Kuriozitete

Konsumatorët shqiptarë prej kohësh po bien pre e skemave mashtruese të thirrjeve telefonike. Shqetësimit ngrihet nga Autoriteti i Komunikimeve Elektronike dhe Postare i cili i bën thirrje konsumatorët të tregohen të kujdesshëm. Në një sqarim të gjatë AKEP jep disa detaje për mënyrën sesi funksionojnë këto skema dhe se çfarë duhet të bëjnë konsumatorët në këto raste. “Në vijim të shqetësimeve të ngritura kohët e fundit në Shqipëri për skemën mashtruese të përdorur me thirrjet telefonike nga numra me prefiks ndërkombëtar, AKEP jep sqarimet dhe këshillat e mëposhtme për konsumatorët për këtë çështje.

Nëse keni thirrje të humbura në aparatin tuaj celular nga numra të cilët nuk i njihni (me prefiks ndërkombëtar) duhet të kini kujdes para se të ktheni thirrjen drejt këtyre numrave. Kjo për shkak se ka shumë mundësi të bini pre e skemave mashtruese të thirrjeve të humbura, duke rezultuar në fatura të larta për përdoruesit me paspagim apo harxhim shumë të shpejtë të krediteve të përdoruesve me parapagim.

Çfarë është dhe si funksionon skema e mashtrimit të thirrjeve të humbura?
Skema mashtruese e thirrjeve të humbura në industrinë e telekomunikacioneve njihet me emra të ndryshëm si ‘missed call scam’, ‘Ëangiri scam’ apo ‘one ring scam’. Këto skema mashtruese përdorin sisteme automatike për të gjeneruar thirrje (mijëra thirrje në minutë) kryesisht drejt numrave celulare, por edhe drejt numrave fiks. Thirrja zakonisht zgjat shumë pak duke rënë një herë apo dy herë zilja e telefonit dhe më pas thirrja ndërpritet dhe regjistrohet si thirrje e humbur në aparatin tuaj celular (apo dhe fiks).

Thirrje të tilla gjenerohen automatikisht nga pajisje dhe qëllimi nuk është komunikimi me ju por regjistrimi i telefonatës si thirrje e humbur dhe që më pas ju nga sjellja normale/kureshtja për thirrjet e humbura të kryeni një telefonatë drejt këtij numri (call back). Nëse ju ktheni thirrjen drejt këtyre numrave mundësitë më të mëdha janë që do të dëgjoni një mesazh sekretarie telefonike (në gjuhë të huaj) apo nuk do të dëgjoni sinjal të lidhjes së thirrjes, ndërkohë që realisht lidhja është realizuar (connected) dhe aparati fillon të masë kohëzgjatjen e thirrjes.

Në këto raste ju jeni duke kryer një telefonatë me çmim shumë të lartë për minutë duke rezultuar në faturë shumë të lartë për përdorues me kontratë (paspagim) ose harxhim shumë të shpejtë të krediteve për përdorues me parapagim. Kostoja për përdoruesin është shumë e lartë edhe për thirrje shumë të shkurtra drejt këtyre numrave.
Madje nëse ktheni thirrjen edhe një herë të vetme drejt një numri të tillë, mundësitë janë që do merrni shumë thirrje të tilla dhe nga numra të tjerë të ngjashëm. Edhe nëse pajtimtari nëpërmjet funksioneve të aparatit celular bllokon telefonatat nga një numër i tillë, mundësitë janë që do të merreni në telefon nga një numër tjetër i ngjashëm. Thirrje të tilla shfaqen kryesisht me prefikse ndërkombëtare dhe gjeneruesit e këtyre thirrjeve shpresojnë që të ktheni thirrjen drejt këtyre numrave për të përfituar në mënyrë mashtruese prej jush.Gjeneruesit e thirjeve të tilla përdorin prefikse ndërkombëtare të ndryshme si +249, +252, +212, +370, +371 etj që iu përkasin shteteve kryesisht në Afrikë apo Karaibe por dhe në vende Evropiane. Shpesh gjeneruesit e tyre tjetërsojnë dhe numrat dhe prefikset duke e bërë të vështirë gjurmimin e tyre dhe ndalimin e këtij aktiviteti të paligjshëm.

