Lajmi i fundit

“Prag lufte”, ministri grek i Mbrojtjes i jep mesazh të fortë Turqisë

“Aktualisht, Turqia po provokon, shkakton tensione dhe sillet me mendjemadhësi dhe nuk respekton të drejtën ndërkombëtare në rajon. Ne jemi të bashkuar për t’u përballur me sfidat me qetësi dhe me vendosmëri”, tha ministri i Mbrojtjes, Panos Kamenos, teksa ka folur per situaten me te fundit te krijuar ne Qipro.

Ai ka dhene mesazhe te qarta se Greqi nuk ben asnje leshim kur vjen fjala per te mbajtur te bashkuar popullin.

“Eshtu detyra e të gjithëve ne për të bashkuar popullin grek. Ne kemi aftësinë per ta bere, kur kombi është në rrezik të jemi me te bashkuar se kurre”- tha ai, duke kujtuar edhe ate qe e ka quajtur gabimi i madh me Qipron.

“Një nga premtimet e para që kam bërë kur kam marrë përsipër Ministrinë e Mbrojtjes eshte qe së bashku me ish homologun e Qipros, me të cilët kemi pasur një bashkëpunim të shkëlqyer, te bashkepinojme dhe unë jam i sigurt se kjo do të vazhdojë me ministrin aktual i Mbrojtjes. Ne do punojme per te rivendosur nderin dhe reputacionin e heronjve”-tha ai.

Ministri grek i Mbrojtjes ngre alarmin: Jemi në prag lufte me Turqinë

Greqia dhe Turqia prej disa muajsh janë në një luftë të ashpër me njëra-tjetër. Forcat ushtarake kanë pasur përplasje me njëra-tjetër disa herë, por lufta e madhe ende nuk ka nisur edhe pse është në prag.

Në një intervistë dhënë për francezen “Liberation”, ministri grek i Mbrojtjes, Panos Kamenos, foli për tensionet mes dy vendeve, dukë thënë se Turqia po provokon me agresione ushtarake.

“Jemi shumë pranë një incidenti fatal me Greqinë. Ne jemi të detyruar të mbrojmë territorin tonë, që nuk është territor vetëm i Greqisë, por është territor i Bashkimit Europian.”, ka qenë kjo deklarata e fortë e Kamenos.

Pak javë pas vizitës së Erdogan në Athinë më 7 dhjetor, tensionet u ndezën edhe më shumë, për të kulmuar me disa përplasje të anijeve ushtarake në Egje dhe rastin e dy ushtarëve grekë që mbahen të burgosur nga Turqia.

“Prag lufte”, ministri grek i Mbrojtjes i jep mesazh të fortë Turqisë Read More »

Dollarët ruso-amerikan. Prokuroria, gati fletëthirrjen për Lulzim Bashën

Hetimet e Prokurorisë për akuzat e bëra nga PS dhe Edi Rama në lidhje me financimet ruse në drejtim të PD, për llogari amerikane, kanë filluar dhe ishte Arben Ristani sekretar i përgjithshëm i selisë blu që ka dëshmuar i pari.

Prokuroria ka sekuestruar edhe shkrimin e revistes amerikane “Mother Jones” dhe po heton  nëse  kishte pagesa të tjera?

Gjatë negociatave Lulzim Basha ishte  vetëm apo dikush tjetër negocioi në emër të tij? A ka të tjerë brenda Partisë Demokratike që janë në dijeni të këtij pazari?

A janë përdorur gjatë fushatës para të tjera me prejardhje ruse? Çfarë u premtoi Basha rusëve në këmbim?

Në këto drejtime janë përqëndruar hetimet e prokurorisë. Por burime nga ky organ thonë se është firmosur fletëthirrja për Lulzim Bashën i cili duhet të dëshmojë para prokurorëve. Nuk ka konfirmim nëse do të thërritet edhe kryeministri Rama.

Dollarët ruso-amerikan. Prokuroria, gati fletëthirrjen për Lulzim Bashën Read More »

Super aksion, goditet grupi kriminal; Policia: 9 të arrestuar

Goditet grupi kriminal me 16 anëtarë në disa qytete, në fushën e falsifikimit të dokumentave dhe favorizimit të migracionit të paligjshëm.

