Kuriozitete

Të gjithë mendonin se ishte shumë e vështirë për të mbajtur kopshtin e pastër, pa pasur ndikime në tokë, apo atmosferë.

Por duket se disa kompani private, i kanë dhënë fund këtij problemi.

Tashmë nuk është e nevojshme të digjni barin e keq, duke shkaktuar emetime të karbonit në atmosferë, por mund të zgjidhni gjithçka më kollaj, duke marrë dhi me qira.

Dhitë me qira po përdoren gjithmonë e më shumë nga pronarët e shtëpive apo fermerët, të cilët duan të pastrojnë kopshtin e tyre, pa përdorur pesticide, shkruan Forbes.

Kompanitë të cilat kryejnë këtë veprimtari mund të gjenden në Amazon, dhe pas marrëveshjes ata sjellin deri në 100 dhi, dhe i largojnë deri kur puna të jetë e mbaruar.

Në këtë mënyrë, ato zëvendësojnë makinat korrëse, pesticidet apo edhe zjarret të cilat mund të përhapen.

Sipas disa kërkimeve shkencore të “Institutit Nobel”, 38 dhi mund të “korrin” rreth 4645 metra bar brenda një dite.

Ato jo vetëm hanë barërat e këqija, por edhe eleminojnë potencialin e tyre për të mbirë përsëri.

Ky është biznesi më trendi në SHBA dhe po përhapet me shpejtësi edhe në vendet e tjera.

Dashi-Kjo është një periudhë e cila do ju shohë mjaft të zënë me gjithë ato raporte, të cilat nuk ju lejojnë që të ndiheni të lirë siç dëshironi. Besimi dhe sinqeriteti janë jetësor për të lindurit e kësaj shenje. Këshillohet që të mbyllni të gjithë ato raporte që ju vendosin nën presion.

Demi-Kjo e premte ju fton që të merreni me disa çështje personale, të cilat i keni lënë pas dore së fundmi. Nuk mund të rrezikoni që të ushqeni më shumë tensione në familje. Edhe në vendin e punës parashikohen zgjidhje të mira, ndaj përdorni intuitën për të vlerësuar mundësitë e reja.

Binjakët-Kini më shumë besim tek bashkëpunëtorët tuaj, pasi ky është një moment vendimtar për të mbyllur gjithë ato negociata që ju kanë acaruar kohëve të fundit. Do të arrini të kaloni çdo situatë lehtësisht.

Gaforrja-Parashikohet një ditë e cila ju sheh energjik dhe të guximshëm, sidomos nëse tashmë në vendin e punës po vlerësoni të gjitha pikat e forcës. Ka disa çështje që duhen riparë, gjithashtu parashikohen marrëveshje dhe bashkëpunime të reja. Në dashuri mos jini xheloz, pasi në të kundërt rrezikoni të minoni stabilitetin në çift.

Luani-Kjo e premte do të jetë më se e qetë dhe nuk parashikon ndryshime të mëdha. Në dashuri do të jeni më të kujdesshëm dhe kjo për shkak të frikës se mos dështoni dhe vuani. Për të rizgjuar realisht ndjenjat tuaja, duhet të rifuteni në lojë seriozisht.

Virgjëresha-Mundohuni që të jeni më të kujdesshëm sa i takon investimeve, pasi së fundmi keni vepruar gjithmonë me nxitim dhe një shpërqendrim i vogël, mund të shkaktojë ngadalësime jo të vogla. Në dashuri mundohuni që të ruani qetësinë, pasi nuk do të mungojnë disa keqkuptime me partnerin/en.

Peshorja-Janë ditë të cilat do ju gjejnë të mbushur me dyshime, sidomos në vendin e punës, ku nuk do të ndiheni plotësisht të sigurtë, lidhur me një marrëveshje që keni marrë në të shkuarën. Duhet të jeni më të kujdesshëm në vlerësimin e strategjive të reja alternative për të realizuar një projekt i cili ju ka marrë shumë kohë.

Akrepi-Jeni në prag të marrjes së një vendimi të rëndësishëm, i cili do ju lejojë që të vlerësoni dhe transformoni tërësisht, jetën tuaj sentimentale. Kjo e premte ju fton që të mos jeni shumë të nxituar. Në vendin e punës, parashikohen zhvillime shumë pozitive.

