Lajmi i fundit

“Data 18 tetor është e rëndësishme, por në datën 19 tetor dielli do të lindë sërish dhe nëse nuk do të kemi një ‘Po’ të qartë ne do të vazhdojmë para, sepse në fund ky rrugëtim është për ne dhe jo sepse e bëjmë thjesht për Europën”, deklaroi sot Kryeministri Edi Rama.

Kryeministri Rama doli sot në një konferencë të përbashkët për shtyp me kryeministrin italian, Giuseppe Conte, i cili po kryen një vizitë zyrtare në vendin tonë.

“Dikush që dëshiron të përfundojë një martesë nuk mund të shërbejë si shembull për të shkurajuar dikë tjetër që është i dashuruar dhe që të shkojë drejt martesës. Ne jemi në një histori dashurie me Europë dhe nëse britanikët dëshirojnë divorcin, me gjithë respektin për ta, kjo nuk na shërben si një shembull për të hequr dorë”, tha Rama.

Ai tha se “për ne Europa është një marrëdhënie e fortë që ka një prejardhje të hershme që është pjesë e historisë sonë e ëndrrës sonë”.

“Ka shumë prej atyre që thonë se si ka mundësi që shqiptarët janë kaq të tërhequr drejt Europës. Kjo sepse për ne Europa është një hapësirë paqeje dhe sigurie dhe ne vijmë nga një kohë kur gjendeshin si Koreja e Veriut e Europës. Ne kemi njohur luftën me sytë tanë. Pothuaj gjysmë milioni shqiptarë braktisën shtëpitë e tyre në Kosovë. Për gjithë Ballkanin Perëndimor historia nuk është thjesht një film bardh e zi si për anglezët”, tha Rama.

Kryeministri theksoi se “është rrugëtimi i vetëm jo për Europën, por për ta shndërruar Shqipërinë në një vend europian, shtet të së drejtës, demokraci europiane”.

“Falënderoj kryeministrin Conte, Italinë dhe të gjitha ato vende që në këto momente na japin arsye të plotë, sepse ne nuk po kërkojmë një dhuratë, nuk po kërkojmë as lëmoshë, por jemi thjesht duke kërkuar atë që na përket. Ne kemi bërë atë që na është kërkuar të bëjmë për të çelur negociatat dhe më tej do të tregojmë se do të jemi të gatshëm për t’u shndërruar në anëtarë dhe për t’u kontrolluar në çdo hap që do hedhim. Në këtë përsëritje të kësaj historie: ‘bëni, këtë dhe atë dhe shihemi vitin e ardhshëm dhe pastaj ‘po e keni bërë por duhet bërë edhe kjo tjetra…Do të ketë gjithmonë një ‘kjo e ajo’ që mund të parashtrohet përpara krijimit të një alibie, por gjithsesi është e qartë se në këto momente shumë prej vendeve anëtare të BE-së, nëse do të ishin në vendin tonë nuk do të ishin sjellë më mirë”, tha Rama./atsh

Gjatë vitit 2019 janë goditur 22 grupe kriminale me 125 persona të arrestuar, teksa rezultojnë 72.1 mln euro asete të sekuestruara

Ministri i Brendshëm, Sandër Lleshaj gjatë punimeve të Këshillit Kombëtarë të Integrimit Europianë, të drejtuar nga Deputetja Rudina Hajdari, theksoi se shifrat e vitit 2019 tregojnë se forca goditëse e policisë është rritur

“Gjatë këtij viti janë goditur 22 grupe kriminale dhe janë arrestuar 125 persona të përfshirë në këto grupe duke treguar një trend në rritje. Përgjatë vitit të kaluar janë sekuestruar 72.1 mln euro një shifër e barabartë me paratë e paligjshme të sekuestruara përgjatë 10 viteve”-, theksoi Lleshaj

“Ky vit duhet të kishte logo vetëm Integrimin e Shqipërisë në BE. Megjithatë kjo e sotmja meriton të gjithë konsideratën. Ministria e Brendshme ka një peshë të konsiderueshme në këtë proces. Është kapitulli që merret me sigurinë dhe drejtësinë. Është ai proces që synon të lexojmë dhe kuptojmë. legjislacioni e BE. Ka pasur një goditje të madhe ndaj krimit të organizuar përgjatë këtij viti. Gjatë 2019 janë goditur 22 grupe kriminale, janë arrestuar 125 persona të përfshirë në këto grupe”-, nënvizoi Lleshaj.

