Arsim

Ministrja e Arsimit, Sportit dhe Rinisë, Lindita Nikolla u dha të drejtë studentëve në protestën e tyre, ndërsa theksoi se asnjë tarifë studimi nuk është rritur që pas vitit 2014.

E ftuar në emisionin “Open” Nikolla theksoi se “nga vlera e tavanit tërhiqemi nëse Universitetet marrin vendim për uljen e tarifave dhe patjetër që do të ulet vlera e tavanit”.

“Kanë të drejtë studentët, kanë gjithmonë të drejtë dhe meritojnë që të dëgjohen”, – u shpreh ministrja. “Që të jem e drejtpërdrejtë si dhe e sinqertë. Ka qenë një shqetësim në aspektin personal. Nga ana tjetër është një moment shumë i mirë në kuptimin e plotë të fjalës, që arritëm në një moment që studentët të reflektojnë nëpërmjet një komunikimi serioz dhe është një moment i ri për të modernizuar institucionet e Arsimit të Lartë. Zëri i studentëve duhet të dëgjohet. Kam dëgjuar kërkesat e tyre që kanë evoluar. Ditën e parë kishin dy dhe ditën e dytë u bënë katër. Unë kam kërkuar të takohem me ta edhe në zyrën time ose në auditore. Gjenerata më e vyer që ky vend, nuk meritonte që të bënim një komunikim në rrugë dhe nuk u pa e arsyeshme. Ata kërkuan që të dilja në shesh që të komunikonim. Kanë të drejtë studentët, kanë gjithmonë të drejtë dhe meritojnë që të dëgjohen”, – shtoi Nikolla.

Lidhur me kushtet e konvikteve, ajo tha se për herë të parë po investohen 18 milionë euro. Sipas saj, janë në përfundim 4 godinat e inxhinierisë dhe në 2019 nisin investimet në 9 godinat e Qytet Studentit.

Lidhur me akuzat për rritjen e tarifave, Nikolla tha që asnjë tarifë nuk është rritur pas 2014.

“Ka vetëm tarifa të ulura nga Universiteti i Vlorës apo ndonjë universitet tjetër, është bordi drejtues që vendos”.

“Ligji i ri i Arsimit të Lartë e delegon kompetencën për kuotat, që nga 2015 e kishte qeveria , për kriteret e pranimit tashme i ka universiteti, janë strukturat universitare që kanë vendimmarrje të plotë. Ligji i përcakton qeverisë vetëm vlerën e tavanit. Unë e kam shprehur sot qartë, hajde të ulemi dhe të shohim të gjithë mundësitë, sigurisht që nuk tërhiqemi nga disa parime që kemi”, – tha ministrja.

Ministrja nuk hezitoi të t’ju përgjigjej akuzave kundrejt saj për rezultatet e saj në shkollë, duke theksuar se shkollën e Mesme e ka përfunduar me rezultate të larta, njëkohësisht ajo ftoi studentët për të diskutuar të gjitha pikat e tyre./atsh

Ministrja e Arsimit dhe Sportit, Lindita Nikolla, pas protestës së studentëve ka dalë në një konferencë për mediat, ku ka sqaruar vendimin që është marrë nga qeveria.
Nikolla shtoi se tarifat i vendos vetë universiteti dhe jo ministria, duke theksuar edhe një herë deklaratat e bëra më herët.
“Faleminderit studentëve që shërbyen si nxitës për të rritur komunikimin. Qeveria do të heqë dorë nga tarifimi i provimeve të bartura”, – tha Nikolla.

Në deklaratën e ministres thuhet se, “Që sot qeveria do të shfuqizojë vendimin që lidhet me tarifat, nuk do të ketë kosto shtesë për studentët mbetës. Do hiqet neni 4 i VKM-së dhe nuk do ketë tarifë për provimet e studentëve mbetës”.

Ky qëndrim i saj u dha pas takimit me dekanët dhe rektorët e universiteteve. Sa i takon kërkesës për përgjysmimin e tarifës së studimit, ajo tha se është në dorë të universiteteve.

Studentët e Universiteteve publike në Tiranë, prej orësh vijojnë protestën para ministrisë së Arsimit.

Madje në mënyrë simbolike ata kanë nxjerrë edhe kartonë të kuq, ndaj ministres së Arsimit Lindita Nikolla, kundër tarifave të larta.

Specialistët e Zonave të Mbrojtura Vlorë, në kuadër të projektit ACAP (Aksioni Komunitar për Ruajtjen e Zonave të Mbrojtura), po vazhdojnë orët e hapura informative në shkollën “Pilo Prifti”, Novoselë. Gjatë kësaj ore dedikuar mjedisit, me fokus Zonat e Mbrojtura, me praninë e përfaqësuesve të Administratës Rajonale të Zonave të mbrojtura Vlorë dhe mësuesve të shkollës, nxënësit u informuan me punën që administrata realizon për mbrojtjen dhe menaxhimin e zonave të mbrojtura, veçanërisht zonës që ata kanë më afër.
Po ashtu, nxënësve i u ofrua edhe mundësia e pjesēmarrjes në programim “Junior Ranger”, ku ata të marrin pjesë edhe në terren duke vepruar si të ishin ranger të zonave të mbrojtura. /atsh

Pas projektit pilot në gjimnazet e Tiranës, buxheti 2019 për Arsimin parashikon dhjetëfishim të numrit të oficerëve të sigurisë në shkolla. Kryeministri Edi Rama i pranishëm në prezantimin e buxhetit të Arsimit theksoi se projekti pilot në gjimnazet e Tiranës testoi figurën e oficerit të policisë në shkolla dhe ka marrë reagime pozitive.

“Pamë të mirat e kësaj figure të ndërmjetme, as mësues e as polic dhe që ka ndikim të drejtpërdrejtë në mbarëvajtjen e orëve të mësimit”, – theksoi Kryeministri. Ai vuri në dukje se janë parashikuar 150 oficerë sigurie në 150 gjimnaze të vendit, duke i dhënë përgjigje problemit të sigurisë dhe mbarëvajtjes së mësimit në gjimnazet më të populluara, ku ka edhe nevojë më të madhe. /atsh

Buxheti për Arsimin në vitin 2019, shënon një rritje prej 66% më shumë sesa 5 vjet më parë. Kryeministri Rama, i pranishëm në prezantimin e buxhetit 2019 për Arsimin vuri në dukje disa pika kyçe që, siç tha, nënvizojnë natyrën e këtij buxheti dhe potencialet që ai garanton për reformën e sistemit arsimor.

Reforma e sistemit arsimor, theksoi Rama, ka dhënë rezultate të pakontestueshme që vihen në dukje nga rezultatet e nxënësve tanë në barometrin global të Pizës. “Rezultatet në vijim duhet të jenë konstante dhe më kuptimplote”, theksoi ai duke vënë theksin tek shifrat që përcjell buxheti i ri.

“Krahasuar me 5 vjet më parë, buxheti i arsimit është rritur rreth 66%. A është kjo një shifër e mjaftueshme? Asnjëherë nuk është e mjaftueshme ajo që shpenzojmë për arsimin në asnjë vend të zhvilluar e s’ka si të jetë në Shqipëri, si një vend në zhvillim, por është një shifër kuptimplote. Akoma edhe më kuptimplote është tërësia e rezultateve të arritura, duke shfrytëzuar gjithë volumin e financimeve në dispozicion të arsimit”, theksoi Kryeministri Rama. /atsh