Aktualitet

Kush janë shenjat që duhet të bëjnë shumë kujdes? Publikohet horoskopi javor për datat 18-24 Maj

Aktualitet / /

Dashi-Jeta juaj ne çift do jetë e mbrojtur nga yjet gjatë kësaj jave. Do e lini pas krahëve të shkuarën e hidhur dhe do mendoni më pozitivisht për të ardhmen. E enjtja dhe e diela do jenë ditët më të veçanta. Ju beqarët do jeni shumë sentimentaliste dhe kjo mund t’iu shtyje drejt disa gabimeve. Në planin financiar do mbizotërojë gjithë kohës qetësia pasi do dini mire sesi t’i menaxhoni paratë. Shëndeti nuk do jetë shumë i keq, por mirë është të merrni masa pa u ndodhur probleme. Në punë, falë arritjeve që do keni do futeni në një tjetër status. Përgjegjshmëria dhe korrektësia do jenë pikat më të forta. Familja nuk do ketë probleme.

Demi-Mjedisi yjor do e bëjë zemrën tuaj të vlojë këtë javë. Do ripërjetoni kënaqësi dhe emocione të forta si në fillimet e lodhjes. Ju beqarët do i përdorni të gjitha armët për ta bërë për vete personin që pëlqeni. Nuk do ju mungojë as humori dhe as erotizmi. Rezultatet në fakt do jenë ato të shumëpriturat. Buxhetin do e riorganizoni dhe do arrini ta përmirësoni shpejt situatën. Shëndeti do ketë probleme serioze nëse nuk kujdeseni për higjienën, nëse pini duhan dhe nëse ushqeheni keq. Në punë përfitoni nga mundësitë që do iu jepen për të eksperimentuar në fusha të reja sepse nuk keni për t’u penduar. Jeta familjare do jete shume e ngrohte dhe do ju sjelle gëzim.

Binjakët-Klima shume e përshtatshme për mirëqenien dhe harmoninë e jetës tuaj në çift gjatë kësaj jave. Keni për t’u ndier përherë mirë në krahët e partnerit dhe nuk do keni aspak ankesa për njëri-tjetrin. Beqarët mirë është të jenë të arsyeshëm dhe të mos bëjnë asnjë lloj çmendurie pasi çdo gjë do ketë pasoja tek e ardhmja. Situatën financiare do arrini ta konsolidoni pak nga pak dhe me shume kujdes. Edhe ndihma e disa të afërme do jetë e çmuar sidomos ne fundjavë. Shëndeti në disa ditë mund të ketë disa shqetësime sidomos nga rrugët e frymëmarrjes. Në punë do jeni ambiciozë pafund dhe nuk do ndaleni vetëm me disa arritje të vogla. Jeta familjare do jete rutinë.

Gaforrja-Gjate kësaj jave do përjetoni ndjesi te shumta dhe do ndiheni me mire ne krahët e atij qe dashuroni. Ne dite te caktuara mund te krijoni edhe ambiente romantike. Beqaret do kenë takime pa fund nuk do mund ta gjejnë dot princin e tyre te kaltër. Financat do jene te qëndrueshme ditët e para, por me pas situata do filloje te destabilizohet për shkak te shpenzimeve te shumta qe do kryeni. Shëndeti do ketë disa shqetësime te vogla. Ajrosini here pas here mjediset ku do qëndroni qe te shmangni ndonjë grip te mundshëm. Ne pune do ju duhet shume vëmendje dhe shume mund për te arritur atje ku dëshironi. Ne familje do merrni vendime te rëndësishme.

Luani-Cilado qofte situata në jetën tuaj, ketë javë priten vetëm gjëra pozitive. Yjet do ju bëjnë edhe më te logjikshëm dhe largpamës. Beqarët nuk duhet të ngurrojnë të bëjnë deklarata dashurie sepse mund të marrin aprovime më para nga sa mund ta kishin menduar. Buxheti do arrini ta menaxhoni me më shume rigorozitet fale ndikimit të Plutonit. Asgjë e keqe nuk ka për t’iu ndodhur këtë periudhë. Shëndeti do vijë ditë pas dite duke u përmirësuar. Edhe ata që kanë pasur shqetësime serioze do ndihen më të qetë. Në punë do ju ecë gjithçka sipas parashikimeve kështu që për asnjë moment nuk do gjendeni në vështirësi. Edhe me familjaret marrëdhënia do jetë e shkëlqyer.