Shigjetari-Parashikohet një ditë mjaft e ngjeshur, e cila do ju shohë të humbur në punë. Mundohuni që të mos stresoheni nga çështje që nuk ju përkasin, pasi në këtë moment është e rëndësishme që të rigjeni stabilitetin dhe harmoninë në ambientin e punës. Në dashuri priten përgjigje të cilat i prisnit prej kohësh.

Bricjapi-Parashikohet një fundjavë e mbushur me surpriza romantike, e cila do ju gjejë më në fund të qetë dhe euforikë. Një intuitë e mirë do ju lejojë që në dashuri të prisni mundësi të mëdha.

Ujori-Shmangni të qenit shumë agresiv në vendin e punës, sidomos sa i takon çështjeve që mund të zgjidhen fare thjeshtë. Kjo është një periudhë e cila përgjithësisht ju sheh nervoz dhe të stresuar, por gjithsesi mundohuni që të mos krijoni armiqësi. Horoskopi i kësaj dite ju fton që të tregoni kujdes në dashuri.

Peshqit-Këshillohet që në vendin e punës, të mos jeni shumë të nxituar, pasi një vendim i gabuar, mund të kompromentojë stabilitetin e projektit tuaj. Kjo fundjavë është e rëndësishme, për të qenë më të pranishëm dhe të komunikueshëm në jetën në çift ose në familje.

DASHI-Yjet ju këshillojnë të keni besim tek një premtim i bërë e të mos tërhiqeni mbrapa pavarësisht vështirësive. Në ambientin e punës do të planifikoni një projekt të ri.

DEMI-Sot mund të vendoseni në qendër të një konflikti që i përket sektorit tuaj profesional, por që më në fund do të gjeni një zgjidhje. Në aspektin afektiv evitoni debatet.

BINJAKET-Do të ndjeheni të irrituar sot. Në ambientin e punës do të jeni mjaft aktivë e do të tregoheni mjaft profesionist. Në aspektin afektiv do të kërkoni admirimin e personit që dashuroni.

GAFORRJA-Pavarësisht se jo çdo gjë shkon ashtu siç dëshironi juve do të mundoheni të ecni në rrugën e duhur për të mos kryer gabime. Në ambientin e punës do të jeni mjaft aktiv sot. Në planin afektiv evitoni së thëni shumë jo.

LUANI-Gjatë kësaj periudhe do të keni një energji mjaft të madhe psikofizike duke u përballur edhe me mjaft vështirësi që mund t’ju dalin në punët tuaja. Në aspektin afektiv evitoni së përmenduri shpeshherë gabimet e partnerit.

VIRGJERESHA-Do të jeni mjaft energjik duke tërhequr pas vetes të gjithë . Në ambientin e punës përfitoni nga njohjet e reja për të ndryshuar situatën aktuale. Në aspektin afektiv do të keni divergjenca idesh me partnerin.

PESHORJA-Do të keni batuta gati e kjo do të tërheqë pas vetes personat që ju rrethojnë. Në aspektin afektiv një debat i vogël mund të shndërrohet në një problem të rëndësishëm në raportin tuaj. Një këshillë: përpiquni të mos e dramatizoni.

AKREPI-Do të jeni mjaft entuziast për një event. Në ambientin e punës do të keni të bëni me shumë persona të rinj sot. Në aspektin afektiv mund të largoheni në një vend të qetë vetëm me partnerin tuaj.

SHIGJETARI-Do të keni mbështetjen e një miku sot pas një debati familjar. Në ambientin e punës duhet të jeni më bashkëpunues me personat që ju rrethojnë. Në aspektin afektiv partneri juaj do ju mbështetëse për idetë.

BRICJAPI-Do të jeni mjaft entuziast e plot iniciativë e kjo do ju bëjë mjaft tërheqës sot në sytë e atyre që ju rrethojnë. Në ambientin e punës do ju duhet të kini më shumë durim, pasi gjërat do të rregullohen me kalimin e kohës. Në dashuri do të tregoheni të ëmbël e të kujdesshëm me partnerin.

