Opinione

Nga Kastriot Dervishi/ Nisur nga votimi i sotëm i Kuvendit për mbylljen e lojërave të fatit, po referoj bazën ligjore dhe disa fakte historike, se si edhe në diktaturën më të egër të Europës, nuk mundi të zhdukej vesi i bixhozit.

Shumë vite pas luftës, lotaria ishte monopol shtetëror, ndërsa bixhozi përbënte vepër penale. Pas mbylljes së lotarisë në vitet ’60, legjislacioni i kohës i parashikonte të dyja si vepra penale. Megjithatë, pavarësisht diktaturës së egër, si bixhozi, ashtu edhe lotaria nuk mundën të zhdukeshin. Mbyllja e menjëhershme tregoi se nuk ishte rruga e duhur për kufizimin e kësaj dukurie. Regjistri i gjendjes gjyqësore, dëshmon dënime të shumta me akuzën e bixhozit. Le të shohim, legjislacionin penal, si dhe statistika nga dy vitet e fundit të regjimit komunist.

Referuar ligjit nr.1470, datë 23.5.1952, i ndryshuar, Kodi Penal i RPSH-së, në nenin 285, “Mbajtja e lokaleve për bixhoz dënohej deri në 2 vjet heqje lirie ose internim, ndërsa luajtja me gjobëderi në10mijë lekë, punë korrektuese ose me heqje të lirisëderi në1 vit.

Referuar ligjit nr.5591, datë 15.6.1977Kodi Penal i RPSSH-së, në nenin 236 “Luajtja e bixhozit”, kjo vepër dënohej “me gjobë gjer në 1 mijë lekë, me riedukim nëpërmjet punës ose me heqje të lirisë gjer në 2 vjet”.

Statistikat e gjendjes gjyqësore të çdo viti, tregojnë se në gjyq janë dënuar një numër i madh shtetasish, ndërsa të tjerë janë demaskuar në lagje apo qendrat e punës. Referuar të dhënave nga Hetuesia e Përgjithshme, për dy vitet e fundit të diktaturës, kemi këto të dhëna:

Viti 1989
-Çështje penale 7009 -4969 të pandehur, prej të cilëve 1430 në gjendje arresti.
-110 të pandehur për krime kundër shtetit (79 për tentativë arratisje, 31 për agjitacion e propagandë, 1 për spiunazh)

-2656 të pandehurpër vjedhje të pronës socialiste, prej të cilëve në gjendje arresti ishin 806 (ndër të tjera 131 vjedhje kasafortash, prej të cilave u zbuluan 72). -1290 të pandehur për vepra kundër personit (ndër të tjera ishin 77 vrasje me dashje me 5 me grabitje) -475 të pandehur ushtarakë

-229 të pandehur për veprën e bixhozit Në informacionin e këtij viti, ndër të tjera thuhej:
“Përhapje ka bixhozit në formën e lotosportit…Janë marrë të pandehur organizatorët kryesorë dhe personat e tjerë janë diferencuar duke u bërë problem në qendrat e punës në bashkëpunim me organizatat e masave”.

Viti 1990-Çështje penale 8426 -5167 të pandehur, prej të cilëve 1771 në gjendje arresti. -112 të pandehur për krime kundër shtetit (27 për tentativë arratisje, 59 për diversion, 25 për agjitacion e propagandë, 1 për spiunazh). Nuk përllogariteshin si krime kundër shtetit 44 të dënuar për kalim të paligjshëm të kufirit.

-2848 të pandehurpër vjedhje të pronës socialiste, prej të cilëve në gjendje arresti ishin 700. -Për vrasje ishin 178 çështje, prej të cilave 62 me dashje. -Për krimin e bixhozit, ishin dërguar në gjyq dhe dënuar 61 persona.

Nga MARIN MEMA

Sigurisht nëse Shqipëria do të ishte një vend i shkretë apo i limituar në mundësi do të duhej të ngrinim supet e të pranonim realitetin. Fundja asgjë nuk ndryshohet me shkop magjik e as me fantazi të momentit. Për fat të mirë apo të keq ky vend ka gjithçka për të qenë një oaz i zhvilluar edhe pse sot nga mundësitë e tij shfrytëzon pak ose thuajse asgjë.