“Nuk mund të kritikoj punën e paraardhësve të mi. Unë flas vetëm për punën time. Ne jemi në proces konsolidimi si shoqëri. Ajo polici dhe ajo prokurori. Puna është pjesë e një procesi. Ne kemi intensifikuar. Është shumë e rëndësishme të përmend faktin se bashkëpunimi ndërinstitucional ka sjellë këto tregues të cilët janë për t’u respektuar”-, shtoi ai.

“Përmendet edhe në raportin e DASH që parandalimi i lojërave të fatit është një ndër kontributet kryesore të kësaj qeverie në luftën kundër pastrimit të parave. Në aspektin kundër parave të paligjshme janë marrë masa të mëdha. Janë sekuestruar rreth 72.1 mln euro. Kjo shifër është pothuajse sa shifra e 10 viteve të mëparshme. Mund të themi që edhe në fushën e konfiskimit shifra është dyfish më e lartë. Po krijohen edhe kapacitete. Me të njëjtët njerëz është e vështirë të bësh të njëjtën gjë ose një gjë akoma më të madhe”-, theksoi Lleshaj.

“Ka një mori faktorësh që nxisin të rinjtë të largohen nga vendi. Sa i përket asaj që a dalin vetëm, kjo nuk ndodh sepse ligji e ndalon. Përgjithësisht ata dalin me dokumentacionin përkatës. Varfëria është problem, ne nuk mund të fshehim varfërinë në vend dhe prindërit i besojnë te familjarët e tyre fëmijët e mitur. Pyetjen e katërt e keni për armët. Shqipëria është një vend që ka përjetuar vitin 97’ ku armët kaluan në dorë të qytetarëve. Kapen përditë në shifra të mëdha. Kemi sekuestruar 322 armë, që i bie pothuajse dy armë në ditë. Ne kemi një legjislacion liberal që i mundëson qytetarëve të pajisen me armë. Nuk duhet që siguria të krijohet nga qytetarët. Por siguria duhet të mundësohet nga institucionet. Sapo ka hyrë në fuqi kodi penal që ashpërson dënimet për armë mbajtje pa leje”-, tha ministri Lleshaj.

“Duhet të bëjmë që këto pasoja të ulen ndjeshëm. Azil kërkimi është një proces që ka një histori të gjatë. Po të shohësh me hapjen e korridorit ballkanik ka pasur në rritje të madhe, por tani kemi zbritur poshtë. Megjithatë fenomeni mbetet. Franca ka politika liberale ndaj edhe numri i azilkërkuesve është i lartë. Ka shumë arsye që shqiptarët dalin jashtë”-, theksoi Lleshaj, gjatë fjalës së tij, në punimet e Këshillit Kombëtarë të Integrimit. /atsh

Komisioni i Pavarur i Kualifikimit ka zhvilluar sot një seancë dëgjimore me subjektin e rivlerësimit, Besim Hajdarmataj, prokuror pranë Prokurorisë së Gjykatës së Shkallës së Parë për Krime të Rënda Tiranë.

Ish-drejtuesi i Prokurorisë së Krimeve të Rënda, Besim Hajdarmataj doli sot përballë Komisionit të Pavarur të Kualifikimit, i cili është paraqitur në seancë i vetëm pa praninë e një avokati.

KPK, ka administruar provat dhe faktet për verifikimin e pasurisë dhe vlerësimin e kriterit etik e profesional për prokurorin pranë Prokurorisë së Gjykatës së Shkallës së Parë për Krime të Rënda Tiranë.

