Opinione

Analisti Fatos Lubonja duke folur në News 24 tha se “kjo qeveri ndalet vetëm me radikalizëm, kur vjen puna për çështje si ajo e Teatrit”. Me kapjen e institucioneve nga bandat, Lubonja thotë se veprimet radikale si varianti “Kukësi” janë e vetmja zgjidhje kundrejt vendimeve të Ramës.

“Hipoteza më optimiste do të ishte që Ruçi, ka kuptuar që Rilindasit kanë shkuar shumë larg në paturpësinë për të shkelur ligjet, që dëmton kështu të gjithë mazhorancën dhe kërkon me aq sa ka në fuqi, të frenojë.

Por nga ana tjetër mund të shohim demagogjinë e zakonshme kur qeveria bën thirrje për dialog, duke i thënë opozitës se je e mirëpritur. Janë dy versione. I dyti është më i besueshëm se i pari.

Kemi shumë çështje me rëndësi, por mos harrojmë krimin e përhapur në të gjithë vendin,” tha Lubonja.

Më tej shton: “Kjo mazhorancë me një kryeministër si Edi Rama ka treguar se nuk gjen rrugë tjetër për të ndryshuar mendim, përveç presionet si varianti “Kukësi” apo presion i fortë nga ndërkombëtarët. Tani ka kapur institucionet, ka dhe bandat mbrapa. Problemi është sa i ka opozita këto deklarata serioze. Duhet aksion radikal nga opozita”.

“Legjitimitetin opozita e fiton nga zullumet e qeverisë. Është problem i madh se vendi nuk nxjerr forca të shëndosha

LSI flet për zgjerim të frontit opozitar, kalim edhe të socialistëve të pakënaqur. Nuk ka ndodhur gjë deri më sot. Kryemadhi aludoi për kaos brenda e jashtë parlamentit.

Mekanizmi është ta lësh mazhorancën në minorancë, t’i marrësh deputetët me mendim ndryshe. Dihet që po vazhdoi kjo rrugë, do vijë një moment që kriza e madhe të bëjë që t’i lihet faji të mëdhenjve dhe ata t’i largohen trenit të Ramës.

Ka një pakënaqësi në rritje ndaj kësaj qeverie. Njerëzve po u përkeqësohet cilësia e jetës. Edhe pse Veliaj po bën ca rrugë për biçikletat, po një miku im holandez tha një tmerr, një kaos i paparë”, u shpreh analisti dhe publicisti i njohur.

Në ditët e fundgushtit Presidenti Meta u pa në Valbonë e Jezerce duke”provuar”Xhomolungën e Alpeve. Më shumë se një udhetim turistik ai ishte nje proklamim mesazhesh të hapura e ta koduara kundrejt Edi Ramës, e pse jo dhe Lulzim Bashës. E veçanta e udhëtimit është se ai shoqërohej nga nipi i Sali Berishës, Haxhi Bardhi i njohur si pronari i Tragetit të Tropojes dhe i Hotel Ressort “Iliria” në rrugën e Elbasanit, Tiranë.

Një tjetër personazh që shoqëronte Metën ishte milioneri kosovar Ekrem Lluka. Lluka është pronar i birrës Peja si dhe nëe sere hotelesh e kompanish sigurimi. Po ashtu ai është pronar i radio-televizionit “Dukagjini”i cili pak ditë më parë i dha mundësinë Sali Berishës të sulmonte Presidentin e Kosoves Hashim Thaçi. Lluka ishte njeri i dyshuar në Kosovë për trafikim armësh dhe cigaresh me Serbinë gjatë luftës, por u mor në mbrojtje nga Ramush Haradinaj, sipas të dhënave, në këmbim të një gjobë super të rëndë.

Bardhi dhe Lluka janë dhe pronarët e disa koncensioneve hidrocentralesh mbi Lumin Shalë dhe Cem në zonën alpine të Shkodrës të firmosuara nga qeveria e ish-kryeministrit Sali Berisha.

