Intervista

Babai i polices që humbi gishtat: Na kanë dhënë një fare shprese, po presim që…

Aktualitet, Intervista / /

“Është e patolerueshme ajo që ndodhi”, ka thënë babai i efektives së policisë që humbi dje dy gishta pas shpërthimit të një kapsolle në protestë,

Ditën e djeshme, gjatë protestës së banorëve të Unazës së Re, e cila degradoi në përleshje të ashpra me policinë, efektivja Ina Nuka humbi dy gishta nga dora e saj e majtë.

Ajo iu nënshtrua një operacioni të vështirë dhe mes të tjerëve, edhe Kryeministri Rama e vizitoi atë në spital. Ai i dhuroi një Iphone X dhe i dha fjalën polices se do ta nisë shumë shpejt për një operacion në Stamboll.

Për ‘Report TV’, babai i Inës, Gashi Nuka, ka folur për herë të parë për ngjarjen e rëndë që i ka ndodhur vajzës së tij.

“Gjendja po përmirësohet për momentin. Problemi është tek gishtat, i janë këputur dy gishta. Na kanë dhënë një fare shpresë për jashtë vendit në Turqi. Do të niset nga momenti në moment, sapo të jetë gati. Kryeministri na tha që do të bëjmë çfarë është e mundur për vajzën që të rregullojmë gishtat sikur i pati. Jemi me shpresë.”- është shprehur ai.

“Është e patolerueshme ajo që ndodhi dje, për çdo person. Ajo po ushqehet, është në punë, është në detyrë. Mesazhi im është që të mos ndodhë më ajo që ndodhi, pasi dje ishte vajza ime, nesër mund të jetë një tjetër. Kushdo ka të drejtë për protestë, por pa dhunë.”- ka përfunduar Gashi Nuka.

Babai i polices që humbi gishtat: Na kanë dhënë një fare shprese, po presim që… Read More »

Humbi gishtat në protestë, flet efektivja e plagosur: Plasësja më ra në qafë, por… si ndodhi ngjarja (video)

Aktualitet, Intervista / /

Të gjithë ata që nuk ishin aty apo e panë nga jashtë ngjarjen kanë folur dhe dhënë versionin e tyre për policen e plagosur në protestën e banorëve të Unazës së Re. Por se çfarë ka ndodhur në të vërtetë e tregon vetë Ina Muka. Ajo ka ka folur sot për Top Channel në emisionin “Open”, për situatën që ka ndodhur në protestën ku ajo humbi gishtat e njërës dorë nga shashka që i plasi në dorë.

“Kam lindur në Peqin jam banues në Tiranë kam mbaruar studimet te sportet pastaj shkova në polici. 1 vit e gjysmë kam punuar tek Komisariatin 3 dhe për 6 muaj punoj tek Drejtoria e Policisë. Ishim me shërbim te Parlamenti për protestën. Situata agravoi dhe turma nisi të shtynte. Isha në rreshtin e dytë dhe një nga këto plasëset më ra në trup dhe u mundova ta shmang me dorën e djathtë, pasi e kisha në pjesën e qafës”, tregon Nuka.

Humbi gishtat në protestë, flet efektivja e plagosur: Plasësja më ra në qafë, por… si ndodhi ngjarja (video) Read More »

Mesazhi i këngëtares, përlotet vajza e Manjola Nallbanit

Intervista, ShowBiz / /

Megjithëse në një moshë të re, ajo ka shkruar dy libra dhe me sa duket ka një rrugë të gjatë para.

Sindi është vetëm 14 vjeç dhe sapo ka botuar librin e saj të dytë. Kësaj radhe në gjininë e romanit, me titull ‘Njësoj të ndryshëm’, Sindi Tona, vajza e këngëtares së njohur Manjola Nallbani sjell për lexuesin një histori mjaft të veçantë dashurie, mes dy gjimnazistëve, përkatësisht një vajze të bardhë dhe një djali me ngjyrë.