Cfarë duhet të bëni nëse merrni thirrje nga numra të tillë apo ktheni thirrjet drejt këtyre numrave?
Në rast se merrni një thirrje nga një numër i panjohur me prefiks ndërkombëtar, në mënyë që të jeni të mbrojtur nga mashtrimi dhe dëmi financiar: Mos i’u përgjigjni thirrjeve nga numra të tillë. Mos ktheni thirrjen drejt këtyre numrave që i’u shfaqen në listën e thirrjeve të humbura (missed calls); Kontaktoni sa më shpejt operatorin e rrjetit tuaj në numrat e kujdesit të klientit dhe/ose pikat e shitjes së tij duke raportuar numrin/numrat e dyshuar; Kontaktoni AKEP nëpërmjet: Emailit: [email protected] /Telefonit: +35542259571//Postës: Rruga ‘Reshit Collaku’, Tirane.
AKEP ju këshillon të kontaktoni/raportoni këto numra tek operatori sa më shpejt, sidomos nëse keni rënë viktimë duke kryer thirrje drejt këtyre numrave, dhe njëkohësisht duke dhënë detaje: Numrin/numrat e dyshuar që ju ka marrë/apo që keni marrë në telefon dhe kohën e telefonatës; Numrin tuaj të telefonit dhe mënyrën e kontaktimit tuaj. Për të parandaluar kryerjen pa dashje të telefonatave drejt këtyre numrave, duhet të fshini (delete), numrin/numrat e dyshuar nga lista e thirrjeve të humbura (missed calls log). Gjithashtu ju mund të bllokoni të gjitha thirrjet dalëse ndërkombëtare dhe/ose drejt numrave me vlerë të shtuar, duke kontaktuar me operatorin e rrjetit tuaj.

Cfarë mund të bëjë operatori i rrjetit tuaj?
Operatorët marrin masa për mbrojtjen nga telefonata të tilla apo skema të tjera mashtruese nëpërmjet sistemeve anti-fraud në rrjetet e tyre për identifikimin e rritjeve anormale të thirrjeve drejt destinacioneve me kosto shumë të larta (premium rate) apo numra jashtë standardit (numra të cuditshëm) si dhe bllokimi/kufizimi i thirrjeve hyrëse dhe dalëse drejt numrave të tillë gjenerues të thirrjeve mashtruese. Megjithatë, pavarësisht masave mbrojtëse dhe monitoruese të ndërmarra nga operatorët në Shqipëri dhe në vende të tjera, thirrje dhe skema të tilla mashtruese vijojnë të ekzistojnë. Për këtë arsye në shumë raste lufta ndaj skemave të tilla bazohet dhe në raportimet e pajtimtarëve dhe adresimi individual i tyre kryhet rast pas rasti.

Raportimi i këtyre numrave ndihmon operatorët për të marrë masat e nevojshme për të rritur mbrojtjen e pajtimtarëve nga telefonata të tilla si dhe për parandalimin e pagesave drejt këtyre numrave dhe rimbursimin e mundshëm të pajtimtarëve që bien viktima të këtyre thirrjeve. Në rast se raportimi për thirrjet e kryera drejt këtyre numrave kryhet në kohën e duhur, operatori i rrjetit ka mundësinë të pezullojë pagesat e interkoneksionit drejt numrit të dyshuar dhe në rast se vërtetohet si mashtrim edhe të mos kryejë këtë pagesë dhe të rimbursojë pajtimtarin për dëmin e shkaktuar.

Gjithsesi, vlen të theksohet se gjurmimi i këtyre thirrjeve deri në origjinën e tyre shpesh është i vështirë dhe kërkon kohë, pasi midis operatorit të rrjetit dhe rrjeteve nga gjenerohen këto thirrje ka shumë hallka interkoneksioni dhe palë të përfshira. Operatori me marrjen e informacionit nga pajtimtari ka mundësinë të bllokojë thirrjet hyrëse dhe dalëse drejt këtyre numrave, duke mbrojtur pajtimtarin raportues por edhe pajtimtarët e tjerë.Pra me marrjen e ankesës/informacionit nga pajtimtari për një/disa numra të tillë, operatori përcjell informacionin nga departamentet e marrdhënieve me klientin (apo pikat e shitjes) tek departamentet e tjera si interkoneksioni apo anti-fraud për të hetuar cështjen dhe marrë masat përkatëse.

