Lajmi i fundit

Merushe Gjuzi u hodh nga furgoni më të cilin po udhëtonte dhe ndërroi jetë në aksin rrugor “Peqin-Elbasan”

Merushe Gjuzi humbi jetën dy ditë më parë, pasi u hodh nga një furgon në lëvizje, në aksin rrugor “Peqin-Elbasan”.

57-vjeçarja që ishte nisur për në pazar bashkë me shoqen e saj, por ndryshe nga ditët e tjera, këtë herë ajo nuk u kthye më në shtëpi. Shkak për aktin e rëndë, dyshohet se kanë qenë konfliktet e shpeshta që ajo kishte së fundmi me bashkëshortin e saj.

Gjuzi kishte pasur një jetë plot drama, teksa në vitin 2013, ajo kishte humbur vajzën e saj e cila ishte zhdukur pa asnjë gjurmë. Por 6 muaj pas kësaj ngjarjeje, bashkëshorti i vajzës së humbur kishte ndërruar jetë në një aksident, duke lënë jetim djalin e tij, i cili vuan nga një sëmundje e rëndë. Që prej asaj kohe, për nipin kujdesej Merushja.

Këto probleme duket se kanë rënduar gjendjen e 52-vjeçares, që shqetësimet ia kishte shprehur dhe shoqes së saj. Kjo e fundit pas ngjarjes së rëndë ka treguar se Merushja më 20 tetor dukej në gjendje jo të mirë psikologjike dhe ishte grindur me bashkëshortin.

Ndërkohë, ditën e djeshme, policia ka arrestuar dhe bashkëshortin e 52-vjeçares, pasi akuzohet për veprat penale “Dhuna në familje” dhe “Shkaktimi i vetëvrasjes”.

Vetëm 4 muajt e fundit 660 shoferë e kanë humbur patentën si pasojë e shkeljeve të rënda të kodit rrugorë. Pas rikthimit në kurs dhe ritestimit vetëm 83 prej tyre e kanë rifituar lejen e drejtimit.

Prej një viti me aktet e reja në fuqi, përdorimi i alkoolit, i lëndëve narkotike gjatë drejtimit të mjetit, kalimi i semaforit me të kuqe, thyerja e normave të shpejtësisë, parakalimet e gabuara e të rrezikshme konsiderohen shkelje të rënda, të cilat cojnë në humbje të pikëve të patentës, deri në zerimin e tyre.Në këtë pikë drejtuesit e mjeteve kthehen sërish në autoshkollë për të zhvilluar kursin e më pas ritestohen.

Drejtoria e përgjithshme e transportit rrugor ka bërë me dije se në muajt qershor-tetor në autoshkollë janë regjistruar 660 persona, dhe vetëm 12.5% e tyre ose 83 persona janë rikthyer në rrugë si drejtues mjetesh, të tjerët do të të duhet të ripërsërisin testimin teori-praktikë brenda 30 ditëve.
Në seancën e fundit të zhvilluar pak ditë me pare nga 26 regjistrime, u paraqitën 16 kandidatë dhe vetëm 2 prej tyre kaluan testin dhe rimorën patentën.

Këta drejtues mjetesh të rikthyer në autoshkolla konsiderohen kontingjenti më problematik në rrugë, që shpesh janë shkaktarë të aksidenteve.

Këtë pasdite një pjesë e qytetit të Vlorës është mbuluar nga tymi.
Dyshohet se shkak është bërë djegia e mbeturinave aty pranë që krijon një tymnajë të tillë.
Zjarri është ndezur mbrëmjen e kaluar, teksa vijon të mbetet aktiv duke shkaktuar ndotje të ambientit.
Përveç erës së keqe tymi vështirëson dhe qarkullimin e automjeteve në atë zonë.
Rruga është e mbuluar nga shtëllungat e tymit dhe është vështirë të shohësh vazhdimin e saj.

Bashkë me Jamarbër Malltezin dhëndrin e ish-kryeministrit Sali Berisha, ka rënë në pranga edhe Fatmir Bektashi, bashkëpronar me Jamarbër Malltezin për ndërtimin e ish kompleksit ‘Partizani’.

Hetimet ndaj tyre kanë kohë që kanë nisur dhe tashmë SPAK ka urdhëruar arrestimet e tyre.

Fillimisht u arrestua Malltezi, ndërsa kthehej nga Gjermania.

Kallëzimi është bërë nga ministri i Brendshëm, Taulant Balla, në lidhje me procedurat e ndjekura për privatizimin e pronës shtetërore “Klubi Sportiv Partizani” Tiranë. SPAK ka dy vite që ndjek hetimet.

Privatizimi i ish-kompleksit Partizani filloi në vitin 2008 dhe përfundoi në katër vite më vonë, në vitin 2012.

Kush janë prokurorët që firmosën masën e sigurisë për Sali Berishën dhe arrestimin e dhëndrit të tij Jamarbër Malltezi?

Masat e sigurisë për Berishën dhe Malltezin janë kërkuar nga prokurori i SPAK, Arben Kraja dhe Enkeleda Millonai.

Kujtojmë që Kraja ka qenë kreu i SPAK për tre vite dhe shpesh është konsideruar i afërt me aleatin e Berishës, Ilir Meta.

Mësohet se janë firmosur dhe disa masa të tjera arresti, veç Malltezit dhe Sali Berishës.

Kryedemokrati Sali Berisha, me urdhër të Gjykatës së Posaçme është në masën e sigurisë ‘detyrim paraqitje’, në kuadër të hetimeve të nisura nga Prokuroria e Posaçme për çështjen e privatizimit të kompleksit sportiv ‘Partizani’.

Ai gjithashtu është ndaluar të dalë jashtë Shqipërisë. Shkak për mos arrestimin e tij për përfshirje në këtë ‘aferë’, është mosha e kryedemokratit.

Berisha pak ditë më parë mbushi 79 vjeç. Theksojmë se, SPAK ka nisur hetimet mbi këtë çështje pas një kallëzimi të bërë nga Taulant Balla në vitin 2020, asokohe kryetar i grupit parlamentar socialist.