Kuriozitete

Pasi kaluam Hënën e Bricjapit, këtë shtator, na pret ajo që quhet “Hëna e Re”.

Ndaj, duhet të njiheni të gjithë me çfarë ajo do t’ju ofrojë më 9 shtator dhe të jeni gati për të!

Dashi

Çoheni në mëngjes nga shtrati të emocionuar për të shkuar në punë? Prisni që nivelet tuaja të vetëbesimit të arrijnë majat. Kjo energji do t’ju ndihmojë të shkoni pas dëshirave tuaja, të merrni atë që dëshironi pa u dashur shumë sakrifica. Mund të bëni përpara në biznes ose të ngriheni në detyrë. Nëse keni frikë për diçka, përballuni me të dhe do e kaloni me sukses.

Demi

Jeni duke punuar në idetë tuaja të ardhshme? Hëna e re është në favorin tuaj për të publikuar idetë tuaja. Do të keni influencë dhe fuqi të madhe në jetën tuaj për të bërë ndryshime pozitive. Mund ta transmetoni këtë energji dhe në ngjarjet e jetës suaj apo njerëzit që ju rrethojnë. Merreni fatin në duart tuaja.

Binjakët

Të ëndërrosh shumë është argëtuese, por kur vjen koha për të bërë një listë dhe të hidhesh në veprim, mund të kthehet në stresuese. Madje dhe e frikshme. Hidhini një sy frikërave tuaja dhe zbuloni nga vijnë. Zgjidhja e këtyre problemeve do t’ju lejojë të përqëndroheni në arritjen e qëllimeve tuaja afatgjata.

Gaforrja

Hëna e re është shumë me fat për ju. Do e keni më të lehtë të përmirësoni aftësitë tuaja dhe të zhvilloni talentet. Mundësi emocionuese dhe sukses profesional po ju pret për t’ju dhënë një ndjesi sigurie dhe qëndrueshmërie.

Luani

Është koha të shpenzoni disa para për t’i bërë vetes suaj një dhuratë. Pavarësisht situatës, është momenti më i mirë për të blerë disa veshje që të ndiheni në formë. Vishuni sikur bota të jetë pasarela juaj.

Virgjëresha

Kaq shumë intensitet për ju këtë periudhë! Keni ide pafund dhe lajmi i mirë është që do dini si të organizoni hapat tuaj për të arritur sukses në qëllimet që keni. Por mos harroni t’i kushtoni kohë dhe dashuri vetes suaj. Gjithnjë vendosni të tjerët në prioritet, duke qenë i shkujdesur për hapësirën e shenjtë personale.

Peshorja

Vera ishte e mbushur me tension apo jo? Përdoreni këtë Hënë të re për një periudhë të qetë dhe paqësore. Lejoni veten tuaj të rikarikoheni pas një vere me punë shumë.

Akrepi

Gjërat janë të orientuara nga karriera për ju. Miqtë mund t’ju ndihmojnë të krijoni lidhje të reja profesionale. Dilni me grupin tuaj dhe njihni njerëz. Kombinoni socializimin me punën dhe do ja kaloni për bukuri.

Shigjetari

Mos e zbukuroni zyrën sikur të keni arritur Hënën. Një pozicion më i lartë pune do ju bëjë të ndiheni të fuqishëm dhe do ju kënaqë egon. Mundohuni mos ta lini t’ju pushtojë mendimet, dhe mos harroni që duhet të vazhdoni të punoni për ta mbajtur atë pozicion.

Bricjapi

Përgatituni të jeni pak më të lidhur me veten tuaj. Është koha të jeni pak më spiritual dhe gjithashtu spontan. Aventura do ju bëjë mirë!

Ujori

Ju vetëm jepni, jepni, jepni! Kjo është një gjë e mirë, por duhet të keni dhe kufinj. Mungesa e tyre do shkaktojë vështirësi në jetën tuaj romantike, prandaj mos kini frikë të bëni gjërat më serioze. Qëndrojini besnikë parimeve tuaja.

Peshqit

Probleme në lidhje? Ndonjëherë është koha t’i lësh të shkojnë. Jo çdokush pranë jush është gjithnjë në anën tuaj. Kjo Hënë e Re do ju shërbejë të zgjoheni dhe të shihni gjërat më qartë. Për disa marrëdhënie mund të punoni dhe t’i rregulloni. Por disa të tjera janë thjesht të tepërta.

Eshtë lehtë ta duash dikë për shkak të dukjes. Por, është e vështirë ta duash dikë pa marrë parasysh çfarë.

Pjesa më e vështirë është të biesh në dashuri me personalitetin e dikujt, të qeshurën, shprehitë dhe gjithçka që e bën personin tjetër më shumë sesa veç një trup.