Besohet se çdo shtëpi ka gjarpërin e vet. Ata si rëndom, janë të qetë. Ndodh që gjatësia e tyre të jetë mbi dy metra, por populli i quan “gjarpërinjtë e shtëpisë” ose “gjarpëri i shtëpisë”.

Ata lëvizin apo ecin nëpër shtëpi lirisht dhe askush nuk guxon t’i ngacmojë, kështu që shpesh herë i gjejmë nëpër teshat apo mbulesat e fletjes, nën jastëkët, nëpër djepet e foshnjeve, e kështu me radhë. Iu jepet qumësht në vendet e caktuara, ku gjarpri i shtëpisë zakonisht e ka daljen e vet. Thuhet se nëse e mbysim gjarprin, atëherë ai i ndëshkon saqë në atë shtëpi ndodhin ngjarje të kobshme, u digjet shtëpia, mund të vdesë dikush prej anëtarëve të familjes, etj.

Është interesant të përmendet rasti i mbrojtjes nga magjia” nëpërmjet kokës se gjarprit. Vajzat e bukura dhe nuset , me qëllim që të mbrojtjen nga magjia, e mbartin në qafë dhe midis gjinjve kokën e gjarprit.

Në fakt, kur dikush rastësisht gjatë punës së përditshme në fushe mbyste ndonjë gjarpër, ia merrte kokën, të cilën sipas nevojës më vonë mund ta mbante një vajzë ose nuse e shtëpisë.

Koka e gjarprit e mbajtur në qafë ose midis gjinjve është një ritual i trashëguar që nga ilirët, të cilët besonin në forcën mbrojtëse të gjarprit.

Gjarpri edhe sot e kësaj dite tek shqiptarët konsiderohet si “roje i shtëpisë” dhe mendohet se secila shtëpi diku në themelet e saja e ka gjarprin e vetë i cili e mbron shtëpinë.

Prandaj kur ai paraqitet në oborrin e shtëpisë as nuk mbytet e as nuk ngacmohet, por lihet i qetë. Pra, koka e gjarprit te shqiptarët e ka pasur kuptimin e një objekti sigurie për individin dhe shtëpinë.

Asnjë kafshë në simbolikën religjioze tek ilirëve nuk ka luajtur rol të rëndësishëm sa gjarpri. Kjo kafshë misterioze, me formë të jashtzakonshme e cila pa zhurme zvarritet dhe del nga thellësia e tokës aty ku jetojnë demonët dhe zotat e nëntokës, si edhe shpirtrat e të ndjerëve, i cila me kafshimin e vet mundet aty për aty ta mbysë jo vetëm kafshën, por edhe vete njeriun, ka nxitur respekt nga frika.

Nuk është e rastit, pra, që gjarpri luan rol të rëndësishëm në religjionet dhe mitologjitë e të gjithë popujve që shtrihen në viset , ku jetojnë gjarpërinjtë, nga Amerika deri në Perëndim, e deri në Azi në Lindje, që prej kohërave paleolitike e deri në ditët tona.

Tek ilirët, sidomos tek ata të Jugut, gjarpri është kafsha e cila me domethënien e vetë të shumëfishtë zë vendin qëndror në strukturën religjioze simbolike. Ai është kafshë toteme dhe kryetar i fisit ilir, simbol i mençurisë, i së keqes, shëndetit, pjellorisë, personifikim i shpirtit të të ndjerit, mbrojtës i vatrës së shtëpisë e mbi të gjitha kafshë mitologjike./Njekomb

‘Ka një mesazh për ty’ vijoi me rastin e një gruaje të re, nënë e dy fëmijëve e cila ka qenë në të kaluarën, pre e dhunës në familje.
Ajo ka pasur një martesë 14-vjeçare ku është dhunuar vazhdimisht dhe sistematikisht nga bashkëshorti i saj. Lisaveta ka bërë kompromis me këtë gjë për hir të fëmijëve, dhe për shkak të mentalitetit në zonën ku jetonte. Megjithatë ajo sot jeton e qetë me fëmijët e saj, dhe ka ardhur në studio për të falënderuar motrën Dashurien.

Lisaveta: Unë jam Lisaveta, kam lindur në Pogradec, rritur në një fshat të Lushnjës, dhe martuar po në një fshat të Lushnjës. Nga kjo martesë unë kam dy fëmijë por për fat të keq, martesa ime nuk rezultoi e suksesshme. Përfundoi për 14 vjet martesa.

