Aktualitet

Meta: Tubim mbarëpopullor për nisjen e dialogut me Shqipërinë

Aktualitet, Politike / /

Presidenti Ilir Meta do të organizojë në 8 dhjetor, në sheshin “Demokracia” në Qytetin Studenti, një tubim mbarëpopullor që synon nisjen e një dialogu me Shqipërinë.

Zëdhënësi i Presidentit, Tedi Blushi tha se, tubimi do të organizohet në Ditën e Rinisë, atje ku dhe nisi Lëvizja Studentore e viteve ’90.

“Nisja e dialogut të Presidentit Meta me Shqipërinë ka për qëllim mbrojtjen e demokracisë dhe Kushtetutës. Dialogun e Presidentit Meta me shqiptarët nuk mund ta ndalë askush, deri në zbatimin e detyrimit kushtetues për referendumet”, u shpreh Blushi.

Ai tha se “jemi të vendosur deri në fund, demokracinë nuk e japim me koncesion”.

“Tani vetëm demokraci direkte. Tani vetëm referendum. Shqipëria e para. Shqiptarët mbi çdo gjë”, tha zëdhënësi i Presidentit Meta./atsh

Meta: Tubim mbarëpopullor për nisjen e dialogut me Shqipërinë Read More »

Basha: Në fillim të dhjetorit gati propozimet për Reformën Zgjedhore

Aktualitet, Politike / /

Kryetari i Partisë Demokratike, Lulzim Basha deklaroi sot se “në fillim të dhjetorit do të kemi gati propozimet ligjore për Reformën Zgjedhore dhe nuk do të pranojmë zvarritjen e saj por do ta miratojmë sa më shpejt, mundësisht brenda këtij viti”.

Në një konferencë për shtyp, pasditen e sotme, Basha tha se “kjo do t’i hapë rrugë zgjedhjeve të lira e të ndershme, që janë artikuluar si kusht për negociata dhe daljen e vendit nga kriza”.

Basha reagoi ndaj atyre që i quajti “tentativa për të kapur Gjykatën Kushtetuese apo përmendjen e iniciativave skandaloze për ndryshime kushtetuese për t’i dhënë një partie kompetencat e institucioneve të tjera kushtetuese”.

“Do të bëjmë gjithçka për të mbrojtur Kushtetutën dhe demokracinë e vendit”, tha Basha.

Ai tha se “PD mbështet referendumin dhe një nga 5 pikat e platformës sonë është referendumi si mekanizëm i demokracisë direkte”.

Po ashtu, Basha u shpreh në mbështetje totale të ngritjes së SPAK dhe BKH-së, ndërsa shtoi se “Edi Rama ka vonuar pa asnjë shkak ngritjen e këtyre institucioneve”.

“Edi Rama po përpiqet ta sabotoj SPAK dhe BKH me atë që do të shpallë nesër. Nesër do të shpallë një SPAK dhe BKH paralele që e kontrollon ai. Rikthimi i këtij modeli është i papranueshëm. Ne kërkojmë ngritjen me shpejtësi të SPAK dhe BKH-së”, tha Basha. /atsh

Basha: Në fillim të dhjetorit gati propozimet për Reformën Zgjedhore Read More »

Siguria rrugore/ Kontroll i përbashkët me 2 patrulla të Policisë Rrugore çeke

Aktualitet / /

Prej ditës së sotme e për 3 ditë në vijim, Policia Rrugore ka si mbështetje edhe patrulla të Policisë Rrugore Çeke.

Drejtori i Përgjithshëm i Policisë së Shtetit Ardi Veliu, takoi policët çekë dhe pa nga afër aparaturat dhe mjetet logjistike që Policia Çeke përdor për evidentimin e shkeljeve të Kodit Rrugor.

Dy autovetura të mirëpajisura, jo të uniformuara, kanë nisur patrullimin e përbashkët me kolegët shqiptarë në disa akse kryesore në Shqipëri.

Mjetet janë të pajisura me radarë, sistem identifikimi të targave, lexim automatik, identifikues të përdorimit të celularit gjatë drejtimit të mjetit, etj.

Gjithashtu ato kanë në dispozicion testues alkooli dhe droge, për drejtuesit e mjeteve.

Patrullat e Policisë çeke kanë ardhur në Shqipëri në kuadër të shkëmbimit të eksperiencave në monitorimin e shkeljeve në rrugë, duke nisur me testet e shkeljeve në drejtim të tejkalimit të shpejtësisë.

