Lajmi i fundit

Rama flet për “Financial Times”: KE të nisë bisedimet për negociatat, Rusia…

Kryeministri Edi Rama kërkon nisjen e bisedimeve me BE qe Shqipëria t’i bashkohet këtij organizimi si pjese e zgjerimit te Ballkanit perëndimor për te forcuar sigurinë evropiane. Ne një interviste për prestigjiozen ‘Financial Times’ kryeministri shqiptar thotë se do ishte çmenduri për BE të dështojë të integrojë një vend në epiqendër të rrugëve te emigrimit dhe që shihet nga Rusia me një çmim strategjik. Kryeministri argumentoi se Tirana ka luftuar fuqishëm kundër problemeve të drogës dhe korrupsionit gjyqësor, duke e bërë atë një kandidat serioz për të përmbushur ambiciet e Brukselit për shtetet e Ballkanit Perëndimor për të hyrë në vitin 2025.

“Ne do ta gjykonim shumë të çuditshme nëse Shqipëria nuk do të fillojë menjëherë negociatat, pasi ka bërë saktësisht gjithçka që kërkohet të bëjë. Serbia dhe Mali i Zi tashmë kanë filluar bisedimet për pranimin në BE .Tani ajo që duam është thjesht të shpërblehemi për atë që kemi bërë dhe që procesi të jetë i drejtë dhe të jetë i parashikueshëm”- thotë Rama.

Rama e beri këtë interviste per ‘Financial Times’ gjate vizitës se tij ne Bruksel këtë jave. Sic shkruan kjo media komentet e Rames pasqyrojnë zhgënjimin e Tiranës zyrtare që Shqipëria ende nuk është lejuar të nisë bisedime përkundër progresit që ka bërë në reformat ekonomike dhe politike. Rama i bëri thirrje Komisionit Evropian që të rekomandojë hapjen e bisedimeve të pranimit në kohë në mënyrë që krerët e BE ta miratojnë atë në samitin e tyre të qershorit. Ai vuri në dukje rëndësinë e Shqipërisë dhe vendeve fqinjë në uljen e flukseve të emigrantëve në bllok, duke shtuar se interesi dhe ndikimi i Rusisë në Ballkanin Perëndimor – ndonëse ndonjëherë I ekzagjeruar – ishte e vërtetë.

“Ata [Moska] kurrë nuk hoqën dorë nga pikëpamja e rëndësisë gjeopolitike të rajonit – e cila nuk vihet re nga shumë në BE, me përjashtim të kancelares gjermane Angela Merkel. Është çmenduri të mendosh se Ballkani Perëndimor mund të lihet i anashkaluar e më tepër nga Europa”- thotë Rama. Dokumenti I BE I publikuar pak kohe me pare sugjeronte se Shqipëria dhe pesë shtetet e ish-Jugosllavisë mund të bashkohen me BE brenda tetë viteve, por vetëm nëse ata përmbushin kushte të vështira të tilla si zgjidhja e mosmarrëveshjeve të pazgjidhura dypalëshe dhe lufta kundër korrupsionit. Disa shtete anëtare të BE mbeten skeptikë rreth perspektivave të anëtarësimit pas krizës financiare të vitit 2008, problemeve të borxhit të eurozonës dhe votimit të Brexit në Mbretërinë e Bashkuar. Udhëheqësit e bllokut do të takohen me homologët e tyre ballkanikë në një takim të posaçëm në Sofje në maj.

Rama flet për “Financial Times”: KE të nisë bisedimet për negociatat, Rusia… Read More »

Rrëshkitje e madhe dheu në Orosh: shemben 10 shtëpi

Reshjet e shumta të shiut dhe të deborës kanë shkaktuar rrëshkitjen e dherave në Orosh të Mirditës gjatë natës, që kanë marrë me vete 10 shtëpi të një fshati.

Katastrofa është shmangur, pasi banorët ishin evakuar prej tyre një ditë më parë, të paralajmëruar për rrezikun vdekjeprurës nga Emegjenca Civile.

Dherat vazhdojnë të rrëshkasin edhe sot pasi reshjet janë dendura. Pushtetarë lokalë dhe forca të ushtrisë ndodhen në zonë për ndjekur evolimin e situatës.

Situatë e rrezikshme paraqitet edhe në një fshat të Fushë Krujës, ku erozioni ka gërryer tokën  pasi ka rrëmbyer kasollet e bagëtive, u ka shkuar në derë disa banesave.

Po njesoj paraqitet situata në Currila të Durrësit. Reshjet do të vazhdojnë deri në fundjavë me intensitet në gjithë vendin.