Imami i njohur, Elvis Naçi, përmes një ligjërate të mbajtur së fundmi dhe të bërë publik në faqen e tij të Facebook-ut, ka befasuar me fjalët e tij.

Ai ka folur për “veprat që na japin lirinë e vërtetë dhe jo lirinë e shkatërrimit dhe të mashtrimit”, ku ndër tjera është shprehur se femrat i çojnë meshkujt drejt vjedhjeve dhe mashtrimeve, pasi ato duan para dhe makina të shtrenjta e kështu i detyrojnë ata të kryejnë të tilla vepra.

Deputetja demokrate Jorida Tabaku ka reaguar pas deklaratave të bëra sot nga Ministri i Financave dhe Ekonomisë Arben Ahmetaj mbi situatën në vend.

Në një status në “Facebook”, Tabaku nxjerr fakte që sipas saj tregojnë se ekonomia është përkeqësuar, mungojnë investimet e huaja dhe borxhi është rritur. Tabaku llogarit se 60 % e investimeve të huaja, është nga TAP, investim i trashëguar nga PD.

Deputetja e PD tregoi të dhënat zyrtare për rënien e ekonomisë. Sipas saj nga janari në gusht janë mbyllur 9260 biznese ose 33 biznese në ditë. Tabaku thotë se qeveria po e rishikon buxhetin, sepse mungojnë 86 milionë dollarë, ndërsa borxhi publik është rritur ndjeshëm.

Sipas saj, duke llogaritur edhe PPP, borxhi është 83% apo 20% më i lartë sesa kur PS mori qeverinë.

STATUSI I TABAKUT
Nuk shpëtohet ekonomia duke shpresuar në kopje, zoti Ministër!
Ministri Ahmetaj nga rehatia e kolltukut të parlamentit foli sot i shkujdesur për Aktin Normativ dhe arritjet e qeverisë me pushime. Ndër arritjet që ai theksoi me tonin grotesk që shoqëron zakonisht raportimet aspak serioze të ministrisë që përfaqëson, vërehej dhe krenaria e tij për rritjen e disa zërave specifikë. Ndërsa në një miks reagimesh dhe frustimesh për akuzat e vërteta të opozitës u përpoq të justifikohej.
Një nga pikat që ai theksoi më fort në ligjërimin e tij grotesk ishin Investimet e huaja. Pretendimi ishte që investimet e huaja po njohin një rekord mbresëlënës, 210 milion euro pretendon ministri Ahmetaj se kanë sjellë të huajt në Shqipëri gjatë tremujorit të dytë 2018. Po ta vendosësh ministrin përballë ministrit Ahmetaj të katër muajve më parë do të shohësh të njëjtën eufori për investimet e huaja, të njëjtin entuziazëm për një shifër tjetër. Ky lloj entuziazmi i ngjan atij të një nxënësi të dobët që ka përfituar nga kopja tek një student i mirë dhe ia ka arritur të marrë një notë të mirë jo nga zotësia e tij apo mësimi por nga kopja që ka mundur të marrë për katër vjet e disa muaj. Provojeni largojeni nxënësin e mirë nga banka përpara ministrit dhe shiheni se sa i zoti do të jetë ministri orator dhe entuziast me arritjet e kopjes.

Tani, Banka e Shqipërisë raporton sistematikisht se mbi 60% e Investimeve të huaja, pra vlerës 210 milionë euro që pretendon ministri, është produkt i TAP. Siç i madh dhe i vogël e di tanimë, TAP është një projekt i sjellë në Shqipëri nga qeverisja e PD, një projekt tejet serioz që i ka dhënë hov ekonomisë dhe investimeve në një kohë krize dhe euforie false. Por kjo nuk e pengon ministrin që të gëzohet si një fëmijë edhe kur Komisioni Europian nënvizonte jo më larg se një muaj më parë se “Shqipëria rrezikon që nga njëri vit në tjetrin të përballet me sfidën e zvogëlimit të investimeve të huaja direkte në kushtet kur dy projektet e mëdha të energjisë(TAP dhe Devolli) po kompletohen dhe kur investimet e tjera kanë në bazë burimet natyrore apo janë të patregtueshme.”

