Lekundje te forta termeti u regjistruan mbremjen e sotme ne Shqiperi.
Ngjarja ka ndodhur pak minuta me pare ndersa lekundjet kane qene te forta ne shume qytete.
Sipas te dhenave paraprake flitet per nje lekundje 5.5 balle me epiqender ne Hamallaj.
“Kush ua kthen njësoj atyre që i bëjnë keq, ai është njësoj si ata. Ndërsa kush nuk ua kthen të keqen njerëzve që i bëjnë keq, ai është zotëria e tyre”, tha sot Kryeministri Edi Rama duke përcjellë të tjera fjalë të shenjta në mesazhin e tij.
Ishin këto fjalë të shenjta nga dijetari Hafidh Ibën Hazmi, që Kryeministri Rama përcolli mëngjesin e sotëm përmes rubrikës “Fjalë të Shenjta”.
Duke cituar fjalë të shenjta nga librat e shenjtë, por edhe nga personalitetet botërore, Kryeministri Rama ka përcjellë apelin e solidaritetit dhe ndihmës njerëzore ndaj të prekurve nga tërmeti i 26 nëntorit./atsh
Kryeministri Edi Rama informoi sot se në shkurt vjen një mision nga ministria e Transporteve të Gjermanisë, për të bërë një raport në funksion të procedurës që do të kryhet nga qeveria federale për njohjen e patentave.
Rama informoi se ka biseduar për këtë çështje për herë të parë drejtpërdrejtë me Kancelaren Merkel ditën e djeshme.
“Meqënëse disa miqve këtu u ka kaluar pa e vënë re përmbledhja e djeshme nga Berlini dhe vijojnë përsërisin kërkesën për njohjen e patentave të drejtimit në Gjermani, ju informoj të gjithëve se e kam biseduar këtë kërkesë, zyrtarisht të kahershme në fakt, por për herë të parë drejtpërdrejtë me Kancelaren dje. Dhe në shkurt vjen një mision nga ministria e transporteve të Gjermanisë, për të bërë një raport në funksion të procedurës që do të kryhet nga qeveria federale për njohjen e patentave”, tha Rama.
Nga ana tjetër, Kryeministri informoi se “jemi njoftuar po dje nga qeveria greke se në javët në vijim do të hyjë në procedurën e parlamentit të Greqisë njohja e patentave shqiptare të drejtimit, siç është dakordësuar në tryezën e dialogut mes dy shteteve tona”./atsh
“Lajmi i mbrëmshëm në RAI 3 mbi gjoja 12-fishimin e kultivimit të kanabisit në Shqipëri është një turp gazetaresk, pa asnjë lidhje me realitetin e monitoruar dhe certifikuar nga vetë Guardia di Finanza”.
Kështu deklaroi sot Kryeministri Edi Rama, duke reaguar ndaj lajmit të publikuar mbrëmë në RAI 3.
“Uroj që partnerët tanë të shkëlqyer ta thonë vetë pa humbur kohë të vërtetën”, tha kryeministri Rama./atsh
“Vendi ynë nuk hyn tek vendet me risk, por qeveria shqiptare ka ndërmarrë të gjitha masat për t’i bërë ballë koronavirusit”, pohoi sot ministrja e Shëndetësisë, Ogerta Manastirliu e ftuar në një emision televiziv.
Manastirliu tha se fakti që me Kinën nuk ka linjë direkte, do të thotë se ka filtra mbrojtës, pasi udhëtarët që vijnë nga ky vend kalojnë në ‘skaner’ në Itali apo dhe Turqi.
“Shqipëria për fat të mirë është vend me risk të ulët për koronavirus. Ne nuk kemi linja direkte me Kinën. Ky është një filtër i parë që pengon marrëdhënien direkte të pasagjerëve. Jemi një vend me risk të ulët, për arsye të filtrave që bëhen më parë, në Itali, apo në Stamboll. Ka një sistem karantine për ato vende me risk të mesëm. Qeveria shqiptare, ministria, ka marrë masat që në momentet e para, pasi ne jemi pjesë e OBSH-së. Shqipëria nuk është më një nga ato vendet që një situatë emergjence e gjen të papërgatitur. Ajo organizohet njësoj si vendet e tjera. Qoftë në burimet njerëzore, sa i takon trajnimeve. Pasi në rastin konkret menjëherë sapo OBSH ka nxjerrë udhëzuesit e vet, ne nxorëm urdhër për të marrë masat dhe për të bërë studime”, tha ajo.
