Lajmi i fundit

Prokuroria e Cuneos kishte shpallur “përpjekjet maksimale” për zbardhjen e çështjes dhe emëroi Roberto Testi, kriminolog me famë ndërkombëtare, për autopsinë e trupit të

Vrasja e shqiptarit Klaudio Myrtaj, 34 vjeç, teksa punonte . në një dyqan zdrukthtari në Vernante të shtunën pasdite ka tronditur jo pak të gjithë komunitetin e zonës së Cuneos.

Roberto Testi një prej kriminalisteve më të mirfë në Itali mori përsiper të bëjë ekspertizen e vrasjes.

“Plumbi është sigurisht i kalibrit 22. Një e shtënë e vetme në kokë, në pjesën e djathtë të kafkës mbi vesh. Nuk mund të shtoj asgjë tjetër”.

Kjo është ajo që deklaroi profesori , kriminolog me famë ndërkombëtare kur vjen puna tek autopsite e viktimave.

Aikonfirmuar se arma e përdorur nga vrasësi, i cili është ende në arrati, është i kalibrit të vogël. Ndoshta edhe për këtë arsye askush akush nuk ka dëgjuar të shtëna në dyqanin ku ndodhi vrasja.

Në fakt vrasesi nuk vrau, por e la në agoni të riun, i cili në atë moment (si zakonisht) mbante kufjet e celularit për të dëgjuar muzikë dhe telefonata. D

etaji i parë të bën të mendosh se vrasësi nuk ishte profesionist dhe u zhduk pa konstatuar vdekjen e Myrtajt, ndoshta në panik. E dyta, se punëtori ishte më i shpërqendruar se zakonisht kur pa vrasësin, të cilin ndoshta e njihte, të hynte, duke e lënë të afrohej më shumë se një metër dhe të mos kishte kohë të bërtiste, të mbrohet dhe të reagojë. Të gjitha ndodhen në pak sekonda.

Gjuetia vazhdon për vrasesin. Kush e bëri atë?

Prokuroria ndjek çdo pistë. Partnerja e viktimës, një dyzet vjeçare që punon në një klub në Limone dhe nuk është nën hetim, përjashton në mënyrë “kategorike” krimin e pasionit. Hetuesit i kanë kthyer celularin që i kishin sekuestruar dhe dje ajo ka treguar dëshminë e saj në La Stampa .

“Ne ishim bashkë që nga marsi, e donim njëri-tjetrin, disa debate si në çdo çift. Një burrë fantastik, por shumë xheloz. Ai kishte debatuar dhe kishte goditur me grusht në dy raste persona te tjere, por ata nuk ishin ish të dashurit e mi apo njerëz qe une I njihja. Askush nuk do ta kishte vrarë për mua, por ndoshta ai do ta kishte bërë. Unë kam pasur eksperiencat e mia, por atë që ai më dha nuk e kam ndjerë kurrë me askënd. Unë isha mbretëresha e tij”. Më pas shton: “Ai kishte ndryshuar jetën e tij për mua dhe për vajzën time, të cilën ai e adhuronte. “Ishte hera e parë që punonte për shokun e tij, ndoshta për të fituar para. Këtë e ka bërë nga e marta deri të shtunën, me pushim të enjten në mëngjes, kur e shoqërova te mjeku për një dëmtim në dorë. Ne ishim bashkë të enjten në mbrëmje, nuk u pamë të premten, mesazhi i tij i fundit më mbërriti në orën 15:56 të së shtunës”. Domethënë një orë para vrasjes. “Më thirrën, u duk aksident, pastaj më shpjeguan – shton ajo –. Që atëherë, unë dhe vajza ime kemi jetuar në terror dhe ankth, vetëm shpresojmë që ata të gjejnë personin përgjegjës. Drejtësi për të, për ne, familjen e Klaudios, nënën, motrën e tij. Ne po përgatisnim pasaportat që të shkonim të kalonim natën e Vitit të Ri me ta”. Burimi La stampa

Arjon Shahaj, studenti 29 vjeçar i Akademisë së Sigurisë që u aksidentua dje për vdekje në autostradën te Liqeni i Tiranës, është përcjellë sot për në banesën e fundit. Homazhet janë zhvilluar në ambientet e akademisë ku ai studionte.

Pas një karriere si oficer policie, Arjon Shahaj ishte rikthyer përsëri në Akademinë e Sigurisë në Sauk, e cila njihet gjithashtu si Akademia e Policisë për të vazhduar studimet për rritje në gradë.

Fatkeqësisht, aksidenti i ndodhur mesditën e djeshme në autostradën Tiranë-Elbasan, në afërsi të Liqenit Artificial, i mori jetën në lule të rinisë.

