Lajmi i fundit

Vlora do të shpëtojë edhe nga një tjetër plagë shumë e rëndë e së shkuarës, fusha e mbetjeve.

Kështu deklaroi sot nga Vlora, Kryeministri Edi Rama gjatë përurimit të impiantit të përpunimit të mbetjeve.

“Ja ku jemi sot këtu dhe shumë pak metra nga këtu kemi një tjetër dëshmi rrënqethëse, fushën e plehrave, që falë përpjekjes sonë dhe nënshkrimit të një marrëveshje shumë të rëndësishme financimi do të zhbëhet njëherë e mirë dhe plehrat do të trajtohen sipas standardeve të duhura higjenike dhe mjedisore”, tha Rama.

Ka shumë akoma për të bërë për Vlorën e gjithë Shqipërinë, tha Kryeministri, “por duhet të kthejmë kokën pas dhe të shikojmë sa shumë është bërë gjatë këtyre viteve”./atsh

Impianti i përpunimit të ujërave në Vlorë është një vepër infrastrukturore shumë e rëndësishme për mjedisin dhe turizmin, e cila do të pasohet nga një sërë investimesh të tjera.

Kështu deklaroi sot Kryeministri Edi Rama, gjatë përurimit të impiantit të përpunimit të ujërave në Vlorë.

Ai theksoi se do të vijojnë një sërë investimesh të tjera për ujin, kanalizimet dhe energjinë në zonën e bregdetit.

“Është e rëndësishme që sot ne dëshmojmë këtu fillimin e vënies tërësisht dhe përfundimisht në punë të këtij impianti të përpunimit të ujërave të zeza, të njërit prej qyteteve më të rëndësishme të Shqipërisë dhe qytetit me potencialin më të madh të zhvillimit turistik”, tha Rama.

Kryeministri theksoi se “për shumë e shumë vite i gjithë ky potencial kishte mbetur në mëshirë të fatit”.

Impianti i përpunimit të ujërave, sipas Ramës është një investim i madh dhe shumë i rëndësishëm, por nuk është i fundit edhe sa i përket përpunimit të ujërave të zeza dhe sistemimit të kanalizimeve”.

“Ne e dimë shumë mirë se ajo që e pengon gjithë vijën bregdetare të qytetit, Lungomaren, që të kthehet në frekuentim ashtu si duhet është fakti se prej dekadash ujërat e zeza të Vlorës derdhen aty drejtpërdrejt në det”, tha Rama.

Pas kryerjes së investimit që tanimë po jep frytet e veta në gjithë vijën urbane të Lungomares, Kryeministri theksoi se është koha për të nisur në muajt në vijim investimin për sistemimin përfundimtar të ujërave të zeza.

Vitin e ardhshëm, tha ai, vija e Lungomares do të jetë në kushte optimale mjedisore dhe uji i detit nuk do të jetë më i ndotur./atsh

Vendi ynë vazhdon prej katër ditësh të jetë i prekur nga lëvizjet sizmike, të cila kanë vijuar dhe mbrëmë natë. Por lajmi i mirë është se intensiteti dhe forca e tyre ka ardhur duke rënë.

Gjatë natës së sotme janë ndjerë sërish lëkundje tërmeti te Gjiri i Lalëzit. Sipas IGJEUM lëkundjet kanë qenë me magnitude 2,3 ballë.

ëkundja e fundit në këtë zonë është ndjerë mëngjesin e së shtunës,  ndërsa tërmeti tjetër ka nisur në orën 5 pasdite dhe ka vijuar deri në orën 02:30 të mëngjesit të së dielës.

Është shkarkuar nga detyra që mbante kreu i ZVRPP Vlorë Sokol Bana. Bana i zgjedhur nga radhët e Partisë Socialiste është shkarkuar vetëm pas disa muajsh të marrjes së detyrës.

Shkarkimi ka ardhur për shkak të performancës së dobët të institucionit. Ka qenë urdhëri i kryeministrit Rama për shkarkimin e tij. Në vend të Banës, në krye të hipotekës është emëruar Klodian Troci.

Duhet thënë se që prej marrjes së timonit të vetëm, institucioni i hipotekës ka njohur ndryshimet më të mëdha, sidomos në rrethe.

Nëse dikur Rama bënte përgjegjës aleatët e tij në koalicion, se përmes drejtuesve të tyre po kryenin akte korrupsioni, sot që ka drejtimin i vetëm, nuk dihet se kujt do tia lërë përgjegjësinë për dështimin./faxweb

Bashkia e Vlorës përmes një njoftimi në faqen zyrtare në Facebook u bën thirrje të gjithë pushuesve që kanë zgjedhur këtë qytet për të pushuar që të mos futen në det për t’u larë, pasi deti ka shumë dallgë.

Të dashur qytetar dhe pushues në qytetin e Vlorës, duke i’u referuar kohës së sotme. Ju lutemi shmagni larjen në det për arsyen e dallgëve të larta. Të gjithë bizneset që zotërojnë plazhet në territorin e Vlorës të vendosin flamurin e kuq.