Po ashtu, ministrja shtoi se: “Ekspertët kanë trajnuar ato persona që qëndrojnë dhe realizojnë filtrin. Në aeroportin “Nënë Tereza” kemi pajisje të tilla, si termometrat me lazer. Çdo protokoll realizohet në bazë të shkallës së rrezikshmërisë. Ne kemi një shkallë të riskut të ulët. Me linjat ajrore, njoftohen strukturat e ministrisë dhe aty bëhen filtrat e parë. Në momentin e vendosjes së këtij protokolli, ne kemi vendosur linja komunikimi kemi vendosur linja protokolli për të na informuar për pasagjerët që vijnë tranzit. Jemi me të gjitha linjat në dispozicion në raport me personat që udhëtojnë tranzit”.
Në lidhje me studentët në kthim, Manastirliu tha ne “kemi informacion që është duke mbërritur apo ndodhet në rrugën për në kthim një vajzë, Xhesila. Jemi të angazhuar për të marrë të gjithë kontaktet dhe për të kaluar të gjitha protokollet edhe në raport me hyrjen e saj në Shqipëri. Sigurisht ajo ka kaluar filtrin nga Kina dhe me sa jemi të informuar ajo do përshkonte rrugën e Romës dhe më pas do të hynte në Shqipëri. Gjithashtu, kemi informacion që janë edhe disa raste të tjera që kanë kaluar nga Kroacia. Praktikisht nga të dhënat që kemi nga ambasada jonë numri rezidentëve në Kinë është 400 ku 60 janë studentë, por rezulton se kanë qenë kthyer edhe për shkak të Vitit të Ri kinez, pra dhe kanë qenë në Shqipëri. Sigurisht, identifikimi po bëhet hap pas hapi nëpërmjet ambasadës tonë në Kinë, nëpërmjet Ministrisë së Punëve të Jashtme dhe ne si Ministri Shëndetësie jemi duke u kujdesur për të gjithë ato protokolle dhe skeda. Kemi kontrolle të pasagjerëve dhe kur vijnë këtu, plotësohet dhe skeda e shëndetit të pasagjerit ku ka disa informacione të përgjithshme të pyetjeve dhe disa informacione të tjera lidhur me çështjet që lidhen me interesin publik. Ne rastet kur nuk paraqiten me probleme me shëndetin dhe kualifikohen, ndiqet në dinamikë çdo rast”.
“Ne jemi në kontakte dhe struktura e Inspektoriatit Shëndetësor është qoftë në aeroportin “Nënë Tereza”, si dhe strukturat e tjera që janë në porte dhe pikat kufitare janë duke plotësuar të njëjtin format të protokollit në raport me skedat dhe të gjitha ata elementë që kanë të bëjnë me marrjen e informacionit në kohë, verifikimin në kohë, për të patur informacionin e duhur dhe më pas gjurmuar dhe menaxhuar rastin”, tha ajo. /atsh
Ish-deputetja e Partisë Demokratike, Albana Vokshi tha sot se shqiptarët kanë të drejtë të njihen nga gjykata edhe me kontratën koncesionare të checkup-it prej 120 milionë euro.
Duke folur nga selia e PD-së, ajo tha se kjo kontratë mbahet sekrete.
“Shqiptarët kanë të drejtë të njihen nga gjykata edhe me kontratën koncesionare të checkup-it prej 120 milionë euro, të cilën Edi Rama refuzon ta bëjë publike duke urdhëruar vartësit e tij që ta mbajnë atë sekret në mënyrë skandaloze, si sekret tregtar”, tha ajo.
Sipas Vokshit, Partia Demokratike do ta anulojë këtë koncesion.
“Herët a vonë, sekreti i Edi Ramës do të zbulohet. Partia Demokratike do ta anulojë këtë koncesion. Ata që kanë vjedhur me vulën e qeverisë së tij do të dalin para drejtësisë”, tha ajo./atsh
Vokshi: Kontrata e check-up mbahet sekret, PD do e anulojë Read More »
“Procesi elektoral do të duhet të ketë një ndarje të qartë midis shtetit dhe partive politike”, tha sot ish-deputeti i PD-së Enkelejd Alibeaj, duke e konsideruar këtë si një element shtesë dhe risi për Reformën Zgjedhore.