Ndryshe nga ministri dhe institucioni që ai përfaqëson, Komisioni Europian ka marrë nën vëzhgim të gjithë programin ekonomik të qeverisë (njësoj si opozita) dhe ka arritur në të njëjtin përfundim si ne si opozitë. Shqipëria rrezikon të përthahet si pasojë e mungesës së projekteve. Udhëtimet em charter sa nga Turqia në vendet ekzotike duket se nuk e kanë ndihmuar as ministrin dhe as qeverinë shqiptare që të sjellin një projekt serioz investimi.

E vetmja arritje personale e ministrit dhe qeverisë lidhet me rënien e kredisë për biznese por rritjen e lejeve të ndërtimit. Shqipëria, në të vërtetë, është vendi I vetëm në botë ku biznesi zhvillohet edhe kur kredia është me rritje negative në lidhje me biznesin. Kjo vjen si pasojë e aftësive të qeverisë për të integruar pastrimin e parave në biznes, për të prodhuar kështu një piramidë që mund t’i zërë nga dita në ditë shqiptarët poshtë. Por, njësoj si me krenarinë e një studenti që ka kopjuar dhe kalon klasën me të, është edhe krenaria e një ministri që rreh gjoksin për mbivlerësimin fallco të lekut. Një mbivlerësim që nuk i shërben askujt, pasi sot leku është në zhdukje, në sensin që shqiptarët konsumojnë më pak. Prova më e qartë për këtë janë bizneset, nga Janari 2018 në gusht 2018 janë mbyllur 9260 biznese, kjo do të thotë se 33 biznese në ditë janë mbyllur nga fillimi vitit deri më sot.

Disa biznese i vendosin fajin konsumit të ulët, të tjerë taksave të qeverisë (përfshirë dhe TVSH-në). Por, edhe këtu ministri duhet mirëkuptuar. Kur ai flet për rritje të konsumit e ka fjalën për rritje të konsumit në sportelet e marketeve të oligarkëve avokat i të cilëve ai është shndërruar. Në këtë aspekt tani për tani ministri ka të drejtë, konsumi tek oligarkët është rritur sikundër edhe mirëqenia e tyre. Çështja është që Shqipëria banohet nga shqiptarët dhe jo nga oligarkët të cilëve ministri i bën yzmetin e përvtishëm në paketat fiskale dhe matrapazllëqet e taksave.

Arsyeja përse qeveria po risheh buxhetin lidhet ngushtë me mosrealizimet e taksave, kjo në fakt ka qenë arsyeja e vërtetë e saj nga 2014 e këndej. Të dhënat e 7 mujorit për të ardhurat referojnë një mosrealizim prej 86 milionë USD, imagjinoni më së paku se sa do rriteshin pensionet realisht për gjithë vitin nga qeveria nëse do të kishim më shumë eficencë?

Artur Zheji thotë se opozita ka fituar pikët e para me sfidën që i bëri qeverisë nga Shkodra, ku foli me emra dhe mbiemra të kriminelëve që janë miqtë e famshëm të mazhorancës së drejtuar nga Edi Rama.

Në shkrimin e publikuar në ‘360gradë’, analisti shprehet se kryeministri Rama është në mungesë të rezultateve në investime të rëndësishme, ndërkohë që njerëzit në Shqipëri po vriten si miza.

“KM-ja, nuk e fsheh ankthin dhe shqetësimin, po i ka mbetur në dorë vetëm të vrasë mizat e kufomave të krimit dhe të na rrëfejë kapsllëkun e vet, duke mbllaçitur fraza pa shprehje për librat e fillores, sikur të kish çliruar për së dyti Shqipërinë…”, shkruan ndër të tjera Zheji.