Ardit Gjebrea: Pas 14 vjetësh, përfundoi gjithçka. Pse?

Lisaveta: Arsyet janë të shumta. Ai që në fillim ishte një person jo i dashur, jo i respektueshëm. Nuk humbiste asnjë rast pa më ofenduar qoftë edhe në sy të njerëzve. Vazhdova me të për shkak të paragjykimeve, mendoja se çfarë do të thonin njerëzit. Ishte e papranueshme që unë të divorcohesha. Kisha hallin e prindërve të mi dhe të mentalitetit përreth. Ishte shumë e vështirë Ardit. Një rast që ishte i patolerueshëm, ishte në dasmën e një kushërires sime. Ishim në valle, mami, motra edhe unë. Duke kërcyer, në dasmë. Dhe ai ngrihet më tërheq nga krahu, më thotë dil nga vallja ose do të të hedh nga kati i dytë.

Ardit Gjebrea: Po pse?

Lisaveta: Për shkak se erdhi burri i motrës më kapi mua për dore në valle. Siç ishin motrat me radhë, unë isha e fundit, e vogla. Dhe ai erdhi në fund, mbas meje. Për këtë gjë, ai erdhi më nxorri mua nga vallja, më tha dil ose do të të hedh nga kati i dytë. Dhe unë e lë vallen, ulem. Ai nuk u mjaftua me aq. Filloi pastaj, më gjuante me shkelma, thoshte mos e ngri kokën, shiko vetëm pjatën. Dhe në momentin që mbaron vallja dhe ulet burri i motrës, ai i thotë: me ty s’dua të kem të bëj më fare! As për gëzim as për hidhërim. Për vite me radhë unë nuk kam folur me motrën time.

Pastaj dhuna vazhdonte, psikologjike, fizike. Për vite me radhë nuk kam pasur kontakte me motrën e madhe. Edhe kur linda djalin, unë bëra drekë, ajo nuk ishte e pranishme. Ishte një gjë shumë e dhimbshme por nuk e shmangnim dot. Pastaj filluan konfliktet, sa vinin dhe rëndoheshin. Paragjykimet ishin të shumta. Ai ishte emigrant në Greqi, kur vinte njerëzit fillonin i flisnin atij. Kam qenë 6 muajshe shtatëzënë, nuk e di se çfarë i kishin thënë njerëzit, dhe ai më kap për fyti, më rrëzon. Dyshonte se fëmija në bark nuk ishte i tij. Edhe në sy të të tjerëve nuk përtonte të më dhunonte. Nuk linte rast pa më ofenduar dhe pa më poshtëruar.

Ardit Gjebrea: Familja jote çfarë bëntë ndërkohë?

Lisaveta: Familja ime rrinte e tërhequr Ardit. Babai ndërhynte, vinte e këshillonte. I jepte fjalën, një ditë, dy ditë ndryshonte, të tretën fillonte prapë. Por guximin nuk e merrja që të ikja që aty. Nuk mund të ikja për hir të fëmijëve.

I pari që erdhi në jetë ishte djali. Quhet Arsen. Arseni ka qenë prezent në sjelljet e të atit.

Ardit Gjebrea: Si e jetonte këtë sjelljen e babait ndaj nënës së tij?

Lisaveta: Ai e jetonte shumë keq Ardit. Kohët e fundit ai po rritej po kuptonte më shumë. Sa herë vinte i ati nga puna, ai mbulonte kokën, bënte sikur po flinte. O ma erdhi babi më thoshte, mos i thuaj që unë jam zgjuar. Sepse nuk e duroj dot thoshte kur bërtet. Dhe nga mësimet, ra. Ka qenë nxënës shumë i mirë.

Pastaj erdhi edhe vajza në jetë, fëmija i dytë. Prapë mendova se gjërat do të rregulloheshin, me ardhjen e fëmijës së dytë, por ndodhi e kundërta. Gjërat u përkeqsuan.

Ardit Gjebrea: Cili ishte momenti që ti vendose të ndahesh?

