Aktualitet

Sarandë/ Takim përgatitor për masat e sezonit të ardhshëm turistik

Aktualitet, Turizem / /

Ende pa u mbyllur viti turistik 2019, bashkia e Sarandës dhe kryetari i saj, Adrian Gurma, inicuan një bashkëbisedim me operatorë turistikë të Njësisë Administrative Ksamil dhe subjekte të shërbimeve mbështetëse, me sloganin “Suksesi i sezonit turistik 2020, nis sot!”.

Kreu i Bashkisë Adrian Gurma tha se është i prirur t’u japë ritëm të ri punëve dhe kjo është duke ndodhur, pasi ndërkohë që Ksamili vazhdon të trajtojë turistë, sidomos të huaj, shikimi dhe mendimi shkon tek vera që presim. Ai ka nënvizuar se Bashkia gjatë 2020 do të ofrojë partneritet të vërtetë me biznesin, duke iu gjendur pranë jo vetëm me komunikim, por edhe me zgjidhje optimale, që do të jepen pa zvarritje burokratike.

Nga ana tjetër, Kryebashkiaku Gurma tha se do të ketë një rigorozitet maksimal në zbatimin e marrëveshjeve që lidhen dhe sanksione deri në anullim të tyre, në rast se ato shkelen. “Bashkia, në të gjitha stafet dhe drejtoritë përkatëse, deri në ato të varësise, – siguroi bizneset zoti Gurma – do të jenë të hapur dhe të disponueshëm për të ofruar dhe bërë me të mirën, pasi ky është interesi i përbashkët”.

Nga të pranishmit kapja e momentit, kjo mënyrë e re komunikimi dhe ofrimi, u vlerësua si një hap që hidhet për herë të parë nga ana e Bashkisë dhe se kështu fitohet mjaft kohë për të nisur sa më herët punët për përgatitjen e sezonit të ri turistik 2020.

Biznesmenë dhe operatorë turistikë që e morën fjalën, sollën praktikat më të mira të punës manaxheriale gjatë një viti që u vecua si më i miri, ndërkohë që nuk u lanë pa thënë mungesat apo pikat e dobëta që u vunë re.

Lidhur ngushtë me këto problematika, biznesmenët dhe operatorët ksamiliotë bënë sugjerime konkrete për investimet që me përparësi duhet të zënë vend në projektbuxhetin e Bashkisë për 2020, që është duke u hartuar. /atsh

Sarandë/ Takim përgatitor për masat e sezonit të ardhshëm turistik Read More »

Ambasada e SHBA-së, financim për ruajtjen e trashëgimisë kulturore në Shqipëri

Aktualitet, Art-Kulture / /

“Shqipëria ka një trashëgimi kulturore të pasur dhe programi i Fondit të Ambasadorëve për Trashëgiminë Kulturore ofron financim për të ndihmuar në ruajtjen e saj”, shprehet ambasada e SHBA-së në Tiranë.

Ambasada e SHBA sqaron se pranon projektpropozime për këtë program deri më 30 nëntor 2019.

“Byroja e Arsimore dhe Kulturore (ECA) ofron një sërë programesh, duke përfshirë programe të përqendruara nga të rinjtë për të fuqizuar gjeneratën e ardhshme dhe për të krijuar lidhje të qëndrueshme midis Shteteve të Bashkuara dhe vendeve të tjera. ECA ofron programe për nxënës të shkollave të mesme, universitare dhe të diplomuar, si dhe mundësi të zhvillimit profesional”, sqaron ambasada e SHBA-së./atsh

Ambasada e SHBA-së, financim për ruajtjen e trashëgimisë kulturore në Shqipëri Read More »

Vlorë, prezantohet plani vendor për sigurinë publike

Aktualitet / /

Këshilli Vendor i Sigurisë në Vlorë u mblodh ditën e premte për të prezantuar hapat e ndërmarra nga ana e Bashkisë në funksion të sigurisë publike. Gjithashtu në këtë takim u diskutua mes gjithë anëtarëve të këshillit vendor mbi sfidat dhe problematikat në këtë drejtim.