Në kuadër të operacionit “Forca e Ligjit”, Drejtoria Vendore e Policisë Fier në bashkëpunim të ngushtë me Prokurorinë e Rrethit Gjyqësor Fier, gjatë ditës së sotme kanë realizuar goditjen e një tjeter grupi kriminal me 16 anetarë në fushën e falsifikimit dhe favorizimit të emigracionit të paligjshëm.

Mbi bazën e materialeve të referuara nga Strukturat për Hetimin e Krimit Ekonomik e Finanaciar në Drejtorinë Vendore të Policisë Fier, Prokuroria Pranë Gjykatës së Shkallës së Parë Fier, regjistroi procedimin penal në vitin 2017, për veprat penale “Falsifikimit te dokumentave”, “Falsifikimi i monedhave”, “Falsifikimi i letërnjoftimeve, pasaportave ose i vizave” në ngarkim të disa personave të dyshuar për këto vepra penale.

Pas një hetimi disa mujor të kryer nga strukturat e Task Forcës në Drejtorinë Vendore të Policisë dhe Prokurorisë Fier, nëpërmjet përdorimit të metodave speciale të hetimit, në bashkëpunim dhe me Drejtorinë e Përgjithshme të Policisë së Shtetit, u bë i mundur të finalizohet me sukses operacionin policor i koduar “PAGESA E FUNDIT”.

Të arrestuarit

Jetnor Hoxhaj, 42-vjeç, banues në Fier
Eris Koliçi, 28-vjeç, banues në Fier
Xhevahir Myrtaj, 53-vjeç, banues në Fier
Artan Haxhiu, 33-vjeç, banues në Fier
Kostaq Papa, 31-vjeç, banues në Sarandë
Enton Lahollari, 37-vjeç, banues Pogradec
Artan Hasani, 48-vjeç, banues në Tiranë
Barjam Hoxha, 57-vjeç, banues në Kuçovë

Po hetohen në gjendje të lirë

A.H, 62-vjeç, banues në Fier
A.N, banues në Fier
I.S, 48-vjeç, banues nëTiranë
D.S, 32-vjeç banues në Durrës
P.B, banues në Fier
I.G, banues në Fier

U shpallën në kërkim 

S.P, 41-vjeç, banues në Fier
V.Gj, 65-vjeç, banues në Korçë

Shtetasit S.P, Jetnor Hoxhaj, Eris Koliçi, A.H, Xhevair Myrtaj, Artan Haxhiu dhe A.N, të gjithë banues në qytetin e Fierit, në bashkëpunim me njëri-tjetrin, prej vitit 2017, ushtronin aktivitetin kriminal në fushën e falsifikimit të monedhave, falsifikimit të dokumentave shkollorë, dokumentave të gjendjes civile, të pasaportave, dokumentave të emigrimit dhe të qëndrimit në vende të ndryshme të Bashkimit Europian, Kanada, Mbretëri e Bashkuar, Irlandë etj.

Keta shtetas u merrnin pororsi për pajisjen me dokumenta te falsifikuar, personave të ndryshëm me banim në Fier, Lushnje, Mallkastër, nga Qarku i Beratit, Korçës, Vlorës, kundrejt pagesave që varionin nga 600 Euro deri 12,000 Paund.

Porositë mereshin për të nxjerrë dokumente shkollor, pasaporta, leje qendrimi, leje drejtimi, qarkullim të monedhave të falsifikuara, dokumente të falsifikuara për në vende të ndryshme të Bashkimit Europian.

Shtetasi S.P. dhe Jetnor Hoxhaj pasi i merrnin këto porosi, nëpërmjet shtetasve Eris Kolici dhe A.H, i dërgonin me automjete të ndryshme të transportit të udhëtarëve si furgona, taksi, autobuza për në Tirane te shtetasi Artan Hasani, i cili merrej me prodhimin e tyre.

Dy-tre ditë pasi prodhoheshin këto dokumenta në Tiranë, shtetasi Artan Hasani i niste në të njejtën rrugë për në Fier, ku dilnin dhe i prisnin shtetasit Eris Kolici dhe A.H, të cilët sipas porosive të shtetasit S.P. dhe Jetnorit ua shpërndanin personave që kishin porositur.

