Kuriozitete

Kjo eshte permbledhja me e madhe me fjale te urta shqiptare per Atdheun ne internet! 

• Ara ime varri im. LABËRI
• Ardhin galat dhe prishën folenë e bilbilit. KORÇË
• Atdheu është dhe.
• Kur ti shikon dike edhe ata të shikojnë ty* Valdrin Moorina
• Atdheu e nana nuk harrohen. TROPOJË
• Atdheu mbi të gjitha. VLORË
• Ai që lë arën e vetë, nget arën e huaj. KORÇË
• Balta më e ëmbël se mjalta. GJIROKASTËR
• Bijë vendi pikë argjendi. BERAT
• Bukë e hi në shtëpi. PËRMET
• Çdo hi në vatrën e tij. JUG
• Çdo komb t’i vërë vetes një vlere, atë i venë dhe të huajt. JUG
• Çdo zog kërkon folenë e tij. JUG
• Dardha bie nën dardhë. VLORË
• Derë e botës s’është strehë e kokës. JUG
• Duaje atdhenë si shqiponja folenë. JUG
• Duaj at e duaj nënë, por më shumë duaj atdhenë. KOR
• Dy duar për një kokë, koka për atdhenë. KOR
• Dheu zhuritet por bari mbin përsëri. JUG
• Qeni leh tek stani i tij. GJIROKASTER
• Fjala në vend të huej, bahet gur. VERI
• Guri i rëndë në vend të vet. PËRMET
• Gjeli në pleh të tij këndon më mirë. KORÇË
• Gjeli mbret mbi pleh të vet .JUG
• Gjuha dhe njerëzit janë tapia e vendit. JUG
• Gjuha bashkon kombin. JUG
• Gjuha ruhet atje ku shkruhet. KORÇË
• I ikuri dhe i vdekuri s’kanë hatër. JUG
• Kur të jesh në dhe të huaj, dita të bëhet një muaj. KOSOVË
• Kush ka vdekë për atdhe, nuk ka vdekë por ka le. SHKODËR
• Mace e botës vjen në shtëpi, për të përmbysur tenxheret. KORÇË
• Mbrohe atdhenë si shqiponja folenë. SHKODËR
• Një nënë nuk na ka bërë, po një vend kemi të tërë. BERAT
• Nji zogu që i prishet foleja hidhet degë më degë. MAT
• O shtëpi, o bukë e hi, nuk gjendet varri si ti. ÇAMËRI
• Qeni te shpia e vet gjithmonë asht trim. VERI
• Shqiponja fluturon në qiell, po folenë e bën në tokë. LABËRI
• Arnaut, he arnaut, në vend të bukës po blen barut. KOSOVË
• Besë e shqiptarit si purteka e arit. JUG
• Dy milion kur hanë bukë, dyqind milion kur bëjmë pushkë. JUG
• Gjakut të derdhur të shqiptarit i bie dielli e nuk e than, i bie shiu dhe nuk e lan. VERI
• Supet e maleve dhe supet e shqiptarit nuk janë kërrusur kurrë. JUG
• Shqipëria është e vogël, po shqiptarët janë shpirtmëdhenj. JUG
• Shqiptari kryet e pren dhe besën s’e then. KOSOVË
• Shqiptari kur jep fjalën, ther djalën. VLORË
• Shqiptari me armë e shokë, s’i lutet kurkujt mbi tokë. KOSOVË
• Shqiptari për mik asht tret e asht fik. KOSOVË
• Shqiptari s’ha pulë të ngordhur. JUG
• Shqiptari s’lë hak pa marrë e borxh pa larë. VLORË
• Shqiptari shqiptarit nuk ka k’i mburret për trimëri. SKRAPAR
• Shqiptarit e ne nga varri me i shku, me e pasë frikë. TIRANË
• Shqiptari vetin e jep e shokun s’e jep. KOSOVË
• Shqiptari vritet por pushkën nuk e hedh. JUG
• Shqiptari s’e han trupin me bukë. VLORË
• Toskë e gegë, pemë nga një degë. GJIROKASTËR
• Kush rren shtetin, rren vetin. TROPOJË

Fjale te urta shqiptare per Atdheun nga vende dhe njerez te ndryshem:

