Sot pasdite në amfiteatrin e Tiranës u mbajt aktiviteti për llogaridhënin e qeverisë. Kryeministri Edi Rama iu përgjigj pyetjeve që kishin qytetarët. Por, nuk ishin të pakta ato pyetje kur shkaktuan edhe të qeshura në publik.
Rasti i parë
Qytetari: Faleminderit shefi i madh, ti je arkitekti i ndryshimit.
Edi Rama: Leji këto dhe bëni pyetje nga ato, nga muhabetet që bëni përditë prapa krahëve.
Qytetari: S’janë prapa. Unë kisha një kërkesë për lali Erin. Vërtetë i ka rritur ato taksa, por ne jemi dakord si qytetarë të Tiranës, por vetëm që të rrisë çik pagat për Bashkinë. Se na “ngordhi” në punë. 24 orë në 7 ditë në 365 ditë të vitit.
Edi Rama: Duke gjykuar nga perimetri i barkut tënd, mendoj që duhet të punosh më shumë se je jo vetëm larg “ngordhjes”, por rrezikon nga ngarkesa e tepërt.
Rasti i dytë
Qytetari: I nderuar Kryeministër, të falenderoj…të tilla evente duhen gjithmonë. Nëse të kujtohem jam ai drejtori i famshëm i asaj zyrës luksoze të TVSH-së. Nuk dua të kërkoj punë…
Edi Rama: Drejtori i famshëm i kujt?
Qytetari: I asaj zyrës luksoze. Nuk e di nëse e mban mend apo jo në 2015.
Edi Rama: I cilës zyrë luksoze?
Qytetari: Te TVSH-ja.
Edi Rama: Te tvsh-ja e biznesit të vogël?
Qytetari: Radio Televizioni Publik Shqiptar. Unë nuk dua të kërkoj punë në fakt, jo se i kam punët mirë, i kam shumë herë më keq. Por nga trashëgimia që kam nga familja ime e kam pritur këtë ditë të të falenderoj për drejtësinë e mbajtur në atë kohë ndaj meje. Dhe të jam mirënjohës jo vetëm ty, por të gjithë atyre që më mbështetën në rrugën time sepse isha i vetëm dhe vetëm juve ju kisha si pikë referimi për drejtësinë. Në radhë të dytë, nëse do më lejoje të falenderoj në emrin tim të familjes dhe të gjithë atyre anëtarëve që më kanë mbështetur, por të kërkoj dhe 2 minuta kohë nga koha jote që të paktën të të flisja përballë nga afër, jo publike.
Një grua nga Korça ka denoncuar në emisionin “Me zemër të hapur” ish-burrin e saj. Akuzat kishin të bënin me dhunë dhe keqtrajtim. Por, vetë ish-burri reagoi përmes një lidhjeje telefonike duke thënë se ajo po mashtronte, madje i kishte marrë dhe shtëpinë.
“Më dhunonte gjatë gjithë kohës, por durova se nuk kisha ku të shkoja. Pasi më rrihte më nxirrte jashtë natën, bashkë me tre djemtë dhe vet rrinte brenda në shtëpi”. Ky është rrëfimi prekës i Xhulietës, nënës me tre fëmijë, e cila është divorcuar pas një martesë 10-vjeçare. Teksa është bërë protagoniste e emisionit ‘Me zemër të hapur’ Xhulieta tregoi se si ish-bashkëshorti nuk sillej mirë me të, madje as me fëmijët.
“Më ka dhunuar gjithmonë. Duroja se s’kisha se ku të mbështetesha. Nuk kisha as mbështetje, pasi si kisha prindërit. As vëllezërit e mi s’kishin mundësi. Kur bëra djalin e tretë, aty më dhunonte më shumë. Ai punonte në komunë. Nuk e di nëse kishte lidhje jashtëmartesore, por e mendoj. Nuk e kam të vërtetuar. Sjelljet e tij ishin të dhunshme. Më rrihte në sy të fëmijëve, kishte raste që nuk vinte fare në shtëpi. Pasi punonte si polic dhe tek fabrika e miellit. Unë rrija brenda me tre fëmijët. Vendosa të largohem në 12 shtator të 2014. Erdhën vëllezërit e mi. Dhe me ata është zënë është përleshur. Ai i lajmëroi dy vëllezërit dhe xhaxhain tim, më përcolli me ata. Unë nuk doja të ikja, pasi nuk kisha ku të shkoja me fëmijët. Ndoshta kishte lidhje jashtëmartesore dhe e kishte planifikuar ndarjen. Ai pasi më dhunonte, më nxirrte jashtë me fëmijët, vet rrinte brenda”, tha Xhulieta.