Kështu u dashurua një burrë, i cili pavarësisht se e dashura e tij pësoi aksident dhe u dogj, duke mos u dukur më siç ishte më parë, ai vazhdoi ta dashuronte atë njëjtë, transmeton Gazeta Express.

E lindur në Australi, Turia Pitt po shihte një të ardhme të ndritur përpara. Ajo ishte 24 vjeçe dhe po studionte për t’u bërë inxhiniere. Ajo ishte gjithashtu edhe një vrapuese dhe po trajnohej për të marrë pjesë në një maratonë.

Ajo mori pjesë në një maratonë 100km në vitin 2011, por vetëm disa orë më vonë, e ndodhur në një mal, ajo e gjeti veten të ngujuar mes zjarrit që shpërtheu aty, duke u djegur nga zjarri.

Ajo u shpëtua, por 65% e trupit të saj ishte djegur. Turia kaloi 2 vite në spital, ku iu nënshtrua operacioneve dhe fizioterapisë intensive. Ajo veshte edhe maskë, për të mos i frikësuar të tjerët.

Përgjatë gjithë trajtimit shëndetësor të saj, ishte një njeri që i qëndroi gjithmonë pranë. I dashuri i saj Michael u bë kujdestari i saj. Atë madje e kishin pyetur nëse ka menduar ndonjëherë ta braktisë atë, dhe përgjigja e tij preku shumë njerëz.

“U martova me shpirtin e saj, karakterin dhe ajo është e vetmja femër që do të vazhdojë t’i përmbush ëndrrat e mija”, kishte thënë ai.

Edhe kur ajo ndjehej keq dhe në depresion për gjendjen e saj, ai gjithmonë e mbështeste atë dhe i tregonte sa e dashuron.

Ai vendosi të martohej me të dhe ia bleu unazën përderisa ajo ishte ende duke u trajtuar. Ajo filloi të vraponte përsëri dhe tani është duke punuar me Interplast, një shoqatë bamirëse që u ofron operacione riparimi falas njerëzve që jetojnë në vende të pazhvilluara.

“Sa herë që nuhas tym, më kujtohet ajo ditë menjëherë – dhe nuk mendoj se kjo do të ndryshojë. Por duhet thjeshtë ta pranoj atë, dhe sa herë që nuhas tym, i them vetes ‘është në rregull, asgjë nuk do të ndodh’.

Pavarësisht asaj çfarë ndodhi, një gjë që është e sigurt, atë e mbajti gjallë dashuria. /Gazeta Express

Sipas të përditshmes britanike Daily Mail, femrat mund ta mbajnë një të fshehtë për vetëm 32 minuta, ndonëse premtojnë me bindje se do ta mbajnë gojën e mbyllur përjetë për këtë çështje.

Hulumtimet e reja i ka bërë një kompani e produkteve kozmetike duke intervistuar 3000 femra. Ajo ka dalë në përfundimin se rreth 85% e femrave nuk mund të mbajnë një sekret, pavarësisht se sa i rëndësishëm apo i ndjeshëm është ai. Më së shumti ato e ndajnë sekretin me partnerin, shoqen e ngushtë ose nënën.

Gjysma e të anketuarave thonë se pas nxjerrjes së sekretit ndjehen më lehtë. 13% e tyre thonë se këtë e bëjnë fshehurazi, vetëm sa për t’i përhapur thashethemet.

Rreth 40% e femrave thonë se nuk ka asnjë problem nëse e ndan një sekret me një person tjetër. 25% e tyre shprehen se i bren ndërgjegjja për keqpërdorimin e besimit që personat tjerë kanë pasur duke ua rrëfyer sekretin që ato nuk e mbajnë dot.

Kjo anketë ka treguar se femrat, në të vërtetë kalojnë nëpër një periudhë të mundimshme teksa përpiqen që ta ruajnë sekretin. Ato thonë se sekretin mund ta mbajnë maksimumi 32 minuta pasi tashmë rrjetet sociale dhe teknologjia ua ka “lehtësuar punën”.

Kurdo që keni thyer vezë dhe keni parë pjesën e bardhë anash të kuqve të vezës, së paku një herë keni bërë pyetje “Ç’është kjo?”

Fjala është për të ashtuquajturën fije kërthize e cila nuk është e dëmshme, përkundrazi. Ajo mund të hahet pa frikë se do t’ju ndodhë diçka.

Kjo fije ka funksionin që e bardha dhe e kuqja e vezës të qëndrojnë bashkë, d.m.th. që e kuqja gjithmonë të jetë në mes.