Një histori që tejkalon dhe thyen çdo barrierë dhe paragjykim. E ftuar sot në emisionin “Rudina” në Tv Klan ajo tregoi detaje rreth librit të saj, por edhe marrëdhënien e ngushtë që ka me nënën.

Ajo po ashtu mori edhe një videomesazh surprizë nga Manjola Nallbani, e cila tha publikisht se është krenare për vajzën e saj.

“O jeta e mamit. Ti e di që që në momentin që ke lindur unë të them ti je dhuratë e Perëndisë. Njëlloj kam edhe Megin, por sot është dita jote, momenti jot. Babi dhe Megi ndryshe nga ne të dyja nuk i duan kamerat dhe janë diskretë, më kanë autorizuar mua të të them që ti për ne je diell dhe të duam shumë. Nëse ti sot po shkruan kjo është shumë e vlefshme për mendjen dhe shpirtin tënd. Është diçka që pak nga brezi jot e bëjnë. Për mua nuk ka asnjë rëndësi profesioni që ti do të zgjedhësh. Unë dua që ti të bësh atë që të bën të lumtur. Dua të mbetesh po e njëjta Sindi. Nëse do të më pyesnin si e do vajzën, më mirë se kaq nuk do ta kisha kërkuar”, tha këngëtarja.
Fjalët e Nallbanit përlotën Sindin e cila tha se nuk i priste fjalët që nëna e saj i dedikoi./tvklan.al

Mesazhi i këngëtares, përlotet vajza e Manjola Nallbanit Read More »

Këngëtarja rrëfen mes lotësh: Mrekullia që më ndodhi tre ditë pas humbjes së bashkëshortit

Intervista, ShowBiz / /

Një jetë në skenë, me një repertor të gjerë e të larmishëm, me hite pa kohë e me këngë që i këndon me të njëjtin emocion i madh e i vogël, nuk e kanë ndryshuar Irma Libohovën, përkundrazi.

Këngëtarja e njohur e skenës mbetet një prej artistëve që i ka ndërprerë marrëdhëniet me kohën, jo vetëm sepse i ka qëndruar besnike profilit të saj, por sidomos sepse këngët ia ka dedikuar një publiku që dashuron muzikën e mirë, tekstin poetik mbi pentagram, si edhe mesazhin që përcjell arti i saj.

Këtë pasdite, Irma Libohova ishte e ftuar te “Rudina” për të rrëfyer disa prej projekteve të saj të fundit, angazhimet artistike, por ndau me publikun edhe disa copëza nga jeta private, për të cilat flet shumë rrallë.
Rreth një vit e gjysmë më parë, bashkëshorti i Irmës u nda nga jeta, por këngëtarja vendosi të ngjitet në skenë vetëm pak ditë pas ndarjes së tij. Amaneti i tij që ajo ta vazhdojë rrugën e saj e bëri edhe më të fortë… Sepse kishte një qëllim për të përmbushur e për ta çuar deri në fund.

Kishin kaluar vetëm tri ditë kur Besniku u nda nga jeta dhe Irma mësoi një lajm tjetër të bukur. Një jetë sapo kishte ikur, por një tjetër do të vinte. I biri i dha lajmin se do të bëhej gjyshe dhe, pikërisht në atë kohë, nuk mund të kishte ndjesi më të ëmbël, megjithëse e shoqëruar me keqardhjen që bashkëshorti nuk e mësoi dot: “Të gjithë më kishin thënë që është një ndjenjë shumë e mirë, është kështu, është ashtu, por kur e provon vetë, është tjetër gjë, është e mrekullueshme, e papërshkrueshme”, – thotë Irma për ndjesinë e gjyshes, të cilën e shijon shumë, edhe pse nuk kalon aq kohë sa do të donte me mbesën e vogël.

Lule është emri me të cilin është pagëzuar mbesa e vogël dhe për këtë zgjedhje Irma tha se ishte dëshirë e të gjithëve: “Ishte një emër i harruar. Ne donim një emër shqiptar. Emri përfaqëson identitetin tënd”, – shton më tej këngëtarja.
Nëse mund të quhet peng ai i mungesës së një vajze, tani Irma thotë se ndihet e plotësuar, pa pengje dhe aspak e vetmuar: “E kam thënë edhe herë tjetër, jam vetëm, por jo e vemtuar”, – përsërit ajo duke i mbajtur lotët me zor.