Sot, kolegët dhe drejtuesit më të lartë të Policisë së Shtetit, drejtori i pergjithshem Muhamet Rrumbullaku, Rektori i Ilirjan Mandro dhe ministri i Brendshëm Taulant Balla kanë kryer homazhe pranë arkmortit të studentit Arjon Shahaj, pikërisht në vendin ku ai studionte për të marrë një gradë më të lartë e për t’i shërbyer me devotshmëri atdheut.

Familjarët e 29 vjeçarit kanë qenë gjithashtu të pranishëm në Akademinë e Sigurisë, ku kanë pritur ngushëllime nga shokët dhe kolegët e Arjonit, për ikjen e tij tragjike dhe të parakohshme nga jeta.

Ata shprehën ngushëllimet për familjen, miqtë e afërt dhe kolegët e Arjonit, i cili do të kujtohet gjithmonë për urtësinë dhe korrektësinë e një studenti shembullor. “I paharruar qoftë kujtimi i tij”, tha ministri Balla.

Klaudio Myrta, një shqiptar 34-vjeçar humbi jetën disa ditë më parë në Itali, pasi u qëllua me armë zjarri në kokë.

Nga autopsia u zbulua se 34-vjeçari nga Vlora i cili punonte në një punishte zdrukthuarie në Vernante të Italisë, është qëlluar me një armë të tipit kalibri i vogël.

Së fundmi motra e Klaudios Desara Myrtaj, 29 vjeçe është telefonuar nga media italiane “La Stampa”, ku flet për ngjarjen e rëndë.

“Jam e shokuar, nuk e kuptoj. Klaudio ka qenë gjithmonë vëllai më i mirë në botë, gjithmonë pranë meje. Një djalë i artë, ai ndoqi universitetin dhe masterin në marrëdhëniet me publikun. Ai punonte në një call center në Tiranë, por gjashtë vite më parë babai ynë ndërroi jetë, kështu që u kthye në Vlorë për të qenë pranë nënës. Por na duheshin para. Ai ra në kontakt me kushërinjtë e tij në Caraglio, me të cilët jemi shumë të afërt. Fillimisht shkoi në Spanjë për pushime, më pas iu bashkua atyre në Itali.

E prisnim për natën e ndërrimit të viteve. Më thirrën kushërinjtë e mi. Unë vërtet nuk di çfarë të them. Flisnim çdo ditë me Klaudion, ai nuk tha kurrë ndonjë gjë të çuditshme, madje as kushërinjve të tij. Ai ishte njeriu më i sjellshëm dhe më korrekt në botë, ai nuk mund të lëndonte askënd”.

Përsa i përket partneres së tij, Desara shprehet: Kam folur me të një ose dy herë. Kam lexuar për krimin e pasionit, por nuk gjej asnjë logjikë në të. Ne kemi besim te drejtësia italiane, le të sqarohet. Nëna është e shkatërruar. Për të, më e rëndësishmja tani është të kthejë Klaudion në Shqipëri sa më shpejt të jetë e mundur, për t’i dhënë lamtumirën e tij.

Më 4 nëntor, rreth orës 16:30, Klaudio Myrtaj u gjet në gjendje të rëndë në zonën e Vernantes dhe u dërgua në spitalin e Cuneos, ku ndërroi jetë më pas. Dyshohet se vrasësi e ka pritur viktimës jashtë një punishteje, ku ndodhej edhe pronari i 34-vjeçarit. Por, pasi është larguar pronari, autori ka vepruar me shpejtësi.

Sipas mediave italiane, dyshohet se krim nisi për motive të dobëta xhelozie. Policia po dëgjon në cilësinë e dëshmitarëve disa persona, mes të cilëve edhe e dashura e Klaudios dhe drejtuesi i punishtes.

Gjatë gjithë kësaj jave, emisioni investigativ “Stop” në Tv Klan ka transmetuar një ngjarje të rëndë që tronditi opinionin publik. Një vajzë e vogël 3-vjeçare u dhunua në kopshtin privat “Stinët” në kryeqytet në mënyrë të tillë që u çua me këmbë të thyer në Spitalin e Traumës.

“Stop” ka sjellë sot një përmbledhje kronologjike të ngjarjes së rëndë që u tentua të mbulohej e të manipulohej nga drejtuesit e kopshtit privat që për më tepër rezultoi i palicensuar. OPGJ nuk mori denoncimin në spital, mjekët nuk bënë gjithashtu denoncim, mjeku ligjor nuk shkoi të bënte ekspertizën e gjendjes së vajzës.

Dje reagoi Ministria e Arsimit duke kërkuar mbylljen e menjëhershme të kopshtit të palicensuar. Tre efektivë policie u pezulluan nga detyra për këtë ngjarje.

