Kuriozitete

A e dini se kripa mund të përdoret në shumë mënyra të ndryshme në shtëpinë tuaj, nga pasurimi i shijes së ushqimeve tuaja deri te pastrimi i borës nga rruga juaj? Është e dobishme për mjekësinë pasi ruan ujin në trup kur konsumohet dhe kështu parandalon dehidrimin.

Megjithatë, kjo nuk është përdorimi i saj i vetëm. Kripa mund të jetë një nga aleatët më të dobishëm në shtëpinë tuaj, madje edhe jashtë kuzhinës. Ky përbërës i zakonshëm ka disa benefite të mahnitshme që e bëjnë atë një ndihmë të përsosur në situata të ndryshme në shtëpinë tuaj.Kripa mund të jetë një ndihmë e madhe sa herë që duhet të ballafaqoheni me disa pengesa të përditshme në shtëpinë tuaj, të tilla si zhblokimi i vaskës, pastrimi i njollës së lavamanit madje dhe eliminimit i ngjitjes nga hekuri.

1.Heqja e ngjitesit nga hekuri

Në një lëtër kuzhine hidhni nje sasi të konsiderueshme me kripë dhe bjerini sipër me hekur të nxehtë. Do e shihni që ngjitesi nga hekuri do të largohet si me magji.

2.Largimi i njollave nga mermeri

Nese aksidentalisht ju thyet nje veze mbi mermer mos u shqetësoni , mjafton ti hidhni kripë sipër dhe pastaj mbështilleni me letër guzhine. Banaku juaj i guzhinës do jetë më i pastër se kurrë.

1. Heqja e yndyrës nga tigani

Nëse në gatim e sipër e digjni më shumë se çduhet tiganin mos u shqetësoni hidhini ujë të nxehtë kripë dhe lëreni për 10 minuta . Më pas shplaheni dhe laheni me sfungjer ashtu siç do bënit zakonisht. Tigani juaj dikur i djegur tani do jetë si i ri.

4.Zhbllokimi i lavamaneve ose vaskës

Mbushni një enë me ujë dhe kripë dhe hidheni të vrima e lavamanit . Gjithë papastëritë do shkrihen dhe lavamani juaj nuk do ketë asnjë papastërti të mbetur.

Çfarë janë këto? Keca apo qengja? Angela Bermingham, e zonja e fermës në Claremorris në Co Mayo, Irlandë, është duke u kujdesur për çiftin e vogëlushëve që kanë ardhur në jetë papritur, pesë muaj pasi dhia e tyre e përkëdhelur e quajtur Daisy, kishte qëndruar një javë të gjatë me një dash në Cheviot në një fushë fqinj.

Zonja Bermingham, ka pagëzuar kafshët e saj të reja “This and That”, meqë në mënyrë të rregullt enciklopedia e tyre gjenetike është “pak nga kjo dhe pak nga ai”.

“Ata kurrë nuk janë të ndarë, ata janë si fëmijët e vegjël, ata pëlqejnë të luajnë dhe të kërcejnë lart e poshtë. Ata janë si dreri dhe janë shumë, shumë të shpejtë”.

Sipas ekspertëve të blegtorisë, ata mund të jenë hibridët e vetëm të mbijetuar të llojit të tyre në botë. “Për të mbijetuar një hibdrid është e rrallë, por të kesh dy binjakë të shëndetshëm duhet të konsiderohet si një mrekulli”, tha Holmes, i cili ka bërë hulumtime të gjera mbi rastet.

Shumë hapësira në botë shërbejnë si vende adhurimi dhe qetësie shpirtërore për shumë persona. Ata janë vendet më të mira për të marrë frymë dhe për të nxjerrë në pah anën tuaj shpirtërorë. Më poshtë po ju tregojmë 5 vendet më fetare në botë.

“Camino de Santiago”, Spanjë

Ky është vendi i duhur nëse keni planifikuar që të kryeni një udhëtim të shenjtë. Pelegrinë nga mbarë bota kanë ndjekur rrugën St James në Santiago që nga shekulli i nëntë, ku thuhej se gjendeshin eshtrat e apostullit në një varr të humbur prej kohësh.

2. “Easter Island”, Kili

Nëse jeni një njeri që adhuroni aventurat dhe doni një vend të largët, ju sugjerojmë të shkoni në “Easter Island” (Ishulli i Pashkëve) në Kili. Statujat të quajtura “Moai” ndodhen në këtë vend dhe ato janë pjesë e një kulti të lashtë dhe përfaqësojnë shpirtrat e paraardhësve, të cilët mund të thirren për të ndihmuar kur njeriu ka nevojë.