Pjesë e këtij takimi ishin edhe përfaqësues të OSBE-së në Shqipëri, të cilët do të ndihmojnë në fuqizimin e KVS përmes hartimit në bashkëpunim të planit vendor për sigurinë publike dhe trajnimeve të aktorëve të përfshirë.

Kjo strukturë vendore është krijuar bazuar në VKM nr.83, datë28.01.2015 “Për krijimin dhe funksionimin e Agjencisë për Zbatimin e Reformës Territoriale” (i ndryshuar), bazuar në Nenin 29 ”Funksionet e Bashkive në fushën e sigurisë publike” të Ligjit 139/2015 “Për Vetëqeversjen Vendore”, pika ’3/d’ e Nenit 11, pika 2 Nenit 78 dhe Neni 79 të Ligjit 108/2014 “Për Policinë e Shtetit” dhe në funksion të detyrave specifike të Agjencisë për Mbështetjen e Vetëqeverisjes Vendore dhe urdhërit të Kryetarit të Bashkisë Nr.60, datë 26.03.2018 “Për Përbërjen e Këshillit Vendor për Sigurinë Publike”. /atsh

Vlorë, prezantohet plani vendor për sigurinë publike Read More »

Nëntori i festave, bulevardi “Dëshmorët e Kombit” mbushet me heronjtë e Luftës

Aktualitet / /

Fotografitë e heronjve që luftuan për të sjellë çlirimin e atdheut nga pushtuesit nazifashistë janë vendosur përgjatë bulevardit “Dëshmorët e Kombit”.

Bashkë me flamurin kuqezi, portretet e luftëtarëve të lirisë që nuk kursyen as jetën e tyre Qemal Stafa, Vojo Kushi, Mujo Ulqinako, Vasil Shanto etj, janë vendosur në bulevardin “Dëshmorët e Kombit”.

Ndërkaq, në vigjilje të 75-vjetorit të Çlirimit të Atdheut, bashkia e Tiranës ka ndërhyrë në të gjitha objektet që nderojnë rolin dhe luftën e shqiptarëve gjatë Luftës së Dytë Botërore.

Pjesë e këtij projekti është edhe rehabilitimi i ambienteve të Parkut Memorial të Varrezave të Dëshmorëve. Gjithashtu, kryeqyteti ka filluar që të vishet me ngjyrat e flamurit tonë kombëtar.

Bashkia e Tiranës u bën thirrje banorëve të kryeqytetit që të bëhen pjesë e këtyre ditëve festive dhe të vendosin në ballkonet e shtëpive flamujt Kuq e Zi. Festat e Çlirimit dhe Pavarësisë do të bëhen akoma më të bukura nëse secili prej nesh do të vendosë nga një flamur apo simbol kombëtar në dritaret dhe ballkonet e shtëpive. Kryeqyteti ka hyrë në muajin e festave kombëtare, çka po ndihet edhe në të gjithë rrugët e Tiranës. /atsh

Nëntori i festave, bulevardi “Dëshmorët e Kombit” mbushet me heronjtë e Luftës Read More »

Meta: Pa medie të lirë, rruga e Shqipërisë në BE është e pamundur

Aktualitet, Politike / /

Në Ditën Ndërkombëtare për t’i dhënë fund pandëshkueshmërisë së dhunës ndaj gazetarëve, presidenti Ilir Meta shprehet se “pa medie të lirë dhe të pavarur, rruga e Shqipërisë drejt Bashkimit Europian është e pamundur”.

Presidenti Meta e konsideron lirinë e medieve të përkeqësuar.

