Intervista

“Hë more profesor të duket vetja i rëndësishëm ty që e vendos atë rripin si me qenë gjeneral”

Kryeministri Edi Rama, tregoi historinë e Ardian Klosit me një polic rrugor, gjatë vizitës në shtëpinë e një prej inspektorëve të Policisë së Shtetit.

Duke bërë batuta ai tha se asokohe kur ishte kryetari i Bashkisë së Tiranës, Klosi i kishte treguar për një efektiv të uniformave blu, i cili e ndalonte vazhdimisht.

“Hë more profesor të duket vetja i rëndësishëm ty që e vendos atë rripin si me qenë gjeneral”, i drejtohej polici Ardian Klosit sipas kryeministrit Rama.

“Ai miku im i shkreti se u bë për ndjesë pastë, Ardian Klosi. Ai ishte njeri korrekt vetë. Atë e ndalonte, ishte një polic qarkullimi, më thoshte kur isha në bashki që çfarë t’i bëj unë atij se më ndalon e më thotë ‘hë more profesor të duket vetja i rëndësishëm ty që e vendos atë rripin si me qenë gjeneral’. O zotëri unë e vendos për sigurinë time. Ai e kishte stres që shihte Ardianin me rrip. Më thoshte, është njëri që ma bën, mos ma përsërite se po të kapa të vendos gjobë”, tregoi ai.

Ambasada vetëm njëherë në fillim më ka marrë në telefon dhe asnjëherë më pastaj.”

‘Shqipëria Live’ ka trajtuar ditën e sotmë rastin e shqiptarit Sajmir Zefi që është torturua nga 5 oficerët e policisë së Sigurimit të Kavallës në Komisariatin e Policisë në fillim të muajit shkurt, si dhe nga 4 policët e tjerë të grupit të transferimit në burgu e Koridhalos në periferi të Athinës.

Kujtojmë se dhunimi i Sajmir Zefi ose ndryshe i identifikuar si Simo Prelas nga efektivë të policisë greke mori përmasa të mëdha në shtypin grek dhe shqiptar në mars të këtij viti.

Policet pas publikimit u shoqëruan për t’u lënë më pas menjëherë të lirë.

Në lidhje live vetë i burgosuri Zefi ka pohur se për ngjarjen nuk është bërë asgjë deri më tani, teksa është telefonuar menjëherë pas dhunës nga Ambasada Shqiptare në Greqi.

“Ambasada vetëm njëherë në fillim më ka marrë në telefon dhe asnjëhere më pastaj.

Ambasadori më tha që nëse kam problem ta telefonoj atë. Kjo telefonatë më ka ardhur pasi jam dhunuar. Që atëherë nuk ka patur më asnjë interesim. Avokati im nuk ka bërë asnjë thirrje drejtuar Avokatit të Popullit në Greqi.”-tha Zefi.

Ndër të tjera Zefi shtoi se ngjarja e tij është ndaluar të trajtohet dhe transmetohet në mediat në Greqi.

“ Unë kam kontaktuar edhe më gazetarët këtu në Greqi. Ata ma kanë pohuar se e kanë të ndaluar ta diskutojnë çështjen time”- shtoi Zefi.

Në kuadër të ngjarjes kujtojmë se ditën e dhunimit i burgosuri ishte nisur drejt Kavallës (në datën 1 mars) pa asnjë shenjë goditjeje, por kur është kthyer në burgun e Koridhalos ku po mbahet aktualisht, ka pasur shenja të goditjeve dhe gërvishtje në fytyrë dhe trup, ndërsa duart i janë fryrë nga shtrëngimi i prangave.

“S’ka fjalë, Mirushi ka qenë ai që të gjithë e njohim. Pra është e tepërt çdo fjalë, dhe s’jam i zoti as unë dhe askushi…”

Dielli nuk lind më për Mirush Kabashin. Miq dhe dashamirës të “Mjeshtrit të Madh”, kanë nderuar figurën e kolosit të teatrit dhe kinematografisë shqiptare, i cili ndërroi jetë në mesnatë pas betejës me një sëmundje të rëndë.

Në një prononcim për mediet, aktori i mirënjohur Xhelal Tafaj, i cili ka vënë në skenë dhjetëra shfaqje së bashku me Mirush Kabashin, shprehu dhimbjen për humbjen e një miku të madh, të cilin e takoi në moshë të fare të re dhe u rritën bashkë në skenën e artit.

“S’ka fjalë, Mirushi ka qenë ai që të gjithë e njohim. Pra është e tepërt çdo fjalë, dhe s’jam i zoti as unë dhe askushi që të themi diçka më tepër rreth punës së tij, me atë që ai ka bërë dhe atë që ka lënë trashëgimi sot. Dhimbja padiskutim është e madhe”- tha Xhelal Tafaj.Po si e kujton ai mikun, kolegun dhe artistin Mirush Kabashin?