Lisaveta: Ka qenë një moment, kur ky më ka përzënë në orën 10.30 të darkës, sepse unë kisha lyer flokët pa lejen e atij. Dhe vjen fillon konfliktet dhe debatet. Pse ke lyer flokët, kush të dha leje, pa më thënë mua, pa lejen time. I thashë që bojën ma ka blerë djali dhe më tha “ma nuk ti shoh dot flokët pa lyer, dua që t’i lyesh”. Dhe unë për t’i plotësuar dëshirën djalit, i leva.

Ai ishte mësuar që unë t’i merrja leje për çdo gjë atij. Më thotë mua zhduku shporru dhe i merr të gjitha rrobat që më kishte blerë ai, i hedh nga dritarja. Më thotë zhduku tani, me gjithë fëmijët e tu, më tha.
Unë u largova të nësermen në mëngjes, mora fëmijët dhe rrobat e mia. Por ai dërgonte nënën të më lutej. Më lutej që unë të kthehesha. I dhashë edhe një mundësi. Por torturat vazhdonin. Ika përsëri dhe pas shumë mundimesh arrita të marr fëmijët me vete, pasi familja e tij nuk më lejonte. Gjykata m’i dha në kujdestari të përkohshme derisa divorci përfundoi.

Ardit Gjebrea: Më trego pak, për çfarë e ke thirrur motrën sot?

Lisaveta: Motrën e kam thirrur, sepse ajo ishte mbështetja ime më e madhe. Ajo është një përkrahje qoftë shpirtërore, qoftë morale. Ajo ka qenë një ndihmë e jashtëzakonshme për mua, dhe unë dua ta falënderoj shumë, sepse nëse unë jam kjo që jam sot, vjen vetëm falë saj.
Unë u zhvendosa në Durrës. Fillimet ishin të vështira, por motra dhe familja e saj më ndihmonin shumë.

Mesazhi në studio: E dashur motër, të falendëroj që ti ke ardhur këtu sot, dhe dua të të falënderoj me gjithë shpirt, për gjithçka që ti ke bërë për mua. Ty edhe familjen tënde, sepse keni qenë një mbështetje shumë e madhe për mua, në momentet më të vështira të jetës sime. Unë sot kisha ftuar edhe burrin tënd, Shkëlqimin, për ta falënderuar edhe atë. Doja t’i thoja edhe diçka tjetër, që ai të vijë më shpesh në shtëpinë timë. Ai është distancuar. Kjo ndoshta edhe për shkak të paragjykimeve të shumta. Do t’i kërkoja që edhe të të lejonte ty të vije pak më shpesh, dhe fëmijët në shtëpinë time. Ju e dini që unë vetëm juve ju kam.

Motra e Lisavetës, Dashurie: Të premtoj që do të bëj më shumë se ç’kam bërë. Do të të ndihmoj me aq sa mundësi kam, besoj se do t’ia dalim.
Lisaveta: Unë dua vetëm prezencën tuaj, asgjë tjetër.

Mes shumë emocionesh Dashuria i premton motrës që do ta ketë gjithmonë mbështetjen e saj./tvklan.al

Ai është një ndër elementët më të vjetër dhe efikas të joshjes por që njëkohësisht të identifikon edhe në vende ku nuk je fare prezent. Aksesori më i padukshëm e njëkohësisht edhe më i rëndësishëm që keni. I paharrueshëm nëse zgjidhet siç duhet dhe i përjetshëm nëse të lidhin gjithmonë me aromën e tij.

Prandaj dhe njerëzit e mëdhenj, ata të vërtetët që e kuptojnë dhe e duan gjithmonë të bukurën, e kanë atë, si pjesë të tyren të pandashme. Dhe është pikërisht parfumi, një ndër shpikjet më të bukura të njerëzimit, një dashuri që ndihet, shijohet përtej çdo shqise tjetër.

Vërtetë, sa shumë të magnetizon një njëri i tillë e sa i dashur dhe i afërt të bëhët. Madje edhe në qoftë totalisht një i panjohur të bëhet sikur nuk është një frangrancë ajo që aromatizon lëkurën e tij por është pikërisht ai që e prodhon atë aromë. Një aromë që do dëshiroje ta kishe pranë vetes gjithë jetën.

Sigurisht, të kesh një parfum tashmë nuk është më një luks por parfumi në vetvete padyshim që është i tillë. Por edhe mes tyre ka dallime të mëdha pandaj zgjedhja duhet bërë gjithmonë me kujdes e kurrsesi kalimtare.