Reagimi i Artur Zhejit:

Sot (dje) Kuvendi ishte i shkretë, ndërsa Opozita e sfidonte nga Shkodra, me emra dhe mbiemra kriminelësh dhe keqbërësish që janë miqtë e famshëm të Shumicës së sotme parlamentare dhe qeverisëse.

Shumica sot përfaqësohej nga Gramozi dhe nga Taulanti, që fliste kundër krimit dhe trafikut, duke qënë ende në të freskët të asaj që i ndodhi në Greqi, ca ditë më parë…

Ndërkohë që KM-ja, në një mbledhje të trishtuar sa më ska, u fliste mësuesve të sjellur aty me pahir a me të ndjellur, për suksesin e madh të librave shkollorë që paska shpërndarë falas këtë vit, që Qeveria e tij shpëtimtare.

Pastaj Km-ja, mbllaçiti ca fjalë të rrëmujshme që tekstet e librave shkollorë, janë këtë viti më të mirë dhe më të saktë se kishin qenë më parë skandalozë…

Ka 5 vjet KM-ja që mbarështron Ministrinë e Arësimit, kujt i hakërrehet që nuk e bëri vetë më parë?

Në kapsllëk të rezultateve, e mbllaçiti edhe Taulanti këtë të librave shkollorë, ndërsa KM-ja, e bëri dy herë të njëjtën mbllaçitje, ndërkohë që njerëzit po vriten si mizat me plumb të nxehtë, pa folur për aksidentet, pa folur për rrugët e munguara, pa folur që nuk ka një nënkalim në hyrje të Tiranës, apo asnjë kilometër hekurudhë dhe asnjë investim për të qenë.

Dhe lista e mosbërjeve është shumë e gjatë, ndërsa mospërmbajtja e krimit të organizuar, në ndëshkime dhe larje hesapesh, është shpërthyese dhe terrorizuese, nga Shkodra deri në Vlorë.

Si vazhdon më tej kjo punë, as vetë KM-ja nuk e di ta shthurrë, lojën e rrezikshme me njerëz të rrezikshëm dhe të papërgjegjshëm, që ka vetëthurur. Me iluzionin se mund të zbusë edhe ujqit, që ata të hanë edhe nga dora e tij, i ka mësuar ata të harbohen sit ë plotëfuqishëm.

Por ujku nuk ngopet me gjak, barinjtë rrëfenjë se kur ujku, bandit apo oligark qoftë, kur ujku pra, bie në kopenë e dhënve dhe e zë gjaku, mbyt 100 kokë dhe merr me vete vetëm 1.

Se po të përllogarisësh pasurinë e ujqërve tanë, banditë apo oligarkë qofshin, kanë sot aq para e prona, sa të hanë e të plasin së ngrëni, e të jetojnë në lluks, për dhjetë breza, por përsëri etja e parasë, si etja e gjakut për vampirët u zhurit ende shpirtin.

KM-ja, nuk e fsheh ankthin dhe shqetësimin, po i ka mbetur në dorë vetëm të vrasë mizat e kufomave të krimit dhe të na rrëfejë kapsllëkun e vet, duke mbllaçitur fraza pa shprehje për librat e fillores, sikur të kish çliruar për së dyti Shqipërinë…

Ish-kryeministri Sali Berisha ka publikuar mesazhin e qytetarit dixhital, ku ky i fundit denoncon një ‘aferë’ ku implikohet presidenti i ekipit të Kukësit, Safet Gjici.

Berisha shkruan se si një i përjashtuar dy herë nga radhët e policisë gjatë qeverisjes së PS, pagoi Gjicin për t’u rikthyer në detyrë. Ndërkohë, denoncuesi pohon se bëhet fjalë për shtetasin Ylber Duraku, i cili është emëruar sipas tij në drejtorinë e Burgjeve, si oficer me gradë të lartë.