3.”Mauna Kea”, Hawai, SHBA

Për banorët e Hawait, Mauna Kea nuk është thjesht një vullkan, por ata e cilësojnë si një kordon lidhëz mes tokës dhe perëndive. Ai ka një lartësi prej 4207 m mbi nivelin e detit dhe është një prej vullkaneve të fjetur. Për herë të fundit ai ka shpërthyer rreth 4 mijë vjet më parë.

2. 2. “Mount Kailash”, Tibet

Ky është vendi ideal për të bërë vetëpastrimin shpirtëror. Mali Kailash është i shenjtë 4 herë më shumë se çdo vend. Bons, Jains, Hindutë dhe Budistët, të gjithë e respektojnë pikën e largët 6.638 metër. Njerëzit më të devotshmët bëjnë një rrugëtim të gjatë nëpër pllajën tibetiane, për të kryer pelegrinazhin e plotë të malit. Kryerja e plotë e pelegrinazhi thuhet se shërben për të larë mëkatet.

2. 2. 4. Lourdes, Francë

Që kur 14-vjeçari Bernadette Soubirous pati një mirazh të Virgjëreshës Mari në vitin 1858, qyteti i vogël i Lourdes është kthyer në një zonë mjaft të vizituar. Më shumë se 200 milionë njerëz mendohet se kanë vizituar këtë vend që nga vitet 1860. Në këtë vend tashmë ka shumë kisha, shpella e Apparitions, ku mendohet se është shfaqur Virgjëresha Mari dhe 17 vende me ujëra shërues ku njerëzit mund të zhyten.

Të shkosh në një restorant për drekë me shoqërinë ose me familjen është një zgjedhje e zakonshme e fundjavës që të gjithë e duan. Me të gjithë grupin me të cilin ndodhesh, tundohesh nga kënaqësia për të shijuar ushqimet që të ofrohen.

Ne të gjithë shpresojmë se kur zgjedhim të drekojnë në një restorant jashtë, me siguri pastërtia është elementi kryesor që e karakterizon të gjithë ambientin. Por ndonjëherë mund të ndodhë që nuk je në vendin më të pastër që ke ëndërruar.

Kjo është arsyeja pse gjithmonë duhet të kërkosh një filxhan (gotë) me ujë të nxehtë.

Uji i nxehtë mund të vrasë lloje të ndryshme bakteresh dhe është i domosdoshëm në ambiente të tilla.

Një studim i kryer në Universitetin e Ohio-s, në fakt, ka zbuluar se temperatura e ujit jo më pak se 24 gradë celsius është shumë efektive në largimin e disa baktereve që shkaktojnë sëmundje si E. Coli dhe Listeria, të cilat vijnë si pasojë e enëve të ndotura.

Nëse ke dyshime në lidhje me pastërtinë e enëve apo qoftë edhe ambientit rreth e rrotull vendit ku ndodhesh, atëherë kërkoji kamerierit thjeshtë një filxhan me ujë të nxehtë dhe mbaje atë në tryezë gjatë kohës së qëndrimit në restorant (Kujdes, jo çaj).

Kjo nuk do të sjellë asnjë pengesë për të shijuar ushqimet në maksimum.

Shumë çështje që ndërlidhen me planetin Tokë, janë aktuale për qindra vjet meqë njerëzit vazhdimisht kërkojnë përgjigje për to. Në vazhdim ju sjellim tetë misteret më të mëdha.

Prej nga erdhi uji?

Shkencëtarët besojnë se Toka ishte një shkëmb gjatë formimit të para 4.5 miliardë vjetëve. Shtrohet pyetja se si lindi uji i rëndësishëm për jetë? Ndoshta nga sistemi ndëryjor, 4 miliardë vjet më parë, atë kanë mundur ta krijojnë asteroidët e ngrirë të rënë në sipërfaqen e Tokës. Kështu, me kohë kanë mundur të krijohen rezervat e ujit. Por, ende nuk është sqaruar formimi i ujit në Tokë. Në mënyrë të veçantë, misteri bëhet më i madh, sepse nga ajo kohë ka pak shkëmbinj për dëshmi dhe për prova!

Çfarë ka në bërthamë?

Bërthama e Tokës ende nuk është studiuar. Në vitet ’40 të shekullit të kaluar, shkencëtarët menduan se e zgjidhën këtë mister. Në bazë të meteorëve studiuan baraspeshën e mineraleve në bërthamë dhe dhanë disa përfundime. Sipas tyre, hekur dhe nikel që nuk ka në kore të Tokës, duhet të ketë në bërthamë. Por, matjet e gravitet 10 vite më vonë thanë se kjo nuk është e vërtet.

Si u krijua Hëna?