Nëse e thyejmë vezën dhe ka këtë fije, do të thotë që veza është e freskët.
Megjithatë, nëse ajo “e bardhë” nuk shfaqet në enë në momentin kur e thyeni, do të thotë që ka qëndruar gjatë në frigorifer apo në dyqan, andaj duhet të përdorni një vezë tjetër.

Eshte gjithe e ne rritje numri i personave dhe vendeve qe kerkojn e te mos ndryshohet ora dy here ne vit.

Zyrtarët në Bruksel janë befasuar nga përmasa e një konsulte online për praktikën e lëvizjes së akrepave 60 minuta përpara gjatë Verës dhe kthimin e tyre mbrapsht në Dimër. Zyrtarët në Bruksel kanë thënë se pjesa më e madhe e të anketuarve kërkojnë mos ndryshimin e lëvizjes së akrepave të orës.

Bashkimi Europian ka rregulluar ndryshimin e orës që prej viteve ‘80, për të shmangur datat e ndryshme të lëvizjes së akrepave. Në Europë, akrepat lëvizin përpara të Dielën e fundit të muajit Mars dhe rikthehen gjatë të Dielës së fundit të Tetorit. Megjithatë, konsulta tregon se disa europianë mendojnë që ky sistem po cënon jetesën e tyre. Shumë përgjigje erdhën nga Gjermania, me 73% që kërkojnë përfundimin e orës ligjore.

Vdekja e një personi të dashur ka qenë gjithnjë një moment i vështirë, por me rritjen e internetit dhe platformave të mediave sociale, familjet tani duhet të përballen edhe me rregullat ndonjëherë të ndërlikuara të pas-jetës dixhitale.

Vetëm 13 për qind e njerëzve kanë bërë ndonjë lloj plani në lidhje me llogarinë e tyre në median sociale, pas vdekjes, sipas një vëzhgimi të 2017.

Platformat e mediave sociale tani po e kuptojnë se duhet të kenë një politikë për fundin e jetës”, thonë ekspertët.

“Teknologjia që ata kanë nisur të aplikojnë është një fillim i mirë, por ka ende shumë për të bërë. Një nga problemet kryesore, kur vjen fjala tek planifikimi i vdekjes suaj dixhitale dhe sistemimit të llogarive të ndryshme që ne kemi, është se çdo platformë është e ndryshme dhe secila kërkon një mënyrë të veçantë për të ta ‘varrosur’ atë.

Ekspertët rekomandojnë madje që njerëzit duhet të dokumentojnë amanetet e tyre në një testament në median sociale, dhe kjo e fundit i ka përcaktuar disa rregulla bazë.

Në facebook psh, përdoruesit mund të emërojnë një kontakt ligjor që do të ketë më pas akses në llogarinë e tij, pas vdekjes. Ai person mund të vendosë më pas nëse do të kujdeset për llogarinë apo do ta mbyllë atë.

Në rast se nuk ka një kontakt ligjor, atëherë Facebook e kthen llogarinë në një përkujtimore kur mëson për vdekjen e tij. Kur llogaria bëhet e tillë, në të nuk mund të bësh më log in ndërkohë që mbetet e dukshme për të tjerët, me të cilët ndahet si një vend për të mbledhur kujtime.

Në Twitter, një person i autorizuar ose një pjesëtar direkt i familjes duhet të bëjë një kërkesë që llogaria të deaktivizohet. Ndërsa ashtu si facebooku, google lejon përdoruesit të zgjedhin një person përgjegjës për llogarinë e tyre pas vdekjes. I ashtuquajturi “Inactive Account Manager” është në gjendje më pas të ketë akses në llogari dhe ta fshijë atë.

Facebook njoftoi sot se do të shpërndajë në të gjithë botën shërbimin e tij të videove për orët inteligjente, që është prej më shumë se një vit funksional në SHBA.

“Ne kemi krijuar këtë produkt në mënyrë që përdoruesit të mos jenë në një situatë pasive me videot, por që të mund të marrin pjesë. Ne shpresojmë se ata do të kenë ndjesinë se kanë kaluar çaste të bukura”, shpjegoi zëvendëspresidentja e ngarkuar me shërbimin e videove dhe të reklamimit, Fidji Simo.

Ky shërbim duhet t’i mundësojë përdoruesve të propozojnë video të reja por të mund edhe të gjejnë, gjithashtu, videot e reja të klasifikuara sipas tematikës, të ruajnë disa video, të këmbejnë me krijuesit ose të ndërveprojnë.

Kjo deklaratë e rrjetit social vjen dy javë pas asaj që ka të bëjë me publikimin falas dhe drejtpërdrejtë të kupave europiane të futbollit, Ligën e Kampionëve dhe Ligën e Europës, në Amerikën e Jugut, si dhe të “La Liga” (kampionati spanjoll) në Azinë e Jugut.