Në çdo mjet të Policisë Çeke patrullon një polic rrugor shqiptar.

Në muajt e ardhshëm, Patrulla të Policisë Rrugore shqiptare do të shkojnë në Çeki.atsh

Siguria rrugore/ Kontroll i përbashkët me 2 patrulla të Policisë Rrugore çeke Read More »

“Jam Frani nga Lezha, e dua shumë”, i ftuari në studio i thote gruas: E di që je e martuar

Aktualitet / /

Kudreti është martuar përpara 30 vitesh me bashkëshorten e tij. Në rubrikë e “Ka një mesazh për ty” në “E Diela Shqiptare”, ai ka treguar sesi janë njohur qëkur ishin shumë të rinj, kur Kudreti ishte ushtar dhe Silvana dilte për të kullotur qengjin e saj.

Ata sot kanë tre fëmijë dhe një martesë të lumtur, por për shkak të natyrës së drejtpërdrejtë të Kudretit, shakave të tij, Silvana bëhet xheloze. Kudreti ka treguar dhe një tatuazh me fytyrën e Silvanës në sup, veprim ky që jo shumë njerëz e bëjnë.

Nëpërmjet një loje paksa të “sikletshme”, Kudreti i ka treguar edhe njëherë se dashuria mes tij dhe bashkëshortes është njëlloj si ditën e parë. Ai është transformuar me zë dhe figurë në studion e “Ka një mesazh për ty” në televizionin Klan duke u paraqitur si Frani nga Lezha, një fans i Silvanës që gjoja e kishte “studiuar” prej vitesh.

Kudret: Kam ardhur këtu për të ndarë, për të treguar një histori të jetës sime, si jam njohur… t’i bëj një surprizë bashkëshortes sime. Unë kam qenë ushtar në ’88 në Sarandë. Bashkëshortja ime që quhet Silvana kishte një qengj, nuk e di si i thonë këta?

Ardit Gjebrea: Qengj i themi edhe ne.

Kudret: Edhe dilte e kulloste, ishte në shkollë, dilte e kulloste. Reparti ushtarak ishte diku aty afër. I dal para, si e thua ti atë, dashuri me shikim të parë?

Ardit Gjebrea: Se them unë e thotë gjithë bota.

Kudret: Nejse! Pas një jave më pranon.

Ardit Gjebrea: Sa vjet ishte Silvana?

Kudret: Ishte diku 17 vjeçe..

Ardit Gjebrea: E vogël fare..

Kudret: E vogël..

Ardit Gjebrea: Po ti sa vjeç?

Kudret: Unë isha 23.

Ardit Gjebrea: Fiks diferenca e duhur..

Kudret: Pas një jave më thotë drejtohu në shtëpi..

Ardit Gjebrea: Çfarë i thoje ti?

Kudret: I propozova..

Ardit Gjebrea: Si i propozove?

Kudret: Unë i propozova i thashë..

Ardit Gjebrea: Më pëlqen qengji yt, apo jo?

Kudret: Po…. I propozova, i thashë që të dua. Më tha, jo ti je ushtar, s’kam besim, hajde në shtëpi…

Ardit Gjebrea: Po ti ku e njihje atë?

Kudret: Po unë kisha kohë që e ndiqja.. Po larg e larg. Pasi biem dakord më thotë drejtohu në familje, sepse unë s’kam besim tek ty.. Drejtohem në familje, kam vjehrrin shumë të mrekullueshëm, edhe vjehrrën, vjehrri është edhe shakaxhi..

Ardit Gjebrea: Po ti që në fillim the po erdha, apo kishe ndonjë mëdyshje?

Kudret: Jo, unë u sorollata njëçik siç e ka çdo mashkull, jo do vij sot, jo do vij nesër. Po nuk vija se na qethnin kokën zero atëhere dhe më vinte si për turp, m’u rrit pak floku pastaj vajta.. Babin me vete dhe në Sarandë, na pritën si mrekulli. E lamë do vinin ata më poshtë. S’kaluan 2 muaj, e marr e rrëmbej..

Ardit Gjebrea: Me pëlqimin e saj sigurisht?

Kudret: Patjetër që me pëlqimin e saj.

Ardit Gjebrea: E çove në shtëpi?