Alibeaj tha se “në tryezën e Këshillit Politik janë gjithsej 13 çështje, ku 9 prej tyre janë propozuar nga opozita. “Janë çështje të sistemit zgjedhor, votimi i emigrantëve, depolitizimi i administratës, çështje të prezantuara nga ne prej kohësh”
“Çështjet e artikuluara prej nesh janë ato që ne kemi artikuluar prej kohësh, por janë të miratuar në një seri të dokumenteve ndërkombëtare kryesisht ato të OSBE/ODIHR, madje dhe në dokumentet e Bundestagut, duke filluar nga dekriminalizimi i zgjedhjeve pra impuls i ri që duhet të luftojë krimin zgjedhor, presionin ndaj administratës zgjedhore, përdorimin e burimeve shtetërore, përdorimin e medias dhe financimin e partive politike dhe fushatave zgjedhore”, tha ai.
“Këto janë simptoma për veshin e shqiptarëve, për përtej këtyre simptomave që janë shndërruar në çështje, besoj se është një çështje që duhet trajtuar sot dhe që është risi, por është dhe nga kërkesat e 1990 që është një pasazh i shkëputur nga dokumenti i Kopehagenit e cila në mënyrë të qartë dhe të saktë thotë që në proceset elektorale do të duhet të ketë një ndarje të qartë midis shtetit dhe partive politike. Ndarja e qartë e shtetit, administratës shtetërore, burimeve shtetërore, përdorimit të buxhetit, gjithçka që përbën shtet të ndahet nga ajo që quhen parti politike në fushatë zgjedhore. Dhe kjo për një arsye të thjeshtë, që fushata zgjedhore nuk është gjë tjetër vetëm se një garë me partive politike. Pluralizmi në themelin e vet këtë nënkupton”, u shpreh Alibeaj.
Alibeaj shtoi se bespn që kjo nuk ka pse mos të ndodhë në Shqipëri siç ndodh në të gjithë Europën.
“Në europë sa herë që ka procese zgjedhore, gara është mes partive politike, sa herë ka procese, zgjedhjet nuk konsiderohen si atmosferë lufte, por kur demokracia shfaqet në mënyrë energjike, ku publiku duhet të zgjedhë mes ideve dhe programeve dhe kjo është tabloja që duhet të udhëhiqemi të bëjmë një fushatë zgjedhore. Por që të ndodhë kjo ka nevojë për dy gjëra. E para për perfeksionim të bazës ligjore që ajo parti politike që është në pushtet të mos përdorë mjete antidemokratike, të mos përdorë administratën, buxhetin e shtetit, median, krimin, mos i nxjerrë të dënuarit nga burgu. E dyta; çështja e vullnetit politik, pasi e vetmja gjë që bën një ndryshim ligjor, duhet vullnet politik”, tha ai. /atsh
Reforma Zgjedhore, Alibeaj: Ndarje e qartë midis shtetit dhe partive politike në proces Read More »
“Kancelarja më konfirmoi se Gjermania do të përpiqet për hapjen e negociatave në muajin mars, gjë që e dëgjuat, e tha edhe në konferencë për shtyp qoftë për Shqipërinë dhe Maqedoninë e Veriut, natyrisht”, tha kryeministri Edi Rama para nisjes për Shqipëri pas takimit me kancelaren Angela Merkel.
Kryeministri Rama në një përmbledhje të takimit me kancelaren Angela Merkel, para kthimit për në atdhe, u shpreh se takimi ishte realisht pozitiv.
“Jo sepse kjo fjalë duhet thënë në këtë rast, por sepse qoftë në temën që ishte shtysa ime kryesore për t’i kërkuar kancelares këtë takim, pra rindërtimi pas katastrofës së 26 nëntorit, qoftë në temën e integrimit europian në funksion të çeljes së negociatave që kancelarja e diskutoi gjerësisht me mua dhe qoftë në temën e saj të preferuar bashkëpunimi dhe integrimi rajonal në kuadrin e përgjithshëm të krijuar nga Procesi i Berlinit, takimi ishte shumë domethënës”-tha Rama.