Nëse dëshiron të bësh një zgjedhje të pagabueshme dhe je gati të kesh aromën tënde e ti qendrosh asaj përgjithmonë besnik, ashtu sikurse bëri dhe mbretëresha Victoria e Anglisë dhe Familja Presidenciale Kennedy ne Amerikë, Creed është emri i duhur për ty.

Krijuar fillimisht në Angli por vendosur tashmë në Francë kjo shtëpi parfumesh mbart në vete sharmin dhe klasin aristokrat që shumë pak njerëz dinë ta dallojnë e shumë të tjerëve iu duket i largët, dhe kjo? Pikërisht sepse është perfekt.

Përkushtuar totalisht njerëzve me ekzigjenca të veçanta, Creed nuk mund të gjendet lehtësisht në gjithë botën, përkundrazi ajo ruan madhështinë e saj duke përzgjedhur me shumë kujdes vendet të cilat do ta tregtojnë atë.

Vetëm në Paris, Londër, New York dhe Dubai mund ta gjesh këtë emër, e tashmë së fundmi edhe në Shqipëri. Falë “Maison De Parfum” kjo linjë kaq unikale, e cila krijon dhe fut në laboratorin e saj magjik fragranca vetëm për emra të tillë mbretërorë si Victoria e Anglisë apo familja presidenciale Kennedy do të përkëdhelë lëkurat e zgjojë ndjesitë tona.

Mjafton ta vizitoni Maison de Parfum për të parë gjithë unikalitetin e fragrancave të prodhuara nga Creed si dhe për tu njohur më në detaj me linjën royale dhe gjithë produktet e tjera.
Për të gjithë ju që dini dhe doni më të mirën, nuk është më e nevojshme të shkoni larg, tashmë ajkën e botës në parfumeri “Maison De Parfum” na e solli fare afër, pikërisht këtu në Shqipëri.

Jeni në një pritje të ëmbël dhe po mendoni për emrin që do i vini fëmijës që po vjen në jetë?

Mos u mendoni shumë të gjeni emra të huaj për fëmijën tuaj. Kjo është një listë me emra të vjetër ilirë të cilët janë fantastikë.

Janë emra fantastikë, shumicën e të cilëve mund të mos i kemi dëgjuar. Si ju duken emrat Siloria, Jolka, Andata, Daorsa për vajza?

Po emrat Etrit, Jorik, Kail, Tedian për djem?

Shikoni më poshtë një listë me plot 157 emra ilirë për vajza e djem.

Ja lista me 157 emra origjinalë ilirë për fëmijën tuaj:

Hëna ushtron shumë ndikim mbi lëvizjet e Tokës, por ajo ka gjithashtu një efekt të madh edhe në rritjen e flokëve. Besohet që fazat e hënës ndikojnë në rritjen e flokëv, kështu që është mirë t’i prisni ato gjatë një faze të veçantë të hënës.

Hënë e re

Në këtë fazë hëna nuk është e dukshme për shkak se ajo është e vendosur në mes të Tokës dhe Diellit, ndaj nuk është e këshillueshme të prisni flokët. Nuk rekomandohet si periudhë e favorshme për prerjen e flokëve, pasi kjo fazë e hënës kosniderohet si një fazë e dëmshme, ku ndodh dobësimi i fibrave të flokëve dhe rënia e tyre
Treçereku i hënës

Nëse dëshironi që flokët tuaj të rriten shumë shpejt dhe të jenë të shëndetshëm, duhet t’i prisni ato kur shihni në qiell  treçerekun e hënës. Kjo është periudha ideale që këshillohet për prerjen e flokëve, sepse forcon strukturat e tyre duke iu dhënë shëndet dhe fortësi.
Rekomandohet të priten mes orës 12 të mesditës dhe 6 të pasdites, pasi ndërmjet këtyre orëve ekziston një rritje progresive në tërheqjen hënore.

Hena e plotë

Hëna e plotë është faza e përkryer për të kryer një prerje flokësh.Nëse flokët tuaj janë dëmtuar shumë, është koha më e mirë për t’u dhënë atyre në formë të re. Prerja e tyre në këtë fazë iu jep atyre shkëlqim, fortësi dhe për më tepër rriten shumë shpejt. Gjatë kësaj faze rekomandohet të priten midis orës 6 të mëngjesit dhe 12 të mesditës, vetëm një ditë para se hëna të bëhet e plotë, ose po atë ditë.