#1. Ai që bën të mbijnë dy fije bari atje ku nuk mbinte vecse një, ai i bën shërbim kombit. – Volteri
#2. Ai që nuk i përket atdheut, nuk i përket as njerëzimit. – Vladimir Belinski
#3. As dielli nuk të ngroh në vend të huaj. – Taras Shevchenko
#4. Askush nuk lufton ne betejë me aq shpirt të paepur, sa ai që lufton për atdheun e vet. – Demosteni
#5. Atdhedashurisë nuk ka gjë që mund t’i qëndrojë, si për mrekulli, ajo mund cdo gjë dhe edhe me një forcë të vogël. – Sami Frashëri
#6. Atdheut nuk i shërbejnë të gjithë në të njëjtën mënyrë, por secili bën atë që e di c’i ka dhënë natyra. – Volfang Gëte
#7. Burrat e mëdhenj nuk i munguan as dje Shqipërisë, as sot dhe nuk do t’i mungojnë as nesër. – Fan Noli
#8. Çdo komb çlirohet me përpjekjet e veta. – Fan Noli
#9. Çështja e lirisë është një e vetme, cilido qoftë populli që e mbron atë. – Xhuzepe Garibaldi
#10. Çfarë mendimi tjetër mund të tejkalonte në zemrën time idenë se jam shqiptar… – Jeronim De Rada
#11. Dëshira për liri dyfishon shpirtin e një kombi. – Sami Frashëri
#12. Djalin që tradhëton atdheun, nuk e do as nëna e vet! – Naim Frashëri
#13. Do të dënohesha si njeri i keq po t’i mohoja atdheut diçka të drejtë e të ndershme që ai kërkon prej meje. – Marin Barleti
#14. Dy duar për kokën, koka për atdheun. – Hasan Prishtina
#15. Jetoni për Shqipërinë dhe vdisni për të. – Naim Frashëri
#16. Ka kriza ideologjish, por asnjëherë s’ka për të patur kriza idealesh. – Ernesto Sabato
#17. Ka një të drejtë mbi të gjitha të drejtat e tjera, kjo është e drejta për një kolektiv kombëtar që të rrojë në pavarësinë e vet dhe me krenarinë e vet. – A Brian
#18. Këngën e lirisë… asnjë saze s’e lot dot përveç dyfeqeve. – Fan Noli
#19. Kokën dhe këmbët mbështeti gjithnjë mbi truallin tënd. – Thënie Afrikane
#20. Kur luftojmë për mëmëdheun nuk duhet të mendohemi qysh të rrojmë, por si ta mbrojmë e si të vdesim me nder. – Jani Vreto
#21. E ëmbël dhe fisnike është të vdesësh për atdhe. – Horaci
#22. Është budalla ai zog që nuk e do folenë e vet. – Thënie Anonime
#23. Është i madh ai popull, që nxjerr njerëz të mëdhenj. – Zh Dyamel
#24. Fati i popullit tim ëshfë fati im. – Pjeter Bogdani
#25. Heronj të një populli, heronj të gjithë njerëzimit. – Odhise Paskali
#26. I huaji s’mund veçse të pranojë çmimin që një komb i vë vetes së tij. – Faik Konica
#27. I përkasim atdheut ashtu siç i përkasim nënës. – Thënie Amerikane
#28. Kurrë mos u lodh duke ndihmuar atdheun. – Euripidi
#29. Kush punon për atdhe, kryen një vepër të nderuar e të shenjtë. – Ovidi
#30. Liria është një pemë që piqet ngadalë. – Ralph Emerson
#31. Liria nuk është asgjë në qoftë se nuk është dhe çështje private. – Herbert Marcuse
#32. Lum kush vdes për liri. – Mihal Grameno
#33. Madhështia e një populli nuk matet nga numri i banorëve, ashtu si madhështia e një njeriu nuk matet nga gjatësia e trupit. – Viktor Hygo
#34. Mos pyet se ç’do të bëjë atdheu për ty, por ç’mund të bësh
ti për të. – John Kennedy
#35. Mund të shkëputësh një njeri nga vendi i tij, por nuk mund
t’i shkëputësh vendet nga zemra e njeriut. – John Dos Passos
#36. Ndihma jonë është vetja jonë. – Jeronim De Rada
#37. Ne jemi njerëz, jo, ne jemi burra, jo, ne jemi shqiptarë. Shqipëria na kërkon ndihmë. Le t’i japin pa numëruar… Shqipëria kërkon luftëtarë, le të rendim tek thirrja e saj. Le të sulemi nen flamurin e kuq në flakë të luftës, që të na drithërohet trupi nga dehja e barutit, që të na ndizet shpirti nga zjarri i shenjtë i lirisë dhe le të vdesirn duke thirrur: “Rroftë Shqipëria”. – Fan Noli
#38. Ne jemi shqiptarë dhe e kemi për detyrë të mbetemi siç
qemë prej kohe stoli e maleve të larta dhe të qiellit. – Fan Noli
#39. Ngado që shkoj atdheun e marr me vete. – Giorgios Seferis