Pas divorcit me vendim gjykate u ndanë edhe fëmijët, njeri prej djemve edhe pse është ne kujdestarinë e babait jeton aktualisht me nënën për shkak se dhunohej. Një tjetër kalvar vuajtjesh i ka ndjekur pas, ish bashkëshorti ka kaluar pasuritë e tij ne emër të vëllait duke mashtruar dhe duke hequr nga vetja përgjegjësitë. Xhulietes i duhet te luftoje e vetme për të rritur dy djemtë ndërkohë i madhi jeton me te atin dhe refuzon ta takoje. Ajo kërkon ndihmë që fëmijët të rriten e shkollohen si të gjithë bashkëmoshatarët e tyre dhe I ati të jap kontributin e tij si prind.
Ndërkohë, në një lidhje telefonike për emisionin, ish-bashkëshorti i Xhulietës, Valmiri mohoi të gjitha akuzat, ndërsa deklaroi live se gjithçka është mashtrim. Ai tha se ish-gruaja ishte mashtruese dhe se i kishte marrë shtëpinë dhe se e kishte lënë në mes të katër rrugëve. Ai tha se nuk e kishte dhunuar kurrë as ish-gruan dhe fëmijët.
“Është përgatitur që ka ardhur aty ajo. Ajo e nderuara më ka mashtruar me pronat, më mori shtëpinë dhe e vuri në emër të vjehrrës time. Më lanë jashtë. Më lanë në mes të katër rrugëve. Unë jam gati të vijë dhe në studio. Në këto vite marrëdhëniet tona kanë qenë të shkëlqyera. Pasi kërkoja të drejtën time. Kurse ajo krisi dhe iku më la me tre fëmijët. Se kam dhunuar kurrë, as për ujë nuk e çoja, pasi më thoshte; shko vetë. As djalin se kam dhunuar kurrë. Ka surrat ajo që del aty, vetëm njeri nuk është. Unë të flas me dokumente, ti flet me fjalë. Shtëpinë e ka të nënës dhe babait ajo. Ça kishte tek unë, i mori. Veç lëkurën të më marrë tani. Ajo në tre vjet nuk u dha djemve për një palë çorape. Ajo më mashtroi dhe më vodhi”, tha Valmiri.
Drita dhe Sabrija janë dy zonja që kanë patur të njëjtin bashkëshort. Ato sot ishin protagoniste të seancës së ndërmjetësimit në “Shihemi në Gjyq”, pasi bashkëshorti i tyre ka ndërruar jetë, duke i lënë në konflikt për një pasuri.
Drita është martuar në vitin 1984 me ish – bashkëshortin, Shaqirin dhe sollën në jetë dy fëmijë. Pas disa vitesh ajo vendosi të emigronte në Itali për të krijuar një ekonomi më të mirë, duke menduar se më pas do t’i bashkohej edhe Shaqiri me fëmijët. Ndërkohë që në vitin 1991 kishin përfituar 2500 metra katrorë tokë bujqësore në bazë të ligjit 7501, ku ndërtuan me të ardhurat që fitonte Drita.
Familja u bashkua në Itali në vitin 2000, por Shaqiri vendosi të kthehej në Shqipëri, të divorcohej nga Drita dhe më pas të martohej me Sabrien, pa e vënë në dijeni nënën e fëmijëve të tij
“Kjo ma mori burrin, tha se do kishte pasuri. E mbushi xhepin plot dhe më vinte deri në Berat!”, u shpreh Drita. Ndërsa Sabrija tregoi se i ka prezantuar një e afërmja e Shaqirit dhe duke qenë se në gjendjen civile rezultonte i divorcuar, pranoi të martoheshin.
Drita – Ti ke ardhur e më ke shkatërruar jetën! Më ke shkatërruar fëmijët mua!
Sabrija – Nuk ta shkatërrova unë jetën moj zonjë që më solle këtu!
Drita – Fëmijët i rrita vetë se ti nuk i doje të shtëpia jote! Ti më ke shkatërruar se ke firmosur!