UJORI-Do të keni një dozë mjaft të madhe sinqeriteti që do ju lejojë të sqaroni një mosmarrëveshje me një mikun tuaj. Në ambientin e punës do të merrni ftesa të rëndësishme nga persona që kanë besim në aftësitë tuaja profesionale. Në aspektin afektiv do të keni plotësisht mbështetjen e partnerit sot.

PESHQIT-Do të keni mundësi të plotësoni disa nga dëshirat tuaj e kjo gjë do të rrisë entuziazmin tuaj. Në ambientin e punës do të dini si të fitoni simpatinë e një kolegu të ri. Në aspektin afektiv do të kërkoni një situatë të qetë për të pushuar.

Revista e njohur ndërkombëtare “Forbes” ka publikuar listën e 10 njerëzve më të pasur në Shqipëri. Gjetjet e një sondazhi për shqiptarët më të pasur në vitin 2018 janë publikuar të martën. Disa prej emrave të përzgjedhur nga sondazhi prej vitesh qëndrojnë në top-listën e sipërmarrësve me kapital dhe fitim më të madh. Anketa u krye nga “Forbes Magazine”, metoda e anketimit u fokusua në dy komponentë kryesorë; fitim i realizuar dhe kapitali. Revista vë në dukje se bizneset që nuk deklarojnë fitimin e tyre janë të pozicionuar më poshtë në listë. Është viti i tretë që bëhet ky studim. Kjo është listat e dhjetë njerëzve më të pasur në Shqipëri për dy vitet e mëparshme, sipas Forbes.

1- Samir Mane 2- Shefqet Kastrati 3- Vasil Naçi 4- Behar Çukaj 5- Tom Doshi 6- Rrok Gjoka
7- Grigor Joti 8- Idajet Ismailaj 9- Vilma Nushi 10- Pëllumb Salillari

Lista e 10 më të pasurve të vendit kryesohet nga Saimir Mane, presidenti dhe pronari i Grupit Balfin një ndër grupet private investuese më të mëdha në Shqipëri dhe rajon. Shërbimet: Ndërtimi i zonave tregtare dhe industriale, industria minerare, investimet në bujqësi dhe turizëm.

Na ndodh ndonjëherë të lexojmë apo dëgjojmë fjalë të cilat na ‘ndriçojnë ditët’ si perla të vërteta urtësie.

Shpesh janë fjalë të urta, të cilat janë përcjellë ndër breza dhe disa vijnë nga vende të largëta nga e jona.

Horoskopi na tregon se cila fjalë e urtë na përshtatet më shumë me shenjën tonë zodiakale.

DASHI – Një ndër shprehjet që përshtatet më së shumti me shenjën tuaj mund të jetë : “Krimbi, duhani dhe femrat, e bëjnë burrin hi”.

Kjo shprehje mund të shkojë shumë në këtë periudhë të jetës suaj, pasi keni disa situata që ju stresojnë dhe çojnë në disa vese, të cilat po të bëhen shprehi’ tuajat, mund t’ju dëmtojnë shëndetin.

Bëni mirë të shijoni kënaqësitë e jetës si vera e mirë, tymosja apo seksi, por në mënyrën më të shëndetshme të mundshme, ashtu siç ju këshillon Saturni, planeti juaj.

DEMI – Jo vetëm në këtë moment, por çdo ditë të jetës suaj, mund të thuhet se proverbi më i përshtatshëm për ju do ishte: ” Kush duron, fiton”.

Ju jeni njerëz këmbëngulës, të vendosur dhe mbi të gjitha shumë të durueshëm.

Nëse keni një objektiv, mos e braktisni për asnjë arsye në botë dhe kaloni përtej vështirësive dhe krenarisë për ta arritur.

Këtë e dinë shumë mirë edhe partnerët tuaj, të shkuar apo të tanishëm qofshin (disa prej të cilëve janë ‘fituar’ prej jush me shumë mund).

BINJAKËT – Proverbi që ju përshtatet më shumë në këtë moment është : “Kthejeni nevojën në virtyt”.

Ju jeni persona dinamikë dhe të shkëlqyer: edhe kur duket se diçka shkon keq, arrini ta ktheni situatën në avantazhin tuaj, duke nxjerrë në pah talente të reja që habisin njerëzit që qëndrojnë rreth jush.

Kjo aftësi juaja është shumë evidente në fushën profesionale, ku po jetoni një periudhë me potenciale të mëdha.

