Arsim

Testi i Maturës Shtetërore 2020 është mbështetur tërësisht mbi programin e reduktuar, bëri të ditur sot Qendra e Shërbimeve Arsimore.

Në lidhje me pretendimin e ngritur për “pyetje jashtë programit”, Qendra përmes një deklarate për shtyp informoi se nuk ka asnjë pyetje jashtë këtij programi.

“Ftohen nxënësit të sjellin pranë QSHA ankesat konkrete për pyetjet që mendojnë se janë jashtë këtij programi në mënyrë që të adresohen duke i hequr nga vlerësimi. Në lidhje me cut-off-in, në përfundim të marrjes së rezultateve, QSHA do të shikojë kurbën e shpërndarjes së pikëve. Bazuar mbi këtë kurbë, nëse do të vihet re zhvendosje të saj (në rast se ka pasur ndonjë grup pyetjesh me një shkallë më të lartë vështirësie), atëherë do të shikohet mundësia e rishpërndarjes së peshave të pikëve në test”, thuhet në deklaratën e QSHA-së.

Sipas QSHA-së, i gjithë ky proces do të analizohet profesionalisht dhe në mënyrë të kujdesshme nga specialistët e fushës në mënyrë që të bëhet më e mira për maturantët.

“Njëkohësisht, duam të shprehim se testi nuk ka asnjë gabim shkencor dhe mënyra se si hartohet përjashton çdo mundësi që të ketë gabime – qoftë në përmbajtje dhe qoftë në përfshirjen e koncepteve jashtë programit”, thuhet në deklaratë.

Për sa i përket dy (2) testeve të ardhshme të Maturës Shtetërore, QSHA thotë se ata do të jenë me kohëzgjatje 2.5 orë dhe me alternativa.

QSHA vlerëson se edhe kohëzgjatja prej 2 orësh e parashikuar në fillim është më se e mjaftueshme në zhvillimin e provimit./atsh

Ministrja e Arsimit, Sportit dhe Rinisë, Besa Shahini, reagoi sot lidhur me protestën e maturantëve, duke theksuar se nxitësit e protestës janë opozita e vendit dhe se ministria do të kallëzojë çdo shpifje që opozita ka publikuar në lidhje me maturën sivjet.

“Ndoqa me keqardhje protestën pranë ndërtesës së Ministrisë së Arsimit, Sportit dhe Rinisë. Nuk besoj të ketë ndodhur ndokund tjetër që nxënësit të protestojnë për “provimet e vështira”. Megjithatë, keqardhja për nxënësit “protestues” më vjen bashkë me revoltën ndaj nxitësve të tyre. Fatkeqësisht, nxitësit janë publikisht të afishuar dhe nuk janë zëdhënës opinionesh dosido. Ata janë opozita politike e vendit! Që është një absurditet unik: opozita nxit dhe mbështet protestë kundër testeve kombëtare!!! Opozita stimulon “lehtësimin” e dhënies së notave për nxënësit!!! Po mbase këtu s’ka asgjë të re, përderisa kjo opozitë ishte dje qeveria e notave false, diplomave false, universiteteve false, provimeve false, promovimeve false”, – theksoi Shahini.

Ministrja u shpreh se “provimet kombëtare hartohen nga ekspertë provimesh. Unë i besoj Qendrës së Shërbimeve Arsimore (QSHA) kur thotë se sivjet provimet janë më të lehta se kurdoherë më parë, sepse ndodhin pas një gjendjeje të jashtëzakonshme dhe prandaj janë konceptuar vetëm me alternativa – pa temat, që janë zhvilluar në kushte shtëpie. Dhe kjo, vërtetohet lehtësisht në fund, kur të mblidhen të gjitha rezultatet dhe nëse rastis që testi të ketë qenë më i vështirë sesa njohuritë e nxënësve, atëherë QSHA bën rishpërndarje të peshës së pikëve për çdo notë. Por, këto çështje teknike s’kanë as lidhje e as vend për debate politike, dhe jo më për protesta opozitare”.

Sipas saj, QSHA ka adresuar kërkesat në lidhje me provimet e Maturës që ishin protokolluar në Ministri.

“Ndërkohë, ne do të kallëzojmë çdo shpifje që opozita ka publikuar në lidhje me Maturën sivjet. Besoj se edhe kjo do të shërbejë në edukimin e të rinjve, duke nisur nga të rinjtë e forumeve politike, për të mësuar se shpifja është gënjeshtër e dënueshme me ligj e jo liri fjale për çfarëdo kundërshtie qytetare apo opozitare”, – tha ministrja Shahini./atsh

Testi i Maturës Shtetërore 2020 është mbështetur tërësisht mbi programin e reduktuar, bëri të ditur sot Qendra e Shërbimeve Arsimore.

Në lidhje me pretendimin e ngritur për “pyetje jashtë programit”, Qendra përmes një deklarate për shtyp informoi se nuk ka asnjë pyetje jashtë këtij programi.