DENONCIMI TEK BERISHA

Ndeshkimet si dekorata per narkoqeverine! I perjashtuari nga dy qeveri socialiste nga policia, paguan Gjicin dhe rikthehet nga Narkoqeveria! Lexoni mesazhin e qytetarit dixhital. sb

“Pershendetje Doktor.ja cfar po ndodh sot ne drejtorin e burgjeve…..me bekimin e kryehajdutit Safet Gjici ne burgun e kukesit emrohet oficer me grad te larte ..Komisar… Ylber Duraku person i perjashtuar dy here nga radhet e policis se shtetit , perjashtuar me urdher nr.631/4 date 13.12.1999 eshte liruar nga detyra me motivacionin ‘ Per kryerje te shkeljeve te renda ne detyre’dhe rimerret perseri ne polici oficer policie ne vitin 2001.

lirohet perseri nga detyra me urdher te drejtorit te pergjithshem te policis nr.1146/8 date 31.12.2004 me motivacionin’Shkelje Betimie munges korrektesie ne kryerjen e detyres’….

Është emëruar oficer ne drejtorin e burgjeve me 16.07.2018 me detyr e grad te larte. Po rikthehen ne burgje oficeret e perjashtuar nga policia si militante partie per te shkatrruar dhe kete pak streh te mbajtur gjalle me shume mund…….ketij personi me ndermjetsimin e safet gjicit i eshte leshuar Vertetimi i Personalitetit ..

Pozitiv dhe strukturat tjera ligjzbatuse nuk funksionoj fare ne kukes sepse jan nen presionin politik te Safet Gjicit dhe shefit te komisarjatit kukes Arben Bashes….e ngre kete problem vetem nga besimi qe kam ke ju ..respekt”

Gazetari i ekonomisë, Klodian Tomorri është shprehur mjaft i ashpër në lidhje me një nga kompanitë ajrore që operon në Shqipëri, duke hedhur edhe akuza të forta në drejtim të saj.

Në një postim në faqen e tij në rrjetet sociale, gazetari Tomorri shprehet tepër i revoltuar ndaj kompanisë “Blue Panorama, për të cilen thotë se është sic e cilëson ai “kompania më legene në botë”.

Tomorry shkruan se kompania në fjalë, e ka emrin loë cost, por bileten per Milano ta shet 350 euro.

“Pse eshte legene? 1- Sepse e ka emrin low cost, por bileten per Milano ta shet 350 euro. 2- Sepse ta shtyn fluturimin 16 ore pa lajmeruar. 3- Sepse nuk i behet vone fare se ne 5 mije njerezit qe ka lene rrugeve sot ne Rinas ka te semure, te paralizuar apo te tjere qe kane patur halle apo pune qe nuk i shtyjne dot. “-shkruan ndër të tjera gazetari Tomorri.

Postimi i plotë:

Kush eshte kompania me legene ne bote? Blue Panorama.

Pse eshte legene? 1- Sepse e ka emrin loë cost, por bileten per Milano ta shet 350 euro. 2- Sepse ta shtyn fluturimin 16 ore pa lajmeruar. 3- Sepse nuk i behet vone fare se ne 5 mije njerezit qe ka lene rrugeve sot ne Rinas ka te semure, te paralizuar apo te tjere qe kane patur halle apo pune qe nuk i shtyjne dot.

Tani, ne kushte normale kete pune e zgjidh tregu. Por kur ti ble nje produkt apo sherbim qe nuk te dorezohet sipas kushteve te rena dakord ne kontrate (bilete) atehere ky quhet mashtrim.

Kjo eshte arsyeja se pse ka shtet qe forcon zbatimin e kontratave dhe ne rast moszbatimi te kontratave vendos penalitete te pala qe e shkel ate.

Si e bene shteti kete? Permes rregullatorit. Ketu ka asimetri informacioni (Kur dikush ble nje bilete nga BP ai nuk e di qe kompania do e mashtroje, kurse BP-ja e di mire qe po e mashtron).

Cfare ben rregullatori ne kete rast?I bie kokes kompanise dhe kompeson palen e demtuar. Ja keshtu funksionon shteti normal. Kaq e thjeshte eshte.