Palët vazhdojnë me akuza e kundër akuza ndaj tyre.
Kryeministri Edi Rama ka reaguar pas zhvillimeve të fundit në vend dhe i qan dhe hallin kreut të PD-së Lulzim Basha për situatën ku ndodhet.
Në një postim në Twitter, Rama i drejtohet kreut të PD-së të cilit i thotë se një aktor i papaguar e nxori cullak duke iu referuar audio-përgjimit për Agron Xhafaj.
Ndërsa për sa i përket denoncimit të oficerit Emiljano Nuhu, Rama shkruan se as ai e as Taulant Balla nuk janë fare në komisariatin e Fushë-Krujës ku pretendohet se kanë rrjedhur ngjarjet pas denoncimit të Xhisiela Malokut për djalin e deputetit socialist Rrahman Rraja.
“Nuk të vjen zëri dhe s’ke faj! E di dhe unë sa thellë je futur miku im po s’të ndihmoj dot. Nuk ecet me teatër se ja si vjen puna, del një aktor i papaguar e të nxjerr cullak! Po me kamerat e komisariatit si i bëhet(?)se aty as Taulanti as ai polici s’janë fare! Apo po fle ti tani?”, shkruan Rama në Twitter.
Shërbimi Informativ Shtetëror, Prokuroria e Përgjithshme, policia, SHKB e Ministrisë së Brendshme, Shërbimi Informativ Ushtarak, Njësia e Inteligjencës Financiare, Shërbimi i Kontrollit të Brendshëm të Burgjeve, Departamenti Hetimor Operativ i Ministrisë së Financave dhe drejtoria e Hetimit Tatimor kanë përgjuar të gjithë bashkëpunëtorët e dyshuar dhe kundërshtarët e Sali Berishës për llogari të këtij të fundit.
Rolin kryesor në përgjime e ka luajtur SHISH, gjatë kohës që drejtohej nga Visho Ajazi Lika. Përgjimet e SHISH për llogari të Berishës u zbuluan pas rrëzimit të Berishës nga pushteti, kur një grup i Komisionit për Sigurinë Kombëtare hynë në skutat e errëta të SHISH. Meqenëse edhe vetë Rama ishte përgjuar duke folur për kokat e krimit dhe drogës, jo vetëm nuk mori masa ndaj Visho Likës, por e bëri ambasador. Grupi i kontrollit bëri një raport sekret për përgjimet nga SHISH, por Rama urdhëroi që raporti të mos shqyrtohej dhe të zhdukej.
Në bazë të këtij raporti, përgjimeve të Berishës nuk u ka shpëtuar as gazetari Blendi Fevziu, dikur shumë pranë familjes Berisha. Berisha ka përgjuar sistematikisht Blendi Fevziun, por zbardhja e një komunikimi mes Fevziut dhe një deputeti socialist e ka tërbuar Berishën.
Pjesë e bisedës kanë qenë Argita dhe Shkëlzeni, ndaj të cilëve Fevziu ka mbajtur një qëndrim injorues, madje edhe fyes.
Fevziu kishte ftuar një figurë të PS në emision. Deputeti i PS e paralajmëroi Fevziun se po të vinte në emision do të hidhte akuza ndaj Shkëlzenit dhe Argitës. Fevziu ka shprehur neveri për dy fëmijët e Berishës, ndërsa biseda e tij ka shkuar e transkriptuar në zyren e Saliut.
Kjo ishte edhe arsyeja se pse Berisha dhe Fevziu u divorcuan. Para zgjedhjeve të 23 Qershorit 2013, Sali Berisha ishte në emisionin “Zonë e lirë” të Arjan Çanit në TV Klan, shkoi në emision me natyrë argëtuese si “Apartamenti 2XL” në Vizion Plus, shkoi tek Sokol Balla, por jo në emisionin “Opinion” të gazetarit Blendi Fevziu.
Në bazë të raportit sekret, Berisha ka përgjuar Olldashin deri ditën e vdekjes misterioze. Berisha është shqetësuar shumë kur Olldashi ka nisur të flasë me miqtë e tij për aferat e tmerrshme të Shkëlzen Berishës.