Rrëshkitje e madhe dheu në Orosh: shemben 10 shtëpi Read More »

Shkodra në mbretërinë e ujit, 5003 ha nën ujë

Situata e përmbytjeve në qytetin e Shkodrës vazhdon të përkeqësohet pasi sipërfaqja totale ka arritur mbi 5003 ha. Bashkia e Shkodrës ka paraqitur detajet për disa zona deri në orën 9 të mëngjesit të datës 23 mars 2018.
Njësia Administrative Dajç: 1795 ha

Kërkohet të ndërhyhet për lartësimin e argjinaturës së Pentarit, Shirqit dhe Darragjatit. Rruga Shirq- Darragjat, rruga, Belaj- Pentar, Rruga Bishti i Qarrit dhe Urrela janë te bllokuara. Ne disa shkolla ne ambientet e brendshme te shkollës ka prezence uji.

Kanë rënë disa shtylla të energjisë elektrike në rrugën e Dajçit. Kërkojmë nga OSHEE ndërhyrje emergjente duke marrë masat përkatëse. Ka mungesa të energjise elektrike pothuajse në teë gjitha fshatrat. Paraqitet shumë e nevojshme vendosja e shenjave orientuese në rruge për të bëre të mundur kalimin. Kanë filluar të demtohen edhe disa segmente rrugore. Janë mbi 300 shtëpi te rrethuara nga uji. Kërkohet furnizim me ujë te pijshëm për banoret.
Njësia Administrative Ana e Malit: 1300 ha

Ujësjellësi Oblika 1 dhe Oblika 2 janë jashtë funksionit. Bashkia Shkoder ka bere furnizimin e banoreve me ujë të pijshëm. Nevojiten çizme te gjata për banoret. Lagjia Gorice është totalisht e izoluar. Jane 177 shtëpi te rrethuara nga uji, 150 ne Obot dhe 27 ne Gorice.

Njësia Administrative Bërdicë

Në njësinë administrative Bërdicë janë mbi 1280 ha tokë e përmbytur. Stacioni i pompave te Ujësjellësit ne Trush si pasoje e përmbytjeve është jashtë funksionit. Janë 100 shtëpi te rrethuara nga uji. Ka mungesa te energjise elektrike pothuajse ne te gjitha fshatrat.

Njësia Administrative Velipojë:

Në njësinë administrative Velipojë, janë të përmbytura mbi 410 Ha tokë: Në fshatin Luarz del uji nën argjinaturë. Ndërsa ne atë te Çasit paraqiten shume probleme ku si pasoje kane detyruar komunitetin te nderhyje ne riparimin e saj.Kërkohet ndërhyrje emergjente dhe e specializuar. Rruga nacionale është e pakalueshme. Ka mungese te energjise elektrike pothuajse ne te gjithe njesine. Ne lagjen Vilun- Baks-Rrjoll si pasoje e eres se forte eshte rrezuar dhe demtuar transformatori duke lene pa energji elektrike banoret. Paraqitet shume e nevojshme vendosja e shenjave orientuese ne rruge për te bere te mundur kalimin.

Njësia Administrative Rrethina:

Në njësinë administrative Rrethina janë të përmbytura 70 Ha tokë Në zonën e Livadheve (Nj.ad.Rrethina) janë 70 shtëpi të rrethuara nga uji.

Njësia Administrative Guri i Zi:

Në njësinë administrative Gur i Zi vazhdon gërryerja e tokës në fshatin Juban, në afërsi të Malit të Vukatanës. Paraqitet shume problematike kjo dukuri pasi mund te rrezikohet argjinatura.

Qyteti Shkodër:

Në zonën e Livadheve janë të përmbytura 135 ha. Në këtë rrugë ndodhen mbi 50 shtëpi me prezencë uji afër oborreve të tyre. Me shume vështirësi kalohet me makine ushtrie, ndersa ne disa zona kalimi behet i mundur vetëm me varke. Në lagjen Ajasëm janë rreth 3ha tokë e mbuluar nga uji. Në 13 banesa ka prezencë uji.

Bashkia Shkodër ka bere evakuime te banoreve dhe gjësë se gjalle kur janë paraqitur nevoja. Ne këtë moment janë 76 persona te akomoduar ne konvikt. Gjithashtu Bashkia Shkodër ka bere te mundur edhe lëvizjen e banoreve dhe akomodimin e tyre tek te afërmit e tyre.

