Lajmi i fundit

Dosja e CIA, Berisha ndihmoi Bin Laden të ngrinte celulat terroriste në Shqipëri, tani është i tmerruar nga ngritja e Byrosë së Hetimit

Nëse Ilir Meta, sipas raporteve më prestigjioze ndërkombëtare, konsiderohet si bajlozi më i madh i korrupsionit në Ballkan, Sali Berisha qëndron disa shkallë më lart, pasi emri tij lidhet me krimet më të tmerrshme njerëzore, kombëtare dhe ndërkombëtare gjatë 27 viteve të pluralizmit shqiptar.

Emri i Sali Berishës lidhet me furnizimin me naftë të Millosheviçit për masakrimin e popujve të Ballkanit, ngritjen e SHIK-ut famëkeq të Bashkim Gazidedes, me të cilin zhdukte njerëz, digjte gazeta dhe masakronte kundërshtarët politikë.

Lidhet me maskaradën e zgjedhjeve të 26 majit ’96, me hapjen depove në ’97, me luftën civile, bombardimin e Jugut, vrasjen e Azem Hajdarit, grushtin e shtetit të ’98, planin për bombardimin e Ambasadës Amerikane, Gërdecin, 21 Janarin, shitjen e detit dhe më një sagë të gjatë krimesh njerëzore dhe ekonomike.

Për të përmbledhur të gjithë veprimtarinë kriminale të Sali Berishës ndoshta duhet të ngrihet një skuadër e përbashkët hetimor me prokurorë shqiptarë, amerikanë dhe hetues nga të gjitha vendet e Bashkimit Evropian, për të punuar për një kohë të gjatë.

Nisur nga kjo veprimtari masive dhe e shtrirë në kohë keqbërëse, që do ta kishte zili edhe Pablo Eskobar, Sali Berisha ka të drejtë që është i tmerruar nga drejtësia e re.

Ekstradimi i Izet Haxhisë në Shqipëri, dëshmitarit kyç të krimeve kryesore të Sali Berishës, është një nga makthet, por jo i vetmi për Sali Berishën.

Ish-kryeministri është i tmerruar nga hapja e një tjetër dosje nga Byroja Kombëtare e Hetimit dhe Prokuroria e Posaçme, dosje e cila mund ta çojë në burg për jetë.

Bëhet fjalë për lidhjet e Sali Berishës me Osama Bin Laden, terroristin më famëkeq të të gjitha kohërave.

Bashkëpunimi i Sali Berishës me Osama Bin Laden rezulton në një dosje të CIA-s amerikane, e cila ka skanuar të gjithë njerëzit anembanë botës që kanë pasur lidhje me terroristin.

Deri më sot, kjo dosje është lënë në harresë, për shkak se gjykatat dhe prokuroria shqiptare ishin vegla qorre në duart e Sali Berishës dhe Ilir Metës.

Me ngritjen e organeve të SPAK-ut, ku përfshihen Byroja Kombëtare e Hetimit, Prokuroria e Posaçme dhe Gjykata Speciale, hapja e kësaj dosje është e pashmangshme.

Jo rastësisht amerikanët përsërisin herë pas herë masazhin që peshqit e mëdhenj të politikës duhet të kenë frikë.

Nga ana tjetër, jo rastësisht, Sali Berisha bën thirrje për rebelim popullor, pasi mendon se mund t’i shpëtojë hetimit dhe gjykimit, duke destabilizuar vendin siç bëri në ’97.

Dokumentet e CIA-as amerikane për lidhjet e Bin Laden me Sali Berishën janë bërë publike nga një sërë mediash prestigjioze dhe investigative, si “Qendra për Paqe në Ballkan”, “Historycommons”, apo dhe revista e inteligjencës “Jane”, të cilat u janë referuar dhe raportimeve të mediave të kohës dhe dokumenteve të Interpolit.

Duke ju referuar informacioneve të dhëna nga një agjent i CIA-s, raportohet se në 9 prill të vitit 1994 Bin Laden ka udhëtuar në Shqipëri, si pjesë e një delegacioni të qeverisë saudite dhe është takuar me zyrtarët e qeverisë vendase.

“Bin Laden vizitoi Shqipërinë si anëtar i delegacionit të qeverisë së Arabisë Saudite dhe u takua me zyrtarët e qeverisë vendase.

Ai e prezantoi veten si mik të qeverisë së Arabisë Saudite dhe se mund të financonte projekte humanitare.

Megjithatë, qeveria e Arabisë Saudite, më herët, po atë muaj kishte ndërprerë të gjitha lidhjet me Bin Laden.

Një ish-oficer i zbulimit amerikan do të ankohej në vitin 1999: ‘Pse ishte ai një anëtar i atij delegacionit? Sauditët supozohej të ishin aleatët tanë. Ata na thanë se ai ishte person non grata, por këtu ai ishte në një vizitë zyrtare’”, thuhet në dokument, për të cilin ka raportuar dhe “Washington Times” në vitin 2001.

Ndërsa media prestigjioze kanadeze, “Ottawa Citizen” ka raportuar se CIA dhe Interpoli ishin në vëzhgim të vazhdueshëm të aktiviteteve të Al-Kaedës në Shqipëri. Edhe ajo dhe mediat greke kanë deklaruar se Bin Laden vizitoi Tiranën.