Kudret: E marr e çoj në shtëpi, vjehrri, vjehrra nuk dinin gjë, i la në gjumë.

Ardit Gjebrea: Pse e rrëmbeve ti? Kishe pritur sa të zgjoheshin edhe…

Kudret: Jo, jo e mora kështu unë… Qe fundi i ushtrisë, u prish shteti atëhere dhe s’vete ushtar unë, se më pëlqeu nusja mua.

Ardit Gjebrea: Normal!

Kudret: Rri pak kohë unë, e marr nusen dhe iki në Sarandë. Pas ca kohe marr një makinë unë dhe me ndonjë pasagjer kështu tek-tuk…

Ardit Gjebrea: Po Benzi ç’tu kujtua?

Kudret: Në Benz marr një zonjë…

Ardit Gjebrea: Aaaa.

Kudret: Një grua të nderuar, të respetuar, kur shkoj në shtëpi më thotë: Ç’e kishe atë ti? Një pasagjere i thashë unë.. Pse punon taksisit ti? Tasksist punoj i thashë, por e mora nga këtu e lashë Sarandë… Mos të shoh të marrësh grua në makinë. Po dale moj.. se sevap bëra nuk i mora lekë…. Mirë, s’do ti, s’do… Po unë i bëj shumë surpriza asaj Ardit… Nuk e di si do më gjykojë publiku, Ardit, por çfarë ka kjo tokë, unë ja blej asaj.

Ardit Gjebrea: Ti e do pafund Silvanën?

Kudret: Unë e dua shumë Ardit..

Ardit Gjebrea: Është e vërtetë që ke bërë një tatuazh?

Kudret: Unë kam bërë një tatuazh, do jenë të rrallë burrat që bëjnë gruan tatuazh… Ku bëra tatuazhin , nuk i kisha thënë.. Më thoshte ç’ke ne ti ke nja dy ditë fle me bluzë? I them s’jam mirë… Ma shikon djali tatuazhin dhe e merr në telefon dhe i thotë: Shiko burrin se çfarë të ka bërë në krah… Vjen nga puna, rrinte më shikonte dhe më thotë: Ti je i marrë.. Si e bëre? E bëra i thashë, që dhe kur të vdes, të iki i ngopur nga kjo dynja dhe me tatuazhin në krah… Unë herë pas here e ngacmoj në telefon me numër të fshehtë..

Ardit Gjebrea: Jo ore..

Kudret: Por gjithmonë për shaka.. Njëherë më kuptoi, mirë tha se ta tregoj unë kur të vij në shtëpi… Erdhi në shtëpi, i hodha dorën në qafë unë, u zbut shpejt.. Si natyrë është e egër, por unë e zbus shpejt…E kam sjellë këtu, që mos mërzitet me mua, se ndonjëherë unë bëj edhe shaka të tepruara..

Edhe këtë herë, Kudreti e suprizoi bashkëshorten e tij. Për shkak se ai është maskuar, zonja Silvana nuk arrin ta njohë bashkëshortin e saj, kur i shfaqet në ekran. Insistimit të Ardit Gjebreas që t’a dëgjonte mesazhin e zotërisë që kishte matanë murit të studios, Silvana i është përgjigjur vazhdimisht me refuzim duke deklaruar se “nuk e njoh atë person”.

Silvana: Nuk e di kush është, nuk e njoh.

Ardit Gjebrea: Je e sigurt?

Silvana: Mos më ka bërë ndonjë lojë burri këtu? Nuk e di, nuk e di…

Ardit Gjebrea: Do ta dëgjosh çfarë mesazhi ka?

Silvana: Kur nuk e njoh, pse duhet ta dëgjoj unë atë…

Ardit Gjebrea: Po ai i ziu ka ardhur deri këtu, ta lëmë të flasi..

Kudret: Le të flasi…

Kudret: Mirdita zonjë, si ke qenë? Unë jam Frani nga Lezha…

Silvana: Ka mundësi ta ndërpresësh, nuk e njoh fare këtë person..

Ardit Gjebrea: Po ja të flasi…

Kudret: Ardit unë e di që është grua e martuar.

Ardit Gjebrea: Është e martuar, ka fëmijë!

Kudret: Unë e dua shumë!

Silvana: Perëndi, O Zot!

Kudret: E kam marrë dhe me numër të fshehtë, por se kam bezdisur.. S’dua t’i prish familjen por…

Silvana: Ardit, të lutem nuk..