Berisha e ka përgjuar Olldashin edhe për të mësuar planet e tij kundër Lulzim Bashës. Gjatë përgjimit të Sokol Olldashit, Berisha ka arritur të zbulojë edhe kundërshtarët e tjerë të Bashës. Kështu, në listën të përgjuarve, rezultonin Astrit Patozi, Ilir Rusmali, Mesila Doda dhe i gjithë grupi anti-familje në Partinë Demokratike. Janë përgjuar gjithashtu shumë deputetë të Partisë Demokratike, sidomos para zgjedhjeve të 23 Qershorit. Kush ka folur kundër Shkëlzenit është ndëshkuar më pas duke u përjashtuar nga lista e kandidatëve për deputetë apo në forma të tjera më të rënda./Pamfleti
Xhisela Maloku vazhdon të jetë në qendër të vëmendjes, këtë herë në rrjetet sociale ku merr çdo ditë mesazhe të ndryshme. Shumë prej tyre e kritikojnë për stilin e shtrenjtë të jetesës duke i kërkuar “llogari” se ku i gjen paratë. Në një rrëfim për psikologen Ervisa Lula, 24-vjeçarja thotë se nuk është dhunuar apo përdhunuar, ndryshe nga ajo që deklaroi ish-nënkomisari Emiljano Nuhu, i cili në një intervistë për mediat tregoi gjithë ngjarjen që zanafillën e ka në muajin korrik të këtij viti.
“Në radhë të parë i bëj thirrje të gjitha mediave mos të merren më me mua, kjo çështje tashmë i takon prokurorisë! Gjithashtu i lutem dhe politikes të na mbaje jashtë kësaj çështje si mua dhe Rexhepin sepse policia ka bërë detyrën e saj kur unë e bëra kallëzimin. E bëra sepse ndodhi një zënkë mes nesh nga inati dhe xhelozia arrita deri aty, por kjo s’ka të bejë me politikë. Këto janë gjërat tona personale, nëse doni të bëni politike hajde merruni me deputetin në fjalë, me Z. Rrahman Rraja por duke pasur parasysh që ai është një njeri i drejtë po merren ça bën djali i tij që tashmë është 24 vjeç duke më përdorur dhe mua.
Ju lutem mjafttt! Gjendja ime psikologjike është rënduar akoma më shumë me arrestimin e Rexhepit duke e ditur si është e vërteta dhe që unë nuk jam dhunuar apo përdhunuar siç është shprehur Emiljano Nuhu kjo gjë më bën të ndihem keq! Uroj që çdo gjë të shkoj në vend dhe unë jam e gatshme të përballem me prokurorinë për dëshmitë e mia! Sepse herën e fundit kur jam thirrur në prokurori kam pasur një keqkuptim kur më është bërë pyetja po për dhunën a e pranon? Kam thënë s’jam gati të flas për këtë por ato e kanë marrë që unë e pranoj. Pikërisht aty ka qenë momenti që unë të tregoja të vërteten por kam qenë e paqartë!”
Xhisiela Maloku hedh poshtë dhe pretendimet për kërcënime, pas dy intervistave që ajo dha në Top Channel dhe Tv Klan. “Ju lutem mos më gjykoni për jetën time se dëgjoj pafund që thonë: Ku e ke marrë këtë, ku e ke marrë atë? Duke filluar nga atletet, rrobat, gjërat më personale të mijat. Mos paragjykoni kur nuk dini asgjë!”
Gjykata e Krujës dha gjatë javës masën e “arrestit në burg” për Rexhep Rrajën, djalin e deputetit socialist Rrahman Rraja. I riu u arrestua nën akuzën e përndjekjes ndaj Xhesiela Maloku. Është pikërisht ekspertiza mjeko-ligjore ajo që duket se ka mbajtur në pranga Rexhep Rrajën, sikundër dhe një përgjim i kryer më 29 Shtator, gjatë ballafaqimit mes dy të rinjve në Prokurori, ku sërish Rraja, sipas organit të akuzës, ka kërcënuar vajzën.
Analisti i njohur, Ilir Demalia, ka bërë një deklaratë të fortë, teksa ka treguar me emra deputetët shqiptarë, që e kanë kërcënuar me armë apo e kanë gjuajtur me grushte. Demalia është shprehur se rasti më i tmerrshëm kërcënues ka qenë me deputetin Tom Doshi, i cili disa vite më parë i ka vënë pistoletën në kokë.