Në lidhje me këta shtetas, Gjykata e Shkallës së Parë Fier, në datën 10 mars 2018 ka dhënë masën e sigurimit “Arrest me burg” dhe “Detyrim paraqitje” pasi në bashkëpunim me njëri tjetrin dyshohet se kanë kryer veprat penale “Falsifikimi i dokumentave” , “Falsifikimi i monedhave”, “Falsifikimi i letërnjoftimeve, pasaportave ose i vizave” të parashikuar nga nenet 186/2, 183/2 dhe 189/2 të Kodit Penal.

Për të gjithë shtetasit e mësipërm ka filluar hetimi pasuror në kuadër të operacionit “Forca e Ligjit”. Po gjatë operacionit janë sekuestruar prova të shumta materiale, të cilat për arsye hetimi nuk i bëjmë me dije. Në bashkëpunim të ngushtë me Prokurorinë po vijon puna për dokumentimin e plotë ligjor të veprimtarisë kriminale të këtij grupi.

 

Super aksion, goditet grupi kriminal; Policia: 9 të arrestuar Read More »

Agjentë gjermanë dhe zvicerianë të antidrogës zbarkojnë në Tiranë?

Kanë mbërritur prej më shumë se një jave në Tiranë dy grupe të anti-drogës zvicerane dhe gjermane.

Lëvizja e tyre është bërë pas sinjaleve se kokaina e kapur në Durrës kishte pikë fundore dy shtetet. Pritet që këto ditë të zhvillohet një maksioperacion në disa vende për të kapur pronarët realë të kokainës.

Siç mësohet, operacioni kryesor do të zhvillohet në Shqipëri dhe në Kosovë, ku ka dyshime për bosët se kanë bazat e tyre dhe “punishtet” ku droga e rëndë ndahet dhe përpunohet për t’u dërguar në Perëndim.

Operacioni nuk do të zhvillohet vetëm në Tiranë por edhe në 12 qytete të tjera në veri dhe në jug të vendit. Njëkohësisht policia e Kosovës do të kryejë operacione në Prizren, si dhe në pjesën e Rrafshit të Dukagjinit, nga ku mendohet se fshihen pronarët e tjerë të kokainës.

Sepse bëhet fjalë për grupe që jo vetëm bëjnë eksportin e importin e kokainës, por dhe tregun e shpërndarjes në disa vende të Bashkimit Europian, si edhe në Zvicër.

Në kohën e heroinës grupet shqiptare me ata kosovare janë përplasur shumë dhe shpeshherë, por hyrja e kokainës në lojë që kishte fitime të mëdha ka krijuar aleanca të mëdha dhe të reja mes aktorësh të rinj, raporton “Tesheshi”.

Është kryer ajo që Saviano e paralajmëroi si “bashkimi kombëtar i krimit”, nga “togerët” që kanë qenë ushtarë të thjeshtë; por duke punuar si shpërndarës e njohën mirë tregun, klientelën dhe nevojën për të qenë së bashku. Pikërisht qënia e tyre të rinj dhe të panjohur ka penguar policitë europiane që t’i njohnin më mirë.

Kështu që kohët e fundit, edhe agjencitë ligjzbatuese kanë vendosur që të marrin masa që t’u kundërpërgjigjen këtyre zhvillimeve të reja në gjirin e krimit të organizuar.

Europol, që është zyra qendrore e policive të BE-së për të koordinuar luftën ndaj drogës, ka emëruar si kreun e saj një oficere belge, e cila është marrë gjatë dhe e njeh mirë mafian shqiptare që vepron kryesisht në qytetin e Andverpen-it, Brukselit dhe Liezhit.

Catherine De Bolle, u emërua nga ministrat e Brendshëm të 27 shteteve të BE-së, një ditë pas Festës së Gruas, më 9 mars. De Bolle u emërua si drejtoreshë e Europolit pasi qëndroi 6 vjet në krye të policisë së Belgjikës.