Virgjëresha-Pavarësisht të gjitha vështirësive që jeta do iu sjellë, do mundoheni të bëni të pamundurën kësaj jave që të kaloni disa momente të ngrohta me partnerin. Kohën e lirë kushtojani plotësisht atij. Beqaret do kenë njohje gjatë një darke me miq e shokë dhe dikë do doni ta njihni edhe më shumë. Financat do arrini t’i menaxhoni me përpikmërinë më të madhe dhe do mund ta mbani situatën nën kontroll. Shëndeti nuk do jetë në periudhën më të mirë të mundshme. Nëse jeni duke mbajtur dieta kujdes mos qëndroni fare pa ngrënë. Në punë situata mund të destabilizohet goxha dhe ky do jetë shqetësimi më i madh i javës. Edhe jeta familjare do jetë goxha e trazuar.

Peshorja-Ka rrezik te përballeni me surpriza jo te mira gjate kësaj jave ne jetën tuaj ne çift. Si ju ashtu edhe ai qe keni ne krah nuk do toleroni ne asnjë moment. Beqaret nuk do kenë shume fat ne dashuri dhe serish do mbeten vetëm. Mos kërkoni një person perfekt sepse ai nuk ekziston. Ne planin financiar do ju ndjeke fati i keq dhe do keni goxha vështirësi. Kërkoni ndihme pa qene shume vone. Shëndeti do vije duke u përmirësuar dita ditës dhe ne fund te javës do keni energjinë e dëshiruar. Ne pune do keni disa përballje te forta me shefat, por ne fund do e merrni atë qe keni kërkuar. Ndonjëherë ja vlen te tregoheni paksa kokëfortë. Ne familje do keni mosmarrëveshje.

Akrepi-Tensioni qe ka ekzistuar gjithë këto kohe ne jetën tuaj ne çift do filloje te shuhet gjate kësaj jave. Ju do e kuptoni se keni bere disa gabime dhe do dini te kërkoni falje. Edhe partneri do jete me i gatshëm te bashkëpunojë. Beqaret do jene fatlume dhe do arrijnë ta bëjnë për vete personin qe pëlqejnë. Një etape e re do filloje ne jetën tuaj. Ne planin financiar nuk do keni shume përmirësime, por gjithsesi situata nuk do jete aspak problematike. Shëndeti fatmirësisht nuk do ketë asnjë shqetësim. Do jeni çdo dite ne forme te shkëlqyer. Ne pune yjet do ju japin energji dhe do ju nxitin te tregoheni këmbëngulës. Familjaret do i keni krah ne çdo fushe.

Shigjetari-Yjet do ju përkëdhelin se tepërmi këtë jave ju qe jeni ne çift dhe do ua bëjnë jetën akoma me te bukur. Do flisni dhe do bashkëpunoni për gjithçka me atë qe keni ne krah. Beqaret edhe pse do kenë shume mundësi për te krijuar një lidhje duhet te bëjnë kujdes. Jo te gjithë personat mund t’iu përshtaten. Ne planin financiar çdo gjë do shkoje mire. Do tregoheni te kujdesshëm me shpenzimet dhe do mund te kryeni transaksionet e dëshiruara. Shëndeti nuk do jete problematik, por duhet te bëni kujdes me ushqimin e tepruar. Puna do ece goxha përpara dhe do sjelle përfitime ne te ardhura. Do ndiheni mire për arritjet. Me familjaret do keni diskutime te gjata.

Bricjapi-Kjo jave do jete shume e vrullshme për ata qe janë ne një lidhje. Do dashuroni ne mënyrë te çmendur, por edhe kur te debatoni nuk do përmbaheni. Kujdes sepse disa gabime te vogla mund ta kthejnë situatën ne disfavorin tuaj. Beqareve nuk do ju mungojnë ne asnjë moment rastet për te krijuar një lidhje. Shfrytëzojini ato. Ne planin financiar do keni serish disa vështirësi, kështu qe merrni sa e shpejt masat pa qene vone. Shëndeti nuk do ketë probleme te mëdha, por lodhja do beje punën e vet. Here pas here do jeni pa fuqi. Ne pune, nëse nuk do jeni shume te qarte për atë qe duhet te bëni, kërkoni ndihme. Ne familje do tregoheni me autoritare sesa duhet.