#40. Nuk jam i sigurte nëse do dua në jetë dy gra, por jam i
bindur se nuk mund të dua dy atdhe. – Stendhali
#41. Njeriu… duhet të sillet për dobi të shpirtit të vet e të
popullit. – Pjetër Bogdani
#42. Njeriu pa atdhe është si bilbil pa këngë. – Thënie Anonime
#43. Për dashurinë jap jetën, për atdhe jap dashurinë. – S Petof
#44. Patriotizmi tregon vlerën e një njeriu. – Sami Frashëri
#45. Paqja me pushtuesin është si gjumi me luanin. – Thënie Afrikane
#46. Njeriu po s’deshi kombin e tij E mëmëdhenë, Nuk ka pjesë nga njerëzia S’do as vetëhenë. – Naim Frashëri
#47. Njeriu nuk lind për veten e tij, por për atdheun. – Ciceroni
#48. Një atdhe përbëhet nga të vdekurit, që e kanë themeluar dhe nga të gjallët që e vazhdojnë. – Ernset Renan
#49. Një dimër në vendin tënd është më i ëmbël se njëqind pranvera në vend të huaj. – Thënie Greke
#50. Populli nuk e pëson duke qenë i ditur. – Pjetër Bogdani
#51. Populli nuk përkulet veçse përpara të vdekurve të tij. – Janis Ricos
#52. Pushka dhe jatagani janë armët e zemrës për shqiptarin. Armët e bukura! Ja, pasuria dhe krenaria e tij! – Pashko Vasa
#53. Shqiptari ja ta thotë bramp, ja ta bën bamp. – Thënie Shqipe
#54. Shqiptarët i dua se janë një rracë e vjetër dhe trima. – Theodor Roosevelt
#55. Te liria nuk arrihet me lule, por me vuajtje dhe mundime të gjata. – Rexhep Qosja
#56. Tek miqtë është mirë, por më mirë në shtëpinë tënde. – Thënie Ruse
#57. Të gjithë ne jemi popull dhe çdo gjë të mirë që bëjmë i takon popullit. – Anton Chekhov
#58. Të lirët janë në burgje e të burgosurit në liri. – Thënie Anonime
#59. Ti Shqipëri me jep nder, më jep emrin shqipëtar! – Naim Frashëri
#60. Toka amtare është si kocka nën lëkurën tënde. – Thënie Mongole
#61. Topi që shemb kështjellat më të forta është atdhedashuria. – Naim Frashëri
#62. Tradhtia e mikut është prova e parë për të tradhtuar atdheun. – Ovidi
#63. Tymi në atdhe është më i mirë se sa zjarri në dhe të huaj. – Thënie Greke
#64. Vendi ynë nuk mund të jetë i pasur materialisht e i varfër shpirtërisht. – Abraham Linkoln
#65. Unë nuk mund të ndihem ndryshe nga populli, të cilit i përkas. – Rexhep Qosja
#66. Unë jam mirë, kur është mirë Shqipëria. – Isa Boletini
#67. Unë do të rroj deri sa ta shoh të bukur, të dashurën Shqipërinë tonë të lirë dhe të madhe, e pastaj me gëzim le të vdes. – Jeronim De Rada.
Kush ka vdekur për atdhe, nuk ka vdekur por ka le – Shqipe
Jetoni për Shqipëri dhe vdisni për të – N.Frashëri
Dashuria për atdheun është topi që shkatërron kalatë më të forta dhe kalaja që mund t’u qëndrojë topave më të fortë – S.Frashëri
Nuk vlen asgjë të dashurosh, nëse vajtimi i vendit tënd nuk prek zemrën tënde. – Elyari
Mos pyet se ç’do të bëjë atdheu për ty, pyet me gëzim ç’mund të bësh ti për të – Kenedi
Më mirë të jetosh keq ne atdhe, se sa mirë e në vend të huaj – Indiane
Një dimër në atdhe është më i ëmbël se njëqind pranvera në dhe të huaj – Greke
Në qoftë se dëshironi ta njihni dhe ta doni atdheun tuaj, shkoni në të huajin. – Berne
Nuk e braktis atdheu njerinë, por njeriu atdheun – Bloku
Është kënaqësi dhe nder të vdesësh për atdhe! Edhe më kënaqësi është të jetosh për të.- Horaci
Edhe më i merituari i ka më shumë borxh atdheut, sesa atdheu atij.- Burkhardi
Kush nuk i takon atdheut të vet, nuk i takon as njerëzimit.-Bjelinski
Atdheu është si familja: vlerën ia njohim vetëm atëherë kur e humbim. – Floberi
Nuk jam i sigurt se a mund t’i dua në jetë dy gra, por jam i sigurt se nuk mund t’i dua dy atdhe. – Stendali
Tymi në atdhe është më i mirë, se sa zjarri në dhe të huaj. – Greke
Njeriu nuk lind për veten e vet, por për atdheun. – Ciceroni
O, kurrë mos u lodh për ndihmën që i jep atdheut. – Euripidi
Të vdesësh për atdhe, kjo është punë mbretërish. – Volteri