Kryeministri theksoi se: “Së pari, lidhur me Rindërtimin, Kancelarja u shpreh se Gjermania do të marrë patjetër përsipër pjesën që i takon, qoftë për konferencën e donatorëve, qoftë për më tutje. Sepse e dinë fare mirë se konferenca do të ndihmojë, por natyrisht nuk do të përmbushë tërë nevojën për të financuar Rindërtimin, pasi kjo nuk është as objektivisht e mundur, por jo vetëm kaq. Kancelarja u informua për të gjitha kontaktet e mia me vendet e tjera. Më dha disa këshilla shumë të vlefshme dhe u angazhua për të bërë edha ajo të sajën që konferenca të jetë një sukses. Nga ana tjetër duke qenë një person shumë i dhënë madje, unë them si askush që unë kam njohur ndaj statistikave dhe shifrave, Kancelarja mori çdo detaj mbi planin tonë të financimit të brendshëm të financimit si dhe dëgjoi me shumë vëmendje idetë që ne po punojmë gjatë kësaj periudhe për t’i lançuar si masa shtesë financimi pas Konferencës së Donatorëve ku do të kemi dhe një pasqyrë të qartë”.
“U shpreh pozitive për ato ide dhe na dha disa sugjerime shumë të dobishme duke na ofruar një ndihmë teknike për strukturimin e tyre”-tha ai.
Rama ritheksoi se: “Së dyti, lidhur me integrimin europian, Kancelarja jo vetëm e rikonfirmoi pozicionin e saj të fundvitit të shkuar, por edhe më konfirmoi se Gjermania do të përpiqet për hapjen e negociatave në muajin mars, gjë që e dëgjuat e tha edhe në konferencë për shtyp qoftë për Shqipërinë dhe Maqedoninë e Veriut, natyrisht”.
“Ajo shpjegoi qartë se kjo nuk është aspak e pamundur por njëkohësisht nuk mund të konsiderohet as diçka e lehtë përderisa debati i brendshëm për metodologjinë e re nuk ka përfunduar ende dhe njëkohësisht duhet punuar deri ditën e fundit për të mos ulur ritmin e punës me reformat dhe për të vazhduar të japë rezultate domethënëse. Për Kancelaren, Reforma në Drejtësi, vijimi i pastrimit të drejtësisë nga të korruptuarit përmes Vetingut dhe së fundmi edhe krijimi i SPAK-ut, janë rezultate kuptimplota që japin shpresë dhe siguri për të nesërmen e pushtetit gjyqësor në Shqipëri. Po kështu ajo u shpreh pozitivisht për ligjin special kundër krimit të organizuar dhe amendamenteve speciale ant KÇK, që do të hyjnë në fuqi në ditë e ardhshme pas konsultimeve përfundimtare me ekspertët ndërkombëtarë”, tha ai.
Po ashtu, Kryeministri Rama shtoi se: “Lidhur me temën e rajonit, Kancelarja e përsëriti qëndrimin e saj në mbështetje të nismës sonë për Shengenin rajonal dhe u interesua në detaje për ecuritë dhe kundërshtitë ndaj kësaj nisme duke iu referuar hapave më të fundit mes Beogradit dhe Prishtinës për linjën ajrore dhe atë hekurudhore. Ishim plotësisht me një mendje se të dyja këto rezultate duhet të shërbejnë të gjithëve për të kuptuar se fryma e procesit të Berlinit dhe hedhja e hapave konkret për kthimin e kësaj fryme në vendime të përbashkëta të të gjitha vendeve për lehtësimin e lëvizjes së njerëzve, mallrave, shërbimeve dhe kapitaleve ne rajonin tonë janë rruga e vetme dhe e duhur drejt së ardhmes europiane dhe rritjes së mëtejshme të mirëqenies në të gjitha vendet e Ballkanit Perëndimor. Bashkimi Europian dhe Komisioni Europian do ta mbështesin dhe konkretisht nga pikëpamja financiare këtë bashkëpunim rajonal çka e dëgjuam dhe nga presidenti i Këshillit Europian, Charles Michel, para vetëm tre ditësh në Tiranë”. /atsh
https://www.facebook.com/edirama.al/videos/229675831382336/?t=0
Rama pas takimit me Merkel: Mbështetje për Rindërtimin, negociatat dhe Shengenin rajonal Read More »