Po ashtu, edhe socialisti Fidel Ylli e ka gjuajtur me grusht analistin, për disa rrestha që ai kishte shkruar në librin e tij për ish-themeluesin e PD, Gramoz Pashko. Ai akuzoi hapur deputetin e PS, Fidel Yllin, si dhe atë të PSD-së, Tom Doshi se e kanë kërcënuar me jetë, duke i vënë pistoletën në kokë.
“Në vitin 1995, kur Fidel Ylli ishte brigadier i Gramoz Pashkos, kur isha ulur për kafe me Hektor Pustinën, vjen Ylli dhe më drejtohet: U bërë ti morë shkërdhatë të shkruash për Gramozin”, tha në një intervistë për “Panorama” Demaila.
Sipas Demaliajt, Fidel Ylli e ka gjuajtur me grusht ndërsa Tom Doshi i ka vendosur pistoletën në kokë.
“Për t’u kthyer tek ngjarja, Fideli më goditi me grusht. Unë ju ktheva duke marrë karigen për t’i gjuajtur. Në këtë kohë futet Tom Doshi, badigardi i badigardit, Toma më godet nga mbrapa dhe pastaj më vendosi pistoletën në kokë jashtë lokalit megjithë Fidelin. Të dy rrinin të armatosur”,tregon Demalia.
Ngjarja e Xhisela Malokut dhe djalit të deputetit Rrahman Rraja ka qenë kryefjala e komenteve në rrjetet sociale, veçanërisht deklarata e vajzës se “kur bënin sherr digjnin njëri-tjetrin me cigare”.
Por këto deklarata kanë nxitur dhe “fantazinë”e faqeve të ndryshme të rrjeteve sociale, duke bërë humor dhe satirë me këtë ngjarje.
Një prej faqeve më të vizituara në Facebook është “Brryli Broadway”, e cila ka si burim frymzimi kreun e LZHK-së, Dashamir Shehi.
Por një nga fotot satirike të kësaj faqe ka ngjallur reagimin e nipit të deputetit të PS-së, Rrahman Rraja i cili i ka kërkuar që ti fshinë fotografitë për xhaxhajin e tij.
Flori Rraja ka përdorur tone fyesë ndaj administratorëve të “Brryli Broadway”, ç’ka ka i ka bërë që ti publikojnë bisedën kërcënuese në faqen e tyre të Facebook.
“Do e pesoni për të gjitha këto që bëni”, shkruan Flori Rraja.
Deputeti i PS-së, Erion Braçe ka sulmuar ministrin e Financave dhe të Ekonomisë, Arben Ahmetaj gjatë seancës së sotme parlamentare. Bëhet fjalë për një interpelancë të kërkuar nga Bracce lidhur me bilancin fiskal të Federatës së Futbollit, që në fakt është një çështje personale e deputetit me Armando Dukën.
“Kërkoj interpelancë për një çështje konkrete me interes publik. Kanë kaluar 2 javë dhe unë akoma pres. Është neni 80 i Kushtetutës jo pika 80 e dëshirave të mia. Kemi 6 muaj që komunikojmë me shkresa, me lejoni të them se përgjigjet që kam marrë janë tallje. Bëhet fjalë për ligjshmërinë fiskale të një institucioni të caktuar, për detyrimet që përcakton ligji për sportin që duhet të ishin arkëtuar në buxhetin e shtetit prej vitesh”, tha Bracce.
Kërkesës së Braçes i është përgjigjur kryeparlamentari Gramoz Ruçi, i cili e ka justifikuar ministrin Ahmetaj. “Është kthyer mbrëmë vonë ministri. Ka qënë jashtë shtetit për Eurobondin, ka qënë i ngarkuar. Kërkesa juaj do reflektohet”, u shpreh Ruçi.
Eni Çobani ka pasur dje një debat të fortë në ambientet e Gjykatës së Apelit në Gjirokastër, gjatë një seancë gjyqësore për çështjen e pronësisë së një shtëpie. Rudina Islamaj, ishte palë kundërshtare pasi ish-vjehrra e saj ka kërkuar që t’i kthehet shpia që i ka marrë pas divorcit me djalin e saj.
