Aktualitet

Meta: Ndryshimet në Kodin Penal janë të standardeve më të mira europiane

Aktualitet, Opinione, Politike / /

Presidenti Ilir Meta deklaroi sot se ndryshimet në Kodin Penal janë të standardeve më të mira europiane për mbrojtjen e të drejtave të njeriut në fushën e shëndetit publik.

Në një intervistë në një nga mediet në vend, Meta tha se ndryshimet janë edhe më të kujdesshme se sa i ka edhe vetë Danimarka, i cili është vendi kampion i mbrojtjes së të drejtave të njeriut në kontinent dhe që është vendi i parë që ka shpikur edhe termin e Ombudsmanit apo të Avokatit të Popullit që në vitin 1241.

Sipas Metës, Kodi Penal kishte një boshllëk të qartë në legjislacion, dhe në rast se nuk do të miratoheshin këto ndryshime, pra jo vetëm do të kishim një boshllëk në Kodin Penal, por e gjithë sjellja do të kishte mundësi të ishte abuzive në raport me qytetarët.

“Unë nuk besoj se një qytetar i Shqipërisë është kundër, që një person i cili është diagnostifikuar nga autoritetet shëndetësore me një sëmundje të rrezikshme apo me një sëmundje ngjitëse, është i paralajmëruar nga ato në mënyrë zyrtare dhe me dashje rrezikon jetën e të tjerëve e sjell si pasojë vdekjen e tyre, gje që provohet padyshim, të mos ketë një dënim”, tha Meta.

Sipas tij, proporcionaliteti dhe siguria juridike janë tërësisht të garantuara.

“Përshkallëzimi nga masat administrative te sanksionet penale, te gjoba apo te dënimi qoftë edhe me burg janë edhe më të kujdesshme se sa vetë legjislacioni për këtë çështje i Danimarkës”, u shpreh Meta.

I pyetur mbi shtyrjen e afatit të gejndjes së fatkeqësisë natyrore, Presidenti tha se “Në vlerësimin tim një shtyrje e re 30 ditore do të ishte më e logjikshme më e arsyeshme”. Por gjithsesi, kreu i shtetit tha se e rëndësishme është të ndërtohet tashmë një rrugë më e qartë drejt rikthimit në normalitet dhe përshtatjes me këtë situateë, pasi është e qartë se kjo do të kërkojë kohën e saj.

Lidhur me efektet e infeksionit COVID-19 në disa sektorë të ekonomisë, Meta tha se duhet të përshtatemi për të rimarrë veten e funksionuar në kushtet e reja.

“Është situatë e vështirë e paparashikueshme, por në javët që vijnë do të ketë përgjigje më të qarta. E rëndësishme është të mos humbasim përqëndrimin nga rritja e testimeve, gjurmueshmëria e rasteve dhe izolimi i vatrave, sepse këto do të na krijojnë mundësinë që gradualisht të kthehemi drejt një normaliteti të ri, sepse ai normalitet që u ndamë dy muaj më parë do të na kërkojë kohë të gjatë“, tha Meta./atsh

Meta: Ndryshimet në Kodin Penal janë të standardeve më të mira europiane Read More »

Shfaqje teatrale online për të gjithë familjen

Aktualitet, Art-Kulture / /

Nëse teatrin nuk e ndjekim dot nga salla këto kohë, atëherë zini vendin më të mirë në shtëpinë tuaj dhe rehatohuni për të parë shfaqjen.

Teatri Metropol vjen çdo fundjavë në çdo shtëpi, për të gjithë familjen. Në bashkëpunim me RTSH Radio Televizioni Shqiptar, Teatri Metropol do të sjellë teatrin në shtëpi.