Ardit Gjebrea: Ja ta dëgjojmë deri në fund..Mos ki merak, nuk është agresiv.

Kudret: Por e kam sjellë deri këtu, për ta bërë publike, që unë e respektoj, e dua shumë. I kam vajtur dhe tek puna..

Ardit Gjebrea: Sa vite ke që ke këtë ndjenjë, për zonjën Silvana?

Kudret: Unë kam goxha vite..

Silvana: O zot i madh, ka mundësi ta mbyllësh nuk e njoh fare këtë person?

Ardit Gjebrea: Atëherë dëgjoje me zërin e tij të vërtetë, ndoshta i njeh zërin?

Silvana: Ky është burri im 100%..

Kudret: Silvana, ngrije kokën lart se unë të kam sjellë këtu, të të them mos u mërzit me mua se ti nuk e ke idenë sa shumë të dua unë. Të bëj thirje që dhe kur flas ndonjëherë unë, kaloje me sportivitet dhe mos i merr gjërat ashtu siç i merr ti…/tvklan

“Jam Frani nga Lezha, e dua shumë”, i ftuari në studio i thote gruas: E di që je e martuar Read More »

Shoqata më e re e studentëve të Mjekësisë, Manastirliu: Gjithçka në dobi të armatës së mjekëve të rinj

Aktualitet, Arsim / /

ACMS është shoqata më e re e studentëve të Mjekësisë, pjesë e Federatës Ndërkombëtare të Studentëve të Mjekësisë. Ministrja e Shëndetësisë, Ogerta Manastirliu e pranishme në ceremoninë e hapjes së shoqatës më të re të mjekëve të ardhshëm u shpreh se ky zhvillim do të sjellë mundësi dhe kapacitete të reja për studentët dhe mjekët e rinj.

“Shumë e kënaqur që mora pjesë në ceremoninë e hapjes së shoqatës më të re të studentëve të Mjekësisë ACMS, e cila ka aderuar në Federatën Ndërkombëtare të Studentëve të Mjekësisë. Jam e bindur se ky përfaqësim do të sjellë rritje të shkëmbimeve studentore, duke krijuar mundësi dhe kapacitete të reja për studentët dhe për mjekët e rinj,” shprehet Manastirliu.

Ajo tha se Ministria e Shëndetësisë do të mbështesë studentët edhe në kuadër të Paktit për Universitetit, pasi vetëm kështu do të përmirësojmë sistemin shëndetësor.

“Do të vijojmë të mbështesim studentët e UM sepse përpos lidhjes organike që kemi, me Paktin për Universitetin kemi jetësuar angazhime konkrete në dobi të studentëve, të cilët së shpejti do të jenë armata e re e mjekëve të sistemit tonë shëndetësor,” tha Manastirliu. /atsh

Shoqata më e re e studentëve të Mjekësisë, Manastirliu: Gjithçka në dobi të armatës së mjekëve të rinj Read More »

Shalsi: Turizmi, një ndër shtyllat e zhvillimit ekonomik të Shqipërisë

Aktualitet, Turizem / /

Ministri i Shtetit për Mbrojtjen e Sipërmarrjes, Eduard Shalsi prezantoi para drejtuesve dhe përfaqësuesve të Aleancës së Agjencive Ballkanike të Lajmeve, (ABNA-SEE) që u mblodhën sot në Tiranë, reformat që po ndërmerr Shqipëria, ndërsa Reformën në Drejtësi e cilësoi si më të rëndësishmen.

“Shqipëria në këto vitet e fundit i është nënshtruar disa reformave shumë të thella e të vështira, por ne besojmë të drejta. Vendi ynë ka ndërmarrë reformën në arsim, pensione, apo sektorin energjetik. Shumë prej jush jeni në dijeni se sa vende janë duke u përpjekur për reformën territoriale dhe ne arritëm të bëjmë një reformë të thellë territoriale. Nga rreth 400 komuna e bashki, sot kemi 61 bashki. Në vitet e fundit vendi është përfshirë në një vorbull reformash si asnjëherë më parë. Ndërkohë ka një reformë që është mbi të gjitha reformat, ajo e drejtësisë. Ne vendosëm disa vite më parë që me mbështetjen e partnerëve të huaj të shkatërronim sistemin e vjetër të drejtësisë, për të ndërtuar një sistem të ri drejtësie. Nuk vendosëm të arnojmë sistemin e vjetër, por vendosëm të ngrinim një sistem të ri”, – tha ministri Shalsi në konferencën me temë “Media&Turizmi, Ide&Zgjidhje”, të organizuar nga Agjencia Telegrafike Shqiptare.