Debati nisi pasi Rudina Islamaj kërkoi përjashtimin e trupit gjykues. Avokatja e ka konsideruar si të qëllimshme kërkesën e saj për zvarritje, teksa i ka bërë të qartë se do të jetë sërish si përfaqësuese ligjore e palës tjetër me çdo trupë të mundshme gjykuese. “Panorama” siguroi dje të plotë debatin e regjistruar në audio në sallën e gjyqit ndërmjet avokates Çobani dhe Islamajt, kur kjo e fundit kërkoi përjashtimin e treshes gjykuese.
Çobani e akuzoi atë se kishte Çimka dhe se kryente regjistrime të paligjshme. “Nuk jam as Merushja (ish-vjehrra e Rudinës) dhe as Guximi”, i drejtohet avokatja, duke nënkuptuar ish- kryetarin e Gjykatës së Gjirokastrës. Ka qenë pikërisht Rudina Islamaj, ajo që e incizoi dhe ia dërgoi medias ngjarjen e ndodhur dy vite më parë, ku ai i kërkonte favore seksuale për ta ndihmuar me një proces në Gjykatë. Debati mes Eni Çobanit dhe palës kundërshtare me klienten e saj, është mbyllur teksa avokatja e vinte në dijeni se do të ishte sërish përfaqësuese e palës tjetër, pavarësisht se cila trupë gjykuese do të jetë. Ndërkaq, disa ndërhyrje të Rudina Islamajt janë të pakuptueshme për shkak edhe të tonit superior të avokates së njohur. Fillimisht, seanca nisi me prezantimin e trupës gjykuese, por sapo kjo e fundit ka kërkuar nëse palët ishin dakord, Rudina Islamaj kërkoi përjashtimin e tyre.
DEBATI I PLOTË
Rudina Islamaj: Kam një kërkesë për përjashtimin e trupit gjykues
Eni Çobani: Mund ta marrim dhe një kopje (të kërkesës) i nderuar.
Trupi gjykues: Ka një kërkesë nga Rudina islamaj për përjashtimin tërësisht të trupit gjykues.
Eni Çobani: Mund të jap një mendim?
Trupa gjykuese: Mendoj se nuk ka ndonjë vlerë këtu kjo pjesë sepse do të shikohet nga trupi tjetër gjykues.
Eni Çobani: Asnjë nga këto pretendime nuk kanë lidhje me objektin për të cilin jemi sot. Në qoftë se kjo bëhet në mënyrë të përsëritur…. Ne kemi qenë këtu së bashku kur një avokat kërkoi përjashtimin e njërit anëtar të trupit gjykues dhe mund ta bënte edhe zonja atë ditë të njëjtën kërkesë… Çfarë është kjo? Vetëm një gjë dua të them para trupit gjykues, pavarësisht se ju nuk do të vazhdoni më me procedurën. Unë jam një nga njerëzit që i njoh jo mirë, por i njoh me themel këto procedura..
Ndërhyn Rudina: Kjo s’është…
Eni Çobani: Të lutem, kur flas unë, ti mos fol. Kur flas unë, ti mos fol dhe kjo zonja duhet kontrolluar se kjo vjen me Çimka këtu.
Rudina Ismalaj: Unë kërkoj përjashtim të trupit gjykues…
Eni Çobani: Unë nuk jam as Merushja dhe as Guximi. Kështu që ulu aty. Ulu aty dhe më dëgjo kur flas… në rregull, se të njoh shumë mirë. Unë nuk jam nga ata persona që regjistron ti nëpër telefona. Ulu aty… Atëherë, edhe një herë i nderuar kryetar i seancës dhe anëtar të trupit gjykues, kjo është një zvarritje e padrejtë. Unë kam reagimin tim si përfaqësuese e dy personave. Në qoftë se kjo zonja e ka ngjitur me shpinë Gjykatën e Apelit, unë vij katër orë që nga Tirana. Në qoftë se kësaj nuk i bën përshtypje, po ia përsëris unë se këtu do të më kesh. Jo trup tjetër gjykues, po kudo që ta çosh ti, unë do të jem këtu. Unë e kuptoj se për çfarë i bën ti këto. Nuk e bën as për këta zotërinjtë këtu (për trupën gjyqësore), ti e bën për përfaqësuesin ligjor.
