Debat

Kryeministri Edi Rama pavarësisht se ka pasur një axhendë të ngjeshur, ka shkëmbyer edhe një sërë komentesh me qytetarët në rrjetet sociale.

Teksa mbahej Asambleja Kombëtare e Partisë Socialiste, mjaft ndjekës i kanë adresuar komente të shumta.

Shefi i qeverisë ka zgjedhur t’i përgjigjet disa prej tyre:

Qytetari: Ne 100 ditet e para, bete goxha vrime ne uje. Qeverisja ne disa ministri, thuajse e munguar..!
Reforma ne drejtesi e ajo ne administrate, me hapat e breshkes.

Rama: Mvaret si e sheh dhe mbi cfare baze e ben vleresimin Avni, por ne te vertete qe te dyja reformat qe permend kane ecur sipas parashikimit dhe kete nuk e them une, po e thote Komisioni Europian!

Qytetari 2: vetem gremin po shofim dhe akoma me keq ka per tu bo me kto taxat qe vetem i rrit,tpakten do maesh mend si kryeministrri qe varferove shqiptaret

Rama: Cfare taxe te eshte rritur ty Koli apo e ke me te degjuar?

Qytetari 3: Lerini ystifikimet ne duam Pune duame Legalizim ngritjn e rrogave dhe te vini te gjith at qe Kane vjedhur korruptuar ju kemi dhen voten dhe duam drejtesi.

Rama: Gezim, nuk e di per cfare justifikimesh e ke fjalen, ndersa sa per punen kush e do e gjen; legalizimin kush e meriton e ka marre dhe do ta marre; rrogat jane rritur e do rriten perseri; drejtesine do ta beje drejtesia jo qeveria!

Deklarata e sotme të Edi Ramës, që Monika Kryemadhi i ngjan me Eleonorën, kanë sjellë reagime të shumta nga ana e LSI-së.

E para ishte vetë kryetarja Monika Kryemadhi, që me një deklaratë të shkurtër, i dha përgjigje flakë për flakë Ramës. Pas tij kanë ardhur edhe reagime të tjera.

Një reagim i ashpër ka ardhur edhe nga anëtarja e kryesisë së LSI-së, Elona Guri.

Ja çfarë shkruan ajo në Facebook:

Me Botox e Detox.

Me Leonorat në shtëpi e në Qeveri…

Edhe një Eleonor që e kishin ca të tjerë, tani e ka ai!

“Bora” i ka zbardhur tej për tej, zyra, shtëpi, fusha e male…

Viti i ri do ta gjejë, Ed Ram Beun plot me halle!

Në mbledhjen e fundit të këshillit bashkiak një tjetër anëtare e LSI-së iu shkëput kësaj partie dhe bashkoi votat me PS-në për të votuar buxhetin për Tiranën. Bora Panajoti është një nga katër këshilltarët që Veliaj i ka marrë LSI-së në pak muaj. Pse votova Pro buxhetit të Tiranës?

Së pari, votova buxhetin sepse detyra ime si këshilltare ishte që me datë 21 Dhjetor, në mbledhjen më të rëndësishme të vitit, të isha në sallën e këshillit bashkiak dhe jo në protestë për të mbështetur deputetët. Mbrëmjen e datës 20 u njoftova me mesazh që grupi i këshilltarëve kishte vendosur të mos shkonin në mbledhje me motivacionin që nuk kishin pasur kohë të bënin dëgjesat publike e të lexonin materialet e buxhetit për shkak të situatës politike. Kjo është papërgjegjshmëri duke qënë se materialet na kishin ardhur brenda afateve dhe sepse detyra parësore e secilit prej këshilltarëve është të jenë zëri dhe dora e qytetarëve në këshill. Për këtë na kanë votuar, kjo është detyra jonë.

Së dyti, unë në Këshillin Bashkiak hyra me votat e zonave rurale “ish komunave”. Buxheti që unë votova është një buxhet ku i jepet përparësi zhvillimit të këtyre zonave. Për 1 vit rrjesht, në cdo fjalë që kam mbajtur, kam kërkuar me ngulm të bëhej rruga e Krrabës e ura e Qehasë në Petrelë. U bënë! Si mundem unë të dal para atyre që më votuan dhe t’i them që unë bojkotova buxhetin e tyre, që bojkotova rikonstruksionin e rrugës Agallarët në Farkë, shkollën e re që do bëhet në fshatin Mihajas, rikonstruksionin e shkollës së Bërzhitës? Nuk munda dot. Edhe 100 herë të vihem para një vendimarrje të tillë, të 100 herët do zgjedh qytetarët dhe jo lojrat politike.

Së fundmi, dua t’i drejtohem ish kryetares sime, znj. Kryemadhi për t’i kujtuar që unë nuk jam “ajo goca”, unë jam Bora që ti, deri dje, u thoje qytetarëve nëpër takime që isha studentja e shkëlqyer dhe që dëshiroje që edhe Bora vajza jote, të bëhej si unë.

Dua të të jap një këshillë që e ka shprehur aq bukur populli “Mos i mat të tjerët me metrin tënd”. Mua nuk me intimidon dot me deklaratat e tua për një arsye të vetme sepse unë hyra në rrugën e politikës për t’i shërbyer sadopak vendit tim. Mua nuk më blen dot askush as me lekë e as me karrige se kam që nga mosha 17 vjeç që nuk e kam lënë për asnjë ditë punën e njëkohësisht shkollën me rezultate të larta. Karrierën time e shoh në profesionin tim, ajo është pika ime e fortë. Por e kam edhe unë një të metë. E meta ime është se nuk eci dot në rrugën e një lideri që nuk më inspiron e nuk është një shembull i mirë për mua.