Ditën e sotme janë humbur jetën tre persona duke u larë në det, ndërsa disa të tjerë janë shpëtuar fatmirësisht në Vlorë dhe Golem.

Dy persona kanë shpëtuar për mrekulli nga mbytja ditën e sotme në plazhin e Golemit. Një 14-vjeçar ishte futur për t’u larë, por mbeti mes dallgëve dhe rrezikoi që të mbytej, ndërkohë që për ta shpëtuar shkoi kushëriri i tij 44-vjeç me kamerdare.

Dy persona kanë shpëtuar për mrekulli nga mbytja ditën e sotme në plazhin e Golemit. Një 14-vjeçar ishte futur për t’u larë, por mbeti mes dallgëve dhe rrezikoi që të mbytej, ndërkohë që për ta shpëtuar shkoi kushëriri i tij 44-vjeç me kamerdare.

Por të dy rrezikuan mbytjen, pasi u bllokuan nga dallgët, ndërsa në ndihmë të tyre shkoi një person i tretë po kushëriri i tyre duke i shpëtuar. Report Tv sjell pamjet ekskluzive të momentit kur dy kushërinjtë nga Berati ishin në rrezik për jetën, në luftë me dallgët dhe ndërhyrjen deçizive të të tretit për t’i shpëtuar.

Fillimisht nga deti doli 44-vjeçari, ndërsa më pas personi i tretë që hyri për t’i shpëtuar nxori 14-vjeçarin Anduel Gllava me shumë vështirësi deri në mol. Fatmirësisht 14-vjeçari nuk ishte shumë larg bregut duke u shpëtuar. 44-vjeçari shprehet se hyri për të shpëtuar djalin, por rrezikoi të mbytet edhe vetë. ‘Jemi nga Berati, u futa për ta ndihmuar se e mori uji atë çunin e vogël’ u shpreh 44-vjeçari pas daljes në breg.

Anduel Gllava, 14-vjeçari i cili rrezikoi të mbytej 

Report Tv mëson se dy personat janë dërguar në spitalin e Kavajës ku kanë marrë ndihmë mjekësore dhe janë larguar në gjendje të mirë. Ngjarja ka ndodhur rreth orës 14:00 të ditës së sotme pranë një resorti. Të tre kushërinjtë janë nga Berati. Ndërkohë që në Golem mungojnë rojet e plazhit, por edhe flamujt e kuq dhe kufizuesit me litar për të respektuar thellësinë.

Dita e sotme ka qenë tragjike, pasi dy pushues janë mbytur duke u larë në det, ndërsa një i moshuar u gjet i pajetë në breg të detit. Paradite u gjet i pajetë një person në plazhin e Currilave, ndërsa njëri u mbyt duke u larë në plazhin e Porto Romanos në Durrës. Ndërsa në mesditë një turiste nga Polonia është mbytur në plazhin e Sarandës. Raportohet se turistja polake Noëorycka Peter Iëona 52-vjeçe është mbytur në zonën e quajtur “Kanali i Çukës”.

Roja Bregdetare e Forces Detare shqiptare ka bërë të mundur shpëtimin e një peshkarexhe pranë Karaburunit, e cila ndodhej në rrezik. Peshkarexha “Aurora 1” kishte pësuar defekt dhe kërkoi ndihmë.

Në sajë të ndërhyrjes së Rojës Bregdetare, u shpëtuan dy pjesëtarët e ekuipazhit të peshkarexhës, dhe një fëmijë që ndodhej bashkë me ta.

Pas marrjes së sinjalit, anija e Forcës Detare rimorkioi peshkarexhën në portin e saj të daljes në Triport.

Në këtë operacion ndihmoi edhe një mjet i Policisë Kufitare dhe Migracionit.

Prej një muaji, i gjithë globi është përfshirë nga ethet e Kampionatit Botëror të Futbollit që po zhvillohet në Rusi. Në këtë fazë, shumë ndër ne kanë përjetuar edhe eleminimin e skuadrës së zemrës. Por, kur 8 skuadrat më të mira do të ndeshen sot dhe nesër për të përcaktuar kush do të kalojë në gjysmëfinale, revista e njohur britanike “Monocle”, e cila shpërndahet në të gjithë botën, ka bërë një pyetje të thjeshtë për lexuesit e saj: Cila do të ishte 11-shja më e mirë nëse sot do të zhvillohej kampionati botëror i Kryebashkiakëve?

Sigurisht, revista britanike është përgjigjur (duke marrë rolin e trajnerit) me hedhjen në fushë të 11-shes së Kryebashkiakëve më të mirë, mes të cilëve edhe kreun e Bashkisë së Tiranës, Erion Veliaj. Ai renditet në të njëjtën skuadër me emra kryebashkiakësh shumë të njohur në botë, si e Montrealit në Kanada, Seattle dhe Las Vegas në SHBA, apo kreut të Bashkisë së Seulit, Taipeit, Nju Orlins etj.