Kuriozitete

Paratë janë një temë e rëndësishme që na intereson të gjithëve, edhe pse jo gjithmonë llogaria jonë bankare është e mbushur me ato shifrat plot zero që shohim rëndomtë nëpër filma e seriale. Për të mos thënë që shumë prej nesh as që e kanë një të tillë dhe e vetmja gjë të cilës i gëzohen janë data e rrogës dhe xhepi i mbushur plot, të paktën ditën e rrogës. Por, cila është marrëdhënia që keni me paranë?

Dini si ta menaxhoni atë apo e mbyllni muajin vetëm me qindarka për cigare të hapura? Për këto e shumë të tjera, ju vjen në ndihmë Media i cili bazuar në shenjën tuaj të horoskopit zbuloni marrëdhënien tuaj me paranë dhe si të tregoni kujdes.

Dashi: Si një shenjë impulsive që është nuk i intereson shumë se si i harxhon paratë. Jeni njerëz kompetitiv dhe dëshironi një jetesë të mirë, por nuk vareni nga paraja. Edhe pse të kursyerit është gati e pamundur për ju, gjithmonë e gjeni një mënyrë për të dalë nga situatat e këqija.

Demi: Jeni shumë punëtorë dhe arrini të fitoni shumë para. Por ju qëndroni edhe në një punë që ka rrogë të vogël vetëm sepse keni gjetur rehat aty. Jeni të mirë për të kursyer dhe harxhoni vetëm atëherë kur mund ta përballoni.

Binjakët: Shenja e binjakëve nuk ka gjë qëndrim të caktuar ndaj parasë. Shpeshherë ata janë kursimtarë duke mos blerë asgjë dhe në ditë të tjera fiksohen për të blerë diçka të shtrenjtë dhe nuk e kontrollojnë dot.

Gaforrja: Ju dini mirë të kurseni dhe ta mbani të sigurtë situatën financiare për familjen tuaj. Ju punoni fort për arritjet tuaja edhe kur puna që bëni nuk ju pëlqen aspak. Edhe nëse ndonjëherë shpenzoni ju siguroheni të blini gjëra që vërtet ja vlejnë.

Luani: Shenja juaj ka një marrëdhënie interesante me lekët. Juve ju tërheq jeta e shtrenjtë dhe luksoze madje dëshironi t’i blini vetes gjithçka që jua pëlqen syri. Dhe kështu të kursesh është tepër e vështirë bazuar në shijet që ju keni.

Virgjëresha: Jeni praktikë dhe punëtorë. Ju kurseni, programoni të ardhurat tuaja madje ruani dhe para për të pasur një të ardhme të siguruar. Megjithatë kur vjen puna për të investuar ju jeni të frikësuar dhe mendoheni shumë derisa të jeni të sigurtë.

Peshorja: Jeni mjaft të balancuar. Nga njëra anë ju pëlqen të shpenzoni për veshje e ushqime të mira, të trajtoni veten me të dalura të shtrenjta. Ju shpenzoni shumë për veshje të bukura dhe makina të shtrenjta. Por nga ana tjetër ju e dini dhe limitin e blerjeve tuaja.

Akrepi: Ti i shpenzon paratë bazuar vetëm në instinktet e tua. Paraja vjen lehtë te ju. Prireni që të kurseni për të ardhmen në mënyrë që të mos keni surpriza të pakëndshme.

Shigjetari: Jeni shenja më praktike e horoskopit. Keni një marrëdhënie të tillë me paranë e cila ju vjen lehtë dhe po ashtu lehtë ju ikën. Por ju jeni optimist dhe nuk shqetësoheni për këtë.

Bricjapi: Jeni mjaft të përgjegjshëm dhe kursimi i parave për ju nuk është fare problem. Përveç kursimeve ju jeni shumë punëtorë dhe të ardhurat tuaja vetëm shtohen.

Ujori: Ju bëheni shumë punëtorë nëse ju pëlqen vërtet puna juaj. Blerjet tuaja janë gjithmonë të veçanta dhe unike.

Peshqit: Ju nuk jeni shumë praktikë kur vjen puna te paratë. Paguan gjithmonë me shumë se sa je në gjendje të përballosh. Duhet patjetër të konsultohesh me dikë që do të të ndihmojë të menaxhosh paratë e tua.

Shtëpitë mesatare dhe ato të vogla janë duke u bërë trend gjithnjë e më i madh në SHBA. Kompania “The Cottage” ka ndërtuar shumë shtëpi të tilla nëpër vende të ndryshme të SHBA-së.

Shtëpitë që i ndërton kjo kompani janë atraktive dhe shumë të bukura, por asnjë nuk krahasohet me këtë të fundit, transmeton Gazeta Express.

Kjo shtëpi është gjithashtu edhe fituese e një çmimi ndërkombëtarë, si shtëpia më e bukur – brenda dhe jashtë. Përderisa shumica e njerëzve e admirojnë pamjen e saj të jashtme, brendësia e kësaj shtëpie është ajo që do t’ju mahnitë.