Shpesh njerëzit takohen me kuriozitete të rralla që ndodhin nëpër Botë. Disa mbesin mister kurse disa të tjera shpjegohen në mënyra të ndryshme, më shumë si fenomene
1. Femra që ka lindur më shumë fëmijë është një ukrainase. Ajo ka lindur 69 fëmijë, nga të cilët vetëm dy i kishin vdekur gjatë lindjes.

1. Fëmija më i rëndë në botë është lindur në vitin 1954 nga italiania Carmelina Fdele nga Aversa. Djali i saj peshonte ditën e lindjes 10,2 kg.

2. Bethoveni para se të kompozonte fuste kokën në ujë. Ainstein deri në moshën 9 vjeç nuk fliste normalisht.

3. I vetmi majmun që është dënuar nga një gjykatë e vërtetë është shimpanzeja Coco në Florida, në vitin 1984. Ky majmun jetonte me një të papunë artist, i cili jepte spektakle të vogla. Shuma e vjedhur arrinte vlerat 200 000 USD. Ai u dënua me burgim të përjetshëm.

4. Libri që mban rekordin më të madh për shitje është ai i Hillary Clintonit, me librin autobiografi “Histori e përjetuar”. Në ditën e parë të hedhjes në treg të këtij libri, në qershor të vitit 2003, u shitën në një ditë (rekord) 200 000 ekzemplarë të tij.

5. Mbiemri më i shpeshtë në botë në rangun internacional është mbiemri Chang. Rreth 75 milionë njerëz në Kinë kanë këtë mbiemër. Vendin e dytë e ka mbiemri Smith në Angli. Rreth 800 000 veta e kanë këtë mbiemër.

6. Kazinoja më e madhe e botës gjendet në MGM – HOTEL, në metropolin e Las Vegasit. Në një sipërfaqe afërsisht 16 000 kuadrat metër, gjenden pothuajse 3500 automate të lojërave të ndryshme dhe 165 tavolina loje.

1. Biblioteka më e madhe në botë gjendet në kryeqytetin amerikan Uashington. Kjo bibliotekë u ndërtua në 24 Prill 1800. Në të gjenden 107 milionë shkrime të të gjitha arteve.

2. I vetmi elefant në botë që flet është pjesëtar i një cirku rus. Ky elefant mundet të thotë deri në 20 fjali. Elefanti ka jetuar që në vogëli mes njerëzve dhe ka arritur të artikulojë tinguj njerëzish.

3. Burri më i shkurtër në botë është Gul Mohammed nga India. Pas matjeve të bëra më 19 qershor 1990 në spitalin “Rahm Manohar” të New Delphit (In), u arrit se ai është vetëm 57 cm dhe mban deri më sot rekordin.