Duhet të përpiqeni t’i përçoni këto dhunti edhe në fushën sentimentale, duke surprizuar atë që ju dashuron.

GAFORRJA – Saturni dhe Plutoni kundër me shumë mundësi do donin t’u pëshpërisnin në vesh proverbin: “Ç’të mbjellësh do korrësh”.

Këtë mund ta interpretosh në dy mënyra: e para drejtuar ju për t’ju treguar që do korrni nesër gjithçka keni mbjellë sot, në të mirë dhe në të keq; e dyta mund të jetë për njerëzit që ju kanë bërë të vuani, në mënyrë të tillë që në të ardhmen do paguajnë për çfarë ju kanë bërë.

Ju përpiquni të merrni më të mirën e kësaj fjale të urtë.

LUANI – Në këtë periudhë të stuhishme, sipas astrologjisë, një nga proverbat që mund t’ju shkonte është : “Hajduti thërret ‘kapeni hajdutin’”, apo siç thuhet ndryshe: “Kush është, e kush flet!”

Para se të gjykoni apo të kritikoni të tjerët, duhet të bëni një analizë të vetvetes.

Mund të ndërgjegjësoheni se difektet që shihni tek të tjerët janë pikërisht anë të karakterit të cilat nuk arrini t’ia pranoni dot vetes.

Një dialog me veten mund të jetë shumë i dobishëm për të përmirësuar marrëdhëniet tuaja me të tjerët, si në aspekt personal, ashtu edhe në atë profesional.

VIRGJËRESHA – Planetët tek Bricjapi kanë kohë që ju sjellin gjëra konkrete dhe stabilitet. Një proverb që mund të të përshtatet është : “Fillimi i mbarë, gjysmë e punës.”

Ju jeni persona metodikë dhe shumë të organizuar. Në këtë mënyrë, duke organizuar në detaj atë që duhet të bëni, mund të sjellë objektivat tuaja shumë afër realizimit të tyre.

Realizimi juaj si person mbase ende nuk është përfunduar, por i keni shumë të qarta hapat që do hidhni ditët, muajt apo vitet e ardhshme.

Jeni një shembull i mirë për shumë njerëz.

PESHORJA – Me Saturnin dhe Plutonin kundër, është e nevojshme që të bëni diçka për të dalë nga letargjia në të cilën ndodheni.

Fjala e urtë që do ju bënte të lëviznit sado pak është: ” Dera e përtimit, caku i mjerimit”.

Yjet ju këshillojnë të hapni sytë dhe t’i përballoni me kthjelltësi vështirësitë. Keni nevojë të sqaroheni brenda vetes fillimisht dhe  të kuptoni se çfarë kërkoni në të vërtetë nga jeta juaj.

Mos u përshtasni me mendimet e të tjerëve dhe merrni me kurajo e vendosmëri vendimet tuaja. Zgjohuni!

AKREPI – Të gjithë e dinë sa hakmarrës jeni dhe duke patur ende Jupiterin në favorin tuaj, do mund të servirni hakmarrjen tuaj në një pjatë argjendi atyre që ju bënë të vuanit në të shkuarën.

Proverbi që do ju shkonte më shumë është: “Kush plagos me thikë, do plagoset nga thika”.

Por kini kujdes: thika nuk do jetë gjithnjë në dorën tuaj dhe në të ardhmen mund ta gjeni veten duke paguar pasojat e disa veprimeve të pa menduara mirë.

Mund të filloni të mësoni si të falni!

SHIGJETARI – Nuk jeni aspak persona që mund të rrini me gojën mbyllur apo të mbani për vete opinionet tuaja. Shpesh e gjeni veten duke kritikuar njerëz të cilët as nuk i njihni mirë.

Yjet ju rezervojnë këtë proverb: “Kush nënvlerëson, blen”.

Mund ta gjeni veten duke ndjekur një person të cilin e keni nënvlerësuar para pak kohësh, apo duke u penduar që keni lënë t’ju ikë nga duart një rast i mirë.

Mos u shqetësoni, shpejt Jupiteri do ju ofrojë të tjera raste, edhe më të mrekullueshme!

