Njoftime

Duke filluar nga nesër Dogana e Qafë Botës do të jetë e hapur 24 orë për të gjithë shtetasit shqiptarë që duan të udhëtojnë drejt Greqisë.

Lajmi bëhet me dije nga deputeti i Igumenicës, Vasili Giogiaka. Pas takimit me ministrin e Shtetit grek pak ditë më parë, më 30 qershor Giogiakas vuri në dukje se nuk do të ketë më kufizime në kapacitete për hyrjen përmes doganave (aktualisht kufiri është 250 persona në ditë),e cila pritet të lehtësojë trafikun turistik dhe tregtar.

Inspektimet shëndetësore do të vazhdojnë të kryhen si nga një njësi EODY ashtu edhe nga njësi private, të tilla si ato që veprojnë tashmë në portin e Igumenicës.

Zyra doganore Mavromati, e cila qëndroi e mbyllur për më shumë se një vit gjatë një serie bllokimesh, u rihap në fillim të qershorit. Ai shërben më shumë se 600,000 kalime në vit.

Autoriteti i Aviacionit Civil në Shqipëri, njofton të gjithë udhëtarët se disa fluturime nga Rinasi drejt Italisë dhe anasjelltas janë anuluar. Kjo vjen për shkak të grevës së punonjësve të kontrollit ajror në Itali.

AAC bën me dije se nesër, në 6 korrik do të anulohen fluturimet e linjës Tiranë-Pisa, Tiranë-Romë dhe anasjelltas. Autoriteti njofton të gjithë udhëtarët që për detaje të tjera të kontaktojnë me kompanitë ku kanë prerë biletat.

Autoriteti i Aviacionit Civil Shqiptar njofton të gjithë ata që janë të interesuar të fluturojnë drejt Italisë në datë 6.7.2021, se fluturimet e mëposhtme afektohen për shkak të një greve të përgjithshme të ofruesve të shërbimit të transportit ajror.

ZB2009 TIRANE 14:45 – PISA 16:20 (ANULLOHET)

ZB2010 PISA 17:20 – TIRANE 18:55 (ANULLOHET)

Alitalia

AZ584 ROME 17:00 – TIRANE 18:25 (ANULLOHET)

AZ585 TIRANE 11:25 –ROME 12:50 (ANULLOHET)

Pika kufitare e doganës së Kapshticës është hapur për të gjithë shiptarët.

Burime për media bëjnë me dije se në këtë pikë kufitare do të kalojnë të gjithë kategoritë e udhëtarëve dhe jo vetëm punonjësit sezonal që nga dita e sotme.

Gjithashtu pritet që të hiqet numëri i kufizuar i personave që udhëtojnë në doganën e Kakavijës dhe të zgjatet ora e punës.

Sakaq bëhet me dije se edhe porti i Sarandës ka marrë dritën jeshile prej autoriteteve greke dhe ka nisur lëvizja e trageteve mes portit të Sarandës dhe atij të Korfuzit.

Pritet njoftimi zyrtar për të dhënë më shumë detaje rreth vendimit për lehtësimin e masave për shqiptarët.

Tirana International Airport bën me dije për të gjithë pasagjerët se tamponin PCR mund ta bëjnë edhe në aeroportin e Rinasit para udhëtimit.

Ndërkohë testi antigen nuk kryhet në aeroport.

Kujtojmë që BE hoqi kufizimet për Shqipërinë dhe tanimë qytetarët mund të udhëtojnë me avion nga Rinasi.

NJOFTIMI NGA TIA

Në vëmendje të pasagjerëve që janë të interesuar për të kryer tamponin PCR para udhëtimit, risjellim në kujdesin e vëmendjes suaj, që tamponi PCR mund të kryhet në aeroport dhe në çdo institucion tjetër të licensuar mjekësor. Antigeni, testi tjetër nuk kryhet në aeroport.

Ju falenderojmë për bashkëpunimin,

Tirana International Airport

Shtetasit nga Shqipëria lejohen sërish të hyjnë pa kufizime në Gjermani.

Përmes një postimi në rrjetet sociale aeroporti “Nënë Tereza” informon për kushtet për të gjithë pasagjerët të cilët duan të udhëtojnë drejt Gjermanisë.

Duke filluar nga dita e sotme, 20 qershor, shtetasit nga Shqipëria do të lejohen të hyjnë sërish në Gjermani pa qenë nevoja të justifikojnë shkakun e udhëtimit.

Ata duhet të kenë me vete një test Covid i cili duhet të rezultojë negative, një dëshmi që personi e ka kaluar ose një vërtetim përmes të cilit të vërtetojë se është vaksinuar plotësisht me një nga vaksinat e njohura të aprovuara nga EMA.

Njoftimi i plotë:

Gjermania heq kufizimet e hyrjes së udhëtarëve shqiptarë nga Shqipëria në Gjermani

📌Qeveria Federale Gjermane ka hequr të gjitha kufizimet e hyrjes për personat me banim në Shqipëri. Efekti i këtij vendimi fillon sot, ditën e dielë, më 20.06. 2021. Udhëtimet drejt Gjermanisë të personave me banim në Shqipëri dhe pasaporta biometrike, duke filluar nga kjo datë janë përsëri të lejueshme për të gjitha kategoritë e udhëtimit.

Për të gjithë pasagjerët e Tirana International Airport që udhëtojnë në Gjermani kërkohet nje nga këto kritere:

1) një test COVID, ose

2) një dëshmi që personi e ka kaluar

3) ose është vaksinuar (vaksinimi me vaksinat e njohura nga EMA).

📌Konkretisht vaksinat që janë të njohura nga Gjermania janë Pfizer, Moderna, AstraZeneca dhe Johnson & Johnson. Për pasaportat biometrike kërkohen dy dozat e vaksinave të aprovuara nga EMA, apo një dozë e Johnson & Johnson.

📌Për udhëtarët, që hynë në Gjermani në rrugë ajrore, vazhdon të jetë në fuqi detyrimi i një testi përpara nisjes (test PCR- jo më herët se 72 orë përpara fluturimit, ose test antigen, jo më herët se 48 orë përpara fluturimit).

📌Udhëtarët e vaksinuar plotësisht me një prej vaksinave të përmendur në linkun https://ëëë.pei.de/impfstoffe/covid-19 apo të shëruarit (jo më pak se 28 ditë pas shërimit dhe jo më shumë se 6 muaj pas tejkalimit të infeksionit), të cilët zotërojnë një dokument që provon vaksinimin apo shërimin, i formuluar në gjuhën gjermane, angleze, franceze, italiane apo spanjolle, në versionin hard copy apo atë digjital, nuk është e nevojshme të paraqesin një test negativ në momentin e hyrjes në rrugë ajrore nga Shqipëria në Gjermani.

📌Nuk është më i detyrueshëm regjistrimi digjital i udhëtimit dhe detyrimi i karantinës.