Çdo fundjavë, artdashësit do të kenë mundësi të ndjekin online disa shfaqje të përzgjedhura, falas në kanalin e Teatrit Metropol në Youtube. Sot do të nisin dy shfaqjet e para “Rrajët lëvizin” e bazuar në veprën e Ernest Koliqit dhe regji nga Rozi Kostani, sjellë në skenë në festivalin e dramës shqipe “MetroFest” në Teatri Metropol – Qendra Kulturore Tirana.

Ndërkaq ditën e diel, në orën 11:00 për fëmijët do të transmetohet shfaqja, “Tullumbaci i kuq” e me autor Barry Kornhauser me regji nga Roerd Toçe dhe interpretim nga Erdet Miraka.

Shfaqja e fëmijëve “Tullumbaci i kuq” e shkruar nga Barry Kornhauser, vepra vjen këtë fundjavë në analin e Teatrit Metropol në youtube për spektatorin e vogël. Kjo shfaqje teatrale e cila flet për një burrë dhe një tullumbace të kuqe vjen në skenë jo nëpërmjet fjalës por nëpërmjet pantomimës, gjatë së cilës përcjell një sërë emocionesh te publiku.

Personazhi i vetëm njerëzor në këtë shfaqje është Plaku, i cili nuk flet më, pasi nuk ka me kë të flas. Ngjarja zhvillohet në apartamentin minimalist dhe dëshpërues të Plakut në Paris. Ai mund të mos ketë harruar si të flasë, por ka harruar si të luajë. Jeta e tij është e qetë dhe e trishtë dhe ai e ka pranuar këtë mënyrë jetese.

Trishtimi në hapat e tij të rëndë janë në kontrast të plotë me karakterin e tullumbaces, e cila është energjike, plot gjallëri, e shkujdesur dhe mjaft lozonjare. Të gjitha këto mjaftojnë për ta thyer ngurtësinë e Plakut. Kjo shfaqje flet për rizbulimin e ndjesisë së lojës dhe gëzimit./atsh

Shfaqje teatrale online për të gjithë familjen Read More »

Policia mbrojtje e monitorim në zonat e gjelbërta Rama: Mundësi dhe përgjegjësi e re për qytetarët

Aktualitet, Lajmi i fundit / /

Policia e Shtetit po përgatitet për mbrojtjen dhe monitorimin e zonave të gjelbra, ku prej ditës së hënë do të lehtësohet lëvizja duke respektuar disa rregulla strikte.

Kryeministri Edi Rama tha sot se “qytetarët e zonave të gjelbra do të kenë një mundësi të re, po edhe përgjegjësinë e re që të mbrojnë veten e të tjerët, në kushtet e një lehtësimi të madh krahasuar me pjesën tjetër të vendit”.

Ditën e djeshme, Kryeministri Rama publikoi hartën e zonave të gjelbra,që përfshijnë qarkun Dibër, qarkun Gjirokastër, zona e përbashkët e bashkive Pogradec, Përrenjas, Librazhd, zona e përbashkët e bashkive Sarandë, Himarë, Konispol, Finiq dhe bashkia Divjakë./atsh

Policia mbrojtje e monitorim në zonat e gjelbërta Rama: Mundësi dhe përgjegjësi e re për qytetarët Read More »

Basha me përfaqësuesit e PD-së: T’ju japim zë problemeve dhe halleve të qytetarëve

Aktualitet, Politike / /

Kryetari i PD-së Lulzim Basha tha sot se ne do jemi zëri i halleve the problemeve të njerëzve, gjatë bisedës me përfaqësues të Partisë Demokratike në të gjithë Shqipërinë.

Basha shprehet se “sot bisedova përmes disa videokonferencave me drejtuesit dhe përfaqësuesit e Partisë Demokratike në të gjithë Shqipërinë, lidhur me situatën e rëndë që po kalon vendi”.