Rudina Islamaj: Ti po më kërcënon…
Eni Çobani: Unë nuk po të kërcënoj, unë flas në bazë të ligjit. Dhe ti zonjë duhesh kontrolluar kur hyn këtu në Gjykatë, sepse ti je me Çimka dhe ti regjistron në mënyrë të paligjshme. Kaq po them…
Trupa gjykuese: Meqenëse ka kërkesë për përjashtim, atëherë e ndërpresim seancën gjyqësore
“Nga unë nuk do të shpëtosh kurrë, deri sa të jem gjallë”.
Këto kanë qenë fjalët e juristes Eni Çobani në drejtim të Rudina Islamajt, fjalë të cilat kanë bërë që Çobani të përfundojë nga salla e gjyqit në komisariatin e Gjirokastrës.
Por kush është Rudina Islamaj?
Një figurë jo e panjohur për publikun, pasi gruaja në fjalë kohë më parë denoncoi në emisionin investigativ “Stop” rastin e kryetarit të gjykatës së Gjirokastrës Guximtar Boçi, i cili i kërkonte favore seksuale në këmbim të ndihmës në sallën e gjyqit.
Kujtojmë gjithashtu se Eni Çobani në gjyqin e sotëm përfaqësonte si avokate shtetasen Merushe Makri, ish vjehrra e Rudina Islamajt.
Precedenti me gjyqtarin Boçi ka bërë që në nisje të seancës gjyqësore, Eni Çobani të kërkonte një kontroll në trupin e gruas, në rastin se mos kjoe fundi kishte përgjues me vete. Në këtë moment ka nisur një konflikt verbal e më pas fjalët e avokates se Islamaj “nuk do të shpëtonte” kollaj.
Në vitin 2016 në emisionin “Shihemi në Gjyq” u bë publike përplasja mes Merushë Makrit e Islamajt, sherr i cili kishte nisur për shkak të pamundësisë për të paguar një kredi 70 mln lekëshe që kish marrë Rudina me ish bashkëshortin, djalin e zonjës Merushe. Sipas kësaj të fundit, e reja e kishte rrahur të moshuarën dhe e kishte detyruar të dilte nga shtëpia, shkruan Express.
Më poshtë mund të gjeni të plotë përgjimin e kryer nga Rudina Islamaj në takimet e saj me ish kreun e gjykatës së Gjirokastrës, I cili I kërkon favore seksuale.
BISEDA SESI I ERDHI RROTULL KRYETARI, KUR QYTETARJA KISHTE HALL PER DOSJEN E SAJ…
Qytetarja – Ti e ke fajin.
Gjyqtari – Ëëë, ndaj unë të merrja në telefon, ti nuk më përgjigjeshe, do pimë nanjë kafe.
Qytetarja – Pse s’të vija për kafe? Si të vija për kafe? Ti më kërkove të tjerat mua , si të vija për kafe unë?
Gjyqtari – Po ti, ato gjerat e tjera tek kafja jepen?
Qytetarja – Në momentin, që ti më vije në siklet dhe më kërkoje të tjera gjëra, unë s’mund të vija për kafe me ty.
Gjyqtari – 10 herë, unë ta them prapë, atë punë kam unë.
Qytetarja – Si ma thua ti?
Gjyqtari – Prapë, se më pëlqen ta them edhe e them, pse c’lidhje ka?
Gjyqtari – Ja të ikin këta.
Gjyqtari – Po tani, si ti them unë, t’ia kërkojme icik kësaj?
Qytetarja – Po mirë, ja të ikin.
Qytetarja – Do më thuash pak mua, si do ta zgjidh këtë hall, që më ka… ?
Gjyqtari – Po c’a të të them unë, unë e kisha atje ti, se ne ia shkruam ne ia bëmë. Di unë si e bëtë ju?
Qytetarja- Po kam ardhur të kërkoj llogari, sepse ti më the cështjen e ke të fituar, jo se të bëj unë nder, por se të takon. A më the kështu?
Gjyqtari – Si mund të të përgjigjem kshu unë sa herë më thërret? Po kur të thërras unë?
Qytetarja – Se unë të thërras për hall, ti më thërret për qejf.
Qytetarja- Po mirë, ti po të ishe në vendin tim, të trokisje në derën e dikujt, të trokiste halli, se as të njihja më përpara, as më njihje . Më ofrove miqësi , më the kam respekt për babain tënd, do të ndihmoj, më vjen keq për ty, njërën, tjetrën…
Gjyqtari – Po.