Edukatorja dhunuese, Majlinda Dehima, u la në hetim të lirë nga policia, pas transmetimit të pamjeve filmike në “Stop”.

Në video: Dhuna barbare në kopshtin privat, vajza me këmbë të thyer në spital (6 Nëntor 2023)

I ati i vajzës 3-vjeçare ka treguar në mënyrë kronologjike edhe njëherë për emisionin “Stop” si u trajtua rasti i thyerjes së këmbës të së bijës nga instancat përkatëse.

Gazetari: Në çfarë ore ju shkuat në datën 1 Nëntor tek spitali i Traumës?

Babai i vajzës: Shkuam rreth orës 4 e gjysmë. Mjeku që e trajtoi, di vetëm emrin, quhej Juli. Pasi bëmë grafinë, na mori të 2 si prindër me gjithë vajzën na çoi në një dhomë tjetër që ishte konsultë dhe na tha që vajza ka thyer në gjendje të rëndë këmbën.

Gazetari: Ky doktor, ai thërriti oficerët e Policisë Gjyqësore?

Babai i vajzës: Doktori nuk ka shprehu një interes të tillë për të kërkuar një shpjegim apo investigim që meqenëse, prindërit nuk dinë gjë nga ky kopsht, atëherë do të merret oficeri përkatës që të zbardhte çështjen ose të bënte pyetjet që ai di. Ne, pasi hymë brenda që pamë grafinë, nuk erdhi njeri afër që të na pyeste pasi ishte një emergjencë që duhej të shihnim se çfarë kishte ndodhur. Pasi ikëm tek salla tjetër që zbardhnim grafinë në ekran, sa morëm vesh nga mbrapa, një oficer kishte ndaluar zonjën drejtoreshë me gjithë të shoqin e saj duke e pyetur se çfarë ka ndodhur. Zonja, mesa morëm vesh ne, kishte thënë që “jemi të afërmit, nuk ka ndodhur gjë, një aksident i vogël”.

Gazetari: Dhe ai nuk i kishte shkuar më tej zbulimit të ngjarjes? Ishte mjaftuar me pohimet e drejtoreshës?

Babai i vajzës: Po. Ai kishte marrë dëshminë që ishte një rast familjar që ka ndodhur. Nuk erdhi të pyeste njeri. Ngeli tamam një enigmë.

Edukatorja dhunuese, Majlinda Dehima, tha para uniformave blu se mendon që vajza e ka lënduar vajzën tek hapësirat e krevatit, por në fakt e vërteta është krejtësisht ndryshe dhe këtë e vërtetojnë pamjet e fundit të siguruara nga emisioni investigativ “Stop”.

DËSHMIA E EDUKATORES MAJLINDA DEHIMA:

“Kam goditur me vizore vetëm tek karrigia për t’i tërhequr vëmendjen vajzës për në mësim. Rreth orës 15 e 3 minuta, vajza ka nisur të qajë dhe pas kontrollit që i kam bërë, kam parë që këmba ka qenë e enjtur. Më pas, njoftova menjëherë drejtoreshën e kopshtit. Mendoj që vajza e ka lënduar këmbën tek hapësirat e krevatit.”

“Stop” siguroi pamjet e plota filmike ku tregohet qartë sesi vajza dhunohet nga edukatorja, Majlinda Dehima deri në thyerjen e këmbës. Në materialin filmik dëgjohet zhurma e thyerjes, qarja e vajzës dhe të sharat e edukatores nga të miturës.

ORA 13:46 – Vajza qan

Edukatorja 1: Pusho moj… Ua… Ku je ktu mi?!

ORA 13:47 – Futet edukatorja Majlinda Dehima – Dëgjohen goditje

Edukatorja 2, Majlinda Dehima: Çfarë bën ti mi?! Çfarë bën ti mi?! Hë çfarë bën? Çfarë bën mi?! Pse ta kemi ty qefin ne mëngjes, drekë e darkë? Sharabajgë Hiqe moj këmbën këtu, hiqe këmbën, hiqe këmbën.

ORA 13:47 – Dëgjohet kërcitje, vajza fillon të qajë pa pushim

Edukatorja 2, Majlinda Dehima: Jo, jo… Padashje…

Të qarat vazhdojnë deri në orën 15:12 kur vajza bëhet gati për të dalë nga kopshti.

Saimir Kodra: Çfarë tmerri!

Gentian Zenelaj: Ajo që nuk thamë dot 48 orë rresht, ja ku është!