Trupa gjykuese që përbëhet nga Brunilda Bekteshi, Roland Ilia, Suela Zhegu

Besim Hajdarmataj e ka filluar karrierën në sistemin e drejtësisë në vitin 1999 dhe përgjatë 20 viteve, ai ka mbajtur poste drejtuese në Prokurorinë e Tropojës dhe të Kurbinit. Në maj 2015, ai u emërua prokuror në Prokurorinë e Krimeve të Rënda dhe një vit më vonë mori drejtimin e kësaj prokurorie.

Në maj të vitit 2018, kryeprokurorja Arta Marku e shkarkoi Hajdarmatajn si drejtues të Prokurorisë për Krimet e Rënda, duke e zëvendësuar me Donika Prelën. Disa muaj më vonë, Marku e transferoi Hajdarmatajn në Progradec, por në fillim të vitit 2019, Këshilli i Lartë i Prokurorisë e ktheu atë pranë Prokurorisë së Krimeve të Rënda në Tiranë por këtë herë si prokuror.

Ditën e sotme Hajdarmataj do të njihet me rezultatet e verifikimit, ku me interes pritet konkluzionet për figurën dhe vendimmarrjet për dosjet.

Prokurori i Prokurorisë së Krimeve të Rënda, Besim Hajdarmataj i është shtuar listës së aplikimeve për të qenë anëtar i Strukturës së Posaçme Antikorrupsion (SPAK) me 6 mars, duke qenë një kandidat për SPAK i cili do t’i nënshtrohet Vetingut. /atsh

Rikualifikimi i qendrës historike të Vlorës e bën qytetin bregdetar jo vetëm destinacion për detin, plazhin, historinë dhe kulturën, por edhe destinacion të një zhvillimi të ri ekonomik.

Kryeministri Edi Rama u shpreh sot nga Vlora se hapësira e brendshme e qendrës historike të Vlorës, do të transformohet në larmi aktivitetesh ekonomike.

“Përpara se të vija këtu, në këtë foltore, bashkë me Majkun dhe me miqtë e tjerë që na nderojnë sot bëmë një vizitë të shkurtër në brendinë e një godinave ku po lind një hotel butik, i paimagjinueshëm për Vlorën pak vite më parë dhe ku me shumë shije po harmonizohet e shkuara me ambicien për të ardhmen në funksion të rritjes të rritjes ekonomike, të punësimit dhe të rritjes së fuqisë tërheqëse të këtij qyteti. Si ai hotel që po ndërtohet, kështu do të jenë të gjitha hapësirat e brendshme të këtyre godinave, natyrisht me një larmi aktivitetesh ekonomike”, tha ai.

Si ai hotel, tha Rama, që po ndërtohet, ashtu do të jenë të gjitha hapësirat e brendshme të këtyre godinave, me një larmi e dinamikë të re ekonomike, por duhet pak durim ashtu siç u desh pak durim për transformimin e ndodhur në Korçë.

Kryeministri shprehu bindjen se, pa dyshim zona historike e Vlorës, do të kthehet nga një gropë e zezë ku askush nuk i kalonte pranë dhe ku tregtarë të varfër përpiqeshin të nxirrnin bukën e gojës duke shitur rroba të përdorura, në një arsye për të ardhur në Vlorë, jo vetëm në periudhën e verës, por edhe të dimrit, duke u bërë një pikë tërheqëse për të gjitha stinët”.

“Sepse paralelisht me gjithë këto zhvillime jemi shumë pranë fillimit të një zhvillimi rrënjësisht transformues përmes shumë projekteve të reja në infrastrukturë dhe ekonomi”- tha kryeministri.

Në kuadër të rehabilitimit dhe restaurimit të lagjes historike të Vlorës është bërë rehabilitimi i gjithanshëm i të gjitha lagjeve të zonës, duke risjellë në vëmendje elementët e arkitekturës tradicionale, njëherësh duke iu përgjigjur kërkesave të jetës aktuale. Gjithashtu është bërë rivlerësimi urban i shesheve brenda zonës, duke studiuar hartat e vjetra të qytetit dhe duke ruajtur sa më shumë elementët tradicionalë dhe gjurmët e vjetra të zonës. Është bërë rikonstruksioni i rrugëve “Justin Godard”; “Irfan Shehu”, “Elham Doci” dhe është kryer restaurimi i objekteve historike të zonës./atsh

Lagjja historike e Vlorës, nga një rrënojë e zhytur me dekada nën pluhur e rrecka të vjetra, harrese e dëshpërimi, po rilind si një tjetër zonë rrezatuese zhvillimi turistik dhe ekonomik, punësimi dhe shprese tek e ardhmja.