Qytetarja – Deri këtu jemi shumë në rregull dhe me ato plus halle, që kisha. Ke një hall dhe dikush të ofron ndihmë, verbërisht i beson.
Gjyqtari – Unë ta ofrova?
Qytetarja –Ai personi, që ta ofron ndihmën, të thotë unë dua, që të bëhesh e dashura ime troc, se kshu ma the.
Gjyqtari – Po.
Gjyqtari – Të iku gjë ndonjë copë ty?
Qytetarja – Mua ndonjë copë?
Gjyqtari – Ee.C’pate ti?
Qytetarja –Më shqetësove.
Qytetarja – Si mund të ulesha unë prapë në kafe me ty? Në momentin e parë, që unë ulesha në kafe me ty, ti më thoje mua: dua të bëhesh e imja. Si do ulesha unë prapë për kafe?
Gjyqtari – Qe të bëhesh e imja duhet të doje edhe ti. Përderisa nuk doje ti…
Qytetarja – Unë ta thashë, që herën e parë që ma the, unë të thashë jo.
Gjyqtari – Po mirë, ka një herë të dytë, një herë të tretë, të katërt…
Qytetarja – ….Po unë të erdha në zyrë, e lamë që do vija në zyrë dhe ti u hodhe të më puthje mua në zyrë.
Gjyqtari – Ajo iku. Qe e para fare.
Qytetarja – Si iku ore?
Gjyqtari – Më kërkon llogari mua, se c’kam bërë. Në faqe në faqe të putha, është respekt.
KUR GJYQTARI I THOTE NE LOKAL SE ESHTE GATI TI HIDHET PRAPE…
(kalon një person)
Gjyqtari – C’është ky? Mos është ky, ai tëndi ky?
Qytetarja – Cili timi mo?
Gjyqtari – Ish-burri. Mos të ndjek më?
Qytetarja – C’punë kam unë, s’e njof fare kush është.
Qytetarja – Afrohu këtu mo afrohu këtu .
Gjyqtari – C’të afrohem , po u afrova nuk duroj dot.
Qytetarja – S’ka problem.
Gjyqtari – Do të puth prapë.
Qytetarja – C’do bësh mo?
Gjyqtari – Do të puth.
Qytetarja – Do më puthësh?
Gjyqtari – Po, ndaj largohu.
Qytetarja refuzon të bëjë seks me kryetarin e Gjykatës së Gjirokastrës, Guximtar Boci dhe humb çështjen. Ajo thotë se se dështimi i saj, ka të bëjë me refuzimin, që i bëri kryetarit të gjykatës.
Këtë shqetësim qytetarja ia shpreh edhe gjyqtares së çështjes me emrin Blerta, duke i rrëfyer mbi vardisjen e kryetarit. Kjo e fundit pranon, se fillimisht kryetari, Guximtar Boci, ishte interesuar për dosjen në fjalë, por më pas jo më.
Blerta – Në fillim tha bëje. Pastaj, kur i vajta unë, që i thashë Guxim, unë nuk e bëj dot, bëj c’a të duash.
Qytetarja – I kuptoj të tëra gjërat.
Blerta – C’a?
Qytetarja – Të veja me të.
Blerta– Ëhë.
Qytetarja –O do bëhesh e imja , o e ke të humbur. (gjyqin)
Blerta – Dhe kur I thashë unë…
Qytetarja – Më vdekshin dy fëmijët, troç.
Blerta– Unë, kur më tha në fillim fare, që më ndërhyri , I thashë: unë do mundohem do ta bëj……..Në rregull, kur po afronte fundi, që po bëheshim ne për andej këtej, i thashë unë: o Guxim c’a do bëjmë, bëj c’a të duash tha. Tekstualisht. Ditën, që do merrja vendimin, i vajta prapë thjesht për korrektesë.
Qytetarja – I thashë me kë më ngatërron, për të hapur këmbët. Pse në sa zyra përplasem unë e në sa .. përplasem unë, kështu do t’i zgjidhim gjërat. Të të vijë turp I thashë , se unë që jam ulur 5- 6 herë në kafe më ty, jam ulur si të ulesha me xhaxhain tim, i thashë.
Qytetarja – Më tha mua: vajte në Turqi. Hajde të vemi në Turqi më tha. I thashë unë… unë e kisha kuptuar, por bëja budallain, sikur nuk kuptoja gjë.