“Një jetë me ty”, një nga hitet më të bukura të Irmës, që ajo ia kushtoi bashkëshortit, dëgjohet në sfond dhe ia risjell këngëtares edhe një herë kujtimet e njeriut të zemrës që e sheh nga lart: “Gjithmonë bashkë… Derisa unë të shkoj atje, do të jetë bashkë me mua”, – tha, dhe, edhe pse premtoi që nuk do të derdhë më lot, e pati të vështirë t’i përmbajë. Pse duhet ta bënte, në fund të fundit? Pas saj, edhe ata që e panë, u përlotën njëlloj me të.

Këngëtarja rrëfen mes lotësh: Mrekullia që më ndodhi tre ditë pas humbjes së bashkëshortit Read More »

Drejtori i Ujësjellës Kanalizime Vlorë, Dorian Xhelili, flet për masat e marra

Aktualitet, Intervista / /

Drejtori i Ujësjellës Kanalizime Vlorë, Dorian Xhelili, flet për masat e marra për përballimin e përmbytjeve. Xhelili u bënë thirrje qytetarëve që të tregojnë përgjegjshmëri dhe të mos dëmtojnë rrjetin e kanalizimeve, duke hedhur në të, mbeturina të ndryshme. Më poshtë gjeni të plotë fjalën e drejtorit të Ujësjellës Kanalizime, Dorian Xhelili.

Është duke u zhvilluar projekti i fizibilitetit për rikonstruksionin dhe përfundimin e ujësjellësit dhe kanalizimeve të ujërave të zeza të Njësisë Administrative të Orikumit. Gjithçka është një bashkëpunimi financiar i Qeverisë Gjermane me Qeverinë Shqipetare, në kuadër të “Programit IV Rural i Furnizimit me Ujë (Orikum)”. Financuesit dhe zbatuesit e projektit po studiojnë zonën ku do të zbatohet projekti i fizibilitetit, ndërsa po evidentojnë edhe problematikat që po shfaqen dhe që do të zgjidhen me këtë projekt. Po ashtu po punohet edhe për vendosjen në funksion të Impiantit të Përpunimit të Ujërave të Ndotura të Orikumit, pasi ky është edhe qëllimi i këtij projekti.

Pas Orikumit, sot u zhvillua në Vlorë, trajnimi i specialistëve dhe punonjësve tanë të kanalizimeve për mjetet moderne dhe të teknologjisë që do të përdoren për pastrimin e rrjetit. Trajnimet po realizohen nga specialistë të ardhur nga Turqia. Këto makineri të specializuara synojnë që të pastrojnë rrjetin e kanalizimeve deri në detajë, madje edhe në ndërhyrje të specializuara për të cilat do të vendoset në punë makina robot. Procesi i trajnimit të punonjësve tanë, po ndiqet nga afër edhe nga drejtori i Ujësjellës Kanalizime, Dorian Xhelili.

Drejtori i Ujësjellës Kanalizime Vlorë, Dorian Xhelili, flet për masat e marra Read More »

Vogëlushi birësohet në Itali, gjyshërit e kërkojnë nipin e tyre 11 vjec: S’e marrim dot as me avokat

Aktualitet, Intervista / /

Një djalë me nënë rumune dhe baba shqiptar, tashmë është birësuar nga shtetas italianë. 2 gjyshër nga Laçi edhe pse në kushte tejet të vështira prej kohësh janë vënë në kërkim të nipit të tyre 11-vjeçar. Kjo dramë njerëzore është bërë sot pjesë e emisionit ‘Me zemër të hapur’ të moderatores Evis Ahmeti. Vogëlushi me emrin Kristian erdhi në jetë në 5 mars të vitit 2007 në Itali.