“Liria e medias në vendin tonë fatkeqësisht është përkeqësuar ndjeshëm. Mjedisi dhe kushtet e punës së gazetarëve gjithashtu. Censura dhe autocensura ndihen qartësisht në raportimet e tyre të përditshme. Presionet politike të tejskajshme dhe të shumëllojshme kanë mbyllur emisione televizive dhe kanë larguar nga ekranet figura të spikatura të gazetarisë. Ndërsa panelet e emisioneve politike të mbrëmjes më shumë orientohen nga interesat e oligarkëve dhe PPP-ve, se sa nga interesi publik dhe kombëtar”, -tha ai.

Duke folur për portalet dhe lajmin e rremë, Meta shton se “Shumë portale në të zezë e kanë ngritur “Fake News” në sistem, duke u vënë në shërbim të shtetit të propagandës. Ndërsa praktikat e “kasetave të gatshme” dhe të transmetimeve me “regji qendrore” po u imponohen gjithmonë e më shpesh televizioneve.

“Sot në Ditën Ndërkombëtare për t’i dhënë fund pandëshkueshmërisë së dhunës ndaj gazetarëve apeloj me forcë heqjen dorë nga dhuna fizike e psikologjike, kërcënimi, shantazhimi dhe çdo lloj presioni, ngado që të vijë, ndaj gazetarëve.Shpreh solidaritetin tim të plotë me ta dhe i inkurajoj të vijojnë misionin e tyre me guxim, pa u trembur, në funksion të interesit publik e kombëtar, transparencës e llogaridhënies në çdo nivel shtetëror. Integriteti profesional e njerëzor i tyre të respektohet rigorozisht dhe askush të mos guxojë, për asnjë arsye të intimidojë një gazetar në krye të detyrës. Duke dënuar me forcë dhe ashpërsi çdo formë dhune ndaj reporterëve, theksoj se fjala e lirë dhe liria e medias janë një kusht i pazëvendësueshëm për respektimin e të drejtave të njeriut në një shoqëri demokratike”,- tha ai. /atsh

Meta: Pa medie të lirë, rruga e Shqipërisë në BE është e pamundur Read More »

Dhjetëra kilometra kanale/ Braçe: Vaditje për gjithë fushat e Myzeqesë

Aktualitet / /

“E gjithë Myzeqeja nën ujë. Janë dhjetëra kilometra kanale që do ribëhen nga e para”, tha sot zëvendëskryeministri Erjon Braçe, ndërsa theksoi se ajo që u premtua, u mbajt.

“Në punë, e gjithë Myzeqeja nën ujë, në çdo parcelë. Kemi thënë, do mbajmë fjalën. Kjo ku po punohet është dega e Cukasit; Do vadisë gjithë jugun e Lushnjës, nga Fier Shegani në Imashte e Kallm”, shprehet zv.kryeministri Erjon Braçe.

Po ashtu, Braçe shtoi se “Bujqit e kërkuan, ne po e bëjmë. Ua thashë në verë, nuk e besuan, tani shohin veprën; Janë dhjetëra kilometra kanale që do ribëhen nga e para”. /atsh

Dhjetëra kilometra kanale/ Braçe: Vaditje për gjithë fushat e Myzeqesë Read More »

Problematika e bujqësisë në fshatrat e Vlorës/ Diskutohen zgjidhjet me ministrin e Bujqësisë

Aktualitet, Problematika / /

Problematikat e fshatrave të zonës së Lumit të Vlorës ishin në qendër të një takimi të deputetit të qarkut të Vlorës, Vullnet Sinaj me ministrin e Bujqësisë dhe Zhvillimit Rural, Bledi Çuçi dhe Drejtorin e Përgjithshëm të Politikave të Bujqësisë, Irfan Tarelli.

Gjatë takimit deputeti Sinaj renditi një sërë problematikash si subvencionimi për çdo krerë i të gjithë blegtorëve, të cilët kanë aplikuar në zyrat e Agropikës dhe janë shpallur fitues paraprakë dhe ndërtimi i kanaleve vaditëse të Peshkëpisë, Mesaplikut, Bratit, Gjormit, Harvalasë, Kallaratit, Bolenës, Dushkarakut, Shkozës, Sevasterit dhe Petës.

