina Topalli thotë se Shkodra sot është nën pushtetin e krimit dhe se askush nuk i del zot.

“Kaq shume te vrare . Kaq egersisht te vrare…Keshtu nuk ka ndodhur kurre ne qytetin tim.
Shkodra sot eshte e braktisur nga te gjithe”, shkruan Topalli.

Postimi i plotë:

Qyteti im eshte nen pushtetin e krimit.. dhe askush nuk i del zot!

Nje tjeter i ri, nje djale 31 vjeç, baba i dy femijeve eshte gjetur i vrare ne qytetin tim, njoftojne mediat .Ajo qe po ndodh ne qytetin e Shkodres eshte e frikshme.

Kaq shume te vrare . Kaq egersisht te vrare…Keshtu nuk ka ndodhur kurre ne qytetin tim. Shkodra sot eshte e braktisur nga te gjithe. Qytetaret e saj jane ne meshire te krimit.

Sikur te mos i mjaftoje mjerimi e papunesia e tmerrshme, aty asgje nuk eshte me si me pare. Shkodranet jane braktisur…. nga te gjithe nga te gjithe…

Qyteti im , qyteti muzikes, i gazit e fjales se embel, i gezimit te jetes, sot eshte nen terrorin e plumbave te krimit …dhe eshte vetem! Vetem.

Nga Kreshnik Osmani

Numri i shqiptareve qe i takon dhe te thone cdo dite se ky vend eshte plotesisht e pamundur qe te behet eshte duke u rritur me ritme te frikshme dhe une jam i prirur te mos besoj se kjo gje ndodh rastesisht, por eshte super e studjuar dhe e investuar. Pyetja qe lind natyrshem ne raste si keto eshte: “A eshte mundur qe te tejkalohet psikologjia e humbjes, e deshtimit dhe e inferioritetit?!” A eshte e mundur qe te shpetojme prej nje virusi kaq te rrezikshem apo eshte pa sherim?! Teksa mendoja lidhur me kete me erdhi ne ndihme historia e nje fshatari me gomarin e tij te dashur.

Nje dite fshatari donte te lidhte gomarin ne mbremje por nuk kishte asnje cope litar per ta bere kete. Shkon tek komshiu per t’i kerkuar ndihme. Komshiu i thote: “As une nuk kam litar, por e kam nje zgjidhje per hallin tend. Afroju gomarit dhe improvizo levizjet sikur je duke e lidhur dhe shko e fli rehat”. Ashtu beri fshatari. Iu afrua gomarit dhe beri sikur po e lidhte dhe gomari nuk luajti gjithe naten nga vendi. Te nesermen fshatari shkoi per ta marre gomarin qe ta nxirrte ne fushe, por gomari nuk luante vendit. As me te mire as me te keq. Fshatari i gjendur ne veshtiresi shkon serish dhe kerkon ndihme tek komshiu i tij duke i treguar se gomari nuk luante vendit.

Komshiu i tha: “Gomari nuk luan vendit sepse ai eshte fiksuar qe ti e ke lidhur dhe nuk ka per te levizur nga vendi, nese nuk e zgjidh. Shko tek gomari, bej sikur po e zgjidh dhe ai do te levize”.
Po aty nuk ka asnje litar tha fshatari.
Keshtu mendon ti i tha komshiu, por gomarit i eshte fiksuar se eshte i lidhur. Ashtu beri fshatari, beri sikur e zgjidhi dhe gomari nuk beri fare rezistence. Doli ne are per bukuri per te bere detyrat e tij te zakonshme.
Mos te guxoje askush qe te qeshe me gomarin. Pjesa me e madhe e njerezve, jane te kapur prej nje litari te holle dhe te padukshem te cilin ua ka lidhur paria mafioze ne qafe. Kete litar njerezit nuk e shohin, dhe eshte pikerisht ai litar qe i mban peng dhe te lidhur si sklleverit pas padroneve te tyre. Ky eshte litari qe i mban peng te ndryshojne jetet e tyre dhe t’i shpetojne skllaverise. Keshtu pra, sa shume njerez te mencur dhe te fuqishem, perjetojne iluzionin se jane te pafuqishem. Sa shume njerez te mencur dhe shume te zgjuar mendojne se jane gomere nga trute. Sa njerez te forte dhe plot me energji mendojne se jane plotesisht te pafuqishem.

