Elsa Hastad është nga ato ambasadore që nuk e ka problem fare të flasë për pasionet e saj.
Ashtu sikurse pëlqen vendet në Shqipëri, kuzhinën apo dhe stilin e të konsumuarit kafe, ajo është edhe e apasionuar pas fashion.
Ambasadorja tregoi se ka shumë rroba të cilat janë realizuar me materiale te riciklueshme.
Por si komenton ajo stilin e veshjes në politikën shqiptare? Ka të preferuarit e saj?
Kur e pyesin se çfarë do ti thoshe shoqes tënde më të mirë për mënyrën se si vishen politikanet ne Shqipëri ajo u përgjigj:
“Unë mund të them që Edi Rama është shumë fashionist. Unë në fakt i them djalit tim, shikoji këpucët , janë japonezë. Gratë deputete janë shumë elegante.
NOA.al
Kryetari i Partisë Demokratike, Lulzim Basha ka publikuar një video me deklaratat e kryeministrit Rama, e cila sipas tij është një mashtrim.
Në një postim në Facebook, Basha thotë se qytetarët meritojnë më shumë. Mes të tjerash krydemokrati thekson se opozita ka një plan për të zgjidhur këtë situatë.
“Qytetarët shqiptarë meritojnë më shumë. Më shumë teste, më shumë ndihmë, më shumë zgjidhje. Plani ynë ofron zgjidhje dhe përfshin rimbursimin e plotë të shpenzimeve për personat e prekur me covid që kurohen në shtëpi. Kjo nuk është çështje politike, është çështje për jetë a vdekje”, shkruan Basha. /NOA.al/
Kryeministri Edi Rama ka akuzuar opozitën se po mbjell panik, duke u kthyer në zëdhënës të së keqes, sipas tij çdo ditë, në lidhje me menaxhimin e situatës në vend nga ana e qeverisë.
Rama ka thënë se spitalet nuk janë në kolaps dhe i konsideroi mjekët heronj të vërtetë.
“Sulmet e opozitës janë pa fakte dhe pa shifra. Nuk mund të ngrihet teza se njerëzit vetëvriten në spitale për shkak të kushteve dhe mungesës së shërbimit. Kjo më ngjall mua një qeveri për “shefat” e opozitës, të cilët e kanë lënë shpresën për të ardhur në pushtet te pandemia. Nuk është e vërtetë që pacientët po kurohen nëpër spitale. Rritja e numrit të vetëvrasjeve ka pësuar një numër të madh edhe në botë. Propaganda e shfrenuar e opozitës po dëmton edhe mjekët”, shtoi ai mes të tjerash.
Sipas shefit të qeverisë, përmes gënjeshtrash dhe sajimesh, opozita po perhaps panik dhe po rrezikon seriozisht shëndetin e shqiptarëve.
“Janë çakërdisur deri në pikën kur shpresat e tyre të lodhura I kanë mbështetur të gjitha te ëndrra e një katastrofe shëndetësore. Dhe faktikisht janë bërë zëdhënës të panikut, zëdhënës të çorodisë psikologjike dhe zëdhënës të një pesimizmi krejtësisht të fabrikuar për të krijuar sa më shum dëshpërim në popull përmes gënjeshtrash, sajesash, abuzimesh, të një propaganda të shfrenuar që rrezikon seriozisht”, u shpreh Rama.
Në konferencën për shtyp të ditës së sotme, kryeministri Rama foli për situatën e Covid dhe ve tëvrasjet në spitalet Covid që kanë tronditur vendin
Ai tha se kjo nuk ndodh për shkak të mungesës së kushteve në spitalet Covid por ka të bëjë vetëm me virusin.
Kreu i qeverisë shtoi se në spitale nuk mungon asgjë dhe se po bëhet gjithçka për shpëtimin e pacientëve.
“Numrat po rriten kudo, po vjedh kancelarja gjermane? Po vjedh qeveria franceze? Kryeministri anglez? Është një absurd që nuk vjen nga padituria, po nga qëllimi ogurzi për të mbjellë dëshpërim dhe për të armiqësuar njerëzit me qeverinë. Shumë e dukshme, shumë vulgare, e dënueshme si strategji politike për të marrë një pushtet, që nuk kanë shans ta marrin. Lavdi Zotit, ky virus nuk na gjeti me qeverinë e tyre, se s’kishim asgjë, – u shpreh Rama. – Nuk i gjeti pavijonet pa çarçafe e batanije, nuk i gjeti të sëmurët pa aspirina. Nxjerrin lloj lloj sharlatanësh që flasin për gjëra pa lidhje. Si ngrihet teza këtu se njerëzit vriten për shkak të kushteve në spitale. Ju bini në kurth se nuk merrni përsipër të bëni një kërkim shumë të thjeshtë, për të parë që shifrat botërisht tregojnë atë që është paralajmëruar nga ekspertët botërisht, që një nga pasojat e futjes së këtij virusi në trupin e njeriut, është nxitja për të vrarë veten”.
