Intervista

Marin Orhanasi ka qenë i ftuar ditën e sotme në “Se Luan Topi”.

Aktori ka rrëfyer ditën e sotme mbi jetën e tij personale dhe atë profesionale.

“Doja të luaja bilardo të mos bëja mësim. Teatrin e kam nisur për të justifikuar mungesat në shkollë sepse nënës time i vinte turp kur vinte në shkollë dhe shikonte mungesat e mia. Ka qenë një rast kur duhet të bëja një hartim dhe zysha e dinte që unë nuk doja të bëja mësim.

“Shkruaje “ më tha dhe dil pastaj. Tema ishte si i klauat pushimet verore dhe unë kam shkruar vetëm “Mirë faleminderit, si ke qenë ti?”- tha aktori.

Gjatë diskutimit në panelin e ftuar në “Rudina” në Tv Klan për lulen e shqiponjës e cila ka qenë një lloj identiteti në shtëpitë e shumë shqiptarëve, Robert Aliaj sqaroi dy tipare shumë identifikuese të tij. Duke shprehur patriotizmin e tij, Roberti rrëfeu se dy unazat që mban në dorë dhe thonjtë e lyer me të zezë janë lidhja e tij me shqiponjën si një element shqiptar.

Robert Aliaj: Në epokë, unë jam shumë dakord që ne e asociuam në mënyrë direkte edhe nga pikëpamja vizuale dhe e lidhëm pa ndonjë konotacion apo ndonjë ndjesi ancionaliste, nuk ka lidhje fare, thjesht na dukej si shqiponjë dhe e besoj këtë gjë. Pastaj vonë zbuluam që kjo shqiponja kishte një peshë shumë të madhe në historinë e kombit. Unë e lidh me këtë sepse shikoni unë e kam një simbol shumë të rëndësishëm shqiponjën, kam dy unaza të cilat unë… po, dykrenare, bla, bla, e kam marrë shumë si simbolikë.
Rudina Magjistari: I mban gjithmonë me vete ato unaza?

Robert Aliaj: Po këto i mbaj gjithmonë, këto janë prototipe unazash. Unë i mbaj gjithmonë sepse nuk mund të mbaj unazë tjetër, por unë dua të them, ndoshta për herë të parë ose nuk e di në ka rënë rasti, që unë edhe thonjtë i asocioj me shqiponjën, pavarësisht se njerëzit i paragjykojnë thonjtë.
Rudina Magjistari: Nuk e dija, tani po e marr vesh që ti i lyeje të zinj prej ngjyrës së shqiponjës!

Robert Aliaj: Po, por thoi është elementi më shqiptar që mund të imagjinojmë ne dhe ne si bastardë që jemi dhe ne nuk duam asgjë të trashëgojmë nga të parët tanë, shkelim çdo gjë me këmbë dhe e paragjykojmë dhe flasim para kohe.

Rudina Magjistari: Edhe ti mos përgjithëso të gjithë shqiptarët tani, mos thuaj kështu se nuk janë të gjithë shqiptarët ashtu se na tingëlloi rëndë kjo me thënë të drejtën, s’e pranojmë dot. Ka dhe nga ata plot, por nuk jemi të gjithë ashtu.

Robert Aliaj: “Rudina, kam shumë revoltë sepse e kam pasur në kurriz. Gjëja më simbolike e shqiponjës është thoi ku është arma, pse themi shqiponja grabitqare? Ne si shqiptarë, thoin duhet ta kishim patjetër një sport nacional identitar siç kanë skocezët fundin. Edhe ne e kemi fundin, por e paragjykuam dhe e kemi hequr fare nga pazari se nuk e veshim dot, se përndryshe do na quajnë homoseksualë, nuk e di. Unë e vesh për vete por kam hallin e të tjerëve“- tha ai.

Ditët e fundit, Qetsori ka qenë faktor në shtëpi, ku ka patur disa debate me banorët, më së shumti me Efin.

Qetsori u shpreh se ai e ndihmoi Efin që ajo të shkonte në finale dhe se ajo as nuk e falenderoi për mundin e tij. Efi tha se nuk e merr dot seriozisht Qetsorin dhe se i duket sikur çdo gjë që ai thotë, e thotë me humor.

Madje Qetsori i tha Efit të hiqte dorë nga finala dhe ky i fundit do t’i jepte 50 mijë euro.

Efi: Jam shumë e lumtur. Nuk kam çfarë të them.