Në këtë detyrë ajo ka drejtuar disa nga operacionet për kapjen e dy prej grupeve shqiptare të trafikut që ishin të lidhur me të ashtuquajturin “Escobar të Ballkanit”, Klemend Balilit.

Agjentë gjermanë dhe zvicerianë të antidrogës zbarkojnë në Tiranë? Read More »

Transporti i parave, zbardhet udhëzimi i ri nga Ministri Xhafaj

Ministri i Brendshëm Fatmir Xhafaj, nxjerr udhëzim të ri se si do të bëhet trasnporti i parave nga bankat e nivelit të dytë nëpërmjet Shoqërive Private të Sigurisë Fizike. Ligji ndalon për herë të parë që mbajtjen e aparatave celularë gjatë trasportit të parave, si dhe cakton si moshë maksimale 55-vjeç qëndrimin në detyrë.

Nisur nga numri i lartë i grabitjeve të autoblindave që shoqërojë vlerat monetare të bankave të nivelit të dytë, gjatë viteve të fundit, ministri i Brendshëm Fatmir Xhafaj ka nxjerrë një udhëzim të ri se si do të bëhet transporti parave nga Shërbimi Privat i Sigurisë Fizike.

Ligji është i detyrueshëm për të gjithë subjektet private dhe prej së premtes është publikuar edhe në Fletoren Zyrtare. Për herë të parë udhëzimi, ndalon në mënyrë kategorike mbajtjen e aparateve celularë të punonjësve të policisë private.

”Përgjegjësi i eskortës së shoqërimit, para lëvizjes së eskortës për transportimin e vlerave monetare, ndalon mbajtjen dhe përdorimin e mjeteve të komunikimit privat (celular) të punonjësve të SHPSF-së, përveç atyre të miratuara për transportimin e këtyre vlerave”.

Gjithashtu, është përcaktuar moshës maksimale të qëndrimit në punë të një efektivi privat si, edhe numrin e automjeteve të blinduara që mund të ketë një subjet për të fituar licencën e transportit të vlerave monetare.

“Punonjësit e shërbimit të SHPSF-së që ruajnë dhe sigurojnë objekte të sektorit bankar, të jenë deri në moshën 55-vjeç. Numri i mjeteve të blinduara që duhet të ketë një subjekt i SHPSF-së i pajisur me licencë të nënkategorisë 1.3.B, që merret me transportin e vlerave monetare të bankave të nivelit te dytë për të ushtruar veprimtarinë, duhet të jetë jo më pak 6 (gjashtë) mjete”.

Ky ligj klasifikon dhe llojin e blindave që duhet të përdoren për transportin e parave ku janë 7 modele nga kategoria A në F.

Siguri maksimale ligji ka parashikuar kur transportohen para me vlerë mbi 4 milion euro. Sipas udhëzimit të ri, duhet që eskorta të përbëhet nga 3 autoblinda dhe sistem bllokimi motorik. Gjithashtu duhet të jenë jo më pak se 7 punonjës shoqërimi të policisë private, të cilët janë të pajisur me armatim, por kanë edhe të drejtë të hapin zjarr nëpërmjet frëngjive të përshtatura në blind.

Këto masa vijnë pas ngjarjeve të bujshme të viteve 2015-2017, ku nga blindat që trasportonin para u grabiten rreth 12 milion euro.

Transporti i parave, zbardhet udhëzimi i ri nga Ministri Xhafaj Read More »

Thirrje e Bashkise se Vlores per cdo qytetar Vlonjate …

Të festojmë sëbashku Ditën e Verës më 14 Mars në Pedonale, eshte kjo thirrja qe Bashkia Vlore i ka drejtuar cdo qytetari vlonjate, por jo vetem, cdo kush mund te festoj diten e veres ne qytetin e Vlores, duke shijuar atmosferen festive qe do te krijoj Bashkia Vlore ne sheshin Pedonale.