Sipas shefit të qeverisë, “në Itali, 71 persona janë vetëvrarë, në Francë është rritur numri i vetëvrasjeve që lidhen me Covid-in, dhe ka qenë nëpër lajme. 4 persona në Gjermani, në Arabi, Britani, si pasojë e ankthit dhe frikës së infektimit nga Covid. Mjekë e infermierë kanë vrarë veten në spital, në vendin e tyre të punës”, – theksoi ai. /NOA.al/
Ministrja e Shëndetësisë Ogerta Manastirliu, e ftuar në emisionin “Real Story” në “News 24”, e pyetur nëse do të ketë tjetër mbyllje, tregoi skenarin pas 2 dhjetorit.
Manastirliu theksoi se situata do të vlerësohet, pasi ky virus ka shumë të panjohura.
“Maska është një masë e gjithë-pranuar sot që funksionon, por duhet shoqëruar me distancim dhe higjienë. Komiteti i Ekspertëve është duke mbajtur nën vëzhgim situatën për gjithçka. Ne do ta vlerësojmë situatën mbi baza dinamike. Shpresojmë shumë në bashkëpunimin e qytetarëve. Ne çdo gjë e kemi arritur falë bashkëpunimit të qytetarëve, duke pasur fleksibilitet edhe tek masat.
Ne nuk e duam mbylljen, por masat kufizuese do të vlerësohen në bazë të situatës, sepse jemi përballë të panjohurave. Ky virus ka edhe të panjohura edhe të njohura. Covid-19 ndërpret transmetueshmërisë kur nuk ka terren dhe kjo arrihet vetëm me maska e zbatim të masave”, tha Manastirliu.
Presidenti Ilir Meta ka reaguar dy herë brenda një ore, lidhur me pandeminë.
Kreu i shtetit pas pretendimeve të fundit të kryeministrit Rama, tha se “qytetarët e infektuar po shtohen çdo ditë!”, duke i parashtruar edhe disa kërkesa konkrete qeverisë.
“Jetët e humbura po shtohen çdo ditë!”
“Shto testimet!”
“Rimburso pacientët të cilët mjekohen në shtëpi, familjet në nevojë dhe pensionistët e infektuar me COVID-19!”
“Rrit buxhetin për sistemin shëndetësor! Shto spitalet COVID!”
“A e di ti sa paguan sot çdo shqiptar për mjekim dhe ilaçe për t’i shpëtuar COVID-19?”
“A nuk ishe ti që ju premtove shëndetësinë falas?”
“Mjaft me koncensione dhe PPP korruptive! Mjaft me tendera sekrete për oligarkët!”, – kanë qenë disa nga pyetjet publike, të cilat i janë drejtuar kryeministrit Rama, nga kreu i shtetit.
Rama më herët fajësoi opozitën që po politizon pandeminë.
Në reagimin e një ore më parë, Presidenti Ilir Meta bëri me përgjegjësi sërish qeverinë për gjendjen aktuale, e cila sipas kreu të shtetit, nuk ka asnjë edhe një plan për daljen nga situata.
“Në mungesë të një plani dhe strategjie konkrete për të përballuar përhapjen masive të pandemisë COVID-19, të reflektuar me shtim çdo ditë të numrit të qytetarëve të infektuar, fatkeqësisht edhe të humbjeve në jetë, sistemi shëndetësor rrezikon të zhytet në kolaps të thellë, me pasoja tepër të rënda për shëndetin e qytetarëve”.
“Në këto kushte, është tepër e domosdoshme të shtohet masivisht numri i testimeve, si një mjet efikas për gjurmimin dhe trajtimin në kohë të qytetarëve të prekur nga COVID-19”.
“Për këtë qëllim të miratohet pa vonesë edhe një plan koordinimi i qartë dhe transparent me sistemin privat, për të bashkuar të gjitha energjitë dhe kapacitetet e duhura”.