Specialistët tanë janë në terren, dhe po bëjnë vlerësimet e dëmeve të shkaktuara. Nevojat për bazë ushqimore afatgjatë, për blegtorinë, në zonat e përmbytura janë Imediate dhe paraqiten si më poshtë:

Koncentrat 110t

Bar i thatë 50 t

Baza ushqimore e ardhur nuk është e duhura (ka ardhur elb). Nga ana tjetër, duhet të merren masa për furnizim me klor për dizefektim për zonat e përmbytura pas tërheqjes së ujit. Bashkia Shkodër ka bërë një shkresë publike drejtuar Ministrisë së Mbrojtjes ku ka kërkuar shpalljen e gjendjes së emergjencës civile në këto njësi pasi rrezikohet rëndë shëndeti dhe jeta e popullatës, gjësë së gjallë, pasurisë e mjedisit.

Edhe pse kjo kërkesë është përsëritur disa herë, akoma Bashkia Shkodër nuk ka një përgjigje zyrtare nga autoritetet përgjegjëse. Insistojmë në kërkesën tonë të vazhdueshme për shpalljen e emergjencës civile në një pjesë të territorit të Bashkisë së Shkodrës pasi situata e krijuar është rezultat i shkarkimeve të mëdha në sasi dhe për një kohë të gjatë në kaskadën e lumit Drin.

Shkodra në mbretërinë e ujit, 5003 ha nën ujë Read More »

Çmendet ‘moti’ – Sinoptikani i njohur jep lajme të këqija.E premtja sjell …

Sinoptikani i njohur grek, Sakis Arnautoglou paralajmëron përsëri për një përkeqësim të theksuar të motit ditën e enjte, në shumë territore të Shqipërisë.

“Sidomos zonat që rrezikohen më shumë nga moti i keq, janë ato në kufi me Malin e Zi, Kosovën dhe Ish Republikën Jugosllave të Maqedonisë”, ka thënë ai për Top Channel.

Arnaoutoglou parashikon se në Tropojë, Has, Pukë, Mirditë, Kukës e Dibër, reshjet e dëborës mund të shkojnë nga 0.4 deri në 1 metër dhe do të shoqërohen me stuhi të fuqishme. Reshjet sipas tij do të jenë tepër të dendura dhe do të zgjasin gati për 24 orë.
Gjithashtu sinoptikani grek paralajmëron se në shumë rajone të Shqipërisë veriore, qendrore dhe verilindore, do të ketë erëra të fuqishme, të cilat do të arrijnë shpejtësinë nga 100 deri në 120 km në orë, dhe se ky është një fenomen i pazakontë për Shqipërinë, ka thënë ai.

Arnautoglou kishte parashikuar me saktësi edhe përmbytjet e mëdha në Shqipëri, në fillim të dhjetorit të kaluar

Çmendet ‘moti’ – Sinoptikani i njohur jep lajme të këqija.E premtja sjell … Read More »

Ministri Xhafaj në Uashington, Edi Rama në Stamboll

Ditët e fundit axhenda e zyrtarëve më të rëndësishëm të qeverisë është e mbushur me takime të niveleve ndërkombëtare dhe rajonale. Shqipëria pret çeljen e negociatave të anëtarësimit me Bashkimin Europian ndaj takimet diplomatike janë fokusuar në Bruksel. Ndërkohë, prioritet mbeten marrëdhëniet me aleatin strategjik, Shtetet e Bashkuara të Amerikës.

Në ndryshim nga kjo linjë zyrtare e diplomacisë dje ka renë në sy një fluturim i beftë i kryeministri Edi Rama drejt Turqisë për të takuar Presidentin Erdogan. Dy ditë më parë kryeministri ishte në Bruksel ku zhvilloi takime me gjithë drejtuesit e institucioneve të Bashkimit Europian, të cilët pritet të vendosin me 17 prill rekomandimin për negociatat. Në Komisionin dhe Parlamentin e BE-së, Edi Rama theksoi dhe një herë gatishmërinë e Shqipërisë për t’u bërë pjesë e Unionit Europian. Si zakonisht, mes lavdeve për vlerat europiane dhe vonesat e burokratëve të BE për të hedhur sytë nga Shqipëria, Rama nuk harroi të provokonte. Edhe këtë herë ai tha se BE duhet të shpejtojë me integrimin e Shqipërisë, e cila i ka bërë detyrat, në të kundër forca e tjera do të gjejnë terren në Ballkan. Duke nënkuptuar Turqinë dhe Rusinë si mike e Presidentit Erdogan.