A u krijua Hëna nga goditja e Tokës me planetin e madhësisë së Marsit? Kjo çështje vazhdon të mundojë shkencëtarët. Këtë teori nuk e kanë pranuar të gjithë, për shkak të disa mangësive. Për shembull, përbërja kimike e shkëmbinjve nga Toka dhe atyre nga Hëna përputhen aq shumë sa që thuhet se Hëna është bërë nga Toka, e jo edhe nga ndonjë planet tjetër. Është e mundur që Toka e re është sjellë shumë rreth boshtit të saj dhe ka shpërndarë shkëmbinj prej metali të shkrirë që kanë krijuar Hënën.

Si lindi jeta?

Ende nuk dihet nëse jeta u krijua në Tokë apo në hapësirën ndëryjore, për të ardhur këtu përmes meteorëve. Komponentët themelorë të jetës – aminoacidet dhe vitamina – janë gjetur në kokrra të akullta brenda asteroideve, në kushtet më ekstreme për jetën në Tokë. Një nga pengesat më të mëdha të biologjisë është për të zbuluar se si këto pjesë formojnë jetë. Rëndues është fakti se edhe nuk ka gjurmë fosilesh të banorëve të parë të Tokës, të cilët me shumë gjasa ishin primitivë – si bakteret.

Po oksigjeni si është krijuar?

Ekzistencën tonë ia detyrojmë cyanobacterieve, krijesave mikroskopike që kanë ndihmuar transformimin radikal të atmosferës së Tokës. Këto baktere kanë hedhur oksigjen nga organizmi, si mbetje, dhe kështu e mbushën atmosferën me oksigjen – për herë të parë para 2.4 miliardë vitesh. Por, kjo nuk ishte një gjendje stabile. Në mbetjet e shkëmbinjve është e qartë se niveli i oksigjenit ka luhatur tre miliardë vjet më parë dhe se është stabilizuar para 541 milionë vitesh. Pra, pyetja është nëse në të vërtetë bakteret janë meritore për oksigjenin që thithim apo është një faktor tjetër? Pikërisht njohja e ndryshimeve të oksigjenit është faktor kyç në deshifrim të historisë së jetës në planetin tonë.

Kush është shkaku i shpërthimit të Kambrianit?

Shfaqja e jetës komplekse, pas katër miliardë vitesh nga krijimi i Tokës, nënkupton një moment unik. Papritmas u shfaqën kafshët me tru dhe enë të gjakut, me sy dhe me zemër. Papritmas, në këtë periudhë e cila zgjati 542-488 milionë vite më parë, gjithçka u zhvilluar më shpejtë se në çdo periudhë tjetër planetare të njohur deri sot. Si shpjegim i këtij fenomeni është thënë se meritor është kërcimi në nivelet e oksigjenit që ka ndodhur para shpërthimit Kambrian.

Kur ka filluar lëvizja e pllakave tektonike?

Pllakat e holla të kores përplasen në sipërfaqen e Tokës, duke krijuar skena të bukura të lindjes së Diellit nga malet, si dhe shpërthimet e dhunshme vullkanike. Gjeologët ende nuk e dinë se kur pllakat tektonike filluan të lëvizin, sepse dëshmitë janë shkatërruar. Vetëm një grusht kokrrash të vogla mineralesh të zirkonit, kanë mbijetuar prej para 4.4. miliardë viteve, që shkencëtarëve ua bënë me dije se atëherë u formuan shkëmbinjtë e parë. Por, shkencëtarët nuk e dinë se si janë formuar këta shkëmbinj?

A mund të parashikojmë tërmetet?
Si me motin, mundet të parashikohet edhe tërmeti. Por, për ta ditur saktë se kur vjen, kjo është e pamundur. Madje edhe eksperimenti më i madh, që zgjati 12 vjet, dështoi. Gjeologët pastaj parashikuan tërmetin në Parkfield të Kalifornisë, për të cilin menduan se do të ndodhë më 1994, e në fakt ndodhi më 2004. Një problem tjetër është se gjeologët nuk e dinë saktë se pse ndodh tërmeti dhe pse ndalet ai.

Ky maçok i zbehtë pa flokë po pushton internetin falë shprehjes së tij të përhershëm të fytyrës.

5-vjeçari Xherdan, një maçok Sphynx, që jeton në Zvicër me pronaren e tij Sandra Filippi 45 vjeçe, ka një fytyrë që nuk pëlqehet nga shumë vetë.

Por Sandrës kjo gjë nuk i bën përshtypje. Ajo tha se Xherdan i ‘vodhi zemrën’ sapo e e pa dhe menjëherë e kërkoi për adoptim në internet.

Xherdan ka më shumë se 5.000 ndjekës, të cilët janë të mahnitur nga pamja e tij unike.