Intervista

Arbër Hajdari i ftuar në emisionin “S’e luan topi”, ka folur gjatë për jetën e tij private, që nga fëmijëria deri më tani.

Ai shpreh se nënën e ka pikë të dobët dhe është e vetmja grua në jetën e tij që i ka dhënë të drejtën ta ndjekë me GPS gjatë gjithë kohës. Arbëri shprehet se ia ka dhënë këtë mundësi të ëmës sepse është gjithë kohës e shqetësuar dhe e merakosur për fëmijët e saj.
“Të dy prindërit më mirëkuptojnë shumë. Mamit i kam dhënë mundësinë që gjatë gjithë kohës të më ndjekë me GPS kudo që jam sepse di që atë nuk e le meraku. I vetmi njeri që më kontrollon mua nëpërmjet GPS është mami. Por që i falenderoj me gjithë zemër edhe mamin edhe babin që më kanë dhënë krah në punën që bëj dhe më kanë mirëkuptuar për të gjitha ato mungesa që kam bërë.

Këto janë dy momentet e jetës sime, një moment kur isha fëmijë që nuk e patëm mamin afër dhe një moment, tani që u rrita dhe jam prapë i obliguar për shkak të angazhimeve për të qenë larg saj dhe gjithmonë vras mendjen, ajo është e sëmurë, i ri mendja tek ne dhe nuk po gjej atë pjesë të kohës që duhet t’ja dedikoj asaj dhe që kam shumë boshllëqe që janë krijuar nga fëmijëria”, u shpreh Arbër Hajdari.

Mira nga Tirana e thotë me bindje se jeta nis pas të 40-ave. Sot, për “Aldo Morning Show” në Tv Klan ajo thotë se në atë moshë njeriu i ka sistemuar gjërat dhe i dedikohet dëshirave personale.

Mira: Njeriu ndoshta si ka plotësuar ato që ka dashur dhe pas të 40-ave shpërthen.
5
Aldo: Si shpërthen mi?!

Mira: Si puna e verës që bëhet shampanjë. Eee vera sa më shumë të rrijë bëhet shampanjë.

Aldo: Unë e di uthull.

Mira: Jo, jo! Shumë e saktë kjo, është mëse e vërtetë që fillon sepse njeriu deri në të 40-at i vë në terezi gjërat pastaj rregullon veten e vet.

Aldo: Pastaj kçk, kap ça të kapësh!

Mira: Jo, jo kçk! Të gjejë atë më të mirin! Jo të bëhesh gaz i botës, se priti, priti e ça mori? Kçk!/tvklan.al

Ditën e djeshme ai ishte i ftuar në emisionin “Natën me Aulonën”, ku ndër të tjera foli edhe për romancën e Luizit me Kiarën.

Milaimi i bindur u shpreh se lidhja e fituesit të “Big Brother Vip” me moderatoren është vetëm për lojë, pasi sipas tij çdo gjë ka nisur shumë shpejt “brenda një burgu siç është BBV”.

Ai theksoi duke thënë se të njëjtin mendim ka pasur edhe për lidhjen e dy ish-konkurentëve të “BBV 1” Donald Veshaj dhe Beatrix Ramosaj, të cilët u ndanë sapo dolën nga ky reality show.

Moderatorja: Të kemi parë goxha në sulm në lidhje me Luizin. Ke thenë që nuk të ka pëlqyer si personazh.

Milaim Zeka: Ka qenë në fillim unë e kam kritikuar sepse u hap llafi që ai ka gënjyer për punën e sëmundjes. Kam qenë dhe jam prap i bindur që lidhja e tij me Kiarën ka qenë dhe është lojë.

Moderatorja: E mendon përsëri?

Milaim Zeka: Si kam menduar për Beatrix që kam thënë se nuk ka dashuri mes saj dhe Donaldit, përsëri mua mu ka përforcuar mendimi. Një njeri pa hezituar dhe pa menduar mirë nuk ndëron mbiemrin e vet. Martesat e shpejta ose lidhja e tyre në kushte shumë të jashtëzakoshme siç është Big Brother ka qenë lidhja brenda një burgu. Aty kam dyshuar dhe prapë vazhdoj të dyshoj.

Ngjarja e rëndë në Përmet ku një 24-vjeçar mbyti nënën e tij dhe plagosja e gruas me thikë nga bashkëshorti i saj në Korçë, kanë tronditur vendin ditët e fundit.

Lidhur me këto ngjarje, aktivistja Zhaklin Lekatari është shprehur se në Shqipëri duhet një reformim total kulturor, emocional e seksual për rindërtimin e disa vlerave të reja në shoqërinë tonë.

E ftuar në Klan News, Lekatari thotë se sipas saj, në Shqipëri situata është e ngarkuar dhe makabre dhe si një film triller për shkak të normave të shoqërisë tonë.

Mes të tjerash, Lekatari thotë se duket sikur barazia gjinore që po mundohemi ta arrijmë, në vendin tonë po shfaqet me krime dhune, sipas saj, me burrat që nuk pranojnë autonominë e gruas.

Zhaklin Lekatari: Nga Janari i këtij viti e deri në Qershor kemi 13 gra të vrara. Unë kam disa vite që them që këtu në Shqipëri po ndodh “holokausti i grave” dhe ne kemi nevojë për një reformim total kulturor, emocional, seksual për rindërtimin e disa vlerave të reja në shoqërinë tonë.

Të mësojmë shoqërinë, dua të përfshij të gjithë pjesëtarët e saj që ta identifikojnë dhunën, ta denoncojnë atë dhe të reagojnë ndaj saj. Mendoj që situata në Shqipëri është kaq e ngarkuar dhe kaq makabre, edhe tamam si një film triller, edhe për shkak të gruas shqiptare, edhe për shkak të normave të shoqërisë tonë, të cilat ende vazhdojnë të në turpërojnë nëse kemi problematika të tilla në familje, nëse ne denoncojmë problematika të tilla, nëse ne i japim zë problematikave të tilla në familje.

Edhe nga të gjitha studimet e fundit që janë bërë, edhe ato socialogjike, edhe ai shumë i rëndësishëm i OSBE-ODIHR i vitit 2020, e tregojnë shumë mirë se sa për qind të grave shqiptare pësojnë dhunë në të gjitha format e saj. Burrat shqiptarë duket sikur po mundohen që të bëhen shumë agresivë dhe shumë jo tolerantë sa herë që thërrimet e fundit të pushtetit të tyre patriarkal, po ju ikin. Duket sikur barazia gjinore që po mundohemi ta arrijmë, që është një tipar i vendeve demokratike apo i vendeve perëndimore, në të vërtetë në vendin tonë po shfaqet me krime dhune, me këta burra që nuk pranojnë autonominë e gruas,

këta burra që nuk pranojnë një grua të rindërtojë një jetë të re, me këta burra që nuk pranojnë që gruaja e tyre nuk është vetëm objekt. Këta krime, që quhen krime pasioni dhe unë nuk e di se çfarë ngel nga dashuria kur ti vret gruan tënde, mamanë e fëmijëve të tu dhe në disa raste fëmijët e tu. Situata është vërtetë alarmante dhe do të doja të mos gjendesha në studio për të folur për të njëjtën gjë. Kemi një ngecje të madhe edhe të shoqërisë civile, edhe nuk zbatojnë ligjin.