4. Si gruaja më e vogël në botë deri me sot është konsideruar Pauline Musters, e lindur në 26 nëntor 1876 në Holandë. Mbas lindjes së saj, ajo ishte vetëm 30 cm. Në moshën 9-vjeçare ajo ishte 55 cm dhe peshonte vetëm 1,5 kg, ndërsa në moshën 19-vjeçare ajo arriti vetëm në 61 cm e gjatë.

5. Shteti që konsumon më shumë bukë në botë është Turqia. Llogaritjet tregojnë se mesatarja e çdo personi në përdorimin e bukës arrin në 199,6 kg.

6. Pijanecët më të shumtë në botë janë në Irlandë. Çdo personi i takon të pijë mesatarisht 12,3 litër pije alkoolike, verë, birrë etj.

7. Duhanxhinjtë më të shumtë ndodhen në Kinë. Sipas llogaritjeve të fundit, në Kinë janë shitur 1,69 bilionë cigare (më shumë se në çdo vend tjetër). Në gjithë botën janë shitur 5,5 bilionë cigare.

8. Operacioni më i gjatë në botë ka zgjatur 96 orë gjithsej. Ka nisur në datën 4 deri në datën 8 shkurt të vitit 1951, në një spital të Çikagos. Pacientja Getrude Lewandowski mbas operimit kishte reduktuar peshën e saj gjatë këtyre 96 orëve, nga 280 kg në 140 kg.

1. Rekordin për gjatësi për gratë e mban Zeng Jinlian nga Kina. Ajo tashmë ka vdekur, por rekordi nuk është thyer akoma. Ajo ishte 2 metër e 48 cm. (Ka vdekur më 13 shkurt 1982).

2. Rekordin për gratë me peshë më të rëndë mban amerikania Rosalie Bradford. Në janarin e vitit 1987 ajo arriti dhe kulmin e peshës së saj, me 544 kg.

3. Doktori më i ri në botë është Balamurali Ambati, i lindur në Amerikë më 29 qershor 1977. Ai u diplomua në Maunt Sinai SChool of Medicine në New York City, më 19 maj 1995, në moshën 17-vjeçare.

4. Binjakët më të rëndë në botë janë vëllezërit Billy Leoni, (lindur me 1946 dhe që vdiq në vitin 1979) me të vëllanë Benny LLoyd, po i lindur në vitin 1946 dhe që vdiq në vitin 2001. Ata peshonin pas moshës 6-vjeçare, njeri 337 kg dhe tjetri 328 kg.

5. Si mamaja më e vjetër në botë deri më sot mbahet Rossana dalla Corte, e cila lindi më 18 qershor 1994, në moshën 63-vjeçare, një djalë.

6. Sipas studimeve më të fundit, një mashkull harxhon mesatarisht 3350 orë gjatë gjithë jetës së tij duke u ruajtur e qethur.

7. Kur thyhet një xham disa copëza shpërndahen me shpejtësi 3000 milje në orë. Ndërkohë që shpejtësia e të tjerave është shumë herë më e vogël.

8. Ajsbergu më i madh i matur deri më sot ka qenë me gjatësi 200 milje dhe gjerësi 60 milje, ai ka pasur një sipërfaqe më të madhe se Belgjika.

9. Dallga më e madhe e regjistruar deri më sot ka qenë në vitin 1971 në ishullin Ishigaki, Japoni, me lartësi 85 m.

10. Në një natë të kthjellët, sipas astrologëve amerikanë, çdo njeri mund të shohë jo më pak se rreth 2000 yje me sy të lirë.

11. Vetëm mushkonjat femra pickojnë, ndërkohë që mushkonjat e seksit mashkull duan të “sorrollaten” në zona të ndotura si këneta, etj.

12. Në 1 kg limon ka më tepër sheqer se në 1 kg luleshtrydhe. Sipas dietologëve, është më mirë që limoni të konsumohet i shtrydhur në ujë.

13. Shteti me më tepër rrugë të asfaltuara në të gjithë botën mendohet të jetë Franca. Madje kjo është shënuar edhe në rekordet Gines.

14. Një shqiponjë mund ta shohë prenë e saj që 3000 metra larg, ndërkohë që kuajt mund të qëndrojnë deri në 1 muaj në këmbë.