Pas Brukselit, pa u kthyer në Tiranë dhe në Shkodër ku uji po bën namin, Edi Rama fluturoi drejt për te darka me presidentin turk Erdogan. Turqia, për shkak të problemeve me standardet e BE dhe së fundi tensionet ushtarake me Greqinë, në Bruksel ka kohë që shihet si një vend që po u largohet vlerave europiane. Zyrat e shtypit të presidentit turk dhe kryeministrit shqiptar shpërndanë dje foto dhe video nga takimi, por asnjë detaj se për çfarë kanë diskutuar politikanët kryesorë të dy vendeve. Mes dy qeverive ka një nivel bashkëpunimi të shkëlqyer gjatë viteve të fundit dhe Turqia cilësohet si partner strategjik i Shqipërisë. Këto ditë mes dy shteteve pritet të nis një linjë e re fluturimesh, si shenjë e shkëmbimeve të larta ekonomike. Ndërkohë është gati dhe firmosja e projektit të aeroportit të Vlorës, një investim 100 përqind i biznesit turk. Veç marrëdhënieve shumë të mira ekonomike Shqipëri-Turqi, mes Edi Ramës dhe Erdogan ka edhe një raport special miqësor. Dëshmi e këtij raporti që kalon nivelet diplomatike ishte dhe prania në takim e bashkëshortes së kryeministrit shqiptar, Linda Rama dhe bashkëshortes së presidentit turk, Emine Erdogan. Vila qeveritare e zgjedhur për takimin,  rezidenca “Tarabya” në mediat turke vlerësohet si një ambient ku Edrogan pret zakonisht politikanë të rëndësishëm dhe miqtë e tij personal. Edi Rama ishte dje në Turqi jo vetëm si kryeministri i Shqipërisë, por edhe si miku personal i presidentit  Erdogan. Jo më kot, ky raport mes politikanëve shpesh herë ka bërë që Edrogan të cilësohet për Edi Ramën si “babai shpirtëror”. Ndaj Edi Rama praktikon në Shqipëri dhe bile ia ka kaluar Erdogan në cënimin e lirive ekonomike dhe mediatike. Të gjithë e dijmë se kryeministri Rama ka futur gjithçka në dorë, tani edhe drejtësinë.

Ndërkohë që Rama takonte në brigjet e Stambollit Erdogan, ministri i Brendshëm, Fatmir Xhafaj  ndodhet prej disa ditësh në Shtetet e Bashkuara të Amerikës. Së bashku me drejtorin e Përgjithshëm të Policisë së Shtetit, Ardi Veliu dhe një ekip të Ministrisë së Brendshme, Xhafaj është takuar me zyrtarë të lartë të sigurisë së SHBA. Takimet përfshijnë bisedime me kongresmenë amerikanë, përfaqësues të Departamentit të Shtetit, drejtues të FBI dhe përfaqësues të zyrës kundër drogës, DEA. Në SHBA nuk është vështirë që një politikan të takojë kongresmenë, por në zyrat e DEA dhe FBI vetëm pak politikanë shqiptarë janë pritur. Kriteri i lobimeve me dollarë nuk pi ujë për drejtuesit e institucioneve të sigurisë si DEA dhe FBI. Ndaj mikpritja e Ministrit Xhafajt në këto takime dhe ndarja e informacioneve të rëndësishme, konfirmon zërat politikë në Tiranë se Ministri i Brendshëm është zgjedhur në këtë detyrë më mbështetje direkte nga SHBA.

Dhe si një kandidaturë zëvëndësuese për Edi Ramën në çdo rast që mund të ketë krizë në mazhorancën e PS-së.

Ministri Xhafaj në Uashington, Edi Rama në Stamboll Read More »

PD në ristrukturim të thellë, degët depozitojnë propozimet për ndryshimet në statut

Në 8 mars në mbledhjen e  kryesisë, kur  u vendos thirrja e Kuvendit Kombëtar dhe nisja e procesit të ristrukturimit të Partisë Demokratike, Kryetari Lulzim Basha, manadatoi një grup punë që do vendoste kontakte dhe do merrte cdo paltformë apo propozim për ndryshime  në statut.

22 Marsi ishte fiksuar si data kur ky grup që kryesohet nga nënkryetari Edi Paloka, dhe në përbërje ka  Edmond Spahon,  Sekretarin e Pergjithshem, Arben Ristani, sekretarët  Eno Bozdo dhe Fatbardh Kadilli, dhe  anëtarin  e Kryesise Gent Malko, të mbyllte punën kryesore të tij.

Burime të rezervuara i thanë Ora News, se grupet kundërshtare të Bashës, që evidentohen  me Astrit Patozin apo Ridvan Boden por dhe linja e Arben Imamit apo Jozefina Topallit, ende nuk kane dorëzuar propozime konkrete, ndërsa deri në këto momente janë vetëm  disa degë që kanë dhënë alternativat e tyre se cfarë duhet të ndryshojë në “ligjin” bazë se si funksionon kjo forcë politke.