I pranishëm në ceremoninë e përfundimit të rehabilitimit dhe restaurimit të lagjes historike të Vlorës, Kryeministri Edi Rama theksoi se është një hapësirë tërësisht e re, jo thjesht pastërtie dhe bukurie, por edhe zhvillimi ekonomik.

Në kuadër të këtij investimi është bërë rehabilitimi i gjithanshëm i të gjitha lagjeve të zonës, duke risjellë në vëmendje elementët e arkitekturës tradicionale, njëherësh duke iu përgjigjur kërkesave të jetës aktuale.

Gjithashtu është bërë rivlerësimi urban i shesheve brenda zonës, duke studiuar hartat e vjetra të qytetit dhe duke ruajtur sa më shumë elementët tradicionalë dhe gjurmët e vjetra të zonës.

Është bërë rikonstruksioni i rrugëve “Justin Godard”; “Irfan Shehu”, “Elham Doci” dhe është kryer restaurimi i objekteve historike të zonës./atsh

Ndahet nga jeta vëllai i kryetarit të Bashkisë Vlorë Dritan Lelit,me profesion ekonomistë,Eduard Leli.

Leli vuante prej disa kohësh nga një sëmundje e rëndë dhe ditët e fundit gjendja e tij shëndetësore u përkeqësua, sot e humbi betejën.

Ngushëllime familjarëve!

Prokuroria kërkon a rrest me b urg për Bledar Tocin, shefin e sigurisë në bu rgun e Durresit, të a rrestuar pas ngjarjes në banesën e Marsida Qatjas në Kavajë, ku mbeti i v rarë Dritan Hoxholli.
Për o rganin e Akuzës ai është i d yshuar për veprën p enale të vr asjes me dashje dhe pr odhimin dhe shitjen e na rkotikëve. Po ashtu a rrest me burg k ërkohet edhe për vëllain e tij Bernard Toci, ku pas kontrollit në banesë iu gjet l ëndë na rkotike.

Në dosjen prokurorisë që ka siguruar Top Channel, thuhet se Marsida Qatja i kishte kërkuar Bledar Tocit që ti zgjidhte një pr oblem që ajo kishte me v iktimën Dritan Hoxholli. Prokuroria thotë se në shtëpinë ku ndodhi k rimi pasditen e datës 9 tetor, ndodheshin Bledar Toci, Ermir Cela dhe Xhulio Biturku. Atje ishte kon sumuar l ëndë na rkotike e llojit k okainë dhe pije a lkolike. D rogën atyre, thotë prokuroria, ua kishte çuar në banesë Bernard Toci, vëllai i Bledarit, edhe ky i a rrestuar.

blob:https://www.youtube.com/b4f6a2cd-ff6c-4cb3-9c79-f359bf4f79b4

Policia e Vlorës – Njoftim

Njoftohen të gjithë drejtuesit e mjeteve, se për shkak të punimeve që do të zhvillohen në ndërtimin e segmentit rrugor Orikum – Palasë, ky segmet rrugor do të jetë i kufizuar në të dyja krahët, për të gjitha kategorite e mjeteve duke filluar që sot në orën 21:00 të mbrëmjes, e deri në orën 05:00 të mëngjesit.

Ky bllokim do të jetë për të gjitha kategoritë e mjeteve dhe do të përsëritet çdo ditë përgjatë orëve të natës deri të Shtunën tjetër (19.10.2019).

Kërkojmë mirkuptimin e të gjithë drejtuesve të mjeteve që ta evitojnë këtë aks rrugor përgjatë 8 orëve të natës ose zgjedhin rrugë të tjera alternative.