1. Është vërtetuar që asnjë person nuk mund të teshtijë pa i mbyllur sytë. Shkencëtarët kanë bërë edhe eksperimente për këtë dhe kanë arritur në përfundimin se është e pamundur.

2. Nga barku i vajzës 20-vjeçare nga Devoni Jugor, Angli, u nxor “topi” nga qimet e flokëve të saj të cilat i kishte gëlltitur. Ai ishte i rëndë 2,5 kg. Operimi u realizua në mars 1985.

3. Kompjuterat modern janë ndërtuar duke u bazuar në sistemin nervor, por edhe kompjuteri modern nuk i afrohet as nivelit të një zvarritësi.

4. Një njeri i rritur merr frymë afërsisht 25 000 herë në ditë. Kurse rreth 27% e ushqimit në vendet e zhvilluara përfundon në koshat e plehrave.

5. Është vërtetuar që mundësia për të rënë rrufeja është 1 në 600,000. Kur ndodh të gjithë njerëzit nuk duhet të kenë gjëra të hekurta në duar.

6. Mjalti mund të qëndrojë pa u prishur 3000 vjet dhe për këtë arsye dylli i mjaltit përdoret për procesin e mumjazimit.

7. Video-lojërat i bëjnë fëmijët e trashë dhe agresivë, ndërkohë që përdorimi i tepër i kompjuterit orar pa orar u dëmton atyre qetësinë nervore.

8. Shtëpiaket tradhtojnë burrat virtualisht. Ato janë të kënaqura me aktivitetin e tyre fizik dhe kërkojnë nga “miku” i internetit kënaqësi shpirtërore.

9. Rekordin e martesave e ka thyer një 85-vjeçar, i cili është martuar plot 130 herë. Ngjarja e pazakontë ka ndodhur në Kenia, ku Ancentus Akuku ka deklaruar se i është dashur shumë mund dhe diktaturë për të pasur familje të lumtur.

10. Një amerikan kaloi një javë në burg për arsye se tre fëmijët e tij të vegjël ishin djegur nga dielli gjatë pushimeve në plazh.

11. Ndërtimi i Shtëpisë së Bardhë në Amerikë filloi në vitin 1792. Në vitin 1800 presidenti dhe zonja John Adams ishin familja e parë që jetuan aty.

12. Lotët është zbuluar se kanë efekt që të zhdukin bakteriet dhe të mbrojnë sytë nga infeksionet.

13. Në gjuhën e njeriut gjenden 100 lloje damarësh për të shijuar. Në sy gjenden 130 milionë qeliza shikimi.

14. Krokodili është e vetmja kafshë që vazhdon e zgjatet deri në ditën e fundit të ekzistencës, centimetrat e saj ndryshojnë nga muaji në muaj.

15. Titaniku është anija që konsiderohet si anija e parë gjigante në botë. Kapaciteti ka qenë 46000 tonë, me gjatësi 268 m dhe lartësi 53 m. Mund të udhëtonin 1343 udhëtarë.

16. Kënga më e gjatë në botën e muzikës mbahet himni sovjetik, i përbërë nga 65 strofa. Në maj të vitit 1987, një moderator kanadez mendoi ta shtonte himnin, i cili brenda pak javësh rekordi arriti në 689 strofa.

17. Nga një operacion në tëmth që iu bë një pacienti në Londër, kirurgët hoqën afro 230530 gurë të vegjël nga tëmthi i tij me madhësi 1,5 deri 15 milimetra.

18. Truri më i vjetër në botë është gjetur nga arkeologët në Torfmoor në Florida. Është gjendur truri i një 45-vjeçareje e cila kishte jetuar afërsisht 8000 vjet më parë.

19. Poezia më e gjatë në botë u përfundua mbas 30 vitesh punë nga shkrimtari Jose´ Rumanzo nga Ecuador. “Perusia” përbëhet nga 7 volume, me 5000 faqe gjithsej dhe nga 230 000 rreshta.

20. Syri i një struci është më madh se truri i tij, ndërkohë që në trurin e maceve ka më shumë se 32 muskuj.

21. Është vërtetuar që një ari i rritur mund të vrapojë po aq shpejt sa një kalë. Kurse breshka mund të ecë me 10 km në orë

Përpjekja e një shkolle për të futur rregulla për gjatësinë e thonjve është quajtur “qesharake” nga prindërit.

