Art-Kulture

70 objekte po restaurohen në qendrën e Vlorës në një projekt me vlerë 322 milionë lekë, një investim i Fondacionit Shqiptaro-Amerikan.

Në rrugën e cila ishte kthyer në një pazar, shtëpitë e vjetra humbnin rëndësinë mes zhurmës dhe ndotjes. Megjithëse afati i dorëzimit është muajin e ardhshëm dhe duket se puna është ende larg përfundimit, prej një viti po punohet në fasadat e mureve, çative të godinave si dhe në pjesë të cilat kanë qenë të rrënuara nga koha.

Në kantierin e improvizuar, jashtë kamerës, punëtorët shprehen se problemet me ndërtesat e vjetra i kanë ngadalësuar ritmet. Në këtë rrugë ndodhet dhe banesa e qendistares së flamurit të shpalljes së pavarësisë, Marigo Posio.

Siç shkruhet nëpër mure, fillimet e kësaj ndërtese datojnë në vitin 1892. Në zonë janë prishur 40 ndërtime pa leje. Megjithatë, banorët i mirëpresin punimet.

Rruga “Justin Godard” ka qenë rruga kryesore e qytetit në periudhën e rilindjes kombëtare. Shtëpitë janë me dy kate, me ballkone të vegjël të stilit neoklasik.

Dhërmiu është një ndër fshatrat më të bukur të jugut. Puna për rikualifikimin e Qendrës Historike të fshatit Dhërmi po vijon.

Kryeministri Edi Rama shprehet se vijon puna për nxjerrjen në dritë të atraksioneve kulturore e historike.

MIRËMËNGJES , dhe me këto foto nga Dhërmiu ku vijon puna për nxjerrjen në dritë të atraksioneve kulturore e historike si edhe hapësirave urbane, ju uroj një të dielë të bukur”, shprehet Rama.

Projekti i ndërmarrë nga Qeveria Shqiptare dhe Fondi Shqiptar i Zhvillimit synon shndërrimin e Dhërmiut në një qendër autentike dhe atraktive jo vetëm për turizmin bregdetar, por edhe për zhvillimin e turizmit kulturor të zonës.

Dhërmiu në territorin e tij ruan mbi 40 objekte kulti, monumente historike si dhe natyrore. Gjurmët e gjetjeve arkeologjike dëshmojnë se jeta në këtë fshat i ka fillesat që në prehistori. Sot fshati Dhërmi dhe plazhet e mrekullueshme përreth tij presin turistë të shumtë, sidomos gjatë sezonit veror. /atsh

Plot 68 është numri i objekteve në restaurim, për zonën historike të qytetit të Vlorës.

Projekti pritet të përmbyllet vetëm me restaurimin e objekteve në sezonin turistik të këtij viti, ndërsa më pas do të vijohet edhe me restaurimin e rrugicave të zonës historike.

Kreu i Urbanistikës në Bashkinë e Vlorës, Erion Hamataj konfirmon edhe numrin e objekteve që janë shembur.

Në total janë 40 objekte të klasifikuara për t’u shembur, nga të cilat 35 janë shembur tashmë, ndërsa 5 të tjera, kryesisht shtesa dhe rrethime, pritet të shemben.

Projekti i restaurimit të qendrës historike të Vlorës ka nisur në shtator të vitit 2017, ndërsa vlera e investimit shkon në rreth 322 milionë lekë./tch

Me rastin e 100 vjetorit të ndarjes nga jeta të Atit të Kombit Ismail Qemali, ekspozohen në Bibliotekën Publike “Shevqet Musaraj” të Bashkisë Vlorë dokumenta arkivore, botime historike dhe letrare, shtypi i kohës për jetën dhe veprimtarinë patriotike të Ismail Qemalit.

Në këtë ekspozitë janë paraqitur disa nga momentet më pikante të përkujtimit dhe festimit të 28 nëntorit, siç është 28 nëntori i vitit 1932 kur u zhvendos trupi i Ismail Qemalit nga Kanina në lulishten e Vlorës në varrin monumental të ndërtuar posaçërisht me statujën e flamurtarit sipër, vepër e Skulptorit të Popullit Odise Paskali.
Gjithashtu shpallja e Vlorës “Qytet Hero” me rastin e 50 vjetorit të Pavarësisë dhe dhënies së Ismail Qemalit titulli “Hero i Popullit” (pas vdekjes) dhe kthimin e Vlorës Kryeqytet të Shqipërisë për 3 ditë, apo festimi i 60 vjetorit të Pavarësisë në 28 nëntor të vitit 1972 me inagurimin e Monumentit të Pavarësisë Kombëtare etj.

Ekspozita do të qëndroi hapur nga data 17-24 janar 2019.

Ftohen ta vizitojnë këtë ekspozitë qytetarët e Vlorës, nxënësit e shkollave, student, intelektual etj

Muzeu Historik Kombëtar përkujton sot 551-vjetorin e vdekjes së Heroit tonë Kombëtar Gjergj Kastriot Skënderbeu.(1405-17 janar 1468)

Gjergj Kastrioti Skënderbeu, strateg dhe burrë shteti i madh, udhëhoqi luftën për liri e pavarësi kundër pushtimit osman, për bashkimin politiko- shtetëror të popullit shqiptar. Ai personifikon jo vetëm figurën më të rëndësishme të popullit shqiptar, por dhe një epokë të tërë të historisë kombëtare. Figura e heroit tonë kombëtar lidhet më luftën më se njëshekullore kundër pushtimit osman.

Lufta e shqiptarëve me në krye prijësin e tyre shënon një kthesë vendimtare në organizim politik të vendit, si dhe në forcimin e bashkimit kombëtar. Pasi çliroi Krujën më 28 nëntor 1443 ngriti flamurin e Kastriotëve dhe më 2 mars të vitit 1444, në Katedralen e Shënkollit të qytetit të Lezhës, Skëndërbeu mbajti Kuvendin e Parë Kombëtar.

Si drejtues i Kuvendit theksoi domosdoshmërinë dhe rëndësinë e bashkimit të Shqiptarëve. Ai ishte kuvendi ku u hodhën themelet e bashkimit kombëtar. Mobilizimi masiv i forcave shqiptare që filloi në Dibër, erdhi duke u zgjeruar në të gjithë vendin, e cila u kthye brenda pak kohëve në një kryengritje të përgjithshme. Brenda muajve të parë u çliruan disa principata dhe pjesa me madhe e trojeve shqiptare.

Forcat shqiptare me në krye Skëndërbeun fituan një sërë betejash kundër ushtrive osmane, si në fushat e Pollogut, të Dibrës, së Ohrit e të Domosdovës, grykat e luginat e Shkumbinit, fushat e Ujit të Bardhë, të Livadit pranë Ohrit, të Vajkalit etj.

Pas vitesh lufte e rezistencë ndaj pushtimit osman, duke udhëhequr luftën e shqiptarëve për liri, Gjergj Kastrioti Skënderbeu vdiq në Lezhë. Figura e tij dhe lufta që udhëhoqi, u bënë një burim frymëzimi gjatë luftërave për lirinë e pavarësinë e Atdheut dhe sidomos gjatë Rilindjes Kombëtare. /atsh

Ne kuadër të 💯-Vjetorit të vdekjes së Ismail Qemalit, babait të Pavarësisë së Shqipërisë , në qytetin e Flamurit do të organizohen nje sërë aktivitetesh nën kujdesin e vecantë të Kryetarit të Bashkisë Dritan Leli.

Ja aktivitetet që do organizohen nga Bashkia Vlorë këtë muaj:–laberianews