Tremujori i fundit

Prerja e flokëve në një fazë hënore të zbehur, gjysmënë, është zgjidhja më e mirë për gratë që kanë flokë me shumë volum. Duke i prerë flokët në këtë periudhë, ato do të rriten më ngadalë, duke ruajtur formën dhe stilin që dëshironi. Orari ideal duhet të jetë mdis orës 6 të mëngjesit dhe 12 të mesditës, kur tërheqja hënore është në rënie.

Shpesh dëgjojmë që flitet për vende të cilat japin para në mënyrë që të jetoni në to. Ndër më të famshmit është Alaska e pasuar edhe nga vende tjera, qytete apo komuna të vogla.
I radhës është Candela, një qytet i vogël mesjetar në Puglia të Italisë, i cili me nismë e kryebashkiakut Nicola Gatta ka gjetur një zgjidhje praktike për shtimin e popullsisë.

Nicola Gatta është shprehur për CNN:

Unë punoj çdo ditë me pasion dhe përkushtim për ta sjellë Candelën përsëri në shkëlqimin e tij të lashtë. Deri në vitet 1960, udhëtarët e quanin ‘Nap’liçhie’ (Napoli e vogël), për shkak të rrugëve të mbushura me udhëtarë, turistë, tregtarë dhe gumëzhimat e tyre”.

Për të rimarrë madhështinë e humbur të qytetit, kryebashkiaku Gatta po ofron deri në 2,000 euro për të inkurajuar njerëzit që të zhvendosen atje.

Këto ditë, lëvizja napolitane është zëvendësuar nga heshtja e kodrave të gjelbëruara dhe pyjet e paprekura përreth tij.

Kishat që qëndrojnë në çdo qoshe të rrugës mbushen vetëm për të festuar shumë pak lindje që ndodhin këtu, ose shumë funerale për banorët e moshuar.

Ky labirint i rrugëve piktoreskë dredha-dredha, ndërtesat barokore dhe kalimet e harkuara është në rrezik të kthehet në një qytet fantazmë. Shumica e të rinjve kanë ikur në kërkim të një të ardhme më të ndritur gjetkë, duke lënë pas pleqtë.

Megjithatë, Gatta është në një kryqëzatë të dëshpëruar për të shpëtuar Candelan nga vdekja.

Ka dhjetëra shtëpi të bardha verbuese me tarraca panoramike dhe ballkone me zbukurime të cilat rrinë bosh, duke pritur që të mirëpresin banorët e rinj.

Kriteret e veçanta

Për të joshur të ardhurit duke përfshirë të huajt, Këshilli bashkiak i Gatta-s ka hapur arkën e saj me shpresën për të rritur banorët e qytetit.

Stefano Bascianelli, njeriu i djathtë i kryetarit të bashkisë shpjegon:

Kështu ofron: 800 euro për teke, 1,200 euro për çifte, 1,500 deri 1,800 euro për familjet me tre anëtarë dhe mbi 2,000 euro për familjet nga katër deri në pesë persona.”

Gjithashtu mund të ofrohen kredi tatimore për deponimin e mbetjeve urbane, faturat dhe fidanishtet.

Ekzistojnë tre kërkesa kryesore për të marrë paratë: Banorët e rinj duhet të bëhen rezidentë në Candela, të marrin me qira një shtëpi dhe të kenë një punë me një pagë prej së paku 7,500 euro në vit.

Bascianelli thotë:

Ne nuk duam që njerëzit që vijnë këtu duke menduar se mund të jetojnë nga të ardhurat e bashkisë, të gjithë banorët e rinj duhet të punojnë dhe të kenë të ardhura”, thotë

Gjashtë familje nga Italia veriore janë vendosur tashmë dhe pesë të tjerë kanë aplikuar për të lëvizur.

Avantazhet

Fotografi Francesco Delveçhio shprehet:

Qyteti ka një mënyrë jetese të qetë dhe të thjeshtë. Nuk ka turma njerëzish, është shumë e thjështë të lëvizesh, s’ka trafik, s’ka smog.”

Megjithëse nuk ka përfituar nga bonusi, ai është bërë një ambassador për pasuritë e qytetit.

Ne jemi në kryqëzimin e tre rajoneve të mrekullueshme italiane: Campania, Basilicata dhe Molise, me të gjitha mrekullitë që ofrojnë keto rajone”.