Shkolla Rawlett, në Tamworth, Staffordshire, ka nxjerrë ‘legjislacionin e thonjve ‘ ku është caktuar gjatësia dhe ngjyra e thonjve të nxënësve.

Gjatësia e thonjve duhet të jetë 1.5cm dhe ngjyrat duhet të jenë “neutrale”.

“Pas disa diskutimeve me prindërit ne kemi vendosur të sigurojmë legjislacionin e thonjve”.

“Thonjtë nuk duhet të tejkalojnë gjatësinë 1.5 cm ”.

“Çdo ngjyrë duhet të jetë neutrale – thonjtë jashtëzakonisht të ndritshëm duhet të ndryshohen”.

Kështu është përcaktuar me këtë rregull të ri të shkollës.

Nëse keni dëgjuar për “hënën blu gjaku” dhe për “super hënën”, pas pak ditësh do të keni mundësinë që t’i shikoni këto dy fenomene së bashku. Fenomeni i cilësuar nga shkencëtaret si Superhena blu pritet të ndodh me 31 janar. Ky kombinim jashtëzakonisht i rrallë i fenomeneve do të miksohet edhe me një të tretë: një eklips total hënor. Diçka e tillë ka që në vitin1866 që nuk ka ndodhur!

“Super hëna” është një fenomen që ndodh 4-6 herë në vit. Ajo përkon me distancën minimale midis Tokës dhe satelitit të saj, hënës. Kjo distancë nuk është gjithmonë e njëjtë dhe mund të ndryshojë. Në sytë tanë, hëna do të shfaqet 14% më e madhe dhe 30% më e ndritshme.

Po me 31 janar, do të ndodhë një fenomen i tretë: një eklips total hënor. Toka do të hyjë ndërmjet Diellit dhe Hënës. Hapësira ku ky fenomen do të jetë më i dukshëm do të jetë nga India në Amerikën Veriore perëndimore.

Për ne të tjerët: një udhëtim me aeroplan do të na e sillte “në pëllëmbë të dorës” këtë magji të natyrës.

WhatsApp është kthyer në kthyer në një prej aplikacioneve më të përdorura për shërbimin e mesazheve por herë pas here edhe ai shfaq problemet e veta.

Mesazhet që vijnë në këtë aplikacion herë pas here mund t’ju prishin terezinë, por disa prej tyre mund të jenë edhe tërësisht të rreme.

Ky është mesazhi që po iu dërgohet përdoruesve të WhatsApp, nga i cili duhet pasur kujdes:

Abonimi juaj ka skaduar. Për të verifikuar llogarinë tuaj dhe për të blerë abonimin tuaj jetësor për vetëm 0,99 paund, thjesht klikoni këtë link”.
Nuk është gjë tjetër, veçse një përpjekje për t’iu mashtruar.

Vendlindja e luledeles është Evropa dhe Azia Perëndimore, por tani ajo rritet në çdo cep të globit.

Lëndinat e Shqipërisë janë të veshura me lulet e bukura të bardha, të cilat kohët e fundit janë bërë pjesë e gatimeve, garniturave dhe recetave të ndryshme të kulinarisë shqiptare.

Luledelja preferon një tokë të lagësht dhe ushqyese. Me bukurinë dhe thjeshtësinë e saj ajo pushton lëndinat, rrugët, fushat e parqet.

Luledelja mund të rritet deri në 20 centimetra lartësi dhe arrin të shumëfishohet ndjeshëm në çdo rrënjë.

Gjethet e kësaj luleje formojnë një kurorë mbi tokë ndërsa kërcenjtë e saj gjatoshë mbajnë peshën delikate të luleve petalebardhë.

Lulet kanë pjesët e tyre femërore dhe mashkullore dhe janë të preferuarat e bletëve, insekteve dhe grenxave. Luledelja është një lule që fertilizohet vetë.

Gonxhet e thara ose të njoma të luledeles përdoren në mjekësi, por së fundmi edhe gjethet e bimës kanë gjetur një përdorim të gjërë.

Përfitimet shëndetësore dhe përdorimet e luledeles

Luledelja përmban vajra esencialë, taninë, flavonoidë, acide organike etj. Përbërësit më aktivë të saj janë të shpërndarë që nga rrënja deri tek petalet.

