Lajmi i fundit

Ish-sekretari i komunës Thumanë, Muharrem Roli rrezikon të dënohet me 18 muaj burgim për “Shpërdorim detyre” dhe “Falsifikim dokumentash”, pasi gjatë fazës së gjykimit ka rezultuar sipas akuzës se ai, është përfshirë në një skemë kriminale të tjetërsimit të 13 mijë e 300 metra katror.

Së bashku me Kurtin, i pandehur në këtë çështje penale është dhe ish-drejtori i Hipotekës në Krujë, Fatmir Shani, për të cilin prokurorja Mirela Kapo, i ka kërkuar gjykatës së Krujës dënimin me 1 vit burgim për akuzën e “Shpërdorimit të detyrës”.

Në pretencën e saj, lexuar në gjykatë prokurorja e çështjes evidentoi shkeljet e dy ish-funksionarëve shtetërorë, të cilët me veprimet e tyre të kundraligjshme i kanë hequr të drejtën e pronësisë shtetasit Asllan Loci, duke e rregjistruar sipërfaqen e tokës prej 13 mijë e 300 metra katror në emër të një personi tjetër të quajtur Asllan Laci.

Pavarësisht se këta dy persona kanë thuajse gjeneralitete të njëjta, ku vetëm shkronja “a” në mbiemër bën diferencën, ata janë dy shtetas të ndryshëm, thotë prokuroria. Sipërfaqja e tokës që është tjetërsuar ndodhen në fshatin Derven, por pas rregjistrimit në hipotekë në emër të Asllan Laçit, kjo pronë mësohet se është shitur në 20 tetor 2011 dhe kaluar në emër të kompanisë “Milis Brisk”, një shoqëri aksionere që vepron në fushën e duraluminit.

Veç dënimit të dy zyrtarëve shtetërorë, prokurorja Mirela Kapo ka kërkuar dhe konfiskimin e sipërfaqes tokësore 10 430 m2, ndodhur në zonën e quajtur “derven –Krujë” në emër të shoqërisë “Milis Brick sha”.

Vërtetimi i falsifikuar
Nisur nga hetimet, prokuroria thotë se shtetasi Asllan Laci në vitin 2011, mbi bazën e një vërtetimi të falsifikuar, të lëshuar përtej kompetencave ligjore nga ana e sekretarit të komunës Thumanë, shtetasit Muharrem Roli ka rregjistruar pronën që është në përkatësi të shtetasit Asllan Loci. Ky rregjistrim është bërë në zyrën vendore te rregjistrimit të pasurive të paluajtshme Krujë në kundërshtim me ligjin nga ana e rregjistruesit, shtetasit Fatmir Shani.

Pretendimet e kallëzuesit
Në bazë të veprimeve hetimore të Prokurorisë së Krujës, ka rezultuar se: “Shtetasi Asllan Loci është banor i qytetit të Fushë –Krujës dhe për periudhën kohore 1 shkurt 1987 deri më 15 korrik 1992 ka punuar në ndërmarrjen NB.Krujë dhe F.Krujë pranë sektorit Derven”. “Në kallëzim e tij ky shtetas parashtron faktin se është furnizuar me tokë në bazë të ligjit nr.7501 datë 19 korrik 1991.

Është furnizuar me këtë sipërfaqe toke duke qenë se ka punuar në ndërmarrjen NB-Derven, dhe në këtë mënyrë është pajisur me aktin e marrjes së tokës në pronësi me nr.208, fshati Derven, muaji mars i vitit 1999, në emrin e shtetasit Asllan S.Loci, por vërtetimin në origjinal të aktit të marrjes në pronësi nuk e ka tërhequr asnjëherë si edhe nuk ka firmosur kurrë në të, pasi e ka lënë në bashkinë e Thomanës.

Asllan S.Loci është emri i tij pasi më parë është njohur me emrin Islam” thotë Prokuroria. Së fundmi kallëzuesi është vënë në dijeni rastësisht se zyra vendore e pasurive të paluajtshme Krujë, ka rregjistruar pasurinë me nr.250/30 vol.5, fq.150 në emër të shtetasit Asllan Laci, pasuri e cila ka qenë më parë e rregjistruar në emër të shtetasit Asllan Loci.