Shqipëria ka pasuri minerare, por askush nuk ka kuptuar kurrë me transparencë e vërtetësi çfarë ndodh realisht me këtë sektor. Investitorë që ikin e vijnë, falimentojnë, grabisin, kthehen, akuzojnë, zëvendësohen, shantazhohen; me pak fjalë një proces qe i përngjan një mish-mashi që nuk ka shembull të dytë.

Shqipëria ka një vijë të mrekullueshme bregdetare e cila sot shfrytëzohet keq, reklamohet edhe më keq, duke krijuar në këtë mënyre pamundësi për një zhvillim të sigurt e afatgjatë. I gjithë ky sektor mbështetet tek numrat e hyrje-daljeve të turistëve të huaj, pa përcaktuar qartazi cilat janë prurjet e tyre në ekonominë e vendit dhe si mund të përmirësohet ky raport. Për fat të keq mbështetja është e pamjaftueshme, investimet jo të qarta dhe projektet të mjegullta.

Pikërisht për këtë arsye turistët shikohen si një objekt fitimi i momentit dhe jo si një mundësi afatgjatë për të forcuar e stabilizuar në kohë këtë sektor. Vetë shqiptarët preferojnë në masë të udhëtojnë në Kolashin, Mavrovë apo edhe sa e sa destinacione të tjera, kur ky vend nga Vermoshi, Lëpusha, Valbona, e deri në Voskopojë, Dardhë, Kolonjë e me radhë ofron mrekulli të natyrës që të paktën në pamje nuk kanë asgjë mangët nga alpet e famshme të Zvicrës.

Për shkak të të qenit një kryqëzim, që në kohët më të hershme, Shqipëria ka sot territorin më të pasur me site arkeologjike. Është e pamundur të mos gjesh çdo kilometër katror një kala, një fortifikim të thjeshtë, një qytezë të lashtë apo mesjetare, një objekt kulti apo vendbanim prehistorik, legjenda, kulte, mite e gjithçka tjetër që e bën këtë vend unikal për ndërthurjen që ofron. Megjithatë shumica e këtyre jo vetëm nuk njihen, por edhe po rrënohen.

Në Gjirokastër, Berat e Krujë gërmime të reja nuk ka, për më tepër shumë shtëpi karakteristike po bien. Në Durrës betoni mbulon ç’të mundet, ndërsa në Fushë Krujë dergjet Albanopoli, në Mallakastër Nikaia, në Lezhë Lisusi, në Dibër Grazhdani, Dimali, Palokastra, Antigonea, Finiqi, Sarda, Danja, Drishti e kështu me radhë.

Më tej akoma, nëse kërkon të prekësh kaosin në Shqipëri mjafton të analizosh sektorin e bujqësisë. Dikush flet për halorë, dikush për shafran, dikush për mollë e dikush për dardha, në fund ajo që mbetet dhe unifikon gjithçka është se prodhimi hidhet në ndonjë kanal anës rrugës. Sigurisht këtu nuk llogaritet mungesa e tregut, e konkurrencës së drejtë, problemet e pronave, ngastrat e vogla, mungesa e bashkëpunimit mes fermerëve sepse këto janë një realitet i kudogjendur në Shqipëri.

Kështu ndodh me pyjet, me hapësirat e përbashkëta, me lumenjtë e me pasuri të tjera të jashtëzakonshme të këtij vendi, që nuk vlerësohen nga politika e aq më pak edhe nga vetë ne. Kështu ndodh me arsimin ku fëmijët tanë më shumë njohin telenovelat sesa kush është Petro Luarasi, Fan Noli, Isa Boletini apo Ismail Qemali, ku të rinjtë kanë diploma, por s’mund t’i përdorin për asgjë.

Sot ky vend, Shqipëria jonë, qëndron në dyert e Europës si një jetim që herë e merr dhe herë jo një përkëdhelje mbi krye. Është e njëjta Europë që vështirë se do të ishte e tillë pa Kostandinin e Madh, pa Justinianin, pa Gjergj Kastriotin, e sa e sa figura të tjera qe megjithatë nuk mundet të ndryshojnë fatin e sotëm. Për ketë sigurisht fajin e kanë ata që vetë i kemi zgjedhur, që shkojnë e baltosin njëri-tjetrin në dyert e Brukselit thjesht e vetëm për uzurpimin e poltronës.