Nëna e tij është një shtetase rumune, ndërsa babai Gentjani ndodhej në Milano ditën që policia trokiti në derën e shtëpisë për të marrë vogëlushin pasi e ëma në gjendje të dehur e kishte dhunuar dhe britmat kishin alarmuar fqinjët. E ftuar në studion e emisionit është nëna e Gentjanit, e cila rrëfen momentet e vështira që prej vitesh po kalon familja e saj, pasi nuk dinë asgjë rreth fatit të nipin të saj.

Sipas saj, Gentjani pasi ka shkuar në shtëpi dhe ka mësuar atë që kishte ndodhur, është vënë në kërkim të të birit. Shteti italian e strehoi Kristianin në shtëpi fëmijësh, ai bisedonte dhe e shihte shpesh atë derisa përfundoi në burg për shkak të një ngatërrese me pasaportën. Bashkë me izolimin atij iu hoq dhe e drejta të kontaktonte me të birin. Në këtë periudhë nëna e vogëlushit ka dhënë dorëheqjen si prind dhe e ka lënë atë dhe fatin e tij në duart e shtetit. Pas shumë tentativash të dështuara për të hapur procese gjyqësore për të rimarrë të vogëlushin, nëna e Gentjanit kërkon të dijë sot se çfarë është bërë me nipin e saj.

“Ata ishin lidhur të vegjël, dhe bashkëjetuan për gati 2 vite. Vajza ngeli shtatëzënë. Pasi djali im iku në punë, bashkëjetuesja e tij e ka rrahur djalin dhe më pas ata i kanë marrë djalin, shërbimet sociale. Pasi u kthye djali im, e gjeti në qendër. E takoi për gati 2 vite djalin, hapi gjyqin dhe prapë se morëm dot. Nipi im ishte 3-4 vjeç. Madje dhe burri im shkoi në Itali, takoi një avokat. Edhe pse mori lekë avokati, se morëm dot. Për disa vite Gentjani e ka takuar. Kurse nëna firmosi dhe tha se hiqte dorë nga ai. Kur e ka takuar bashkëjetuesen Gentjani, i ka kërkuar shpjegime, por ajo kishte thënë se ishte e dehur dhe nuk mbante mend gjë. Djali im për shumë vite me radhë shkonte të takonte të birin. Por një ditë të premte djali im u vonua 5 minuta. Dhe kur shkoi atje, ata s’ja lanë dhe ai hyri me forcë. Kjo ishte një gafë, pasi hyri atje me forcë dhe më pas djalin ma arrestuan. Bëri 6 muaj burg. Dhe me gjyqe dhe më pas e liruam. Djalin e pa nga larg për gati dy vite se nuk e linte askush që t’i afrohej”, -tha nëna e Gentjanit.

Ndërkohë, pjesë e emisionit është bërë edhe gruaja e Gentjanit, Artjola, e cila tregoi se bashkëshorti i saj e vuante shumë faktin që nuk kishte dijeni për fatin e të birit. “Gentianin e kam pranuar si mashkull dhe i kam pranuar të gjitha këto gjëra. Gentjani është i prekur shumë, s’ja përmend dot se mërzitet. Se dimë se ku është ai fëmijë, dhe duam që ta takojë edhe babai i vet. Ne jemi të interesuar, por kemi qenë pa letra dhe me një fëmijë të vogël. S’kemi pasur shumë mundësi për avokat, por kemi marrë informacion se Kristjani është birësuar”, tha ajo.

Vogëlushi birësohet në Itali, gjyshërit e kërkojnë nipin e tyre 11 vjec: S’e marrim dot as me avokat Read More »

Braktisi Gjermaninë për 25-vjeçaren, djali mëson në emision historinë e saj

Intervista / /

Ardit Gjebrea: “Ne, historinë e sotme do ta fillojmë nga dhoma e surprizave dhe jam këtu me Fabjolën e cila ka ardhur nga Gjermania enkas, sapo ka ardhur nga aeroporti drejt e këtu”
Fabjola: “Jetoj, kam familjen time, punoj kemi bizneset tona, kam 3 fëmijë”.