BRICJAPI – Mes karakteristikave të tua kryesore, me siguri që nuk hyn fare shpejtësia. Ju keni kohët tuaja dhe me Saturnin në krah, mund të jeni edhe më të ngadaltë se zakonisht.

Fjala e urtë që ju përshtatet më shumë është : “Gur gur, bëhet mur”.

Ka shumë ide në fakt, të cilat duan kohë dhe durim për të marrë një formë konkrete.

Mund të realizoni gjëra të mëdha dhe nuk duhet të keni frikë për ambiciet tuaja shumë të zhvilluara.

Ritmet tuaja ju lejojnë të mbani nën kontroll çdo situatë.

UJORI – Jeni njerëz idealist dhe shpesh keni dëshira aspak realiste, e si rrjedhojë pak të realizueshme.

Me Jupiterin kundër, mund të bini lehtë në kurthin e iluzioneve.

Për këtë arsye, fjala e urtë që ju përshtatet më shumë është : “Kush kërkon shumë, nuk merr asgjë”.

Kjo nuk do të thotë se duhet të kënaqeni me mediokritetin apo se duhet të keni aspirata më pak të zhvilluara, por thjesht duhet të kuptoni se projektet e mëdha realizohen me hapa të vegjël.

Mos pretendoni të keni hënën!

PESHQIT – Jupiteri po kalon sektorin tuaj nga larg dhe ju sugjeron të reflektoni mbi një fjalë të urtë kineze që thotë: “Hëna dhe dashuria kur nuk rriten më, perëndojnë”.

Mund të përfitoni për të bërë një analizë të thellë të ndërgjegjes suaj rreth situatës sentimentale në të cilën  ndodheni.

T’i besoni hënës mund të jetë shumë e nevojshme për të ndërmarrë vendime të rëndësishme rreth së ardhmes tuaj.

Saturni në pozicion të favorshëm mund t’ju ndihmojë në një rrugëtim në rritje që ka të bëjë me çdo fushë të jetës.

Dy prej rrjeteve më të mëdha sociale në botë, Facebook dhe Instagram, kanë rënë nga sistemi.

Sipas raportimeve të fundit, Facebook dhe Instagram, kanë rënë pjesërisht nga sistemi duke u bërë jofunksionalë për miliona përdorues në mbarë botën.

Ky problem ka ndodhur në shumë rajone të mëdha, përfshirë edhe Evropën.

Përdoruesit po ankohen se nuk po arrijnë të postojnë asgjë apo të hyjnë në Facebook dhe Instagram, i cili është pronë e të parit.

Tornado ka dhuruar spektakël mëngjesin e sotëm në Vlorë.

Fenomeni i rrallë në përmasa të vogla u regjistrua në zonen e “Ujit te ftohte”.

Kjo është e disata herë gjatë këtij sezoni veror që regjistrohen tornado në Vlorë.

Shikoni videon e siguruar nga Ora News:

Është ndër pemët e rralla që mund të jetojë kaq gjatë.

Madje thuhet se vetëm dy apo tri të tilla kaq të vjetra mund t’i gjesh në gjithë botën. Bëhet fjalë për pemën, afro 500 vjeçare që i takon familjes së manit, e cila gjendet në fshatin Mazgit të Komunës Obiliq.

Për këtë pemë, madje po vijnë turistë nga Turqia për ta parë atë.

Yildrim Boykuktel, turist nga Turqia shprehet:

“Unë kam dëgjuar shumë legjenda për këtë pemë, e kam pasë ëndërr që nga fëmijëria ta vizitoj këtë pemë dhe sot që jam nën hijen e saj po ndihem shumë i lumtur”.
Po mendohet se kjo pemë i takon shekullit XVII dhe me frytet e saj janë shërbyer i gjithë fshati.

Ciceroni Muhamer Hasani thotë se për RTV Dukagjinin se për këtë man ka shumë teori dhe shumë legjenda, por sipas tij ekspertet nga Turqia kanë konstatuar se ai është i vjetër 500 vjet.

Ai thotë:

“Ky man besohet se është i vjetër 400-500 vjet i vjetër, më herët është menduar se mund t’i ketë edhe 600 vite por një ekip nga Turqia në vitin 2011 e kanë bërë prezervimin e pemës dhe kanë ardhur në një konkludim se është i vjetër 500 vjet”.