Kuriozitete

Një aplikacion i ri për celularë nga Google i quajtur “Arts and Culture” ka një opsion i cili po bëhet shumë popullor. Programi përdor teknologjinë e inteligjencës artificiale për të bashkuar selfiet e njerëzve me sozitë e tyre nëpër muze.

Portretet janë marrë nga një databazë me punët e mbledhura nga mbi 1 mijë muze në të gjithë botën, duke rritur shanset që të gjendet një pikturë sa më e përafërt.

Shumë njerëz duket se janë tërhequr nga ky funksion dhe kanë filluar të postojnë në rrjetet sociale rezultatet.

Fatkeqësisht për momentin aplikacioni është i mundur të shkarkohet vetëm nga SHBA, Australia dhe disa shtete të tjera, por pritet të vijë në Shqipëri brenda pak javësh. Ndërkohë mund të shihni më poshtë se me çfarë janë krahasuar të tjerët.

E folura në gjumë është teknikisht një çrregullim ku një person flet në gjumë pa e ditur se po e bën këtë.

Përsa i përket asaj që ka gjasa të thuhet, mund të jetë gjithçka, nga marrëzia e plotë në fjalime të gjata dhe të thella.

Më e përhapur është tek fëmijët dhe meshkujt.

Hulumtimi i kryer nga Dr Isabelle Arnulf ka zbuluar se njerëzit që flasin në gjumë kanë më shumë gjasa të flasin fjalë negative dhe vulgare.

232 të rritur kanë marrë pjesë në hulumtim. 129 prej të cilëve kishin REM çrregullime të sjelljes së gjumit, 87 përjetuan gjumë në këmbë ose terror gjatë natës, një që kishte apnea gjumi, dhe pjesa tjetër nuk kishte çrregullime të lidhura me gjumin.

Të gjithë pjesëmarrësit u regjistruan ndërsa flinin gjatë disa netëve, me atë që ata thoshin.

Ndërsa fjala më e shpeshtë ishte “jo”, 24 për qind e bisedave në gjumë kishin përmbajtje negative dhe 22 për qind përfshinin fjalor të keq.

Zhytësit në Meksikë kanë zbuluar shpellën më të gjatë nënujore në botë. Besohet se zbulimi i madh mund të ndihmojë për të hedhur dritë mbi qytetërimin e lashtë Maya.

Grana Acuifero Maya (GAM), një projekt i dedikuar për studimin dhe ruajtjen e ujërave nëntokësore të gadishullit Jukatan, tha se shpella 347 km është identifikuar pas disa muajsh eksplorimi të një labirinti të kanaleve nënujore.

Pranë vendpushimit të plazhit të Tulum, u zbulua se sistemi i shpellës i njohur si Sac Actun, i matur në 262 km, është në të vërtetë i lidhur me sistemin 85 km Dos Ojos.

Gadishulli Yucatan është i mbushur me relike monumentale të popullit Maya.

Më 21 janar të vitit 1954, një nga vizionet e autorit të romaneve fantastiko-shkencorë, Zhul Vern, u bë realitet, kur flota ushtarako-detare e Shteteve të Bashkuara lëshoi nëndetësen e parë në botë që punonte me energji bërthamore.

Nëndetëses iu dha emri Nautilus. Ky ishte emri që Zhul Verni i kishte vënë anijes së tij që lundronte nën ujë në romanin e shekullit të 19-të, të titulluar “20 mijë Lega nën Det”, transmeton ksp.

Më vonë nëndetësja Nautilus theu të gjitha rekordet e rezistencës, largësisë dhe shpejtësisë së lundrimit, gjatë viteve që ishte në shërbim.

Katër vjet pasi ishte lëshuar për herë të parë, duke përdorur hidrolokator dhe instrumente të tjera elektronike, Nautilusi lundroi nën shtresën e akullit polar, duke u bërë i pari mjet lundrues që arrinte Polin e Veriut nën ujë.