Lidhur me pasurinë që kallëzuesi pretendon se është e tij disponon aktin e marjes së tokës në pronësi (në fotokopje) si edhe një kopje të librit të ngastrave. Pra toka është përfituar si punonjës i ish-ndërmarrjes bujqësore Derven dhe është furnizuar për shtatë frymë pasi kjo ka qenë përmbërja familjare e kohës referuar edhe çertifikatës familjare./Shqiptarja.com

Ish deputeti Mark Frroku është liruar nga burgu. Gjykata e Fierit me një vendim të ditëve të fundit i ka falur kohën e mbetur të dënimit prej 1 viti e 5 ditësh, duke urdhëruar lirimin e menjëhershëm të Frrokut.

Ai u dënua në prill të vitit të kaluar nga gjykata e shkallës së parë e Tiranës me 7 vjet e 6 muaj burgim për akuzat e fshehjes së pasurisë dhe ndërtim të paligjshëm.

Ndërsa në janar të këtij viti gjykata e Apelit po në Tirane ia reduktoi dënimin ne 6 vjet burg për të njëjtat akuza. Ndërsa gjykata e Fierit së fundmi ka vendosur lirimin para kohe të Frrokut. Përveç akuzave për të cilat u shpall fajtor, Frroku u dyshua edhe për vrasjen e shtetasit shqiptar Aleksander Kurit në vitin 1999 në Belgjikë, por këto dyshime nuk u provuan.

Ndërkohë javën e ardhshme në gjykatën e Tiranës pritet të nisë një tjetër proces ndaj Frrokut, atë ku së bashku me Tom Doshin dhe Durim Banin akuzohen për dëshmi të rremë për një atentat ndaj një deputeti të opozitës./TCH

Përmes të dashurës së tij, Izet Haxhia ka përgënjeshtruar lajmet për një pakt mes tij dhe politikës. Sipas tij gjithça është spekulim dhe se do i shkojë deri në fund të vërtetës.

Postimi i plotë:

Miq të dashur të Izetit!

Në radhë të parë, keni të gjithë një pershendetje dhe falenderim nga Izeti! Eshte mire, eshte i vendosur dhe i palëkundur në të Vertetat e tij!

Më kërkoi të komunikoja diçka:

Izet Haxhia, në menyre kategorike, apsolute dhe te panegociueshme nuk ka bëre ASNJË marrëveshje, ASNJË shitje-blerje, ASNJE bisede te fshehte a te pa-fshehte, me absolutisht ASNJE krah te politikes ne Shqiperi!!!! Qofshin të majtë, apo te djathte!! Çdo spekulim mbi këte teme, është i genjeshtert dhe leverdisës për ata që i fshihen te vertetave!! Dëshmitari me i parë dhe i besueshëm për ketë, është Zoti vetë!!! Ai u vetëdorezua me dëshirën e tij të lire, për të kërkuar të drejtën legjitime, si çdo shtetas tjetër, të gjykohet me DREJTËSI!!

Izet Haxhia, është tërësisht i shkëputur nga çdo politikan shqiptar dhe këte e ka zgjedhur vete ai, me integritetin dhe burrërine që e karakterizon!

Por, nuk eshte i vetmuar nga shqiptaret, nga unë, nga ty, nga ti tjetri, nga ne të gjithe! Qe duam drejtesi për çdo bashkëkombas tone! Drejtesi për te pafajshmit dhe drejtësi për fajtorët!!!

E dyta, nje FALENDERIM të veçantë për personelin e burgut 302, te cilet po e trajtojnë me korrektese dhe profesionalizëm maksimal

Me shpresën tek Zoti dhe tek e Vërteta, le të solidarizohemi të gjithë në kërkesen tonë për Drejtësi!

Qofshi të gjithë të lumtur e të plotesuar ne jetet tuaja!

Gangsterët shqiptarë që kontrollojnë tregun e kokainës së pastër kanë rritur praninë e tyre në Britani me rreth 60 përqind në tre vitet e fundit, duke ushqyer një rritje të krimit të dhunshëm.