Në një territor kaq të vogël sa jemi tkurrur, korrupsioni është gradë, është pushtet, është arritje, është tallje me të ndershmit dhe të pamundurit. Janë të njëjtët që fshehin kokën dhe shmangin drejtësinë duke u përdredhur e shitur dëngla, gjoja parimore.

Pikërisht kjo duhet ndryshuar, kjo mendësi që e ka kthyer Shqipërinë në një vend ku asgjë nuk kryhet pa u përlyer, pa patur miq e shokë, pushtet e mundësi. Ku i pamunduri është edhe më i pamundur, ky pensionisti konsiderohet barrë dhe ku përballë zyrtarëve të gjithëpushtetshëm, qytetari është një qenie pa zë.

Shqipëria ka nevojë për frymë, për energji, për pasion, mendësi, për më shumë dashuri, për më pak fjalë e me tepër punë. Për njerëz të vërtetë qe nuk duan ta ndukin e rrjepin, por te zhvillojnë e forcojnë këtë vend të bekuar nga perëndia, por të mallkuar nga politika.

Ndoshta këto ideale janë të tepruara, sepse e di që një bazë e mirë e tyre tallen me to, tallen me mua, me ty, me të gjithë ne që e duam pa interes këtë vend, që kërkojmë më shumë nga e sotmja dhe e ardhmja e tij.

Tallen me besimin tonë, me pamundësinë tonë, me ëndrrat e sotme e ato të së nesërmes. Kjo është e vërteta, ashtu siç është i vërtetë fakti se ne nuk reagojmë, nuk kërkojmë, nuk flasim, përkundrazi vazhdojmë pranojmë si çdo herë.

Jemi një vend i mrekullueshëm, me mundësi të pafundme, por qe nuk po dimë t’i përdorim siç duhet. Pikërisht për këtë më dhemb vendi im, Shqipëria që e dua kaq shumë dhe si unë edhe plot të tjerë gjithashtu!/JOQ.al

Nuk ndalen provokimet e historianit kontrovers, Olsi Jazexhiu. Gjatë emisionit “Arena”, ai ka deklaruar se, historikisht politikanët shqiptarë kanë qenë në shërbim të agjenturave të huaja.

Jazexhiu: Pastaj kemi themeluesin e Shqipërisë, Ismail Qemali. Në Arkivin e Londrës, kush lexon debatet në Konferencën e Ambasadorëve, Venizelos mburrej që Ismaili ishte njeriu i Greqisë.

I grekëve, i britanikëve. Kush ka lexuar gjyqin osman ndaj Abdyl Frashëri, është paguar nga agjentura greke që Lidhja e Prizrenit të anashkalohej nga lëvizje islamike, në lëvizje laike dhe kombëtare.

Shqipëria ishte një vend i vogël dhe kur u krijua si shtet, ishte shumë i dobët. Influenca italiane ishte masive dhe kulmoi me pushtimin fashist.

Personazhet publik me influencë si puna e Shqipërisë. Po të bëhesh agjent në Amerikë e ke të vështirë jetën, apo në Rusi, apo në Turqi që kanë traditë shtetërore.

Ndërsa ishte një temë debati në emisioni “Arena” të Dritan Hilës, çështja e agjenturave të huaja në vendin tonë, një deklaratë e fortë ka ardhur ish-atasheu shqiptar në Turqi, Hajro Limaj. Sipas tij vitet e fundit është mjaft aktive edhe agjentura turke.

“Shteti grek investon shumë në Shqipëri për agjenturën e saj, siç e ka pasur vazhdimisht. Kjo është e padiskutueshme. I përdorën në të gjitha format dhe të gjitha fushat në pozicione të rëndësishme. Aty pati një konflikt midis ministrit të Mbrojtjes dhe të Jashtëm dhe më pas i detyrua ministri i Jashtëm të sqarojë se si merret ky buxhet.

La të kuptohej mjaft mirë që këto para çohen në destinacionet përkatëse për të mbajtur agjenturën e tyre dhe për të krijuar të re. Agjentura serbe dhe ajo greke prej vitesh hedhin valle në mes të Tiranës. Kemi politikanë që zihen në Tiranë dhe të nesërmen shkojnë në Athinë. Po të kishte shtet dhe të vepronte siç duhet shërbimi informativ, ata do të ishin brenda. Është Rusia, është Turqia. Vitet e fundit, Turqia në Shqipëri dhe botën shqiptare është shumë aktive.”, ka thënë Limaj.