“E përbashkëta kudo është që qytetarët janë në vështirësi për të siguruar jetesën e përditshme. Shteti ka lënë në harresë mijëra familje në nevojë dhe biznese. Shumica nuk kanë marrë akoma asnjë ndihmë apo mbështetje nga qeveria, ndërkohë që ju duhet të paguajnë edhe faturat e rritura të dritave dhe ujit. Ne do vazhdojmë të jemi në kontakt me njerëzit për t’ju dhënë zë problemeve dhe halleve të tyre në këto ditë të vështira”, tha ai.

Po ashtu, Basha shton se “pa asnjë vonesë, qeveria duhet të shpërndajë fondet e mbijetesës dhe të përfshijë menjëherë të gjithë familjet dhe njerëzit në nevojë. Të mbështesë sipërmarrjen në vështirësi mbijetese, biznesin e vogël, fermerët, fasonët, bizneset prodhuese dhe turizimin, pa përjashtuar askënd”.

“Shqiptarët që kanë paguar këto 7 vjet taksat ndër më të lartat në rajon, kanë sot nevojë për ndihmën që ju takon nga shteti. Qeveria nuk mund t’i fshihet përgjegjësisë”, tha në fund ai. /atsh

Basha me përfaqësuesit e PD-së: T’ju japim zë problemeve dhe halleve të qytetarëve Read More »

Shërbimi taksi rinis më 27 prill, ja protokollet e sigurisë që duhet të respektohen

Aktualitet, Lajmi i fundit / /

Të hënën e 27 prillit do të rinisë shërbimi i taksive për lëvizjet brenda qytetit të cilat do të funksionojnë duke respektuar protokollet e ndërmarra në situatën e emergjencës COVID-19.

Fillimisht shoferi dhe pasagjeri duhet të jenë të pajisur me maska, doreza dhe dezinfektant si dhe duhet të shmangin kontaktet fizike.

Ndërkaq, nuk do të lejohet më shumë se një klient në taksi dhe ai duhet të ulet mbrapa dhe diagonalisht me shoferin e mjetit. Përjashtim nga ky rregull bëjnë vetëm rastet nga e njëjta familje dhe të shoqërimit me të mitur apo persona me paaftësi.

Po ashtu, kondicioneri në makinë duhet të qëndrojë i fikur ndërsa dritaret e mjetit duhet të qëndrojnë paksa të hapura. Duhen respektuar gjithashtu edhe kërkesat e ministrisë së Shëndetësisë për të mbuluar gojën dhe hundën me një pecetë ose bërryl kur kolliten apo kur teshtin, si dhe të shmanget prekja e syve, hundës ose gojës me duar të palara.

Rregulla duhet të ndiqen edhe për pagesën e udhëtimit, pasi shoferi pas pagesës me kartë apo kesh, shoferi dhe pasagjeri duhet të dezinfektojnë duart. Ndërkohë shoferi pas çdo pasagjeri, duhet të dezinfektojë: timonin, dorezat e dyerve të mjetit, sediljet, rripat e sigurimit, kontrollet e dritareve, butonin e bagazhit./atsh

Shërbimi taksi rinis më 27 prill, ja protokollet e sigurisë që duhet të respektohen Read More »

Rama rithekson: Harroni lokalet e natës!

Aktualitet, Problematika / /

“Jeta e re” në bashkëjetesë me koronavirusin nuk do ketë më shtrëngime duarsh e plazh me grumbuj njerëzish, e lokale nate apo bar kafe që konsiderohen në gjithë botën për momentin vatra të rrezikshme infeksioni.

E gjithë ekspertiza e këshillat janë që të ruhemi seriozisht nga hapja e bareve restoranteve se janë vatër infeksioni i jashtëzakonshëm por i shohim të gjithë opsionet por duhet dhe pak durim”, tha Rama. Rama theksoi se edhe lëvizja me mjet privat do lehtësohet në ato zonat ku “do pilotojmë një hapje më të madhe”.