Ministri theksoi se turizmi është konsideruar si një ndër shtyllat e zhvillimit ekonomik të vendit, dhe ku është fokusuar edhe puna e qeverisë.

“Nisur nga potenciali i jashtëzakonshëm që ne mendojmë se Shqipëria ka, e lidhëm zhvillimin e turizmit me disa kolona të tjera. Nuk mund të ketë turizëm të zhvilluar pa një infrastrukturë të zhvilluar. Një nga arsyet që kemi investuar fort në rrjetin rrugor është pikërisht për të krijuar akses në atraksionet turistike shqiptare”, – shpjegoi ministri Shalsi.

Më tej, ai vuri në dukje se Shqipëria dhe pse një vend i vogël prej 28 mijë km2, ka bregdet të jashtëzakonshëm ranor dhe shkëmbor, Adriatikun dhe Jonin, ka liqene të mrekullueshme si Ohri, pjesa shqiptare e të cilit u fut në UNESCO, apo Shkodra, ka alpe fantastike, lumenj që mund të zhvillosh aktivitete, ka një diversitet fetar që na bën krenarë.

“Pra në këtë larmi dhe ofertë fantastike, pa një infrastrukturë moderne nuk do të mund të zhvillohet turizëm”, – shtoi ministri.

Ministri ndau me të pranishmit edhe lajmin shpalljen e Tiranës si kryeqyteti i Rinisë për 2022.

“Ju shihni Tiranën sot dhe unë dua të ndaj një lajm fantastik me ju, atë të shpalljes ‘Kryeqyteti u Rinisë’ për 2022, pas një konkurrence të fortë. Kur kthejmë kokën pas, për të krahasuar si ishte Tirana 15-20 vite më parë e si është sot, jemi krenarë. Jam krenar, sepse kam qenë pjesë e ekipit të kryeministrit aktual, që asokohe ishte kryetar i bashkisë, për të transformuar këtë kryeqytet që 20 vite më parë ishte i mbushur me kioska. Ishte e paimagjinueshme që brenda një kohe të shkurtër të merrte pjesë në konkurse ndërkombëtare. Pra një vizion i qartë i domosdoshëm për zhvillimin e turizmit. E pra Tirana sot është një qytet atraktiv, jo rastësisht është në qendër të vëmendjes së medieve botërore, pikërisht për shkak të ndërhyrjeve dhe transformimeve të jashtëzakonshme”, – deklaroi Shalsi.

Ai vuri në dukje se shpesh Shqipëria është paragjykuar, ndërsa ftoi të huajt të vizitojnë vendin tonë për ta parë nga afër atë.

“Delegacione të ndryshme që vizitojnë Shqipërinë shpesh mbeten nga një sallë mbledhjesh në zyra pritjesh e takime me titullar. E gjithë axhenda e tyre mbetet e mbyllur në disa mjedise, ndërkohë që nuk do të mund ta kuptosh një vend nëse nuk del dhe nuk e viziton”, – tha Shalsi.

Duke u ndalur te vizita në Vlorë e përfaqësuesve të Aleancës së Agjencive Ballkanike, Shalsi tha se nëse do ta kishit vizituar 5-6 vite më parë do të kuptonit se çfarë transformimi rrënjësor ka kaluar ai qytet, por dhe sa shumë transformime të tjera e presin.

“Sot po flasim për një aeroport që ka lind si nevojë për shkak të interesit dhe numrit të lartë të turistëve”, tha ai.

Ministri Shalsi foli edhe për stadiumin e ri, i cili u inaugurua pak ditë më parë. Në këtë ndërtim, i cili na bën krenar, tha Shalsi, një emër prestigjoz si “Marriott” në fushën e hotelerisë ka nënshkruar marrëveshje për të shfrytëzuar si hotel njërën nga kullat.

Ministri u ndal në disa nga lehtësitë fiskale që po zbatohen nga qeveria për të tërhequr investime. “Kemi hartuar ligjin për investimet strategjike. Po punojmë fort për ndërtimin e institucionit që do t’i përgjigjet në kohë reale të shpejt kërkesave të biznesit”, informoi ai.

