Opinione

Ish-kryeministri Sali Berisha kërkon me ngulm të faktojë lidhjet e deputetëve të PS me persona me të shkuar kriminale. Ai ka lënë mënjanë Taulant Ballën për t’u marrë me një tjetër socialist.

Ai ka publikuar një mesazh të një qytetari që thotë se deputeti i PS-së Pjerin Ndreu i siguron mbrojtje një trafikanti, i cili bën ligjin me emërimet në Fushë-Arrëz e Pukë. Berisha shkruan se ‘Pjerini vdes për trafikantët’.

STATUSI I BERISHËS
Pjerini vdes për trafikantët
Ata kanë para shumë!
Lexoni mesazhin dhe shikoni fotot e qytetarit dixhital. sb
“Përshëndetje dr. Bashkëngjitur po ju informoj mbi kriminalitetin që ndodh në Fushë Arrëz-Pukë, në foto në krahun e majtë të Z.Pjerin Ndreu, Albert Tuci vëllai i kryetarit të bashkisë Z. Fran Tuci. I dënuar për trafikant dhe vazhdon i qetë punën pasi siç shihet në foto ka mbrojtjen e vëllait dhe të deputetit Ndreu. Gjithashtu çdo emërim në punë bëhet me urdhrin e tij. Ju lutem anonim..”

Edi Rama është peng i një sekreti të tmerrshëm, të cilin e dinë një rreth i ngushtë njerëzish, përfshirë ushtarin e Sali Berishës, Visho Ajazi Lika dhe njerëzit e shërbimeve të huaja. Ende nuk dihet se cili është ky sekret, nëse ka të bëjë me lidhjet e Ramës me bosët e drogës dhe krimit, me ndonjë skandal seksual, lidhje me ndonjë sekt të dyshimtë, me ndonjë skandal financiar etj.

Por sjelljet në raport me ish-kreun e spiunazhit Visho Ajazi Likën konfirmojnë se kryeministri po shantazhohet nga një dosje e llahtarshme. Për të gjithë mosbesuesit, po listojmë disa fakte të thjeshta që tregojnë se Edi Rama është peng i Visho Likës, të cilit Berisha i besoi drejtimin e SHISH dhe kryerjen e përgjimeve masive për llogari të tij.

Sapo erdhi në pushtet, Edi Rama urdhëroi ngritjen e një grupi kontrolli me anëtarë të Komisionit të Sigurisë Kombëtare për të kontrolluar veprimtarinë e Visho Ajazi Likës në krye të Shërbimit Informativ Shtetëror. Ky vendim erdhi pas të dhënave se Visho punonte vetëm për padronin e tij, Sali Berishën, duke përgjuar dhe survejuar të gjithë kundërshtarët dhe bashkëpunëtorët e dyshimtë të Berishës. Me urdhër të Berishës u përgjuan edhe ambasadorët, e huaj në Tiranë, krerët e policisë, gazetarë etj. Për Berishën u përgjua mbi 800 herë Ilir Meta, ndërsa Edi Rama është përgjuar duke folur me njerëz të krimit. Ish-kreu i Komisionit të Sigurisë, Spartak Braho tha: “Dua të konfirmoj se Komisioni do të shqyrtojë dhe vendosë për kontrollin parlamentar të SHISH nga një grup deputetesh që do të caktojë Komisioni”.

Me lejen e Ramës, grupi i kontrollit hyri në zyrat e SHISH, hapi dokumentet dhe zbuloi gjëra tronditëse. Grupi i kontrollit hartoi një raport për veprimtarinë e Visho Likës në shërbim të Berishës. Anëtarët e Komisionit të Sigurisë shqyrtuan analizuan dhe miratuan raportin e grupit të kontrollit të veprimtarisë së SHISH. Raporti shkoi në tavolinën e Ramës. Në raport ishin konfirmuar përgjimet për llogari të Berishës. Në këto kushte, deputetit i propozuan kryeministrit Edi Rama, që t’i kërkonte Presidentit shkarkimin e Visho Likës nga detyra.

Kur pritej që Rama të kërkonte shkarkimin e ushtarit të Berishës në krye të SHISH, ai kërcënoi anëtarët e Komisionit të Sigurisë që të mos flisnin më për Visho Likës. Rama i kërkoi ish-deputetit, Piro Lutaj, që kishte qenë pjesë e grupit të kontrollit, që mos ta përmendte më emrin e Visho Ajazi Lika. Deputetët janë habitur nga kthesa e Ramës dhe urdhrit i tij për t’u mos u marrë më me kreun e SHISH. Pas urdhrit të Ramës, raporti për shkeljet në SHISH u arkivua.

Nuk dihet se më çfarë e shantazhi Visho Lika, por disa muaj më vonë Edi Rama e dekoroi në fshehtësi kreun e SHISH. Larg syve të medias, Rama i dha medaljen e mirënjohjes kreut të Shërbimit Informativ të Shtetit, për rezultatet në luftën antiterror. Interesant ishte fakti se ka qenë vetë kryeministri, që i ka dorëzuar medaljen kreut të shërbimit, Visho Ajazi Likës dhe gjithashtu ka refuzuar që ceremonia të bëhet publike. Kjo duket se ka ardhur pasi do bënte bujë një veprim i tillë, për shkak të përplasjeve.