Vendasit janë të hapur dhe mikpritës, të lumtur për të jetuar në harmoni me të sapoardhurit në qytet.

Disa nga plazhet më të mira të Pulias janë vetëm një orë larg nga qyteti, ndërsa “Trasonna”, një rrugicë e gjerë 35 centimetra është kthyer në një atraksion turistik.Vendasit krenarë thonë se kjo është rruga më e ngushtë në Itali.

“Cilësia e jetës këtu kap majat. Nuk ka patur një krim në 20 vjet,” krenohet me Bascianelli.

Qytetit i është dhënë një restaurim mjaft cilësor, i lili i ka dhënë qytetit një shkëlqim të ri. Pallatet të vjetra janë restauruar, rrugët dhe sheshet janë tani të hapura për turistët.Paratë publike përdoren për të financuar grupet folklorike të kostumeve, zjarreve spektakolare dhe festivaleve, për të rimarrë traditat dhe mitet e lashta.

Çdo vit, zhvillohet një infiorata e gjallë (artet me lule), me artistë që krijojnë tapete me petale lulesh që mbulojnë trotuaret.Candela qëndron në zemër të asaj që njihet si “hambari i Italisë” dhe Festivali i Grainit sjell përsëri botën e humbur të bujqësisë dhe blegtorisë përmes paradave të traktorëve dhe makinave pluguese.

Ndërkohë, banorët e rinj mund të marrin pjesë në një turne një javore magjepsës përgjatë rrugës me terren të egër të Tratturo Regio që lidh Candela me qytetin bregdetar të Pescasserolit në Abruzzo, ku jetasa u zhvendosë nga tokat e larta në ato të ulëta, ndërkohë që stinët ndryshuan.Ka gjithashtu plane për të hapur një muze të lodrave dhe një sallë ekspozite të veshjeve mesjetare.

Mrekullitë e dimrit

Gatta gjithashtu ka bërë shtëpinë e Shndritshme të Santa Claus, e cila tregon historinë e frymëzimit të legjendës së Krishtlindjes, Shën Nikollës, mbetjet e të cilëve mendohet të jenë të mbytur në qytetin e afërt të Barit.Ai paguan aktorë të veshur si Santa Claus dhe elfet e tij për të treguar këtë histori në një ndërtesë trekatëshe e cila ekziston që nga viti 1600, ata janë aty për një muaj të tërë, kjo bëhet për të kënaqur fëmijët.

Bascianelli thotë:

Gjatë verës është e lehtë të ketë turistë të rastit, por gjatë dimrit është e vdekur, dhe për te tërhequr vëemendjen e turisteve duhen ngjarje të jashtëzakonshme që mund të joshë njerëzit edhe ne të ftohtë edhe në dëborë.”

Çdo kat i kësaj ndërtese ka dhoma gjumi me dyshekë të butë dhe drita të ndritshme ku Santa fle dhe i përshëndet fëmijët që i sjellin letra. Ka një punëtori të madhe ku elfët bëjnë lodra.Pemët e Krishtlindjeve të shndritshme, slitat të mbushura me lodra janë kudo, ashtu siç janë edhe era e mirë e biskotave të pjekura dhe tingujt e muzikes festive qe janë bere himne tani.

Ushqimi i parajsës

Ushqimi i Candelës është gjithashtu një nga pikat kryesore të tij, dhe qyteti pret “Taste Candela”, një turne ushqimesh dhe verërash që mbahen çdo verë në qendrën historike të qytetit.Çdo stand përmban salcice vëndase të shijshme, panine me djathë dhe brusketa me vaj ulliri. Panairi më i këndshëm është Sagra dell’Oreçhietta, duke festuar me makaronat e famshme të Pulias, të bëra vetë, ne forme veshi. Ndërsa është bërë traditë tani më, servirja e tyre me ragu zarzavatesh, derrit të egër, lepuri ose fazani.

Delveçhio thotë:

Kjo është mënyra më e mirë për të shijuar oreçhiette: ragùja ngjitet në mënyrë perfekte në sipërfaqen e lëmuar të makaronave dhe nuk pikohesh.”

Specialitet tjetër është janë kërmijtë e quajtur ciammaruche si dhe asparagu i butë. Tingëllon si një qytet ku do të donim të gjithë të jetonim?