Ujori-Marsi do i zgjojë këtë javë edhe ata më indiferentet. Do përkujdeseni mjaft për jetën në çift dhe do bëni që çdo çast të jetë si një ëndërr e vërtete. Tradhtitë nuk do jenë aspak pjesë e jetës tuaj. Beqarët mund të kenë edhe dashuri me shikim të parë, por duhet ta lënë veten më të lirë dhe të bëjnë atë që do ndiejnë për momentin. Nëse në plani financiar, deri tani keni ditur si të manovroni, as kjo javë nuk do ketë probleme. Shëndeti nuk ka për të qenë i përkryer, por për fatin e madh nuk do keni probleme serioze. Në punë do iu jepen mundësi interesante për ta treguar veten sesa vleni. Përfitoni dhe do mbusheni edhe vete me gëzim e optimizëm.

Peshqit-Jepini më shumë besim partnerit tuaj këtë javë, bëni gjera të çmendura dhe keni për t’u ndier mirë vetë dhe ai që keni në krah. Nëse partneri ju propozon një ngjitje në mal apo një piknik diku mos u mendoni dy herë për të pranuar. Ju beqarët do jeni shumë joshës dhe nuk do lini asnjë person të kalojë para jush indiferent. Ka mundësi qe nga mesi i javës të merrni edhe ndonjë propozim më të veçantë. Gjendja financiare do konsolidohet tej mase kështu që mund t’i lejoni vetes ndonjë shpenzim ose mund te filloni të shlyeni disa borxhe. Shëndeti nuk do jetë i keq, vetëm kujdes mos përballeni me ndonjë aksident të papritur. Në punë, këtë javë, gjithçka do ece sipas planeve dhe nuk do ju dalin asnjëherë vështirësi serioze. Familja pa probleme.

Kush janë shenjat që duhet të bëjnë shumë kujdes? Publikohet horoskopi javor për datat 18-24 Maj Read More »

Hapen sot lokalet dhe restorantet , ja cfarë pritet

Aktualitet, Lajmi i fundit / /

Shumëkush habitet me numrin e lartë të kafeneve që ka në Shqipëri, që i gjen në çdo cep. Të dhënat zyrtare të INSTAT tregojnë se në vend deri në fund të 2018-s kishte rreth 18 mijë bare e restorante, 82% e të cilave janë bar-kafe, të cilat sot do të mund të rifillojnë aktivitetin pas më shumë se dy muajsh të mbyllura.

Në raport me popullsinë, kemi vendosur rekord vitet e fundit. Shqipëria numëron 518 bare për çdo 100 mijë banorë, duke kapur rekord jo vetëm në Europë, por edhe në botë. Ndërsa lë shumë pas vendet e Ballkanit Perëndimor. Pas Shqipërisë renditet Portugalia, e cila kishte 427 bare për çdo 100 mijë banorë. Në top 5 vendet me numrin më të lartë pas Portugalisë, është Spanja me 392 bare për 100 mijë banorë, Greqia me 343, Kroacia me 240 dhe Italia me 211. Vendet e rajonit kanë shumë më pak bar-kafe sesa ne. Psh, Serbia ka vetëm 9, ndërsa MaSipas përllogaritjeve të “Monitor”, bazuar në të dhënat e Eurostat mbi numrin e aktiviteteve të shërbimit të pijeve dhe numrit të popullsisë, numri i bareve në Bashkimin Europian në vitin 2017 nuk ishte më i lartë se 115 bare për çdo 100 mijë banorë.

Ndërsa për shumëkënd është një mjet për të kaluar kohën e lirë, baret dhe restorantet në fakt janë mjaft të rëndësishme për ekonominë vendase, për shkak të peshës së lartë që kanë në punësim dhe në totalin e subjekteve private në vend.

Të dhënat zyrtare të Insitutit të Statistikave tregojnë se shërbimi ushqimor dhe pije punëson mbi 50 mijë individë nga të cilët 40% janë të vetëpunësuar. Informaliteti në këtë sektor llogaritet i lartë, çka nënkupton se dhe numri i të punësuarve është shumë më i lartë se ai zyrtar.