“Harrojeni normalitetin që kishim para kësaj, deri kur të dalë vaksina normaliteti s’do jetë më si ai i mëparshmi, futeni në kokë mirë, normaliteti i ri do jetë ndryshe, s’ka më dhënie dore, turru në autobus, restorante e bëj radhë sa të lirohet vendi, s’ka më shko në plazh atje dhe bëj transmetim me valë avujsh djerse e alkooli nëpër pub-e dhe ato beach bar-e, s’ka më nuk ekziston nuk mundet, por s’do rrimë të gjithë brenda do dalim e të bashkëjetojmë me atë rrezik në cdo hap.

Mjaftojnë pak për t’i bërë gjëmën gjithë popullit e pastaj e shikojnë mirë ata që thonë se kjo është përrallë”, u shpreh kryeministri

Rama rithekson: Harroni lokalet e natës! Read More »

Klosi: Nga fundi i majit mund të kemi fluturimet e para charter me turistë

Aktualitet, Turizem / /

Nga fundi i muajit maj apo fillimqershori mund të fillojnë fluturimet e para charter me turistë drejt vendit tonë nën masa shumë strikte higjieno-sanitare dhe ruajtjen e distancimit social.

Ministri i Turizmit dhe Mjedisit, Blendi Klosi, gjatë një interviste televizive theksoi se, duke parë situatën e krijuar nga COVID 19, këtë vit, do të jetë një turizëm i vështirë, por që do të nis të funksionojë por pa humbur vigjilencën. Ministri Klosi tha se mbi 80 % e turistëve vijnë në rrugë tokësore kryesisht nga rajoni.

“Në fund të muajit maj ose fillimqershori nëse gjërat shkojnë kështu siç mendojnë se po shkojnë do të fillojnë Charter-at e parë me udhëtim të dedikuar dhe me kontrolle shumë strikte me turistë të huaj dhe me kontroll të madh të higjienës, distancimit social. Do të jetë një turizëm i vështirtë, por edhe një turizëm që do të fillojë të mbajë të gjithë sistemin e turizmin. Pra shpresojmë të nisim me Charter-at e parë, kompanitë e transportit dhe prenotimet e para. Me këto kushte që kemi por pa humbur vigjilencën ne do të kemi padyshim dhe këtë vit turizëm të organizuara”,- tha Klosi.

“Asgjë nuk do të jetë siç ka qenë, nuk do të kemi organizim e të madh e festa të mëdha, disko apo schuma-party, por struktura që duhet të menaxhohen në mënyrë shumë të organizuar për të ruajtur higjienën dhe distancimin. Jemi ende në fazën e duarve me shkumë dhe jo schuma-party”, u shpreh ministri Klosi.

“Mbi 80 % e turistëve vijnë nga toka shumë më tepër vizitor do të vijnë nga rajoni nga Kosova, Maqedonia, Serbia, Bosnja apo Bullgaria. Sektori ka nevojë që të jetë solid pasi nuk funksionon dot vetëm nga një hotel dhe restorant, por janë mbi 200 mijë kontributor direkt ose indirekt në këtë sektor”-, theksoi Klosi. /atsh

Klosi: Nga fundi i majit mund të kemi fluturimet e para charter me turistë Read More »

Ambasadorja franceze, Vasac në Fier: Dhuron 800 maska shumëpërdorimshme

Aktualitet / /

Ambasadorja e Francës në Tiranë, Christina Vasac i ka dhuruar sot Bashkisë Fier 800 maska shumëpërdorimshme.

Maskat janë destinuar të përdoren nga punonjësit e bashkisë gjatë ushtrimit të funksioneve të tyre publike si në zyra, ashtu edhe në terren.

Nënkryetarja e Bashkisë, Enkelejda Peshkëpia priti sot ambasadoren Vasac, të cilën e falënderoi për këtë akt solidarizimi në luftë kundër COVID-19./atsh

Ambasadorja franceze, Vasac në Fier: Dhuron 800 maska shumëpërdorimshme Read More »