“U rritëm bashkë në këtë teatër. Kur kam ardhur, në 1976 e kam gjetur këtu. Por në një farë mënyre teatri është një familje. Këtë ma besoni. Nuk e them unë, e kanë thënë të tjerë para meje. Jemi rritur me njëri-tjetrin, kemi ndenjur më shumë me njëri-tjetrin sesa me njerëzit e shtëpisë. Të paktën flas për atë kohë, sepse numri i premierave ka qenë i lartë, 4 në vit dhe puna bëhej në çdo kohë, si paradite dhe pasdite. Kështu që na takonte të rrinim më tepër në teatër. Pa llogaritur turnetë e shumtë të asaj kohe”- tha Tafaj, aktor me një karrierë 40-vjeçare në skenë.Çfarë e karakterizonte Mirush Kabashin si aktor dhe njeri?

“Çfarë e karakterizonte?! E thashë edhe njëherë që puna e atij flet vetë. Ai ka qenë nga ata aktorë që punonte dhe punonte jashtë mase shumë. Dhe unë të paktën si aktor kam marrë pikërisht këtë gjë nga ai. Pra vije në proces pune, sidomos kur ishim në tavolinë, një orë para. Dhe këtë gjë edhe unë vetë ia mora si aktor. Kam ndjekur rrugën e tij, sepse puna gjithmonë të jep rezultate dhe Mirushi në sajë të punës ka arritur ato rezultate që ka”.Ndërkaq, një tjetër artist i mirënjohur si Muharrem Hoxha, i vlerësuar për kontributin e tij në art si “Njeriu i shekullit”, heq kapelen përballë një ikone si Mirush Kabashi duke u shprehur se “Nderi i Kombit”, sot është dhimbja e kombit.

Sipas Hoxhës, Mirush Kabashi ishte shkollë më vete, dhe kishte disiplinë në punë.

“Shumë faleminderit për respektin që tregoni për artistët, sepse edhe ju jeni artistë vetë në zanatin tuaj.Të them të drejtën, po ikën plejada e aktorëve. Aktorët më të mirë them unë, si Nikolin Gjoja dhe Vangjel Heba, dhe pas këtyre Mirush Kabashi. Tani secili ka vendin e vetë, por unë njëherë kam punuar me Mirushin dhe ai ishte shkollë më vete. Qen i punës i themi ne. I përpiktë. Kam bërë një komedi me Mirushin, “Dy vëllezër e gjysmë” të Gjergj Vlashit, por kishte lezet. Nur kishte, pastaj ato recitime që kishte Mirushi… Me gjithë mend kollos i artit”- përfundoi artisti i mirënjohur Muharrem Hoxha./ Top Channel

Së fundmi është shprehur për këtë çështje dhe për personazhet në TikTok, duke i cilësuar “injorantë dhe budallenj”.

Noizy ose ndryshe me emrin e tij të vërtetë, Rigels Rajku është një nga reperat më të njohur dhe të dashur për publikun. Edhe pse prej kohësh nuk ka qenë pjesë e asnjë konflikti fizik me ndonjë individ të caktuar ose as me ndonjë reper tjetër shqiptar, nuk ka munguar vënie e zjarreve në bizneset e tij apo dhe makinat, ku e fundit para pak muajsh ka qenë shkrumbimi i Ferrarit të tij, edhe pse ende nuk janë gjetur autorët e këtyre ngjarjeve.

Mes të tjerave Noizy përmendet edhe nga personazhe të njohur tashmë në TikTok, duke marrë kërcënime dhe ofendime shumë të rënda prej tyre, duke u përfshirë në këtu edhe familja e tij. Këto prej kohësh normalisht kanë ndikuar në qetësinë dhe përditshmërinë e reperit, i cili së fundmi është shprehur për këtë çështje dhe për personazhet në TikTok, duke i cilësuar “injorantë dhe budallenj” dhe duke akuzuar TikTok-un që u jep mundësi çdo personi sidomos personazheve shqiptarë, për tu shfaqur, populluar dhe për të ndikuar në shoqëri. Noizy gjithashtu është shprehur se nuk ndjen siguri që fëmijët e tij të rriten me këto aplikacione dhe se do të donte të jetonte në një mal i shkëputur nga pjesa tjetër e botës dhe pa telefona.

Unë kam jetuar shumë mirë dhe shumë i sigurt për një kohë të gjatë derisa më ndjekin disa budallenj kryesisht në Tik Tok, disa njerëz injorant kanë mundur të shfaqen në botë përmes Tik Tok-ut, u ka dhënë një dritare idiotëve, nuk e dija se Shqipëria ka pasur kaq shumë idiotë, derisa u shfaq Tik Tok. Më vjen keq për fëmijët e mi, kur ata të rriten nuk e di më vjen të shkoj në një mal, të ndertoj një mur dhe të jetoj atje që fëmijët e mi të mos shohin tutje duke ju thënë ska gjë të bukur atje, pa telefona me siguri për një kohë të gjatë…