Një vit më parë, Edi Rama, befasoi sërish dhe la me gojë hapur deputetët e tij. Edi Rama propozoi që Visho Ajazi Lika, më parë zëvendësministër i Berishë, të bëhej ambasador i Shqipërisë në NATO. Propozimi i Ramës për emërimin e Vishos ambasador u dekretua nga Ilir Meta, edhe pse vetë Meta ishte përgjuar mbi 800 herë gjatë kohës kur qeveriste me Ramën. Berisha reagoi i alarmuar nga këto lëvizje, gjë që tregon se muajt e fundit, Visho Lika kishte nisur t’i dilte nga kontrolli. Berisha dha alarmin se Rama po kapte SHISH duke i shkarkuar ushtarin e tij, por mbylli gojës kur mësoj se Rama e bëri ambasador. Sot SHISH është pa drejtues, pasi Ilir Meta nuk dekreton propozimin e Ramës për kreun e ri./Pamfleti

Kryetari i Partisë Demokratike, Lulzim Basha ka folur emra nga selia e PD për pushtetarët që janë të lidhur me krimin sipas tij.

Basha ka bërë një tablo të zymtë të situatës dhe deklaroi se krimi po kontrollon territorin dhe ekonominë. Basha përmendi edhe lidhjet sipas tij, të politikanëve të lartë, me bandat e krimit.

“Është një çështje kapitale emergjence gjendja e rendit dhe shpartallimi i plotë i institucioneve publike. Dje patëm edhe ngjarjen e fundit kriminale në cërrik. Kemi përplasje me armë në mes të qyteteve tona. Ka nxjerrë në pah një të vërtetë që e kemi konstatuar në vazhdimësi faktin që krimi është më i fortë se kurrë kontroll territorin dhe ekonomisë. Fakti 2 është që organet e zbatimit të ligjit janë të shpartalluara dhe drejtuesit janë vënë në shërbim të krimit. Sot shqiptarët sundohen nga bandat që kontrollojnë fizikisht lagjet periferinë, qendrën, territorin, ekonomisë, pikat e bixhozit, ndërtimin ekonomisë restorante turizmin, kontrollojnë pushtetin, të gjithë pushtetin, pushtetin politik, ekzekutivin, parlamentin dhe drejtësinë”, tha Basha.

“Grupe të rrezikshme kriminale kanë shtënë në dorë gjithçka. Në Elbasan është gjendja e qartë. Elbasani menaxhohet nga banda në bashkëpunim me kryebashkikakun Qazim Sejdinin, dhe në mbështetje ta Taulant Ballës. Janë tre badna që kontrollojnë gjithçka”, tha kryeopozitari.

“Në Shkodër situata është e njëjtë, janë Bajrat që kontrollojnë gjithçka, në bashkëpunim me ministrin e Brendshëm, që është njeriu që mban komunikim më Bajrat”, theksoi Basha

Histeria e politikës shqiptare dhe veçanërisht opozitës për të publikuar foto të deputeteve, apo ministrave me të “fortë” nuk ka të ndalur. Eshtë kjo një strategji që Lulzim Basha duket se po e bën me bekimin dhe instruksionin e “babait politik”, ish kryeministrit Sali Berisha. Por në fakt kjo rrugë e ndjekur nuk është asgjë më shumë, veçse një zhurmë pa rezultate dhe një “show” që në vetvete shqiptarët e duan.

Historia na ka treguar se të “fortët” janë të “preferuar” të masës, që me to do të fotografohet, të rrijë krah tyre, e pse jo ti ketë mburojë në cdo gjë. Pasi e tillë është ndërtuar për shumë vite psikologjia e këtij populli, që ka frikë të flasë, të veprojë apo reagojë përpara të fortëve, por zgjedh nënshtrimin.

E madje në shumë raste për fat të keq t’i duartrokase, edhe atëherë kur veprimi i tyre mund të ketë pasoja. Na e ka treguar realiteti edhe i viteve të fundit, kur të gjithë kanë zgjedhur heshtjen dhe nënshtrimin përballë tyre, edhe pse ata përbëjnë pakicën.

Duket se këtë gjë Lulzim Basha nuk e ka kuptuar, pasi ja ka kushtuar aksionin politik, një veprimi sipërfaqësor, kur ka shumëçka me cfarë të merret, pasi Shqipëria është e mbushur me probleme. Madje ai vetë nuk duhet të harroje se “viktimë” e të tilla fotove është edhe ai, lideri historik i PD-së Berisha, e shumë figura të tjera, që krimi i shfrytëzon për tu ekspozuar kur janë në pozita, e për ti përdorur më pas kur ndodhet në ditë të vështira.

Nëse kjo është një shtyllë që do të ngreje Basha si aksiomë politike, nuk do ti shkojë gjatë pa ju shembur, pasi populli nuk ka reaksion ndaj tyre, përkundrazi i kthen në sëmundje virale në rrjetet sociale, duke i larguar vemendjen nga problemet e përditshmërisë dhe i mbush me komente, që nuk shkojnë asnjë hap më tej.

Nëse do të bëjë opozitën, ai ka rastin të thërrasë protesta, jo si ato që ka zhvilluar deri më sot, por si modeli Rumun, apo ndonjë shtet tjetër, që në fund ka rezultate, e jo paktë të fshehta si 18 Maji, ku sërish të humburit janë shqiptarët.

Opozita duhet të jetë zëri real i tyre dhe jo megafoni që zhurmon për të rritur pazarin personal të një individi apo një grupi, që mban firmën dhe vulën e opozitës, por lufton për interesa të ngushta. Krimi është një shqetësim real që e ka vendi të ngulitur prej 28 vitesh, e që për ta zhgulur duhet vullnet i gjithëanshëm, distancim pa asnjë kusht prej tij, reagim popullor dhe mbi të gjitha drejtësi të fortë, që nuk përkulet përpara “të fortëve” që vetë politika i ka forcuar me paprekshmëri, tendera e darka luksoze për vota elektorale!/ShkodraNews