“Ftohen nxënësit të sjellin pranë QSHA ankesat konkrete për pyetjet që mendojnë se janë jashtë këtij programi në mënyrë që të adresohen duke i hequr nga vlerësimi. Në lidhje me cut-off-in, në përfundim të marrjes së rezultateve, QSHA do të shikojë kurbën e shpërndarjes së pikëve. Bazuar mbi këtë kurbë, nëse do të vihet re zhvendosje të saj (në rast se ka pasur ndonjë grup pyetjesh me një shkallë më të lartë vështirësie), atëherë do të shikohet mundësia e rishpërndarjes së peshave të pikëve në test”, thuhet në deklaratën e QSHA-së.

Sipas QSHA-së, i gjithë ky proces do të analizohet profesionalisht dhe në mënyrë të kujdesshme nga specialistët e fushës në mënyrë që të bëhet më e mira për maturantët.

“Njëkohësisht, duam të shprehim se testi nuk ka asnjë gabim shkencor dhe mënyra se si hartohet përjashton çdo mundësi që të ketë gabime – qoftë në përmbajtje dhe qoftë në përfshirjen e koncepteve jashtë programit”, thuhet në deklaratë.

Për sa i përket dy (2) testeve të ardhshme të Maturës Shtetërore, QSHA thotë se ata do të jenë me kohëzgjatje 2.5 orë dhe me alternativa.

QSHA vlerëson se edhe kohëzgjatja prej 2 orësh e parashikuar në fillim është më se e mjaftueshme në zhvillimin e provimit./atsh

Plani i rimëkëmbjes “Shqipëria 2030” ka një kolonë të tërë me politika sociale që do të nisin të zbatohen.

“Ne me fakte, me shifra jemi pa diskutim mazhoranca që kemi paketën më të zgjeruar sociale krahasuar me të shkuarën, por krahasuar me ku duam të shkojmë është e pamjaftueshme, dhe ne këtë e dimë shumë mirë”, tha Kryeministri Rama gjatë një konference për shtyp.

Kryeministri u shpreh se pikërisht këtë mbështetje sociale duam të zgjerojmë përmes planit të rimëkëmbjes që na e mundëson në mënyrë komode edhe Eurobondi i siguruar një ditë më parë.

Rama tha se nga analiza që po bëjmë për periudhën e mbylljes për shkak të COVID-19, kemi mësuar gjëra të rëndësishme, siç është mundësia për të ristrukturuar mësimdhënien dixhitale.

“Kemi mësuar nga periudha e mbylljes se sa shumë mund të bëjmë dhe si mund ta bëjmë të strukturuar në fushën e arsimit marrëdhënien e mësimdhënies dixhitale, si mund të zgjidhim përfundimisht problemin e klasave kolektive, që është një sëmundje e vjetër që ne kemi filluar ta operojmë, por hap pas hapi, duke i mbyllur përfundimisht, por ama duke u dhënë fëmijëve që shkojnë në ato klasa cilësinë më të lartë të mësimit. Duke i mbledhur ata në shkollë, jo më për të marrë mësime të gjithë bashkë nga klasa e parë në të nëntën në një dhomë, por për të bërë aktivitete të tjera së bashku, ndërkohë që mësimet i marrin nga mësuesit më të mirë të Shqipërisë në rrugë dixhitale”, u shpreh Kryeministri.

Por tha ai, për këtë duhet të financojmë arsimimin e tyre në fshatrat më të largëta, jo thjesht duke ia lënë në dorë fatin e arsimimit të tyre smartfonëve, edhe pse, tha Rama më tej, e dhëna e mësimdhënies dixhitale gjatë mbylljes ishte e jashtëzakonshme, nga pikëpamja e numrit të nxënësve që patën akses./atsh

Të gjithë të rinjtë shqiptarë që duan të studiojnë në Shtetet e Bashkuara të Amerikës kanë mundësi të takohen me përfaqësues nga 23 universitete dhe kolegje amerikane në panairin virtual EducationUSA Albania në 10 qershor.

“Këshilltarja e Qendrës EducationUSA, Aida Hudhri, ishte e folësja e ftuar në serinë më të fundit Youth Talk të Këshillit Rinor të Ambasadës Amerikane, mbi “Hapat për të Studiuar në Shtetet e Bashkuara”, njoftoi sot Ambasada e Steteve të Bashkuara në Tiranë.

“Aida ndau me nxënës të shkollave të mesme dhe studentë universiteti informacion të saktë dhe gjithëpërfshirës rreth institucioneve arsimore në Shtetet e Bashkuara dhe ofroi udhëzime si mund të shfrytëzohen mundësitë e shumta të arsimit që universitetet amerikane ofrojnë për studentët ndërkombëtarë. Ata biseduan gjithashtu edhe mbi hapat që duhen ndjekur për të studiuar në një institucion arsimor amerikan dhe këshillat për të qenë një aplikues i suksesshëm”, theksoi ambasada./atsh