Dhuna e bandës është përhapur gjithnjë e më shumë në qytetet bregdetare dhe fshatrat rurale në përputhje me një rritje të mprehtë të kokainës të sjellë nga mafia shqiptare nëpërmjet lidhjeve me kartelet e Amerikës Latine, raporton The Times, shkruan Syri.net.

Ritmi në të cilin banda shqiptare ka pohuar kontrollin e kontrabandës me shumicë të kokainës dhe shpërndarjen në Britani është paraqitur në shifra nga Agjencia Kombëtare e Krimit.

/Ariglon Pali/Syri.net/

Pas fjalimit të Lulzim Bashës, ku vijoi me akuzat ndaj ministrit Xhafa, opozita ka bllokuar foltoren e Kuvendit. Edhe pse kryetari i Kuvendit kërkoi disa herë që opozita të zinte vendet e saj kjo e fundit ka kundërshtuar. Pas kësaj tentative Ruçi urdhëroi mbylljen e seancës dhe nxjerrjen jashtë të medieve.

Nga foltorja e Kuvendit, kryetari i PD-së, Lulzim Basha tha se ka fakte të reja për shkelje ligjore, politike e penale të ministrit të Brendshëm Fatmir Xhafaj, që sipas Bashës ka të bëjë me ndryshim të kodit të procedurës penale, kur ministri ishte në kreun e komisionit të reformës në drejtësi.

“Dje deklaroi se në raport me çështjen e dënimit të vëllait nuk ka pasur asnjë lloj pushteti për të ndikuar në asnjë lloj forme mbi të, ky është mashtrimi i dytë i tij për të mbrojtur veten e tij nga vepra penale e korrupsionit të zyrtarit të lartë, siç do provohet sot me dokumente zyrtare, Fatmir Xhafaj në detyrën e tij si kryetar i komisionit të reformës në drejtësi ka ndryshuar përmes falsifikimit të dokumenteve zyrtare Kodin e Procedurës Penale për të shpëtuar vëllain e tij, konkretisht nenin 491”, tha Basha.

Sipas tij Xhafa është peshku i madh, krimineli i pandëshkuar dhe të dy bashkë me të vëllanë “janë një prej kokave mafioze që kanë ndryshuar Vlorën në kryeqytetin e kokainës”.

Por ndërprerja e fjalës së Bashës, ka ngritur në këmbë deputetët e opozitës që janë mbledhur para foltores, teksa kreu i Kuvendit Gramoz Ruçi thotë se koha e tij mbaroi. Ruçi mbylli seancën.

Shkarkimi i kreut të Krimeve të Rënda Besim Hajdarmataj vjen vetëm pak ditë pas avancimit të dosjes “Tahiri”. Mësohet se një sërë dokumentesh janë sekuestruar në Portin e Vlorës të cilat pritet të fakuojnë lëvizjet e ish Ministrit të Brendshëm.

Ndërsa shkarkimi i Hajdarmataj është argumentuar se do ti hapë rrugën hetimeve për Tahirin, kujtojmë se Besim Hajdarmataj ishte ai që kërkoi arrestimin e  ish ministrit dhe po ashtu së bashku me një grup prokurorësh kanë bashkëpunuar me Prokurorinë e Katanias për hetimet në Itali pas ekstradimit të Nazer Seitit i njohur si financier i bandës së Habilajve, grupi i trafikut të drogës, përgjimi i të cilëvë përfshiu edhe Tahirin në  këtë rrjet.

Ashtu siç e paralajmëruam disa ditë më parë goditja ka filluar nga Krimet e Rënda.  Kreu i kësaj Prokurorie, Besim Hadarmataj është larguar sot nga detyra. Në vend të tij është emëruar Prokurorja e Durrësit,  Donika Prela.

Hadarmataj nuk pranoi arrestimin e Llallës dhe zvarriti dosjen Tahiri.

Drejtuesi i Prokurorisë së Krimeve të Rënda i cili është i mirmonitoruar si shitës i sekreteve hetimore të shumë dosjeve të rëndësishme që kanë lidhje me krimin e organizuar kryesisht me figura të spikatura politiko-kriminale pritet të arrestohet.

Që nesër erë prangash.