“Thelbësore gjithashtu është vënia në efiçencë të plotë të mjekut të familjes, shtimi i stafit mjekësor dhe atij mbështetës, si dhe planifikimi i buxhetit të duhur në ndihmë të tyre”.
“I bëj thirrje Qeverisë të bëjë çdo përpjekje për rimbursimin e plotë të shpenzimeve, veçanërisht të pacientëve që mjekohen në banesë, të familjeve me ndihmë ekonomike dhe të pensionistëve”, ishte reagimi i parë nga Presidenti Meta.
Gazetarja dhe moderatorja sportive Ina Qirjo tha se edhe ajo është infektuar me Covid-19.
Prandaj ajo iu ka kërkuar kolegëve të mos përhapin panik, në këto ditë, prej pandemisë së koronavirusit.
Përmes një postimi në rrjetet sociale, Qirjo ka treguar eksperiencën e saj gjatë kohës që ishte e infektuar me Covid-19.
Ndërkohë ajo ka bërë thirrje që të ndalohet paniku i madh nëpër media sepse nuk i bën mirë askujt.
Postimi i plotë i gazetares Ina Qirjo:
Ne momentin që mësova se jam e prekur nga Covid 19, fillova ta përgatis trurin tim se ky virus është thjesht një grip i zakonshëm për shumë njerëz të shëndetshëm!
“Këtë mendim kisha deri në momentin kur në dhomën time, e izoluar , nuk ekzistonte televizori! Ju nuk e keni idenë çfarë ndodh ne psikozën e një të prekuri me Covid 19, kur sa herë hap tv dëgjon dhe lexon vetem lajme të trishta lidhur me Covid 19, pa menduar se si ndikojnë këto lajme tek ata njerëz që kanë zënë krevatet në shtëpi nga ky virus!
“Ndoshta ai s’është thjesht një “grip”, për ata qe kanë probleme të tjera me shndetin, ama e trumbetuar kaq shumë dhe në çdo moment, edhe unë që e mbart në trup, filloj të mendoj çdo me gjejë nesër!!!!!!!”
“Media di shumë mirë t’u vijë në ndihmë qytetarëve sa herë ata kanë nevojë, ju lutem bëjeni edhe tani! Si një qytetare dhe jo si një gazetare prej vitesh, ju lutem ndaloni panikun e madh në media sepse nuk i bën mirë askujt..”
“Shumë kujdes dhe pa panik….”, shkroi gazetarja, pasi mësoi se edhe ajo është prekur nga Covid.
“Uroj të jeni mirë!”, tha gazetarja Ina Qirjo. /NOA.al
Edhe ditën e sotme, kryetari i Partisë Demokratike Lulzim Basha, e ka nisur duke akuzuar sërish kryeministrinn Edi Rama sa i përket mënyrës se si po menaxhohet pandemia në vend.
Sipas liderit të opozitës, në 8 vjet Rama ka bërë vetëm propagandë, ndërsa thekson se po të kishte shpenzuar 10% të kohës që i dedikon rrjeteve sociale, sot nuk do të ishim në këtë gjendje.
“Po të kishte shpenzuar 10% të kohës që kalon në instagram, për të bërë detyrën e kryeministrit, sot nuk do të ishim në këtë gjendje. Ai e ka humbur kontrollin mbi pandeminë. Për faj të tij qindra shqiptarë kanë humbur jetën nga covid dhe infeksionet po rriten përditë. Rama nuk ka asnjë plan për të ndihmuar njerëzit”, – shkruan ai në rrjetet sociale.
Basha thotë se qeveria vijon të gënjejë për shifrat reale të të infektuarve dhe viktimave. “Spitalet, mjekët e infermierët janë të mbingarkuar dhe pacientët dergjen me orë të tëra në ambulanca. Qeveria fsheh shifrat reale të viktimave dhe të të infektuarve. Numri i testimeve është më i ulëti në Europë, njerëzit presin me javë për përgjigjen dhe fatura e barnave dhe trajtimit është e papërballueshme”.
Sipas Bashës,”Rama gënjen sepse nuk mori asnjë masë për t’u përballur me valën e dytë. Ai gënjen sepse edhe në kohë pandemie i çoi paratë e taksave të shqiptarëve për koncesione dhe tendera të miqve e tij. Pasi shkatërroi ekonominë, Rama po shkatërron jetët dhe shëndetin e njerëzve. Së bashku kemi forcën për ta mposhtur këtë të keqe, dhe për të sjellë shpresën dhe të ardhmen që dëshiron çdo shqiptar”, – përfundon kryedemokrati. /NOA/