Ardit Gjebrea: “Ti nuk e di pse ke ardhur. Ti do takosh sot një njeri të dashur për ty, por që nuk e ke takuar asnjëherë”.

Historia e dytë në rubrikën “Ka një mesazh për ty” në “E Diela Shqiptare” në Tv Klan, ka nisur disi ndryshe. Katerina është një vajzë 25-vjeçare, të cilën jeta e ka detyruar të kalojë disa sprova. Ajo është një nënë e 3 fëmijëve, tashmë e divorcuar. Por, fati i solli pranë një tjetër dashuri, Emanuelin, i cili jetonte në Gjermani me familjen e tij. Ai la pas gjithçka kishte aty dhe u kthye në Tiranë për Katerinën, me të cilën bisedonte vetëm përmes internetit. Në fakt, 25-vjeçarja nuk i kishte treguar Emanuelit se ka 3 vajza të mrekullueshme. Pavarësisht të gjithave, Emanueli nuk hoqi dotë nga dashuria e tij. Për gjithçka ka bërë për të, Katerina do t’i japë një mesazh Emanuelit, i cili nuk është në dijeni.
Por, ka edhe një surprizë tjetër. Nga Gjermania ka ardhur Fabjola, motra e Emanuelit, e cila në fakt ndjek nga ekrani i dhomës tjetër gjithçka që po ndodh në studion e “E Diela Shqiptare”. As Katerina dhe as Emanueli, nuk e dinë që Fabjola ka ardhur nga Gjermania në Shqipëri.
Le të rikthehemi te historia e Katerinës, e cila na tregon dhe shpjegon gjithçka që ka kaluar në jetë.

Katerina: “Mua më quajnë Katerina, jam 25 vjeç, lindur dhe rritur në Greqi, jam nënë e tre vajzave. Unë kam qenë 14 vjeç, sapo kisha ardhur në Shqipëri për pushimet verore se shkollën e kam bërë në Greqi. Duke kaluar çdo ditë me gjyshen në ballkon, sepse nuk dilja dot, duhet të dilja gjithmonë me gjyshen edhe qoftë për një shëtitje, sepse isha e privilegjuara. Në Shqipëri gjatë pushimeve verore u njoha me një djalë, që është edhe babai i vajzave të mia. Nga ballkoni në ballkon bënim shenja, përshëndeteshim. Asnjëherë nuk takoheshim, sepse tek gjyshja kisha edhe katër dajat. 14 vjeç një gocë kaq e vogël nuk mund të dashurojë, mendoj se ishte pjesërisht edhe gabimi im dhe i nënës time.

Unë kam vetëm mamin, sepse prindërit e mi ishin të divorcuar. Kam pasur dy prindër shumë të mirë, është një nënë shembullore për mua. Duke na rritur vetëm dhe duke dhënë fjalën gjyshi, mamaja ime pranoi fjalën e gjyshit dhe mendoi se edhe mua mund të më siguronte. Është shumë e vështirë një nënë e vetme të rrisi një vajzë në moshën time edhe një djalë. Brenda tre ditësh u bë fejesa, erdhëm në Shqipëri, shkollën e lashë, nuk munda ta vazhdoja më për arsye ekonomike, djali më mori tek shtëpia, sepse rrija tek shtëpia e gjyshërve. 14 vjeç kam vajtur tek shtëpia e burrit pa dasëm“.

Arditi: Sa vjeç ishe kur mbete shtatzënë për herë të parë?

Katerina: Isha 15 vjeç shtatzënë dhe 16 linda vajzën, Anxhela.

Arditi: Më pas vijnë në jetë edhe dy vajza të tjera.

Katerina: Emili dhe Evelina, e madhja Anxhela është 10 vjeçe, e vogla 5 dhe tjetra 3.

Arditi: Mund të më thuash kur filluan problem me bashkëshortin që sot është ish-bashkëshorti.

Katerina: Kur goca ishte 3-4 vjeçe ai ka qenë shumë xheloz.

Arditi: Po pse?

