Lajmi i fundit

Një 24-vjeçar është arrestuar mbrëmjen e djeshme në qytetin e Durrësit pasi dyshohet se shpërndante drogë.

Sipas policisë Blerim Oshafi, shiste dhe shpërndante lëndë narkotike të llojit kokainë dhe marijuanë në lokalet e natës.

Atij iu sekuestruan 4.5 gramë kokainë, 7 gram marijuanë të ndara në doza për shitje, si dhe 8200 lekë të reja dhe automjeti  me targë AA212ND

“Me date 04.04.2018 ora 21:30 seksioni per hetimin e narkotikeve finalizoi me sukses plan operacioni “shperndarsi” ku u be e mundur kapja ne flagrance i shtetasit Blerim Bashkim Oshafi i dtl.26.04.1993 lindur dhe banues ne Durres lagja 13.

Pasi mbi bazen e informacioneve qe dispononte seksioni per narkotiket ky shtetas shiste lend narkotike te llojit kokain dhe Marjuane ne lokalet e nates. U sekuestruan ne cilesin e proves materjale 7 grame lende narkotike Marjuane dhe 4.5 grame lend narkotike Kokaine e ndare ne doza gati per shitje.

Shuma prej 8.200 leke te reja si automjeti me targe AA212ND ne pronsi te ketij shtetasi. Materjalet ju referuan prokurorise Durres per vepren penale prodhim shitje te narkotikeve parashikuar nga neni 283 i K.Penal,” shkruhet në njoftimin e policisë.

Vendimi i marrë një ditë më parë nga një trupë gjykuese e Gjykatës së Lartë që ka shqyrtuar çështjen e kapjes së 1 ton drogë në Portin e Durrësit, ku të arrestuar janë 5 persona, ka vendosur që kjo çështje të mos i kalojë për kompetencë, shkruan Shqiptarja.com. Gjykata e Lartë, ka marrë një vendim që urdhëron Gjykatën e Krimeve të Rënda të mos shpallë moskompetencën për një sërë dosje penale të cilat nuk kanë lidhje me të akuzuar për grup të strukturuar kriminal, por për vepra të ndryshme penale.
Vendimi i marrë një ditë më parë nga një trupë gjykuese e Gjykatës së Lartë që ka shqyrtuar çështjen e kapjes së 1 ton drogë në Portin e Durrësit, ku të arrestuar janë 5 persona, ka vendosur që kjo çështje të mos i kalojë për kompetencë Gjykatës së Durrësit, por të vijojë të gjykohet nga Gjykata e Krimeve të Rënda për akuzën e trafikut të narkotikëve në bashkëpunim.

Në vendimin e saj, Gjykata e Lartë ka urdhëruar që të gjitha çështjet e rregjistruara përpara 1 gushtit 2017 të vijojnë të gjykohet nga kjo gjykatë, duke mos shpallur moskopetencën lëndore. Mësohet që prej hyrjes në fuqi të ndryshimeve ligjore, gjykata e Krimeve të Rënda ka shpallur moskopetencën për 30 çështje penale që kanë të bëjnë pëhr krime në familje, trafik droge, vrasje, dhe kanosje e gjobëvënie.

Gjykata e Apelit

Në të njëjtën linjë, ka vepruar dhe Gjykata e Apelit për Krime të Rënda e cila ka transferuar për gjykim në rrethet e tjera disa dosje. Çështja më e nxehtë që kjo gjykatë ka qënë në diskutim për ta transferuar në Apelin e Durrësit, ka qënë dosja me të pandehurin Dritan Dajti i akuzuar për vrasjen e 4 efektivave të policisë së Shtetit në Durrës.

Mirëpo pas këtij vendimi të Gjykatës së Lartë, çështja “Dajti” tashmë nuk mund të transferohet. Burimet pranë gjykatës thanë se pas vendimit të djeshëm të Gjykatës së Lartë pritet që dhe gati 30 çështje që janë transferuar në rrethe të rikthehen sërisht për tu gjykuar nga Gjykata e Krimeve të Rënda. Procesi gjyqësor për këto çështje hyri në një spirale ligjore, për shkak të ndryshimit të procedurave ligjore, të bëra si rezultat i reformës në drejtësi.