Sabrija – Ti deshe vetë dhe ike! Unë isha jetime, pyeta gjendjen civile, nuk ishte i kurorëzuar dhe unë e mora atë.
Drita – Do ma gjejë zonja Eni të drejtën e fëmijëve të mi!
Sabrija rrëfeu se ka qenë e martuar më parë, por bashkëshortin ia vranë dhe ngeli e vetme me tre vajzat e saj. Kur u martua me ish – bashkëshortin e Dritës, ajo nuk e dinte që ishte i sëmurë dhe tha se ka vuajtur për 16 vite me të.
Drita e ndërpreu duke thënë se ia ka marrë bashkëshortin për lekët e tij dhe se nuk kishte qenë i sëmurë në atë kohë. Por Sabrija tha se nuk kishte informacion për pasurinë e Shaqirit dhe se u martua me të për të kaluar jetën sepse ishte e vetme.
Juristja Eni Çobani tregoi një deklaratë noteriale, ku Shaqir Avdillari, Sabrije Nexhipi, Marjeta Avdillari dhe Sokol Avdillari kanë firmosur për t’ia dhënë shoqërisë “Pirgu” pronën me cilësinë e sipërmarrjes. Por Sabrija tha se nuk ka firmosur në këtë deklaratë noteriale, pasi nuk di të shkruajë e të lexojë, si dhe tregoi që bashkëshorti nuk e ka përfshirë në këtë situatë.
Ndërkohë që Drita u shpreh se në deklaratën noteriale është vendosur Sabrije Nexhipi me atësinë e saj, pra me emrin e babait të saj, Samiut.
Sabrija –E ka bërë kunati im, e ka falsifikuar.
Drita – Të lutem shumë! Kunati jot dhe kunati im, Xhevahir Demneri dhe Sali Avdillari të vijnë atje të hedhin firmat se kështu më thanë.
Sabrija – Unë kam vuajtur 16 vjet me atë burrë, s’më lë dhe kjo tani rehat! Nuk haja bukë me javë dhe ti më sjell këtu!
Drita – Te burri jot do shkosh ti moj! Do më japësh përgjigje se më more burrin!
Sabrija – Nuk ta mora burrin moj, ti ike në Itali me fëmijët. Nuk e dija, unë isha jetime.
Drita – Ma shkatërrove familjen! I rrita fëmijët vet, nuk m’i rrite ti që më hëngre djersën e fëmijëve të mi dhe timen!
Zonja Eni tregoi se ish – bashkëshortët Avdillari kishin vendosur që Drita të punonte në Itali për pak kohë në mënyrë që të mblidhnin të ardhura. Por kur ajo do të kthehej në Shqipëri mësoi nga të afërmit që Shaqiri ishte martuar me dikë tjetër. Ai kishte përfunduar të gjitha procedurat e divorcit në mënyrë ligjore pa e lajmëruar fare Dritën lidhur me këtë fakt.
Juristja Çobani shpjegoi se pjesëtare e pasurisë së familjes bujqësore është Drita dhe jo Sabrija, ndaj dhe nuk kishte pse të firmoste kjo e fundit në deklaratën noteriale për dhënien e tokës. Ajo gjithashtu tregoi se në dokumente të ndryshme Sabrijes i janë vendosur të dhënat e Dritës dhe herë është përdorur mbiemri i bashkëshortit të saj të parë e herë e bashkëshortit të dytë.
“Ka patur falsifikime të njëpasnjëshme në disa kontrata. Këtu problemi është që pjesa më e madhe e kësaj pasurie është shitur për së gjalli, kur zoti Shaqir ishte gjallë. Ai pa firmën e zonjës Drita ka shitur pasuri, apartamente, mbi të cilat janë bërë dhe ndërtime. I ndjeri i ka shitur, ka marrë paratë dhe ka jetuar”, tha Eni Çobani.
Por përspos kësaj, Drita pretendon se janë falsifikuar edhe firmat e fëmijëve të saj, pasi ata kanë qenë në Itali dhe nuk kanë firmosur në asnjë dokument.
Sabrija nga ana tjetër e përlotur tha se të gjitha këto falsifikime i ka bërë kunati i saj, i cili edhe atë e ka lënë pa gjë. “Unë jam pa shkollë, ata ma fusin kur të duan moj motër! Duan vetëm të hanë, mua më lanë pa bukë!“, u shpreh ajo.