Historiani Olsi Jazexhiu i ftuar në “Arena” nga Dritan Hila në Ora News, tha se historikisht politikanët shqiptarë kanë qenë në shërbim të agjenturave të huaja.

Jazexhiu: Pastaj kemi themeluesin e Shqipërisë, Ismail Qemali. Në Arkivin e Londrës, kush lexon debatet në Konferencën e Ambasadorëve, Venizelos mburrej që Ismaili ishte njeriu i Greqisë.

I grekëve, i britanikëve. Kush ka lexuar gjyqin osman ndaj Abdyl Frashëri, është paguar nga agjentura greke që Lidhja e Prizrenit të anashkalohej nga lëvizje islamike, në lëvizje laike dhe kombëtare.

Shqipëria ishte një vend i vogël dhe kur u krijua si shtet, ishte shumë i dobët. Influenca italiane ishte masive dhe kulmoi me pushtimin fashist.

Personazhet publik me influencë si puna e Shqipërisë. Po të bëhesh agjent në Amerikë e ke të vështirë jetën, apo në Rusi, apo në Turqi që kanë traditë shtetërore.

Në episodin e emisionit “Fol me psikologen” me autore, psikologen Ervisa Lula u trajtua raporti mes martesës dhe se.ksit.

Të ftuarit këtë herë kanë qenë dy personazhe mjaft të njohura, sociologu Gëzim Tushi dhe gazetarja Zhaklin Lekatari e cila ka edhe një blog të vetin ku flet për seksin.

Sipas profesorit Tushi në shoqërinë tonë ka ende njerëz të cilët futen në martesë për të patur aktivitet seksual, një sjellje shumë e gabuar pasi martesa nuk është një parajsë seksuale.

Sipas tij seksi nuk duhet parë si një gjë periferike, përkundrazi kultura seksuale është komponent shumë i rëndësishëm i kulturës njerëzore.

Të ftuarit ndanë të njëjtin mendim se në shoqërinë shqiptare duhet të përmirësohet kjo lloj kulture në martesë dhe jashtë saj, duhet të jemi në gjendje të komunikojmë, të kuptojmë nevojat e partnerit, ta vlerësojmë atë dhe të përmirësojmë higjienën seksuale.

Të ftuarit janë ndalur tek natyra poligame e qenies humane, e burrave dhe e grave, duke theksuar në këtë pikë se sociologët e konsiderojnë këtë shoqëri si shoqëria e qejfit.

Gazetarja Lekatari është shprehur se vajzat dhe gratë nuk e njohin trupin e tyre dhe si rrjedhim nuk dinë çfarë të kërkojnë tek partneri dhe nuk dinë çfarë ju jep kënaqësi.

Një tjetër fenomen i diskutuar gjatë bisedës është thyerja e kontratës martesore apo tradhtia e thënë ndryshe dhe ndikimi i përbindshëm i demonit para.

Paralajmërimi i radhës ka ardhur për politikanët dhe ai është bërë nga gazetari investigativ, Artan Hoxha. Pas gjithë këtyre operacioneve të policisë së shtetit si dhe ai për arrestimin e Klement Balilit, i njohur ndryshe si “Escobari i Ballkanit”, Hoxha zbulon lidhjet e tij me politikanët.

Për gazetarin nëse hapet serveri i biznesit të Balilëve, do të jetë një skandal dhe spektakël i vërtetë. Artan Hoxha zbulon se mjaft video kompromentuese do të dalin në skenë edhe nga ata që shesin moral më shumë se të tjerët.

“Tek Ballili të gjithë kanë futur duart. Në rast se serveri i një biznesi që kanë patur Balilët ka punuar dhe nëse ai do të hapet ndonjëherë, ajo do të jetë spektakli më i madh. PD, PS, LSI, edhe ata që shesin moral më shumë se të tjerë, aty të gjithë janë të përfshirë. Në momentin që inaugurohet biznesi i tyre aty janë të gjithë politikanët”, tha Artan Hoxha.