Tendenca nga viti në vit ka qenë ajo e uljes së numrit të ndërmarrjeve të kësaj kateorie ku nga 18, 785 që ishin në vitin 2016 arritën në 17, 507 në vitin 2018. Por teksa numri i njësive ka rënë numri i të punësuarve është rritur çka tregon se shumica e tyre janë konsoliduar si biznese më të mëdha. Një faktor që mund të ketë ndikuar në këtë aspekt është pjesa e rrjeteve të coffe shop dhe kafeneve në formë franchais që po lulëzojnë prej disa vitesh tashmë me marka të regjistruara.

Pesha e punësimit të kësaj kategorie në totalin e gjithë punësimit në vend llogaritet në rreth 10% për qind të ndërmarrjeve private në ekonomi.

Në terma gjinorë të punësuarit e këtij sektori janë meshkuj kryesisht që në përqindje llogaritet rreth 64 për qind e totalit. Shumë djem të rinj punojnë si kamarierë, teksa mund të jenë duke ndjekur shkollën, apo nuk kanë gjetur një tjetër alternativë punësimi.

Sa i takon normës së fitimit tek ndërmarrjet e kësaj kategorie ajo ka rënë nga 12 për qind në vitin 2018 në 8 për qind në vitin 2018.

Për shkak te peshës së rëndësishme në ekonomi, mbyllja e përkohshme e bareve e restoranteve dhe një valë falimentimi e më të vegjëlve në të ardhmen, që nuk do të arrijnë të përballojnë kriteret e reja të sigurisë shëndetësore, pritet që të kenë një ndikim të fortë social në vend.

Priten falimente në masë

Enri Jahaj, anëtar i bordit drejtues të Shoqatës të Bareve, Restoranteve dhe Klubeve, pohon se rregullat strikte për distancimin fizik dhe orari i reduktuar deri në 17:30 për klientët do të falimentojnë biznesin e bareve dhe restoranteve. Për të, të hysh në një bar tashmë do të thotë të hysh në një stacion ushtarak. “Në sektorin tonë, 50 deri në 60% e bareve, restoranteve, klubeve janë të goditura nga kriza, janë në prag të falimentimit. Po flasim për një katastrofë reale financiare dhe sipas parashikimeve me normat e distancimit social dhe lehtësimit të masave, stina e verës do të ikë pa u ndier, po me ardhjen e dimrit, nëse pandemia do të riaktivizohet, rreziku do të jetë shumë i lartë”, shprehet Jahaj.

Ai pohon se të gjithë në këtë sektor janë të frikësuar, pasi ka biznese që përqindjen më të madhe të xhiros e kanë në orët e pasdites dhe kjo i shton më shumë koston se sa i lehtëson. “P.sh., një strukturë bosh sot një X biznesi i kushton 100 mijë lekë, duke përfshirë shpenzimet e dritës, ujit, taksave të bashkive. Në momentin që kjo strukturë bëhet gati për punë, shpenzimet shkojnë nga 250 mijë lekë në 500 mijë lekë, për shkak të shpenzimeve për furnizime ku një pjesë e produkteve kanë shkuar dëm. Në momentin që kemi xhiro prej 200 mijë lekësh, humbjet janë 300 mijë lekë. (500.000 lekë shpenzimet-200.000 lekë xhiro=300.000 humbje). 30 deri në 40% të pronarëve janë të frikësuar nëse ia vlen ta hapësh, apo t’i mbajmë mbyllur bizneset deri në një moment të dytë të lehtësimit të masave. Ne nuk jemi kundër masave dhe nuk kërkojmë të jemi shkaktarë të përhapjes të epidemisë. Për ne është dita zero, pavarësisht viteve që kemi në biznes. Është njësoj sikur po hapim bizneset nga fillimi dhe nuk dimë se çfarë do të ndodhë të nesërmen” deklaron Enri Jahaj.

Për të, perceptimi i përgjithshëm është që qytetarët kanë ndryshuar sjelljen sociale dhe takimet me njerëzit janë jonormale për shkak të distancimit. Imagjinoni – thotë ai – se sa ka ndryshuar perceptimi te një biznese ku 50% e zë produkti dhe 50% shërbimi.

“Ne si shoqatë parashikojmë që do të ketë një falimentim në masë, sidomos bizneset familjare të ngritura me investime minimaliste nuk do t’i mbijetojnë dot krizës dhe sjelljes sonë ndryshe. Po flasim që tashmë klientët do të hyjnë në një ambient që në fillim do t’i matet temperatura, ku do të jesh i detyruar të respektosh distancën dhe nëse klienti këtë e harron, do t’i rikujtohet nga stafi pasi struktura penalizohet”, pohon Jahaj.