Ministri Shalsi vlerësoi rolin e medias në këto kohë, të cilat ai i quajti të turbullta, të lajmeve të rreme. “Ne mund të influencojmë të paraqesim lajme që tregojnë realitetin, për të cilin ne nuk kemi frikë por po punojmë çdo ditë për ta përmirësuar”, theksoi ministri.

Ndërsa i pyetur nga zv/drejtori i Anadolli Agency, Metin Mutanoglu mbi atë se çfarë ka bërë Shqipëria për të tërhequr investimet e huaja, ministri Shalsi tha se ne kemi krijuar Agjencinë për Zhvillimin e Investimeve (AIDA), një dritare për të lehtësuar punën e investitorëve të huaj.

“Tek AIDA investitori gjen informacion për prioritetet që ka vendi. Investitori dorëzon kërkesën dhe është AIDA, e cila hyn në kontakt me agjencitë e tjera vendase. Burokracia është një ndër pengesat kryesore. Për t’i dhënë përgjigje kësaj ne ndërtuam një rrjet koordinatorësh në çdo ministri e agjenci. Në çdo institucion kemi persona të dedikuar që merren vetëm me biznesin”, – tha ministri i Shtetit për Mbrojtjen e Sipërmarrjes, Shalsi.

Konferenca e titulluar “Media&Tourism, Ideas&Solutions” organizohet nga Agjencia Telegrafike Shqiptare dhe synon të krijojë kanale të reja të bashkëpunimit, për promovimin e turizmit në rajonin e Ballkanit.

Aleanca e Agjencive Ballkanike të lajmeve, ku ATSH është anëtare me të drejta të plota, është themeluar në vitin 1995./atsh

Shalsi: Turizmi, një ndër shtyllat e zhvillimit ekonomik të Shqipërisë Read More »

Çelet edicioni i 26-të i Panairit Ndërkombëtar të Tiranës

Aktualitet / /

Çeli siparin sot në Tiranë edicioni i 26 i Panairit Ndërkombëtar të Tiranës Klik Ekspo Group në mjediset e Pallatit të Koncerteve ku Klik Ekspo Group është pozicionuar dhe do të qëndrojë i hapur nga datat 23-26 nëntor.

Stendat të pasura me produktet e sipërmarrjeve dhe informacionet për shërbimet nga agjencitë dhe institucionet publike e private u vizituan me kërshëri nga delegacionet e huaja të ftuara në këtë panair, të cilët pas vizitës në biznese dhe bisedave të shkurtra, morën pjesë në konferencën e hapjes.

Në fjalën e tij përshëndetëse Ministri për Mbrojtjen e Sipërmarrjes Eduard Shalsi dha për biznesin lajmin e gëzueshëm se Tirana do të ketë Qendrën e Vetë të Panaireve.

“Panairet janë moment i mirë për të bërë një rezyme për punën e gjithë vitit. Çdo vit panairi zhvillohet, Tirana pasurohet dhe transformohet. Shqipëria po bëhet dita-ditës tërheqëse për investimet e huaja. Megjithë vështirësitë, ne jemi shumë të vendosur për të përmirësuar klimën e biznesit përmes reformave dhe kuadrit ligjor për të zhvilluar sipërmarrjen e shëndetshme, sepse besojmë tek ai”- u shpreh ministri Shalsi.

Ai gjithashtu bëri me dije për biznesin se sapo është krijuar një rrjet koordinatorësh për bizneset për të shmangur burokracirat e panevojshme që pengojnë bizneset në punën e tyre.

Edhe nënkryetarja e Bashkisë së Tiranës Anisa Ruseti kishte një lajm për të shtuar dozat festive të kësaj dite. Ajo njoftoi të ftuarit se Tirana do të jetë Kryeqyteti Europian i Rinisë për vitet 2020-2020 pas çmimit të fituar duke thënë se “Tirana është shtëpia e 1 mln banorëve dhe një mjedis që lejon të gjitha sipërmarrjet e vendit dhe të huaja për të shpalosur avantazhet e tyre konkurruese për tu rritur e zhvilluar më tej”.

Në këtë edicion të 26 të panairit marrin pjesë edhe 20 sipërmarrje kineze. Ky 23 nëntor shënon një ditë të veçantë për marrëdhëniet mes Shqipërisë dhe Kinës, atë të 70-vjetorit të marrëdhënieve mes dy vendeve.