Katerina: Nuk e di pse, ndoshta sepse ishte 12 vite më i madh se mua, kishte ndonjë frikë.

Arditi: Ti në shtëpi rrije?

Katerina: Unë në shtëpi nuk punoja, edhe për të dalë një xhiro duhet të dilja me vjehrrën dhe vjehrrin ose me burrin.

Arditi: Atëherë, për çfarë ishtë xheloz ai ?

Katerina: Nuk e di, thjesht ishte xheloz për çdolloj gjëje, unë i kërkoja të shkoja në punë, nuk shkoja dot në punë, kërkoja të dilja me kunatat e mia duhet të merrja leje dy ditë para, të shkoja tek mami gjithmonë do kisha probleme, pasi linda gocën mami njëfarë kohe ka jetuar në Tiranë, sepse tashmë ishte edhe ajo e rimartuar.

Arditi: Kur vendosët të ndaheshit ?

Katerina: Vendosa të ndahesha pas dhjetë vitesh martesë.

Arditi: Sa ishte vajza e vogël kur u ndatë ?

Katerina: Ishte një vjeçe.

Arditi: Ndarja si ishte me mirëkuptim ? Ndarje e dhunshme?

Katerina: Ka pasur disa ndarje, ndau, lidhu për fëmijët, sepse ishin ata në mes.

Arditi: Si përfundim, ju u ndatë ?

Katerina: Po u ndamë.

Arditi: Po fëmijët?

Katerina: Bëmë një gjyq fëmijët janë në kujdestarinë time, të treja vajzat. Këtë pjesë të jetës, sigurisht përveç 3 vajzave të mrekullueshme, Katerina e ka lënë pas. Të tashmen dhe të ardhmen e sheh me Emanuelin.

Katerina: Pas divorcit, u njoha me një djalë, ai jetonte në Gjermani, ka emrin Emanuel, është një person shumë i mirë, shumë i afërt. Për mua është shumë i bukur. Ne u njohëm përmes shoqërisë në Facebook. Gjashtë muaj me kamerë ndezur, natë e ditë, në punë, në shtëpi. Ai më thoshtë Katerina hajde në Gjermani, ku punonte në lokalin e motrës, Fabjola ka një restorant atje në Duseldorf, ku jeni të mirëpritur. Atë nuk e kam takuar asnjëherë ballë për ballë, por kam një kontakt shumë të mirë, e di çfarë femre është, e adhuroj për atë që është ajo. Të treja motrat i ka shumë të mira, por me Fabjolën kam një lidhje të veçantë.

Arditi: Më trego pak momentin e parë kur u takove me Emanuelin.

Katerina: Më tha do vijë unë në Tiranë, nuk e besova, unë punoja në një hotel recepsioniste, ishte një hotel familjar. Më tha më jep emrin e hotelit, por unë nuk ia dhashë.

Arditi: Sa kohë kishe që flisje me Emanuelin ?

Katerina: Gjashtë muaj.

Arditi: Gjashtë muaj dhe i tregove që ke tre vajza?

Katerina: Këtu qëndron problemi, unë nuk i kam thënë, se jam një njeri që nuk hapem shumë. Është sot hera e parë që unë po hapem. Unë i kam thënë vetëm që isha një nënë e divorcuar dhe kisha një gocë.

Arditi: Nuk i the që kam tre.

Katerina: Jo.
Arditi: Po ç’ndryshim kishte një nga tre ?

Katerina: Doja ta shikoja se çfarë kapaciteti ai kishte në rast se nuk do fliste më, unë nuk kisha pse i jepja sqarime për jetën time private. Atij nuk i bëri përshtypje. Për momentin ai është agjent shitjesh këtu në Shqipëri dhe unë dua t’i kërkoj ndjesë sepse është shkëputur nga Gjermania. Nuk e lë në asnjë moment të kthehet.

Gazetarja e emisionit “E Diela Shqiptare” shkon në zyrën ku punon Emanueli dhe i thotë se për të ka një mesazh, i cili pranon me kënaqësi të shkojë në studio. Emanueli nuk e ka idenë se kush qëndron në anën tjetër të murit në studio, por emocionet pasi sheh në ekran personin që shfaqet aty.