Fotografia e ONETV VLORA

Sipas burimeve nga Bashkia Vlore pritet qe ne kuader te kesaj feste te kete nje axhende me aktivitete te shumta plot ngjyra me personazhe,argëtim dhe lojëra…

 

Thirrje e Bashkise se Vlores per cdo qytetar Vlonjate … Read More »

Vlore : Eshte zhvilluar Asambleja Socialiste e Vlores , Himares dhe Selenices ku kane qene te pranishem …

Eshte zhvilluar Asambleja Socialiste e Vlores , Himares dhe Selenices ku kane qene te pranishem edhe Kordinatorja Elisa Spiropali, Taulant Balla, deputeti i Vlores Damian Gjiknuri por edhe autoritet lokale te PS Vlore, si dhe gjithe deputetet e PS te Vlores, kreu i bashkise Leli dhe prefekti Mamaj. Ne mbledhjen e djeshme eshte prezantuar Platforma e Bashkëqeverisjes “Shqipëria që duam” Partia Socialiste e Shqipërisë do konsolidojë më tej koalicionin me qytetarët për t’i dhënë fund praktikave parazitare dhe grabitqare në administratën publike, ka qene theksi i takimit te autoriteteve socialiste…

Fotografia e ONETV VLORAFotografia e ONETV VLORAFotografia e ONETV VLORAFotografia e ONETV VLORAFotografia e ONETV VLORAFotografia e ONETV VLORA

Vlore : Eshte zhvilluar Asambleja Socialiste e Vlores , Himares dhe Selenices ku kane qene te pranishem … Read More »

Drogën në banane nuk e zbuloi policia, por një punonjës i thjeshtë i…

Vijojnë deklaratat lidhur me ngarkesën e madhe me drogë të kapur pak ditë më parë në Maminas.

Ish-kryeministri Sali Berisha ngre akuza të rënda në lidhje me 613 kg kokainë të kapur në 28 shkurt në një kontejner bananesh.

Berisha madje akuzon kryeministrin Edi Rama, ministrin e Brendshëm Fatmir Xhafaj, policinë dhe doganën se tentuan të fshihnin ngarkesën e drogës dhe se ajo u zbulua vetëm falë një punonjësi të skanerit.

Berisha thotë se punonjës dixhitalë të doganave dhe antidrogës informuan që në datën 27 shkurt se ngarkesën prej 613 kg kokainë në kontejnerin e bananeve e zbuloi mëngjesin e asaj date, vetëm dhe vetëm ky njeri, i cili sipas tij meriton falënderim.

“Të dashur miq, zbulohet skandali që dëshmon përfundimisht përpjekjen e Ramës, Xhafës, policisë dhe doganës për fshehjen e ngarkesës së 613 kg kokainë. Punonjës dixhitalë të doganave dhe antidrogës informuan që në datën 27 shkurt se ngarkesën prej 613 kg kokainë në kontejnerin e bananeve e zbuloi mëngjesin e kësaj date, vetëm dhe vetëm një njeri, punonjësi i turnit të skanerit tek kryente procedurën e skanimit. Ky punonjës, pa pasur asnjë njoftim paraprak nga hetimi doganor, antidroga apo policia e shtetit zbuloi gjatë skanimit se në dyshemenë e kontejnerit kishte blloqe droge të ndara. Po këto burime informuan se në kohën e skanimit të kontejnerit me 613 kg kokainë, nuk kishte në doganë apo terren aty pari, asnjë polic apo hetues doganor. Punonjësi i skanerit pasi zbuloi drogën menjëherë dërgoi ndihmësin e tij për të zgjuar nga gjumi drejtorin e doganës së Durrësit. Pra drogën në kontejner nuk e zbuloi asnjë polici rendi apo i antidrogës as dhe doganier apo hetues dogane. Pas fshehjes së informacioneve nga partnerët, ky është skandal i dytë më i madh, mashtrimi më i pafytyrë i Ramës dhe Xhafës ndaj shqiptarëve, duke mohuar totalisht rolin kryesor dhe të vetëm të skanerit në zbulimin e drogës për dy javë me radhë. Ky mohim i tyre detyroi së fundi kompaninë Rapiskan t’u thotë shqiptarëve të vërtetën me një komunikatë të publikuar dje mbi rolin e degës së saj në Shqipëri në zbulimin e 613 kg drogë në portin e Durrësit.” – shkruan Berisha.

Drogën në banane nuk e zbuloi policia, por një punonjës i thjeshtë i… Read More »