Qetsori: Efi është në finale, sepse Kiara u tërhoq. Ajo do që gjërat në shtëpi të bëhen siç do ajo. Nuk ka çfarë thotë për gatimin, ushqimin e ka patur gjithmonë gati.

Efi: Pjesa e zërit është tendencoize ndaj Qetsorit. Ndërsa për princeshën, ka ngelur të më thotë vetëm e bukur. Çfarë janë këto tani?

Qetsori: Princeshë nuk është ofendim.

Qetsori: Efi ka ndryshuar sjellje që kur u shpall finaliste. Është më e qetë dhe i ka shmangur disa debate me Luizin. Nuk thotë dot më do iki sot, do iki nesër.

Efi: Unë e kam thënë disa herë, madje Nitës ia kam thënë kur kam debatuar ashpër me opinionistët. Qetsorit nuk ia kam thënë ndonjëherë këtë lloj gjëje. Kam dashur vërtetë të dal.

Nita: Është e vërtetë që kemi ironizuar, por normalisht në ato momente kur Efi nuk ka qenë në gjendje të mirë unë kam qenë këtu pranë dhe e kam parë. Ndonjëherë kam përshtypjen se kur e kundërshtoj Efin, ajo i merr shumë personale. Nuk kam qenë kaq shumë e përfshirë në lojë, por tani jam. I them të mos e marrë personale kur e komentoj lojën e saj.

Luizi: Efi u gëzua tre ose katër herë kur ne u mblodhën te krevati i saj për të bërë muhabet. Ajo nisi të bërtiste kur nuk po ia varte më askush.

Efi: Në fakt, kisha vënë tapa te veshët, nuk është e vërtetë fare që nuk po ma varte askush. Shumë e shëmtuar nga Luizi për mënyrën se si po e komenton.

Luizi: Të thash pra përse e bëre, përse e përsërit.

Efi: Po jo mo Luiz nuk ishte ajo arsyeja. E bukura e gjithë kësaj është që do shihet në vijim.

Kristi: Këta të dy e kanë shumë frikë njëri-tjetrin dhe nuk duan ta faktorizojnë njëri-tjetrin.

Luiz: Efi u mësua që i mblidheshin te koka për katër netë rresht.

Elvis Pupa ishte mëngjesin e sotëm i ftuar në emisionin “Wake Up”, i cili u largua nga shtëpia e “Big Brother VIP” vetëm disa ditë më parë. Ish-banori ka treguar si ishte e gjithë kjo eksperiencë për të dhe si i ka parë banorët e tjerë dhe lojën e tyre.

“Nga jashtë kam parë shumë pak, nuk e ndiqja 24 orë. Aty brenda ishte komplet ndryshe. Ditën e parë u zgjova i pari dhe isha vetëm dhe do bëja rutinën e mëngjesit. Thashë me vete si lahen dhëmbët në kamera. (qesh) E ke një lloj presioni, është përgjegjësi. Pastaj ia morëm dorën. Unë jashtë jam mësuar me jetë shumë të qetë. Të jetosh me 16 veta ishte pak si shumë rrëmujë. U mundova të përshtatesha. Doja që t’i njihja të gjithë që të krijoja marrëdhëniet e mia”, tha aktori i njohur.

I pyetu se si e ka parë Visi lojën e banorëve të tjerë aty brenda, ai u shpreh:

“Ata përfitonin tek pjesa e lojës, ‘në kuadër të lojës’. Shumica e situatave sa vinin e nuk ishin më reale. Meqë nuk pati më penalizime, secili vazhdoi me atë të vetën. Unë u futa për të qenë real. Ishte një lloj sfide që të dilje po i njëjti. Sa i përket impaktit do ta krahasoja me Portokallinë kur dola në fillim në vitin 2004. Çdo gjë në jetën time ia kam arritur pa bërtitur kot, pa bërë debate kot. Tematikat kryesore ishin nominimet dhe eliminimet. Që për mua ishte e panevojshme. Diskutuam tematike të ndryshme, patëm argumentime. Sa i përket nominimeve mu duk kot që ta diskutoja dhe nuk kisha pse të ndërhyrja, plus që ishte edhe kundër rregullave. Kur u bë fakt i kryer pastaj, nëse ti flisje për tematika të tjera nuk kishin interes dhe iknin. Më ka bërë përshtypje që disa njerëz aty me background-e të tjera nuk flisnin për eksperiencat e tyre, por vetëm për atë që po ndodhte aty”.