Nga të dhënat e shoqatës, parashikimi për klubet e natës është shumë i zymtë. “Nëse qeveria nuk ndërhyn me grante apo subvencionim të qirasë, këto biznese do të falimentojnë. Flasim për struktura që kanë kushtuar me qindra apo mijëra euro dhe me kosto të lartë në mirëmbajtje”, pohon Jahaj.

Nën rregulla të rrepta

Baret do të hapen, por nuk do të jeni më aq të shkujdesur sa dikur.

Sipas protokollit të bareve e restoranteve, subjekti bar – kafe ose restorant duhet të vendosë në sipërfaqen e ambjentit të hapur tavolinat, në atë mënyrë, që distanca nga pjesa e pasme e një karrige në pjesën e pasme të një karrige tjetër të jetë të paktën 1m larg, e për rrjedhojë, klientët ta shohin përballë njëri – tjetrin nga një distancë prej të paktën 2m.

Subjekti bar apo restorant duhet të garantojë dhe respektojë në çdo moment distancën prej 1.5 metra midis personelit të punësuar dhe këtyre të fundit e klientëve.

Rekomandohet shmangia e parasë “cash” dhe ofrimi i shërbimeve me kartë krediti. Punonjësit e arkës dezinfektojnë duart pas çdo veprimi me “cash”.

Nëse pagesa bëhet në arkë subjekti i bar – kafesë ose restorantit duhet të vendosë xham mbrojtës (plexiglass) midis punonjësit dhe klientit.

Punonjësit e shërbimit bar kafe ose restorant nuk duhet të prekin fytyrën, sytë apo maskën pasi të shkëmbejnë para në formatin letër apo monedhë.

Në asnjë rast nuk lejohet kontakti fizik mes punonjësve apo mes palëve të treta përfshirë përshëndetjet.

Subjekti bar – kafe ose restorant duhet të sigurojë pastrimin dhe dezinfektimin e sipërfaqeve me nivel të lartë prekje të shpeshta, si: dorezat e dyerve, tavolinat, tabaka shërbimi dhe banakët e lokaleve.

Subjekti duhet të kryejë dezinfektim të ambjentit dhe larje para hapjes dhe pas mbylljes të paktën 2 herë në ditë. Sipërfaqet e papastra lahen fillimisht me ujë dhe sapun e më pas dezinfektohen me produktet e tjera. Produktet përdoren nga prodhuesi/shitësi në përputhje me udhëzimet përkatëse të Minsitrisë së Shëndetësisë dhe Mbrojtjes Sociale./MONITORqedonia 47 (shih grafikun).

Hapen sot lokalet dhe restorantet , ja cfarë pritet Read More »

Basha në protestë me Aleancën, rindërtimi i Teatrit një zotim që do e bëj realitet

Aktualitet, Politike / /

Partia Demokratike do ti bashkohet protestës së thirrur nga Aleanca Për Mbrojtjen e Teatrit që do të zhvillohet të hënën në ora 16:30 në Tiranë.

Kreu i Partisë Demokratike, Lulzim Basha, në përfundim të mbledhjes me kryesinë dhe ish-grupin parlamentar të Partisë Demokratike, u bëri thirrje të gjithë qytetarëve shqiptarë të bashkohen në protestën e ditës së hënë në orën 16:30 që është thirrur nga Aleanca për Mbrojtjen e Teatrit.

“Aleanca për Mbrojtjen e Teatrit Kombëtar ka shpallur një protest për ditën e nesërme në orën 16:30 dhe ka kërkuar pjesëmarrjen sa më të madhe të qytetarëve dhe është vendim i lidershipit të PD për t’i bërë thirrje të gjithë demokratëve shqiptarë, të gjithë opozitarëve dhe të gjithë qytetarëve shqiptarë që të jemi në protest në mbështetje të aleancës, kundër këtij akti makabër në shkelje flagrante të kushtetutës dhe ligjit. Në një protest jo vetëm në mbrojtje të teatrit, por kundër shkeljes së ligjit, mjerimit ekonomik, që janë veprat e keqbërësit që është Edi Rama”,- tha Basha.