30 dosje sërisht tek Krimet e Rënda

Vendimi i një dite më parë rrëzon atë të marrë 2 jave më parë për shkak të krijimit të disa anomalive në sistem. Gjatë dy javëve, Krimet e Rënda shpallën moskompetencë për rreth 30 dosje duke ua deleguar rretheve. Mes tyre edhe çështje të rëndësishme për trafik droge apo krime në familje. Tashmë ato priten të rikthehen përsëri pranë Gjykatës së Krimeve të Rënda. Bëhet fjalë për dosjen e vrasjes së gjyqtares së Shkodrë Fildeze Hafizit, vrasjen e Suela Sulës në Shkodër nga bashkëshorti i saj dhe një sërë çështjes të tjera.

Në Kantonin Aargau të Zvicrës është zhvilluar një aksion i madh për të kapur tre grabitës në arrati. Deri më tani është arrestuar një kosovar 37-vjeçar.

“Bëhet fjalë për një turist 37-vjeçar nga Kosova, i cili edhe paraprakisht ka qenë i kërkuar me urdhërarrest”, ka pohuar për “20 Minuten” zëdhënësi i policisë Bernhard Graser, përcjell Albinfo.ch.

Kërkimi për të arrestuarit e tjerë tashmë është ndërprerë. Zëdhënësi i policisë u shpreh i lumtur që mobilizimi i helikopterit dhe qenve nuhatës policorë dha rezultate.

Policia kishte rrethuar një pyll në të cilin dyshohet se gjendeshin tre të arratisurit. Një qen nuhatës u gjeti një gjurmë, mirëpo shpejt e humbi në afërsi të pyllit.

Megjithatë, helikopteri e lokalizoi një person, i cili kishte qenë i fshehur afër. Piloti i  helikopterit e udhëzoi policen me qen se ku gjendej personi dhe nuk qe e vështirë  për ta arrestuar.

Arrestimi është bërë rreth orës 7.00 të mëngjesit. Rreth orës 4.00 një kalimtareje të rastit i kishin rënë në sy tre persona që kishin dashur të hynin në një shtëpi. Më pas, ata kishin hipur në një makinë me targa franceze, duke u larguar nga vendngjarja. Pak më vonë, makina ishte ndjekur dhe nga roja kufitare zvicerane, e cila në rrugë vendosi barrierë me gozhda, por që plaçkitësit e kishin thyer.

Ndaj,  policia organizoi mobilizimin e madh për të kapur të arratisurit. Njëzet patrulla policore, qen nuhatës si dhe një helikopter me kamerë termike u lëshuan pas të arratisurve. Ata e braktisën makinën dhe u futën në një pyll, duke ia mbathur në këmbë. Në makinën e braktisur policia ka gjetur mallra të ndryshme që dyshohet se janë të vjedhura.

Përmes Twitterit, policia i ka lutur qytetarët për të dhënë informacione: Kërkohen tre persona të panjohur, sipas të gjitha gjasave me shtetësi të huaj, me rroba të lagura dhe të ndotura, shkruhet në njoftimin e Policisë kantonale të Aargaut.

Opozita ka bllokuar katër kryqëzime kryesore të Shqipërisë në një protestë anti-qeveritare duke e akuzuar atë për lidhje me krimin e organizuar dhe për rritjen e taksave e varfërisë.

Opozita e Partisë Demokratike bojkotoi seancën parlamentare të së enjtes për të nisur një fushatë të “mosbindjes civile” duke bllokuar rrugët kryesore të vendit dhe duke i bërë thirrje popullit të mos paguajnë taksat në rritje.

Qindra mbështetës të opozitës u mblodhën në katër kryqëzime në të gjithë vendin, duke bllokuar trafikun dhe duke kërkuar dorëheqjen e kryeministrit Edi Rama. Policia tha se i konsideronte tubimet si të paligjshme pasi nuk mori asnjë kërkesë për t’i mbajtur ato.