Mediat ndërkombëtare, të cilat ju referohen informacioneve të agjencive të inteligjencës, por edhe raportimeve të kohës, kanë raportuar se që nga viti 1994 e deri më 1999 ka pasur një bashkëpunim të ngushtë mes qeverisë shqiptare dhe Bin Laden e grupit të tij, me qëllim ngritjen e celulave terroriste në vendin tonë.

“Në vitin 1994 kryeministri shqiptar Sali Berisha ndihmoi Bin Laden pas vizitës së tij në Shqipëri, për të ngritur një rrjet në Shqipëri përmes fondeve te bamirësisë të Arabisë Saudite”, raporton “Qendra për Paqe në Ballkan”./Pamfleti

Qeveria shumë shpejt pritet që të nisë një tjetër furtunë shkarkimesh në administratën publike. Ditën e mërkurë kryeministri Edi Rama gjatë fjalës së tij në mbledhjen e grupit të Partisë Socialiste, u mësua se ka paralajmëruar se në kuadër turit të llogaridhënies do të shkarkohen shumë drejtorë. Dhe duket se ditët në vijim do të jenë deçizive për fatin e shumë drejtorëve.

Sipas informacioneve, në ditët në vijim do të bëhet një bilanc i takimeve të deritanishme me qytetarët. Turi i llogaridhënies ka pambushur dy javët e para dhe mësohet se të gjithë ministrat dhe institucionet do të hartojnë një listë me ankesat e qytetarëve. Aty ku ka më shumë ankesa, kryeministri ka kërkuar që të nisë shkarkimi i drejtorëve, pavarësisht bindjes së tyre politike.

Po kush janë drejtoritë dhe institucionet më të rrezikuara? Gazeta ka bërë një kërkim, duke u bazuar në ankesat kryesore të qytetarëve gjatë turit të deri tanishëm të llogaridhënies. Dhe rezulton se janë disa institucione dhe drejtori të rëndësishme, të cilat do të preken nga reforma.

Behët fjalë për Hipotekat, ALUIZNI, Inspektoratet e Mjedisit, drejtoritë e Bujqësisë, AKU, Spitalet, drejtoritë Arsimore, Tatimet, zyrat e Punës, Ujësjellës Kanalizimet dhe OSHEE. Pra duke i bërë një analizë turit dy javor të llogaridhënies publike dhe që është transmetuar edhe në media, vihet re se në shumicën e ankesave dominojnë shqetësimet për këto drejtori.

Kështu që të ndodhur përpara kësaj situate, qeverisë i duhet që të nisë edhe furtunën e shkarkimeve për titullarët e këtyre institucioneve.

Roli i prefektëve

Identifikimi i drejtorëve që nuk kanë bërë si duhet punën e tyre, duke mos iu përgjigjur në kohë shqetësimeve të qytetarëve, do të bëhet edhe në një rrugë tjetër. Gazeta mësoi se në “gjueti” të drejtorëve që do shkarkohen kanë hyrë edhe Prefekturat.

Sipas informacioneve, dje në disa prefektura të ndryshme të vendit janë zhvilluar disa takime me drejtuesit e strukturave të pushteti qendror në nivel qarku, ku theksi është vendosur në disa pika të rëndësishme. Mësohet se gjatë këtyre takimeve është theksuar se bashkëqeverisja, roli i përfaqësuesve të pushtetit qendror në nivel vendor, reforma e ujit dhe çështja e tokës kanë qënë disa nga çështjet kryesore.

Pra në këto takime, mësohet se prefektët kanë paralajmëruar drejtorët se do të shkarkohen nëse ndaj institucioneve të tyre ka ankesa nga qytetarët. Megjithatë, mbetet për tu parë në ditët në vijim se çfarë do të ndodhë më konkretisht.

Efektet e turit të llogaridhënies

Turi i llogaridhënies duke se ka hyrë në shinat e duhura. Para nisjes së kësaj fushate, kryeministri Edi Rama deklaroi se qëllimi i këtij turi është llogaridhënia që sipas tij, duhet të japë qeveria para qytetarëve, duke dëgjuar çdo shqetësim të tyre.

Gazeta ka bërë një listim dhe deri tani rezultojnë plot tre drejtorë të rëndësishëm, të cilët janë shkarkuar, për shkak se nuk kanë kryer si duhet punën. Sinjali i parë erdhi nga qyteti i Beratit, aty ku pak ditë më parë ministrja e Drejtësisë, Etilda Gjonaj shkarkoi publikisht kreun e ZVRPPP në këtë qark. Shkarkimi i kreut të ZVRPPP në Berat erdhi, pasi shumica e ankesave të dërguara tek platforma e bashkëqeverisjes nga ana e qytetarëve, kishin si target pikërisht zyrat e hipotekave.

Më pas, “dara” e shkarkimeve nuk kurseu as drejtorin e Përgjithshëm të Hipotekave, Elion Semanaj, i cili u shkarkuar pak ditë më parë. Madje, lajmin për shkarkimin e Semanajt, e nxori e para Gazeta SOT. Ndërkohë që “viktima” e tretë e trurit të llogaridhënies ishte kryeinspektor i Mjedisit në Elbasan. Ky i fundit është shkarkuar pak ditë më parë nga detyra me urdhër të ministrit të Mjedisit, Blendi Klosi, pas ankesave të banorëve të Bradasheshit./SOT