Një fakt tjetër i rëndë është një certifikatë që gjendet në dosjen e shit-blerjes së pronës. Certifikata e lindjes është me gjeneralitetet e të birit të Dritës dhe Shaqirit, Sokol Avdillarit, por me fotografinë e Artur Avdillarit, djalit të vëllait të Shaqirit.
Drita akuzon për gjithçka Armand Dilen, i cili ka ndërtuar apartamentet në pronën e tyre. Ndryshe nga Drita, Sabrija akuzon kunetërit duke thënë: “Kunetërit e mi e morën në qafë se e mernin me të mira dhe ai gënjehej me një karamele. Nuk qante një hall për shtëpinë e vet, por qante vëllezërit e tij”.
Përsa i përket pretendimit të Dritës që Shaqiri nuk ishte i sëmurë kur ishte me të, moderatori i emisionit “E Diela Shqiptare”, Ardit Gjebrea tha se ai mund të jetë sëmurur gjatë 4 viteve që ajo ka qenë në Itali dhe nuk janë parë.
Drita – Kjo kushedi… rrezik se i ha burrat! Kësaj i vdiq i pari, i vdiq dhe i dyti.
Sabrija –S’jam unë moj, është Zoti. E kam zemrën e mirë unë!
Drita – Ça zemre më thuaj ti moj? Ti po i ha! Dashke dhe të tretin ti.
Sabrija Sabrija nuk i ha burrat, është fatkeqësi e zezë!
Dita – Moj zonjë ti e ke marrë tamam burrin tim, s’e ke marrë të sëmurë!
Sabrija –Ai ishte me diabet, e bëri me zemër. Merr pensionin Xhevahiri, por gjynah nga Zoti t’ia hajë kunati dhe mos t’ja haj unë që i bëra hysmet. Kunetërit më futën në hak, tani s’më lë as kjo rehat!
Publiku i emisionit “E Diela Shqiptare” në këtë seancë ndërmjetësimi i dha të drejtë Sabrijes, pasi e besuan që nuk ka ndërhyrë për të përfituar në pasurinë e Dritës.
Juristja Çobani u shpreh se janë kryer shumë veprime të kundraligjshme, të cilat do të kenë pasoja juridike shumë të rëndësishme mbi ata persona që i kanë ndërmarrë këto veprime.
Drita është bashkëpronare në këtë pronë bujqësore, ndaj duhet t’i drejtohet gjykatës dhe Prokurorisë së Rrethit Gjyqësor Tiranë për të nxjerrë të pavlefshme të gjitha kontratat e shitjes së kësaj pasurie. Ndërsa Sabrija, pas vdekjes së bashkëshortit, ka trashëguar pjesën e tij të pasurisë.
Juristja – Të lutem qetësojeni shpirtin! Jeni dy zonja, e kuptoj që nuk është e lehtë kjo që keni ndarë një burrë, por shikoni …
Drita – Aman se ishte yll. Ma mori kjo!
Sabrija –Ishte si ishte, ishte i Zotit ai. Ishte yll a ishte i keq ai, e ka bërë Zoti dhe s’ke punë ta shash atë ti sot. Të lutem shumë mbaje vendin aty, e kam patur unë në momentin e fundit, jo ta shash ti!
Drita – Moj nuk e shaj burrin se ishte dhe i imi. Unë e mora beqar!
Sabrija –Lavdërohu me atë bukurinë që ke ti. Aman moj aman ti!
Seanca e ndërmjetësimit në rubrikën “Shihemi në Gjyq” përfundoi me sukses, duke bërë të mundur që dy zonja që kanë patur një bashkëshort, tanimë të bashkohen për të një qëllim, të rifitojnë pasurinë që u takon./tvklan.al
Ishte qesharak debati i dy ditëve më parë mes Fate Velajt dhe Auron Tares, i pari deputet dhe këshilltar i Kryeministrit Rama për Diplomacinë Kulturore – më shumë se si njeri i kulturës, ai është i njohur si adhurues deri në budallallëk i Ramës – dhe i dyti shok i vjetër i kryeministrit që priti gjatë dhe me durim të merrte një llokëm pushteti pas fitores së Partisë Socialistë pesë vjet më parë – Agjencinë Kombëtare të Bregdetit, e cila u krijua enkas për të.
Debati dukej qesharak për ata që nuk janë edhe aq të informuar për pozicionet shtetërore dhe shoqërore me kryeministrin të këtyre dy personazheve, dhe alarmues për ata që dinë diçka më shumë për fijet që i lidhin ata njëri me tjetrin.