Demokratët pësuan një humbje dërrmuese në votimin e vitit të kaluar, duke siguruar vetëm 43 vende në parlamentin me 140 vende. Shqipëria, një anëtare e NATO-s që nga viti 2009, iu dha statusi i kandidatit të BE në vitin 2014 dhe shpreson të nisë negociatat këtë vit./ The Washington Post

Plani amerikan që do të çojë në burg klasën mafioze politike në Shqipëri, afati kur do të nisin hetimet dhe arrestimet, përpëlitjet e fundit të pesëshesh që vjedh dhe sundon prej 27 vitesh Shqipërinë nuk e shmangin dot fundin e tmerrshëm

Dita e llogaridhënies dhe e ndëshkimit po afrohet. Nuk do të ketë shpëtim për Edi Ramën, Sali Berishën, Lulzim Bashën, Ilir Metën dhe Monika Kryemadhin, pesëshen që vjedh, sundon dhe rrëmon prej 27 vitesh Shqipërinë.

Kjo nuk është vetëm një dëshirë e popullit shqiptar, por është një vendim i Shteteve të Bashkuara të Amerikës dhe Bashkimit Evropian. Prova është dhënë disa vite më parë në Kroaci dhe Rumani, ku kryeministra, ish-kryeministra, ministra, kryebashkiakë etj., përfunduan në burg për korrupsion dhe pasuri të paligjshme.

Pesëshja famëkeqe po bën përpëlitjet e fundit për t’i shpëtuar këtij fati. Prej katër vitesh bënë çdo përpjekje për të sabotuar reformën në drejtësi. Kur nuk ia dolën dot pasi amerikanët i kërcënuan me futje në listën e zezë, pesëshja famëkeqe është gati që të djegë Shqipërinë, duke provokuar dhe poshtëruar popullin.

Ed Rama po sajon lloj-lloji takse absurde dhe po vjedh nga 800 milionë euro në vit, bashkë me shpurën e tij, ndërkohë që, Berisha, Basha, Meta dhe Kryemadhi, në koordinim me Ramën, po përpiqen që të bëjnë Shqipërinë tym dhe flakë, për t’i shpëtuar ndëshkimit.

Makthi më i tmerrshëm i Edi Ramës, Sali Berishës, Lulzim Bashës, Ilir Metës dhe Monika Kryemadhit është Byroja Kombëtare e Hetimit.

E ngjashme me FBI, kjo strukturë është kërkuar me forcë nga amerikanët që të parashikohet në Kushtetutë dhe ligjet e reformës në drejtësi, pikërisht për të hetuar dhe për të çuar para Gjykatës Speciale politikanët që vjedhin dhe sundojnë prej 27 vitesh Shqipërinë.

Nën kërcënimin se kush do të bënte rezistencë do të futej në listën e zezë, amerikanët detyruan këtë klasë politike të votojë Byronë e Hetimit, duke firmosur fundin e saj. Tani ngritja e Byrosë Kombëtare të Hetimit është e pashmangshme. Hetimet dhe arrestimet e para parashikohen në fund të këtij viti.

Që të ngrihet Byroja Kombëtare e Hetimit, Prokuroria e Posaçme dhe Gjykata Speciale, të projektuara vetëm për ndëshkimin e krimit dhe korrupsionit në nivele të larta, duhet që më parë të ngrihen Këshilli i Lartë i Prokurorisë dhe Këshilli i Lartë Gjyqësor.

Anëtarët për këtë dy organe po i nënshtrohen Vetingut. Edhe pse i ngadaltë, procesi i Vetingut po kontrollohet nga njerëzit e SHBA-BE, duke përjashtuar nga sistemi prokurorët dhe gjyqtarët e Ramës, Berishës dhe Metës.

Ashtu siç kontrollojnë Vetingun, amerikanët do të monitorojnë dhe asistojnë Byronë e Hetimit dy vitet e para. Gjatë këtyre dy viteve, në dorë do të merren të gjitha dosjet që u bllokuan nga Adriatik Llalla dhe që po bllokohen nga Arta Marku për Ramën, Berishën, Bashën dhe Monikën.

Në ligjin për SPAK-un, ku parashikohet ngrita e Byrosë, Prokurorisë së Posaçme dhe Gjykatës Speciale, janë caktuar struktura të tjera për hetime specifike, kryesisht mbi pasurinë.

Në ligj është caktuar edhe ngritja e grupeve të përbashkëta hetimor mes njerëzve të SPAK-ut, amerikanëve dhe Brukselit, për të hetuar dhe ndëshkuar kokat e krimit dhe korrupsionit në Shqipëri./Pamfleti.com