Marrëdhëniet tregtare sipas INSTAT mes Kinës dhe Shqipërisë për 2018-ën rezultojnë të jenë 551 mln dollarë amerikanë duke e renditur Kinën partnerin e katërt tregtar.

Megjithatë, u shpreh ambasadori kinez në Tiranë, Zhon Ding, “Kina është shumë e interesuar për të rritur marrëdhëniet tregtare. Ambasada e Kinës ka patur shumë kërkesa që Shqipëria të eksportojë në Kinë prodhime bujqësore. Panairi është qasja më e mirë për njohje dhe thellim të bashkëpunimit. Jam i bindur që sipërmarrjet kineze do të marrin përvoja të reja dhe të veçanta nga ky panair”. Ambasadori vërejti gjithashtu se në këtë 1 vit e gjysmë në Shqipëri ka vërejtur se Tirana gjallëron nga aktivitetet dhe duket se dëshiron ta mbushë shpirtin dhe ta materializojë duke treguar edhe eksperiencën e disa ditëve në Panairin e Librit.

Përshëndeti edicionin e 26 të Klik Ekspo Group edhe Presidenti i Dhomës Serbe të Tregtisë Mihailo Vezoviç i cili falenderoi për eksperiencën 16 vjeçare në këtë panair.

Një nga partnerët e nderit të këtij panairi, Dhoma e Tregtisë dhe Industrisë së Stambollit, me eksperiencë 130 vjeçare dhe me 430 mijë biznese anëtare, përfaqësohej në Klik Ekspo Group nga zëvendës presidenti i saj Izrafill Kurullai.

“Kemi organizuar pesë panaire të prodhimeve turke në Shqipëri. Jemi të nderuar të marrim pjesë edhe në këtë panair kaq të madh e të rëndësishëm për sipërmmarjen. 300 biznese turke janë prezantuar në tregun shqiptar.Këto iniciativa kanë sjellë 3-fishim ose 1 mld dollar në vit shkëmbime tregtare. Pozita gjeografike e Shqipërisë me Turqinë, marrëdhëniet politike të deritanishme janë një ogur për thellimin e të gjitha marrëdhënieve tona”, tha ai. /atsh

Çelet edicioni i 26-të i Panairit Ndërkombëtar të Tiranës Read More »

1575 jahte turistike vizituan Sarandën në 10 muaj

Aktualitet, Turizem / /

Plazhet mahnitëse, uji i kristaltë dhe monumentet e shumta kulturore kanë tërhequr gjithnjë e më shumë vëmendjen e turistëve të huaj që kanë vizituar Sarandën.

Edhe pse ende në stinën e vjeshtës, gjatë muajve janar-tetor në në portin e Sarandës, pati një fluks të shtuar të turistëve të huaj, që kanë ardhur me kroçera apo jahte.

Drejtoresha e portit të Sarandës, Kozeta Statha bën të ditur për ATSH-në se “gjatë periudhës janar-tetor në Sarandë kanë ardhur 1575 jahte turistike 1575, ndërsa kanë prekur portin 288 tragete nga këto 42 kanë qenë tragete Cruiz”.

“Sidomos gjatë periudhës së verës ka pasur një numër të lartë të jahteve luksoze që kanë vizituar Sarandën”, tha Statha.

Sipas drejtoreshës Statha, kroçerat kanë pasur në bord turistë nga Austria, Belgjika, Brazili, Bullgaria, Danimarka, Gjermania, Hungaria, Irani, Italia, Spanja, Zvicra, Ekuadori, Polonia, etj..

Shqipëria vitet e fundit është kthyer në një nga destinacionet më të preferuara turistike për turistët e huaj që vizitojnë vendin tonë me kroçera dhe jahte turistike.

I përkufizuar si “Qyteti i bardhë”, ai është i rrethuar nga kodra dhe përballë tij ndodhet ishulli grek i Korfuzit. Përveç diellit e plazhit, Saranda njihet dhe për historinë dhe kulturën e saj: e magjishme është kalaja e Lëkurësit, ndërsa Parku Arkeologjik i Butrintit nxit kureshtjen e turistëve të shumtë me historinë e tij mijëravjeçare./atsh

1575 jahte turistike vizituan Sarandën në 10 muaj Read More »