Për ta bërë pak më të qartë situatën vlen të thuhet që pak ditë më parë udhëtuan drejt Shqipërisë një delegacion me rreth 50 arbëreshë nga komunat Casalveçhio di Puglia dhe Lungra.
Qëllimi i tyre ishte përkujtimi i 551 vjetorit të betejës së fundit kundër turqve që u kurorëzua me vallen e fitores dhe 567 vjetori i kurorëzimit të dasmës së Skënderbeut me Donikën.
Në dukje kjo ishte një vizitë e zakonshme e një grupi arbëreshësh (nuk është hera e parë që vijnë në Shqipëri), por më vonë doli se ajo ishte një iniciativë e Fate Velajt për të mbuluar shpenzimin e 25 milionë lekëve me një aktivitet në Kaninë që siç u tha nga ata që ishin aty, më shumë se riprodhimi i dasmës së Skënderbeut ishte një grumbullim fshatçe i ca njerëzve, të veshur me kostume popullore arbëreshe, të lodhur nga vapa dhe mungesa e ujit që kënduan dhe u larguan në heshtje.
Mirë a keq, Fatja i justifikoi paratë dhe u largua i lumtur dhe me keq akoma i bindur se qëllimi ishte përmbushur.
Por ja që nuk ishte e thënë të kalonte edhe aq në heshtje shpenzimi kot i një buxheti të tillë. Sepse shoku tjetër i Ramës, drejtori i Bregdetit, i lodhur tashmë nga dita bosh dhe buxheti jo siç e kishte ëndërruar i agjencisë së tij, nuk lë raste të tilla t’i kalojnë kollaj.
Nëse deri tani Auroni e ka nxjerrë inatin duke shfryrë nëpër tavolina, ky aktiviteti i Fates e nervozoi me tepër së zakonisht ndërkohë që mendonte se po t’ia kishin dhënë atij do t’i shpenzonte ato para në mënyrë më të kulturuar dhe të denjë.
Gjakrat janë nxehur akoma më shumë edhe për faktin se miqtë e vjetër ka kohë tashmë që nuk begenisen më nga kryeministrit dhe kanë ngelur si lypsarë, në krye institucionesh pa ndonjë vlerë (rasti Tares), apo personazhe alla Don Kishot (rasti i Fates), që ardhja në pushtet nuk u shërbeu për të përmbushur ëndrrat e mëdha që kishin.
Pra ndërkohë që kryeministri – miku i vjetër që dikur u premtoi qiellin – është i zënë me oligarkët, Auroni dhe Fatja zihen me njëri tjetrin për 25 milionë.
I pari e shau të dytin për aktivitetin mediokër dhe të turpshëm, i dyti e quajti të parin gjarpër me helm.
Të gjitha këto për ato të shkreta 25 milionë lekë.
P.S. Thonë se Rama në fillim u argëtua me sherrin që provokoi pa dashje, por pasi pa se përplasja mori përmasa publike, i ka thirrur të dy shokët e u ka dhënë dru për performancën aspak të mirë në publik. Por Auroni dhe Fatja janë betuar se nuk do të pajtohen, dhe jo vetëm kaq.
Ata do të vazhdojnë të jenë vigjilentë për çdo qindarkë që kryeministri u jep të tjerëve për t’i kujtuar Ramës së edhe ata janë frymorë që presin ndonjë kockë prej tij./Pamfleti.com
Përveç tensionit që pati mes gazetareve Arjan Çani dhe Denis Dyrnjanja, ne emisionin e Artur Zhejit nuk ka munguar as braktisja e emisionit nga të ftuarit, për shkak të mungesës së seriozitetit në trajtimin e temës së ditës.
Kështu, i ftuar në një lidhje me Skype nga Bostoni, analisti Ilir Demalia është larguar duke mos i kursyer akuzat ndaj drejtuesit të emisionit “360 Gradë”, Artur Zhejit.
Demalia tha:
“Unë po largohem, do ta ndërpres lidhjen me ju sepse unë nuk paguhem nga asnjë njëri si ju. Ju merrni para për tu tallur me njerëzit. Edhe ju si media jeni pjesë e kësaj politike”.