Saimir Kodra: Më pas, do të ndiqni intervistën e babait që e sollëm sot në redaksi për të ja prezantuar atij pamjet, ka thënë se vajza ka folur në spital dhe ka thënë që e ka rrahur edukatorja. Gëloj nga nervat si shumë qytetarë. Gëloj nga marazi, nga frika e madhe sepse kjo punë mund ta stopojë 1 muaj nga masiviteti që mori kjo temë, por kam frikë se do të vazhdojë prapë…

Drejtuesi i emisionit, Saimir Kodra thotë se sonte do të jetë i ftuar në “Opinion” në Tv Klan ku do të flasë pikërisht për këtë investigim të “Stop” që nxorri në dritë një ngjarje sa të shëmtuar, aq edhe të dhimbshme.

Saimir Kodra: Pas transmetimit të emisionit “Stop” në “Opinion” do të jetë po kjo temë. Do të kem përballë shefin e Komisariatit Numër 1 dhe do i bëj këtë pyetje “Çfarë do të bëni sot pas këtyre pamjeve? Pse nuk i kqyrët materiale filmike? Nëse ka marrë lekë dikush, si do i bëhet?”. Ka ligj që dënon të gjitha këto lloj veprimesh. Unë nuk kisha dyshime fare, në gjumë një fëmijë nuk e thyen dot këmbën, por përsa kohë që nuk kishim pamje, nuk e vërtetonim dot.

Ka ndërruar jetë Alfred Visha, shqiptari që mbeti i plagosur rëndë pasi ra nga skelat në Hamburg të Gjermanisë.

33-vjeçari, babai i tre fëmijëve, prej 10 ditësh ndodhej në koma, por nuk ka arritur të fitojë betejën me vdekjen, duke mbyllur sytë përgjithmonë.

Lajmin e trishtë e ka bërë me dije për mediat daja i Vishës, Luan Cemenja. Kujtojmë që më 30 tetor një ngjarje e rëndë u shënua në Hamburg, ku disa persona ranë nga një skelë, teksa ishin duke punuar.

Nga ngjarje e rëndë humbën jetën 4 shqiptarë, Alber Zorba 31 vjeç nga Elbasani, Astrit Xheka 35 vjeç nga Dibra, Ruzhdi Hoxha dhe Redon Hebeja. E sot ka ndërruar jetë edhe viktima e 5 e këtij aksideti tragjik në punë.

Bazuar në gjetjet fillestare, shkak mund të jetë bërë skela që nuk ishte vendosur siç duhet dhe pesha e madhe e vendosur në të ka bërë që të shkëputet, duke hedhur nga kati i 8-të punëtorët.

Nëna e cila braktisi foshnjën e saj një ditë më parë ka deklaruar se arsyeja që e ka fshehur shtatzëninë dhe ka braktisur bebin ka qenë sepse nuk ka dashur që të merret vesh nga familjarët e saj por edhe opinioni, pasi nuk është e martuar.

E.I, 30 vjeç është e pamartuar dhe nuk ka fëmijë të tjerë. Ajo e la foshnjën në bodrumin e një pallati në Yzberisht ditën e mërkurë.

I porsalinduri është vënë re nga një zotëri në mënyrë të rastësishme, i cili ka dëgjuar të qarat e fëmijës teksa ishte duke pirë cigare.

Foshnja u dërgua në spital në gjendje mjaft të rënduar dhe humi jetën të enjte.

Grupi hetimor ka pasur dyshime se 30-vjeçarja e ka lindur foshnjën e vetme në garazhin e pallatit ku dhe më pas e ka braktisur dhe është kthyer në banesë.

Vajza nuk ka folur fare për babain e fëmijës, por ka kërkuar të mos identifikohet dhe më pas është transportuar për në spital.

Policia e Tiranës ka arritur të identifikojë dhe ndalojë nënën e cila braktisi në bordrumin e pallatit në Yzberisht foshnjën e saj.

Burime për mediat bëjnë me dije se 29-vjeçarja me ininciale E.I, është shoqëruar në ambientet e Komisariatit të Tiranës.

E reja ka lindur në Pogradec dhe banon në rrugën “3 Dëshmorët në Tiranë”.

Kujtojmë se ngjarja e rëndë ndodhi paraditen e kësaj të mërkure, ku efektivët e Komisariatit nr 6 në kryeqytet, pas telefonatës së një qytetari arritën të gjejnë në bordumin e pallatit në Yzberisht foshnjën e braktisur.

Më herët u tha se foshnja lindi në divanin e bodrumit aty ku dhe më pas u braktis nga nëna e saj. Fatkeqësisht foshnja ndodhet në intubim në maternitetin “Koço Gliozheni” në gjendje të rëndë për jetën.

Lidhur me gjithë këtë ngjarje në vijim pritet njoftimi zyrtar i Policisë së Tiranës.