Te gjithe popujt e botes, te cilet e trashegojne brez pas brezi psikologjine e humbjes, te injorances, te prapambetjes, te dobesise, te frikes dhe te pafuqise, do te mbeten skellever te kastave mafioze te cilat ei sundojne, deri sa te zgjidhin ate litarin e holle te cilin ata ua kane lidhur ne fyt, me shume dredhi, hile e marifet!

Ish-kryeministri Sali Berisha ka publikuar një denoncim nga një mësues nga Vlora, i cili shpreh shqetësimin e tij, pasi 7 shkolla të ciklit 9-vjeçar në Vlorë janë lajmëruar që do të mbyllen.

Teksa poston në rrjetin social “Facebook” mesazhin e mësuesit, Berisha ngre shqetësimin për nxënësit që tashmë do të duhet të shkojnë më larg për të mësuar.

POSTIMI I PLOTE
Miremengjes Kallam Deshtakut nga qindra nxenes qe mbeten pa shkolla ne Vlore!
Lexoni mesazhin e mesuesit dixhital. sb

Mbyllen 7 shkolla ne Vlore!

“Mirmbrëma z. Berisha.
Dje rreth orës 13 DAR Vlorë me anë të 1 mbledhjeje të papritur na ka komunikuar mbylljen e 7 shkollave të ciklit 9-vjeçar të cilat ishin me klasa kolektive. Pothuajse të gjithë prindërit e fëmijve që po u mbyllen shkollat nuk kanë ndërmend që ti çojnë më në shkollat-qendër fëmijët pasi janë larg. Disa prej shkollave janë: Dukat i Vjetër, Tragjas, Radhimë, Sherishtë, Mekat, Kërkovë. Do mundohem sot tju nis dhe vendimin të shoqëruar me listat e mësuesve që hidhen në rrugë që janë më shumë se 40 mësues. Pa asnjë vendim të ministrisë dhe pa asnjë lloj strategjie konkrete se ku dhe si do venë këta nxënës në shkollë.
Ju lutem bëje publike dhe përplasjau surratit analfabetizmin që po promovojnë. Faleminderit.
Anonim për momentin.”

‘Nuk mund të them se jam i entuziazmuar që sot kemi të paktën një anëtar të Komisionit të Vettingut të lidhur me botën e krimit dhe me zyrtarët më të lartë të Edi Ramës’.

Kjo deklaratë e kaluar pa rënë shumë në sy e liderit të opozitës, Lulzim Basha, mund të jetë pikënisja e një dyshimi të madh për procesin e vettingut. Imagjinoni sesi një komisioner i zgjedhur për të pastruar drejtësinë e korruptuar dhe të inkriminuar, vetë rezulton i lidhur me krimin.

Duke qenë se këtë e thotë shefi I opozitës, është një lajm që duhet të shqetësojë idhtarët e drejtësisë së re.

Pyetja që shtrohet pas kësaj deklarate është se: kush është ky komisioner apo komisionere që merr vendime kaq të rëndësishme mbuluar me hijet e inkriminimit.

Nëse kjo provohet si e vërtetë, atëherë pikëpyetje të mëdha bien mbi Vettingun, pasi të paktën vendimet e marra një nga komisioner apo komisionere e inkrimunuar do të rrëzoheshin.

Deklarata e kryetarit të PD, thënë tërthorazi në konferencën për shtyp, të parën për sezonin e ri, është padyshim një sinjal I fortë se sita e përzgjedhjes së komisionerëve të KPK-së, ka shumë rrjedhje që mund të jenë fatale për një proces kaq madhor sa ç’është pastrimi i drejtësisë nga korrupsioni dhe inkriminimi./korrieri