Aktualitet

Agjencia për Zhvillim Bujqësor dhe Rural dhe Autoriteti Menaxhues në Ministrinë e Bujqësisë dhe Zhvillimit Rural njoftojnë për çeljen e thirrjes së dytë për dorëzimin e aplikimeve në kuadër të Programit IPARD II, nga Instrumenti i Ndihmës së Para-Anëtarësimit (IPA) për Zhvillimin Rural (IPARD) me qëllim zhvillimin e Sektorit Agro-Ushqimor.

Thirrja është e hapur për të gjithë personat fizikë dhe juridikë, puna dhe veprimtaria e të cilëve zhvillohet brenda territorit të Republikës së Shqipërisë, në fushat e prodhimit bujqësor, ose të agro-përpunimit dhe rural me fokus investimet në asetet fizike të fermave bujqësore.

“Aplikoni për Masën 1 “Investime në asete të fermave bujqësore”. Mbështetje me 70% të totalit të investimit, nga 10,000 Euro deri në 500,000 Euro. Thirrja është e hapur nga data 30 Tetor deri në 16 Dhjetor 2019,” shprehet Agjencia për Zhvillim Bujqësor dhe Rural.
Me një buxhet total 24.05 milion euro, përqindja e mbështetjes është 60% të totalit të shpenzimeve të pranueshme të investimit, 65% nëse investimi bëhet nga një fermer i ri (nën 40 vjeç), 70% për investimet në zonat malore.

Buxheti i përgjithshëm në dispozicion të kësaj thirrje është 57.68 milion EURO nga të cilat 75% ose 43.26 Milion EURO kontribut i BE dhe 25% ose 14.42 Milion EURO kontribut i buxhetit të shtetit. /atsh

Të gjitha bizneset që ushtrojnë aktivitetin e tyre tregtar apo bizneset e reja që duan të investojnë në zonën TID (Qendrën Historike të Vlorës), duhet të respektojnë Rregulloren e Mobilimit Urban, lidhur me tendat, çadrat, hapçsirat publike, reklamimin, modelin e tavolinave e karrigeve pçr hapësirat e jashtme,etj.

Pas përfundimit të fazës restauruese, investim i Bashkisë Vlorë, AADF (Albanian American Development Foundation) dhe Qeverisë shqiptare, TID Vlora ka nisur të zhvillohet sipas të gjitha aktiviteteve që synojnë rritjen e ndërgjegjësimit dhe ndërmarrjen e veprimeve konkrete për zhvillimin ekonomik të zonës TID (Qendra Historike e Vlores), për rijetëzimin, promovimin, ofrimin e aktiviteteve strategjike e administruese si dhe ruajtjen e elementëve tradicionalë të trashëgimisë kulturore të kësaj zone.

Qendra Historike e Vlorës, është një zonë me vlera të konsiderueshme historike për qytetin e Vlorës, me ndertesa të shekullit të XIX dhe fillimit të shekullit XX, duke përfshirë në të 13 ndërtesa monument kulture të kategorisë së parë si: Muzeun e Pavarësisë, rrugën e Hebrejve, Muzeun Etnografik, Klubin Labëria, Kullën e Sahatit, etj.

Ky projekt synon të rivitalizojë, ruajë dhe zgjerojë zonën historike, ta kthejë këtë zonë në një atraksion turistik për vendasit e të huajt, në një destinacion mundësish për biznes e turizëm./atsh

Ministria e Shëndetësisë dhe Mbrojtjes Sociale dhe Agjencia e Mbrojtjes së të Drejtave të Fëmijëve në zbatim të ligjit “Për të Drejtat dhe Mbrojtjen e Fëmijëve ” filluan sot ciklin e parë të trajnimit dhe ngritjes së kapaciteteve të 236 punonjësve të mbrojtjes së femijëve.

Ky proces u institucionalizua me firmosjen e marrëveshjes së bashkëpunimit midis Shkollës Shqiptare për Administratën Publike ASPA, UNICEF-it dhe Terre des hommes – Albania për të institucionalizuar kurrikulën e trajnimit mbi Mbrojtjen e Fëmijëve për Punonjësit e Mbrojtjes së Fëmijës.

Kurrikula, do të bëhet e detyrueshme për të gjithë Punonjësit e Mbrojtjes së Fëmijës në Shqipëri. /atsh