Jagdeep Singh është polici më i gjatë në botë. Në fakt, nëse do të donit të bënit selfie me të, duhet të merrni shkallë, sepse ai është më shumë se dy metra i gjatë. Njerëzit në Punjab, Indi, e kanë më mirë nëse nuk e thyejnë ligjin në trafik, aty ku ky polic punon me policinë lokale.

Duke qenë se është më i gjatë se të gjithë njerëzit e tjerë në trafik, ai është i frikshëm për këdo që tenton të thyej ligjin aty pari, transmeton Gazeta Express.

Ai është aq i madh sa që një uniformë e veçantë është dashur të punohet për të – bashkë me një palë këpucë të veçanta që u importuan nga jashtë.

Për këdo që tenton të bëjë ndonjë gjë në rrugë, ky polic është tmerrues – pasi duke qenë më i gjatë se të gjithë të tjerët, ai mund të vërejë çdo gjë.

Fotografi Amos Chapple, nga Radio Evropa e Lirë në gjuhën angleze, foli me vendasit për historinë e tunelit të mrekullueshëm që është i formuar nga degë pemësh, mes të cilave futen rrezet e diellit me shumë romanticitet.

Ai mësoi se pemët janë krijuar ashtu për të mbuluar shinat e trenit që shkonte në një bazë ushtarake aty pranë, gjatë kohës së luftës.

Një tren i vjetër vazhdon edhe sot të kalojë çdo ditë, duke ruajtur pa dashur formën e tunelit madhështor, i cili ofron pamje fantastike në çdo stinë.

Tradhëtarët kanë karakter manipulues. Të gjithë e dimë se një tradhëtar është një person i parritur dhe lëndues. E dimë gjithashtu, se duhet t’i qëndrojmë larg. Por ato kanë një aftësi të çuditshme për t’i sjellë njerëzit përsëri aty ku duan. Tradhëtarët dhe mashtruesit janë njerëz thellësisht të trashë – por që kanë fuqinë t’ia u hedhin. Mos i lejo.

Ja 7 gjëra që ky lloj personi do t’ju thotë:

-Mund të përmirësohem. Të premtoj. Gjithçka do të jetë ndryshe. Gënjeshtër! Klasike, madje!

-Ishte thjesht seks. Nuk kam asnjë ndjenjë për to, por vetëm për ty.

Një partner që sakrifikon një lidhje për një aventurë seksuale, do të thotë që nuk e vlerëson lidhjen e tij. Ideja e tyre se gjoja dashuria dhe seksi janë gjëra të ndryshme dhe të ndara, tregon thjesht papjekuri dhe një karakter të paqëndrueshëm. Mos më kryqëzo gjithë jetën prej një çasti dobësie. Këtu nuk kemi të bëjmë me dobësi por me një person të dobët në mënyrë konstante.

-Nuk e kam vetëm unë fajin. Ti punon gjatë gjithë kohës. Nëse do të kishe pasur më shumë kohë për mua…

-Ishte faji i tij/saj. Më provokoi vetë.

Partneri gaboi. Mos u kapni me personin tjetër. Përgjegjësia ishte mbi të gjitha e tij/saj, pastaj e personit tjetër… që edhe mund të mos e ketë ditur situatën sentimentale.

-Nëse do e dija që do e zbuloje, s’do e kisha bërë kurrë. Po, nëse nuk do e merrje vesh?!

-Po e tepron. Mjaft u nevrikose!

Njerëzit që e thonë këtë janë egoistë dhe nuk e marrin fare parasysh dëmin e shkaktuar tek ti. Qëndrojuni sa më larg, nëse nuk dëshironi të harxhoni energji të kota.

-E lashë të gjithë pas krahëve. Jam njeri tjetër!

E vërteta është kjo: Mashtruesit dhe tradhëtarët mbeten të tillë deri në fund. Mos harro: Ata janë thellësisht të trashë. Thjesht lërini dhe vazhdoni jetën tuaj. Ka plot persona të kujdesshëm dhe të mirë atje jashtë

Ky vend mirëpret këdo për të cilin i ftohti i dimrit mes dëborës dhe ngricës nuk përbën problem.

Alaska e Shteteve të Bashkuara të Amerikës u paguan 18 000 dollarë në vit njerëzve që duan të vendosen atje përgjithmonë.

Kuptohet, për t’i marrë paratë, duhet fillimisht të dëshmoni gatishmërinë dhe vërtetësinë e pretendimit tuaj.

Pas kësaj ju mund të prisni të merrni këtë shumë çdo vit, e nuk duhet ta ktheni kurrë mbrapsht.

Kushti i vetëm që duhet të plotësoni është të kaloni 190 ditë pa shkëputje, të mos keni dosje kriminale e pastaj ju mbet veç të prisni 18 mijë dollarë të vijnë me postë në shtëpinë tuaj.