“Në mbledhjen e sotme janë ndarë detyrat për të siguruar pjesëmarrjen maksimale për tu angazhuar në këtë protest në orën 16:30 e cila ndonëse si shkak mbetet prishja e teatrit kombëtarë, ka për detyrë diçka shumë më të madhe që u takon të gjithë shqiptarëve, rikthimin tek vlerat elementare të Demokracisë të shtetit të së drejtësi dhe garancisë së sigurive të qytetarëve shqiptarë. Këto do të jenë të mundura kur Shqipëria ti kthehet qytetarëve të saj.”,- u shpreh Basha.

Kreu i Demokratëve garantoi se me të ardhur në qeveri do të rindërtoj Teatrin Kombëtar me arkitekturën e saj tradicionale, por me një mjedis të brendshëm të modernizuar.

“Gjej rastin të përsëris angazhimin zyrtarë të opozitës me firmën time për rindërtimin e Teatrit Kombëtar dhe jo thjesht restaurimin, por ndërtimin e plotë të Teatrit Kombëtar me parametrat e konceptuara, me modernizimin e nevojshëm brenda. Ky është një zotim, të cilin unë, personalisht dhe koalicioni opozitar, nesër në qeverisjen e vendit, do ta bëjmë realitet ”,-përfundoi Basha./atsh

Basha në protestë me Aleancën, rindërtimi i Teatrit një zotim që do e bëj realitet Read More »

Lehtësimi i masave, ISHP apel qytetarëve: Respektoni rregullat e distancimit social

Aktualitet, Lajmi i fundit, Shendetesi / /

Me lehtësimin e masave shtrënguese është shumë e rëndësishme që secili prej nesh të tregojë kujdes maksimal për të ruajtur veten dhe të tjerët.

Instituti i Shëndetit Publik apelon qytetarët të respektojnë rregullat e distancimit social.

“Respektoni rregullat e distancimit social duke qëndruar në shtëpi, nëse dilni jashtë mbani një distancë të caktuar, më shumë se një metër nga njerëzit e tjerë, veçanërisht kur kolliten ose teshtijnë”, thuhet në mesazhin që ISHP iu drejton qytetarëve.

Po ashtu, ISHP apelon qytetarët të mënjanojnë kontaktet e ngushta dhe praktikojnë higjienën respiratore.

“ Lani shpesh duart për të paktën 20 sekonda. Mos prekni me duar sytë, gojën dhe hundën”, informon ISHP./atsh

Lehtësimi i masave, ISHP apel qytetarëve: Respektoni rregullat e distancimit social Read More »

Kryemadhi thirrje qytetarëve: Mos paguani dritat dhe ujin

Aktualitet, Opinione, Politike / /

Kryetarja e Lëvizjes Socialiste për Integrim, Monika Kryemadhi u ka bëri thirrje qytetarëve që të mos paguajnë faturën e dritave dhe të ujit.

Gjatë protestës kundër shembjes së godinës së teatrit, në zonën e bulevardit “Dëshmorët e Kombit”, Kryemadhi tha se “ai teatër vërtet është rrënojë, ai teatër është përgjegjësi e të gjithë neve bashkë”.

“Jam këtu si qytetare, jo vetëm si drejtues se e LSI. Jam këtu pasi më mirë bëjë burg me dinjitet se pa dinjitet e mbyllur në shtëpi. Prandaj u bëjë thirrje qytetarëve të vijnë këtu. U bëjë thirrje shoqërisë civile të ngrejnë zërin. Qytetarët të mos paguajnë dritat dhe të mos paguajnë ujin e Lali Erit”,- tha Kryemadhi, teksa u kërkoi protestuesve të uleshin në rrugë dhe të bllokonin lëvizjen e automjeteve.

“Kam 48 orë pa gjumë, 12 orët e mia të shërbimit deri në 9 të darkës i bëra me dinjitet, do vazhdoj ta bëj me dinjitet qëndresën time. I bëj thirrje OJQ, Shoqërisë Civile që dalin e bëjnë fjalime për të drejtat e njeriut të vijnë këtu, të ishin atje në mëngjes, boll morën euro në zyrat e BE! Le të vijnë këtu edhe ata që s’kanë qenë ose le ta mbyllin gojën”,- tha Kryemadhi./atsh

Kryemadhi thirrje qytetarëve: Mos paguani dritat dhe ujin Read More »

Baret dhe restorante hapin nesër dyert, protokolli i masave që duhet të zbatojnë

Aktualitet, Lajmi i fundit / /

Baret dhe restorantet hapin nesër dyert, pas dy muajsh të mbyllura, për shkak të masave të ndërmarra nga qeveria për të frenuar përhapjen e infeksionit COVID-19.