Kjo lule ka vlera anti inflamatore dhe përdoret si çaj kundër të ftohtit, bronshitit apo inflamacioneve të tjera të traktit të frymëmarrjes.

Bima vetë përdoret kundër humbjes së oreksit, sepse arrin të stimulojë të gjithë sistemin tretës dhe të kurojë problemet me gastritin, diarenë, mëlçinë, tëmthin dhe konstipacionin.

Luledelja është përdorur tradicionalisht edhe për dhimbjet që shoqërojnë reumatizmën kronike, menstruacionet, cistet apo inflamacionet e traktit urinar.

Luledelja ka aftësi shëruese dhe mund të përdoret në plagët e vogla, gërvishtjet dhe lëndimet e lëkurës sepse përshpejton rimëkëmbjen e lëkurës.

Ajo këshillohet të përdoret së jashtmi kundër dermatitit, kruajtjeve, ekzemës, nxirjeve dhe puçrave.

Tretësirat e përgatitura me këtë barishte mund të përdoren kundër akneve si dhe për gargare për inflamacionin e gojës dhe të fytit.

Nëse përtypni gjethet e freskëta të luledeles mund të ndihmoni në trajtimin e ulçerës së gojës.

Në mjekësinë popullore, rekomandohet konsumimi i gjetheve të freskëta për të stimuluar oreksin dhe përthithjen e ushqyesve të nevojshëm.

Gjethet e freskëta, lulet, petalet kanë një shije të mirë e të lehtë. Ato mund të përdoren në sallata, dhe në supa, mund të shoqërohen me uthull ose të përdoren si zëvëndësues i kaperit.

Sasia e rekomanduar

Nëse dëshironi ta konsumoni si çaj, atëherë përdorni dy lugë gjelle me lule të thata në një filxhan me ujë të nxehtë. Lërini lulet brenda në ujë për dhjetë minuta dhe më pas kullojeni lëngun. Rekomandohet pirja e tre filxhanëve të vegjël në ditë.

1. Sepse do t’ju hedhë tutje. Nëse vërtet e dëshiron, ajo do ta bëjë. Gjithmonë dhe gjithësesi.

2. Ju mendoni se keni menduar për gjithçka. Por ajo gjithmonë do të mendojë për diçka më shumë se ju. Dhe ajo gjë do t’jua “fusë”.

3. Pritat dhe grackat do të jenë pozicionuar në mënyrë strategjike për t’ju bërë të kapitulloni, edhe pa qenë në gjendje ta vini re. Dhe kjo do ju dhembë.

4. Sepse të kapesh në flagrancë, ndërsa je ende duke u përpjekur për të mohuar provat, është me të vërtetë gjë e keqe. Nga ato gjëra që ju poshtërojnë për gjithë jetën. Do të jetoni me  turp për pjesën tjetër të ditëve tuaja.

5. Sepse mund të poshtëroheni publikisht.

6. Sepse nëse ajo është një grua e zgjuar, çfarëdo që duhet t’i tregoni, ajo do t’ju kuptojë. Ndoshta pasi të keni kaluar çerek-orëshat më të shëmtuar të jetës tuaj. Por në fund do t’ju kuptojë.

7. Sepse një grua inteligjente gjithmonë do të jetë më pak e keqe nëse i thoni asaj të vërtetën, në krahasim me atë se si mund të bëhet nëse zbulon se ju e keni gënjyer.

8. Sepse një grua inteligjente nuk lejon që të tjerët të tallen me të. Nëse po, kjo është sepse ka një arsye të saktë për ta bërë këtë gjë. Dhe a jeni i sigurt se doni ta kuptoni, këtë arsye?

9. Për shkak se ju mund të pësoni një hakmarrje kur më pak e prisni. Kur mendoni se tashmë ia keni hedhur dhe e keni lënë pas. Kur jeni të lumtur. Pra, po, kjo do t’ju dëmtojë.

10. Sepse ju nuk duhet të prisni asgjë më pak, nëse është inteligjente dhe pranon gënjeshtrat tuaja, dijeni se do t’ju gënjejë edhe ajo. Dhe gjithmonë për një arsye të vlefshme për të, e cila sigurisht nuk do t’ju pëlqente.