Një tjetër çështje e ngritur në këto takime ishte edhe mbrojtja e tokave bujqësore të fshatit Karbunar nga gërryerja e lumit Vjosë si edhe mbrojtja e tokave bujqësore të fshatrave Drashovicë, Vranisht e Kuç nga gërryerja e lumit Shushicë.

“Në vitin 2015, e gjithë infrastruktura e ujitjes dhe kullimit me Vendim të Këshillit të Ministrave, u është transferuar bashkive, përveç kanaleve vaditës parësor që e marrin ujin direkt nga lumi me rrjedhje të lirë ose në rezervuarë, të cilët janë në administrim të Ministrisë së Bujqësisë dhe Zhvillimit Rural”, – theksoi Sinaj.

Për këtë arsye, vijoi Sinaj, ministri Çuçi më siguroi se do të shikojë me prioritet kanalin vaditës Peshkëpi-Selenicë si edhe mundësinë e vaditjes së fushave të Lapardhasë e Gumenicës me anë të kanalit të Harvalasë, duke qenë se janë kanale parësore dhe administrohen nga Ministria.

Deputeti Sinaj diskutoi edhe me inxhinierin Andi Vila, me të cilin ra dakord që së shpejti do ta shikojmë nga afër me grupin e punës këtë kanal për të azhornuar projektin e tij.

“Po ashtu do të shikojmë nga afër edhe dëmtimin e tokave bujqësore të fshatit Karbunar, të cilat kanë pësuar gërryerje nga lumi Vjosë. Sa i përket subvencionimit të blegtorëve, u informova se po punohet nga qeveria për nxjerrjen e një vendimi, i cili do të shtojë fondin e AZHBR-së për këtë masë, megjithëse interesimi im nuk do të mbetet me kaq për zgjidhjen përfundimtare të këtij problemi”, – tha Sinaj.

Deputeti i qarkut të Vlorës falënderoi ministrin Çuçi dhe drejtorin Tarelli për mundësimin e këtij takimi dhe për trajtimin me interes nga ana e tyre të këtyre problematikave./atsh

Problematika e bujqësisë në fshatrat e Vlorës/ Diskutohen zgjidhjet me ministrin e Bujqësisë Read More »

Shqipëri-Itali, marrëveshje për shtetasit shqiptarë që vuajnë heqjen e lirisë në Itali

Aktualitet / /

Shqipëria dhe Italia po punojnë intensivisht për finalizimin e marrëveshjes për shtetasit shqiptarë që vuajnë heqjen e lirisë në Itali.

Ministria e Shtetit për Diasporën, thekson se, kjo marrëveshje do të jetë rezultat i grupit të punës për mbrojtjen e të drejtave të shqiptarëve që vuajnë heqjen e lirisë jashtë vendit, i kryesuar nga zëvendësministrja e Drejtësisë, Fjoralba Caka e cila është personi përgjegjës për mbrojtjen e të drejtave të shqiptarëve që vuajnë heqjen e lirisë jashtë vendit.

Për marrëveshjen për shtetasit shqiptarë që vuajnë heqjen e lirisë në Itali, foli edhe kryeministri italian, Giuseppe Conte, i cili në një konferencë të përbashkët me kryeministrin Edi Rama deklaroi se po punohet intensivisht me Shqipërinë për finalizimin e marrëveshjes.

“Kemi kryer një studim për bashkëpunimin tashmë intensiv në gjyqësor dhe polici. Unë përsëris angazhimin e Italisë për forcimin e këtij bashkëpunimi, me vëmendje të veçantë në luftën kundër krimit të organizuar dhe jam i kënaqur që mund të njoftoj se është arritur një marrëveshje edhe në sektorin e rëndësishëm të transferimit të të burgosurve shqiptarë, tashmë një transferim i parë do të realizohet së shpejti”, u shpreh kryeministri italian Giuseppe Conte./atsh

Shqipëri-Itali, marrëveshje për shtetasit shqiptarë që vuajnë heqjen e lirisë në Itali Read More »