Ndërkohë para se të bëhej mbyllej emisioni, moderatori Artur Zheji i dha leje Dyrnjasë të largohet për të shmangur çdo agravim të mundshëm të situatës, ashtu siç ndodhi gjatë transmetimit direkt.
Gazetarët Arian Çani dhe Denis Dyrnjaja janë përplasur në studion e “360 Gradë”.
Ky i fundit i ka kujtuar Çanit kohën kur erdhi nga Gjirokastra dhe ishte ende duke kërkuar punë.
Më poshtë debati:
Dyrnjaja: Macron ishte në Kongresin amerikan dhe kërkoi që Shtetet e Bashkuara që të rindëhynë për një rend të ri të demokracisë dhe tregut. Të jesh në hapat e parë të këtij rendi që po mendohet të krijohet nëpërmjet Macron dhe Merkel duke menduar të fusin edhe SHBA-të që po dalin duke parë interesat e veta, është një gjë shumë e rëndësishme. Je në kohën atje ku është fillimi je pas kohe atje ku është Çani.
Çani: Nuk po të ofendoj! Argumentet e tua janë tërësisht naive. Ti je infantil. Ti je mësuar të japësh vetëm lajmet dhe thjesht dëgjon ç’thonë lajmet.
Dyrnjaja: Kur jepja unë lajmet, ti haje patate të skuqura me salçiçe nën e Koha Jonë, se kishe ardhur nga Gjirokastra. Mos të kalojmë në personale.
Çani: Unë nuk të fyeva. Ti je kalama përpara meje.
Dyrnjaja: Kur kam bërë unë lajme, ti ishe për një copë picë.
Incidenti që deputeti i PS-së, Erjon Braçe pati me arbitrin e ndeshjes Skënderbeu-Partizani ka hapur një debat të madh në media. Braçe duke iu përgjigjur “Panorama Sport” ka kërcënuar dhe ministra të qeverisë “Rama”.
“Doni qe une te denoncoj korrupsionin? Jeni te bindur? Keni pyetur ne ndermarrje per kete kerkese? Jo per gje, une gati jam, po kam hallin se mos u del zjarr ne themele, bashke me ministra qe nuk bejne detyren, natyrisht!”, shkruan ndër të tjera Braçe në statusin e tij në Facebook.
Ja reagimi i plotë i Braçes:
PERGJIGJE; PUSHKES SE ARMAND DUKES DHE ATIJ QE E SHKREP! E para, me keni telefonuar mbreme dhe, keni kerkuar nje reagim nga une per akuzat e nje gjyqtari batakci, nje shoqate gjyqtaresh batakcinj dhe FSHF ne krye te sistemit ku ata sherbejne. Ju kam thene troc: ME JEPNI NJE PROVE TE VETME KU MBESHTETEN AKUZAT E TE GJITHE KETYRE BASHKE! Jo po shoqata thote keshtu, jo po ai gjyqtari vete ka thene tani keshtu e ashtu-ishte pergjigja juaj. Ju thashe edhe nje here:
ME JEPNI VETEM NJE PROVE QE KJO KA NDODHUR! Ju pres deri kur te doni per kete prove dhe pastaj vjen reagimi. Une nuk mund ti kthehem cdo qeni qe leh ne rruge ndaj meje- kaq, e kam dhe e kemi mbyllur. Nuk ua fsheh; Nuk doja te flisja per ju sepse ju jeni pjese e gjithe ndyresise qe ka krijuar Duka dhe Qarqamani i tij fill pas ndeshjes.
E dyta, Ju shpifni! Nuk di kush nga ju e ka shkruar kete shenimin, ai me te cilin fola dje apo ai tjetri qe ben opinionistin ne biznesin e Dukes, sepse ndryshe nga ju/ti, une kam emer, mbiemer, fytyre dhe nuk i fshihem kerkujt! Po c’rendesi ka! Une nuk kam dale ndonjehere nga selia e PS te flase per avionin me droge ne Divjake. E ktheva permbys arkiven e gazetes Panorama-asaj politike dhe nuk e gjeta nje te tille.
Pooo, une kam shkruar ne profilet e mia, ate dite e ne vijim: Divjaka nuk ka mbjelle kurre droge-te pakten ne keto 5 vitet e fundit jo e jo; Ngjarja ne Divjake sic hetimet e zbardhen, ishte e importuar ne Divjake nga nje bande nga Fushe Kruja, ne qender te saj ishte nje polic i Sali Berishes-atij te cilit ju nuk keni bythe ti permendni emrin dhe gjithesecili i perfshire ne te deri tek piloti, nuk ishin e nuk kishin lidhje me Divjaken. Genjeshtra i ka kembet e shkurtra gjithnje, ju nuk e mesoni dot se nuk u le Duka, nevoja per ti sherbyer atij, pikerisht.