Emanuel: Është dashuria e jetë sime.

Katerina: Doja të kërkoja falje, sepse ke ardhur në Shqipëri vetëm për mua, ke pasur një jetë shumë të mirë.

Emanuel: Mendoj se kam këtu Gjermaninë.

Katerina: Dua të falenderoj, që do të treja gocat e mia. Je përkrah meje dhe nuk më ke paragjykuar dhe nuk më ke dalë kundër asnjëherë. Në jetën time derisa të vdes do jesh edhe ti.

Emanuel: Jeta të jepet një herë të vetme dhe t’i je kuptimi i saj, dashuri. Se prisja nga ty këtë. Të dua shumë.

Nga ana tjetër, Fabjola, motra e Emanuelit e cila po shikonte gjithçka po ndodhte, i tha Arditit se ishte e surprizuar dhe njëkohësisht shumë e lumtur për vëllain e saj.

Fabjola: Shumë emocione, shumë e surprizuar. Jam shumë e lumtur për vëllain tim. Është më i bukur nga dashuria.

Arditi: E dije historinë e saj?

Fabjola: Nuk e dija, dija vetëm qe kishte një gocë. Është një fatkeqësi që ka ndodhur. Nëse vëllai im është i lumtur edhe unë jam shumë e lumtur, sepse dua vëllain, do dua edhe nusen.

Dashuria pa kushte është dashuri e vërtetë. Fabjola jo vetëm që nuk u zgjënjye nga zgjedhja e vëllait por i premtoi Katerinës se do e konsideronte si motrën e saj. Sepse të thuash të vërtetën, të bën gjithmonë të lirë. /tvklan.al

Braktisi Gjermaninë për 25-vjeçaren, djali mëson në emision historinë e saj Read More »

Rrefehet Anila Basha: Kam shkuar edhe tek Hoxha për të gjetur burrë,ja çfarë më tha

Intervista, ShowBiz / /

E ftuar në emisionin “Xing me Ermalin” gazetarja Anila Basha ka rrëfyer edh mjaft histori personale.

Një ndër historitë që u dëgjua me jo pak vëmendje, ishte historia me hoxhën, ku Anila kërkonte “fatin e jetës”.

“Më thotë një nënë që diku në Dajt është një hoxhë. Thashë po e provoj, vendosa një kapuç për të mos më njohur. Shkova atje, isha e dhjeta në radhë, njëri kishte lopën, tjetri dhinë, unë prisja burrin. Erdhi radha dhe nëna i tha që dikush më kishte bllokuar fatin, që s’po më dilte burri. ‘Afrohu afrohu’- më tha hoxha. U tremba, thashë çfarë do më bëjë ky tani. Më pa dhe më tha që më kanë bërë magji.

Shkruajti arabisht në 7 fletë e më tha që çdo natë në orën 12:00 do dalësh në ballkon, do shohësh hënën dhe do t’i lutesh Zotit të prishë magjinë. Do marrësh edhe këtë hirin dhe do e hedhësh në vazon e një luleje, tha. Mora letrat, ika.”- tregoi Basha, rrëfimi i së cilës shkaktoi të qeshura tek publiku.

“Fillova të hënën, kur isha në ndonjë emision, përshembull tek Fevziu i thoja: mbaroje se duhet të kap orën 12 të djeg letrën. Ditën e premte më thanë shoqet të iknim në disko. Nuk pranova s’e kisha hallin e letrës. Mu lutën dhe thashë po e djeg atje. Si përfundim, nuk arrita ta merrja hirin se më shikonin njerëzit. Kishte radhë, unë i thoja hapni rrugën s’e kam hall burri. Si përfundim m’u prish magjia ditën e pestë!-tha gazetarja Basha.

Rrefehet Anila Basha: Kam shkuar edhe tek Hoxha për të gjetur burrë,ja çfarë më tha Read More »