Po të njëjtat burime  pranë grupit për statutin, theksuan se  kryesisht propozimet e degëve,  fokusohen tek vendimmarrja e anëtarësisë.  Një instrument  që vihet re pothuajse në cdo propozim është  që kandidatët për kryetar bashkie dhe për deputet, ti nënshtrohen  më parë votës së anëtarëve të Partisë Demokratike. Ky propozim në fakt është ushqyer edhe nga vetë kryetari i Partisë Demokratike Lulzim Basha, i cili pas listës së zgjedhjeve të 2017, deklaroi se ajo do ishte e fundit që mbante firmën e tij, pasi nga ai moment do ishte antarësia që do vendoste për përfaqësuesit e tyre.

Ka  propozime të tjera si përshembull,  ai që Sekretari i Pergjithshëm, Sekretari organizativ dhe 2 nënkryetarët të zgjidhen nga kuvendi kombëtar, në mënyrë që të  jenë persona politikë me mbështetje sa më të gjerë të anëtarësisë dhe jo nga këshilli kombëtar e nga marrëveshjet mes individëve .

Duket se faza e ristrukturimit, do të jetë një operacion i thellë në Partinë Demokratike, përvec rregullave se si do të funksionojë kjo forcë priten ndryshime dhe në strukturë. Ende nuk ka një draft konkret, po duket se struktura e Partisë Demokratike, e ndryshuar 4 vite më parë të rikthehet sërish ashtu sic e la ish-lideri Sali Berisha. Nga rreth 7500 anëtarë që ka Kuvendi Kombëtarë, pritet që me ndryshimet e reja ai të tkurret në 1500, po ashtu  tkurrje  do të ketë edhe Këshilli Kombëtarë, nga 275 anëtraë në 140.

Jashtë ristrukturimit nuk do të mbetet edhe Kryesia e Partisë Demokratike, nga 56 anëtarë që ka aktualisht ajo do të fokusohet në vetëm 15, të cilët do jenë figurat kryesore të kupolës drejtuese. Kuvendi kombëtarë që do të vendos për këto ndryshime,  do të mblidhet me 28-29 prill, ndërsa  parashikohet që e gjithë faza strukturimit të mbyllet brenda muajt qershor.

PD në ristrukturim të thellë, degët depozitojnë propozimet për ndryshimet në statut Read More »

Mjekët japin alarmin: Kurrë mos hani mish derri! Ja arsyeja

Mishi i derrit nuk është i mirë për organizmin tonë! Kështu thotë shkenca.

Doktor Nezar Dakir në një studim të fundit të tij thotë: Derri ha gjithçka, ai është një fshirës i oborreve dhe fushave, ai ha plehrat mbeturinat dhe njëkohësisht kafshon me dhëmbët e tij minjtë.

Sipas studimit: Në trupin e derrit ndodhen plot 450 sëmundje, ku 12 prej tyre janë ngjitëse. Disa prej sëmundjeve janë sëmundja e lukthit, ku jashtëqitja përzihet me gjakun, botulizmi një lloj helmimi, krimbat ascaris që ndonjëherë është vdekjeprurëse, mëlçia e sëmurë.

Dhjami i tij shkakton kancerin e zorrës së trashës, rektumin, prostaten apo kancerin në gji.

Po ashtu mishi i derrit është një nga mishrat me më shumë kolekterol, prandaj ai shkakton obezitetin dhe sëmundje të tjera të rrezikshme si zgjebja, alergjia, apo ulcerat e stomakut.

Mjekët japin alarmin: Kurrë mos hani mish derri! Ja arsyeja Read More »

Vlore : Probleme me energjine elektrike ne disa zona

Si pasojë e gjendjes së përkeqësuar të motit me shira të dendur dhe erëra të forta, Operatori i Shpërndarjes së Energjisë Elektrike ka pranuar se e ka shumë të vështirë të riparojë në kohë të gjitha defektet e krijuara.

Në këtë rast OSHEE ka vendosur në dispozicion të qytetarëve shqiptarë, numrat e kontaktit të dispecerive në rang vendi të cilat do të jenë në shërbim për 24 orë. Banorët e zonave problematike, do të kenë mundësinë të informojnë dhe raportojnë gjendjen e furnizimit me energji elektrike në çdo moment.

Ja harta e vendit me numrat përkatës:

Fotografia e ONETV VLORA

Vlore : Probleme me energjine elektrike ne disa zona Read More »