E treta, Ju keni denoncuar korrupsionin e Dukes? Kur keshtu? Harruat cfare bete para, gjate e pas zgjedhjes se tij? Po turp a keni/ke? Hapa arkivin e Panorames-kesaj sportives dhe nuk dita cilin titull te marre me pare nga levdimet tuaja banale-gojore i thone, per Duken dhe rrethin e tij. Po mo po, ju keni shkruar per trukimet por pasi ka vendosur UEFA, kurre me pare. Po mo po, pas atyre qe keni shkruar, ju keni bere prapaktheu dhe i keni mbushur mendjen dynjase se e keqja e Skenderbeut eshte Partizani dhe Erjon Brace, jo trukuesit dhe trukimet, pronaret e sponsoret, nga Duka tek i fundit, perfshire dhe disa lojtare brenda. Po mo po, ju e keni bere edhe kete, por kur edhi radha tek zgjedhja, votimi, ju/ti i dolet zot atij qe eshte ne krye te sistemit te trukimit, domethene paracaktimit te rezultatit te garave te futbollit ne kete vend, Armand Dukes. Kjo eshte diferenca mes meje e jush/teje, une nuk ndryshoj mendim, ju e shisni dhe e blini mendimin!!
E katerta, Ju doni qe une te denoncoj korrupsionin ne “qeverine e vet” (shkruhet “qeverine e tij” o injorant)? Jeni te bindur? Keni pyetur ne ndermarrje per kete kerkese? Jo per gje, une gati jam, po kam hallin se mos u del zjarr ne themele, bashke me ministra qe nuk bejne detyren, natyrisht! Kjo eshte diferenca mes meje e jush; Kur shoh e dokumentoj nje gje qe nuk shkon, eshte e padrejte, e pandershme, klienteliste dhe e korruptuar, une nuk marre leje te flas, e them madje troc ate qe mendoj; rasti i fundit e i qarte eshte ky i koncesionit te Kukesit, para tij ai i koncesioneve ne kanionet e Osumit, para edhe ketij ai i tokave dhene me qira deri tek kriminele te rrezikshem dhe, para para ketyre ai i korrupsionit ne Banken e Shqiperise, e kujtoni qendrimin tuaj ne ate rast, jo?! Do kete prape, rrini e prisni! Tani mos me bezdisni me deri nga darka, kam pune me Andi Koqin si pjese e sistemit, Duken ne krye te tij. Prisni se do lexoni! A pooo, qenka arrestuar presidenti i Las Palmasit sepse ka genjyer me sigurimet shoqerore te te punesuarve te tij-faqja 2 e juaja eshte tepke kjo.
Fate Velaj organizuesi i “Dasmës së Skënderbeut” ka reaguar pas kritikave të Auron Tares, i cili e cilësoi të gjithë organizimin një farsë.
Pergjigjja e Fate Velajt:
DASMA E SKËNDERBEUT/ NJË PËRGJIGJE PËR ATA QË E DUAN SHQIPËRINË VETËM ME FESTA ËMBËSIRASH E MISHI TË PJEKUR
Në Kaninë të Vlorës, në datë 22 Prill, për herë të parë në histori, u festua 567 vjetori i dasmës më kuptimplotë të historisë së kombit shqiptar, asaj të Skënderbeut me Donika Arianitin.
Në një ceremoni modeste, me pjesëmarrjen e një grupi prej 50 Arbereshësh, si dhe të ardhur nga Kosova, Maqedonia, Mali i Zi, Kruja, Tirana, Durrësi, Fieri… e nga Vlora, Kalaja e Kaninës, u rikthye në qendrën e kujtesës kombëtare.
Si ideator dhe organizator i këtij aktiviteti, realizova një ëndrrën time të vjetër, shprehur prej vitesh mes miqsh e, për ta realizuar këtë, ju drejtova përsëri miqve, vëllezërve të mij Kaniniot që e mbajtën në zemër e në mendje këtë ngjarje dhe e realizuam ashtu siç mundëm. Madje, shumë herë më bukur seç kishim mundësitë.
Skënderbeu e Donika, erdhën nga Lungro e Kalabrisë. E donin me patjetër vëllezërit tanë Arbëresh të ishin ata të parët që do e realizonin këtë çift, më të famshmin çift të historisë së Kombit tonë. Ditën e dielë, 22 Prill, Kalaja e Kaninës u mbush me festues, me valltarë nga vise të ndryshme ardhur enkas për të festuar.
Ngjarja e tejkaloi madhështinë por, njëkohësisht, vapa e madhe e asaj dite, nxori jashtë dhe zhapikët e fshehur poshtë gurëve të kalasë shekullore të cilët, filluan të hidhin në hava helmin e tyre. Kuturu. Të kapë kë të kapë e të helmohet kush të dojë. Ata, nuk mbanin përgjegjësi për fatin e zi të atij që do helmohej.
E para u hodh helmi i një ardhuce se dasma ka marrë para publike prej 25 milion lekë. Do ishte mirë të kishte marrë por, nuk mori. Para publike kanë marrë shumë aktivitete në këto 27 vite por jo të gjitha kanë qenë vlerë.
Nuk u morrë asnjë lek nga ministria e kulturës. As nga Bashkia e Vlorës. ZERO. Shkoni pyesni. Hapni dosjet dhe shikoni. Festa u finacua nga djemtë e Kaninës për ta nisur këtë ngjarrje në vitin jubilar të Skënderbeut.
Ishte perfekt? JO. E dimë por, do të jetë vitet e ardhshme.
U tha se ishte qesharake. JO. Ishte madhështore. Ishte dritëruese si dielli që i rrinte në kokë nuses, vajzës së Kaninës dhe djalit të Krujës. Në fjalën time përshëndetëse e thashë se vitin tjetër do të vijnë 5000-10.000 veta në Dasmën e Skënderbeut sepse kjo festë do të jetë e përvitshme. E përhershme. Kjo është DASMA E KOMBIT dhe do jetë e të gjithëve. Dhe vitin tjetër, në atë pas dy viteve e shume viteve do jetë akoma më e bukur.
Më madhështore.
Më vezulluese.
Më verbuese.
Të krahasosh Kaninën me Romën, është groteske. Mjerane. Vetëm buxheti i kulturës së bashkisë së Romës është më i madh se i shtetit shqiptarë.
Është e vërtetë që Kali tërhiqej nga një litar, por, paska akoma njerëz që e shohin kalin nga dhëmbët. Si tja bënim ne momentin e fundit kur personi që na premtoi të na sillte kuajt më të bukur në Shqipëri, nuk erdhi sepse ashtu i doli një punë. Ata kuaj që ti komenton u gjetën orën e fundit.
Çfarë ti thosha unë Arbëreshit që erdhi si Skënderbeu; ndërro këpucët se, diku maleve është dikush që është rritur me Gaius Iulius Caesar (Jul Cesari) e Marcus Antonius (Mark Antoni) dhe i njeh mirë veshjen e tyre, tabjatet e tyre.
Për mos u marrë me çfarë është shkruar, dua tu them se, Shqipërisë, ju shtua një festë domethënëse.
E përvitshme. E përhershme. DASMA E KOMBIT. DASMA E BASHKIMIT.
Ata që janë mësuar ta shohin kalin nga dhëmbët, e duan Shqipërinë vetm me festa ëmbëlsirash. Me festën e mishit të pjekur. Janë ata që kanë 27 vite që merren me analizat se kur iku gjermani i fundit nga shqipëria, në datë 28 apo 29 nëntor 1944 e shpikën festat e tyre. Të revanisë. Të asudesë. Të reshedisë. Të dhisë e të kecit.
Ata që kanë 27 vite që Skënderbeun e bëjnë një herë Serb e një herë Bullgar. Një herë Malazez e në herë Kinez, por asnjëherë Shqiptarë.
Por, kur shohin të realizohet një festë ku mblidhet shqiptarizmi, kërkojnë ta çojnë kalin tek dentisti.
Ejani vitin tjetër në Kaninë. Ejani të shihni si do jetë. Ejani të festoni në vendin më të bukur mbi dhe. Ejani të ndiheni princëror, si njëherë e një kohë. Bashkojuni të ardhurve nga Kosova, Maqedonia, Mal i Zi, Arbëreshëve dhe gjithë Shqipëria.