Në platformën e-Albania është publikuar protokolli i masave që do të zbatohen në bare dhe restorante gjatë kësaj faze dinamike të pandemisë COVID-19.

Në protokollin e publikuar përcaktohet që sipas rastit administratori/personi fizik tregtar/personi përgjegjës i autorizuar kryen çdo ditë vetëvlerësimin personal dhe vlerësimin për prezencën e simptomave të COVID-19 në personat e punësuar.

Në rast të simptomave, protokolli përcakton se nuk duhet lejuar në asnjë rast vijimi i aktivitetit nga personi përkatës dhe duhet të raportohet menjëherë si rast në numrin 127.

Nëse personi shfaq simptoma ndërkohë që është duke punuar apo pas punës, ky person duhet të njoftojë menjëherë mjekun e familjes. Asnjë person me temperaturë mbi 37,5 gradë Celsius nuk duhet të lejohet të hyjë në subjekt.

Për çdo rast personi përgjegjës lajmëron menjëherë strukturat përkatëse, veçanërisht njësinë vendore të Kujdesit Shëndetësor dhe Institutin e Shëndetit Publik.

Pavarësisht sa më sipër, personat e punësuar kryejnë çdo ditë vetëvlerësimin personal nëse kanë simptoma të COVID-19 sipas çeklistës së miratuar. Në rast të simptomave personi duhet të njoftojë menjëherë 127-ën dhe personin përgjegjës.

Çdo punonjës i bar-kafesë ose restorantit është i detyruar të deklarojë ndaj personit përgjegjës nëse ka patur kontakt me persona të cilët rezultojnë apo kanë rezultuar pozitiv me COVID-19.

Çdo punonjës i bar-kafesë ose restorantit që vëren shenja klinike gjatë qëndrimit në banesë nuk duhet të paraqitet në punë dhe duhet të lajmërojë menjëherë subjektin pronar. Punonjësi duhet të telefonojë 127-n dhe mjekun e familjes.

Subjekti i bar-kafesë ose restorantit lejohet të veprojë vetëm në orarin e caktuar nga dispozitat ligjore.

Rekomandohet sa më shumë shërbim shërbim taksi (delivery) në adresë dhe mundësia e blerjes online/telefon.

Vajtja dhe ardhja në punë në këmbë kryhet duke ruajtur distancën 2 metra dhe jo duke krijuar grupime. Për lëvizjen me automjet të zbatohen masat e publikuara nga Policia e Shtetit.

Subjekti bar-kafe ose restorant, duhet të sigurojë vazhdimisht dhe me mjetet e tij në çdo moment, sapun, letër për pastrimin e duarve, maskat, dorezat dhe dezinfektantë për pastrimin e sipërfaqeve si dhe kosha plehrash të mbyllur të cilët duhen pastruar çdo ditë.

Në hyrje subjekti bar-kafe ose restorant, duhet të ofrojë produktin higjienizues të duarve për klientët dhe të kujdeset për rimbushjen e tyre.

Përqindja e substancës aktive duhet të jetë minimalisht 60% alkool. Personeli i punësuar duhet të përdorë në çdo moment dorezat mbrojtëse dhe maskën mbrojtëse duke mbuluar hundën dhe gojën. Subjekti bar-kafe ose restorant duhet të sigurojë higjienë korrekte të larjes së duarve.

Punonjësit duhet të kryejnë higjienën e duarve rregullisht me ujë dhe sapun për të paktën 20 sekonda. Mund të përdoret një higjienizues për duart me bazë alkooli që përmban të paktën 60% alkool, por ky proces nuk është zëvendësues për pastrimin e duarve me ujë dhe sapun.

Higjiena e duarve duhet të përfshijë këto momente të rëndësishme: para, gjatë dhe pas përgatitjes së ushqimit; pas përdorimit të tualetit; pasi të keni kryer pastrimin e hundëve, pas kollitjes ose teshtitjes; pasi të keni veshur, prekur ose hequr maskën apo mbrojtësen e fytyrës; para dhe pas ndërrimit të punës dhe në mënyrë periodike përgjatë punës; para dhe pas ndërprerjes së punës; pas prekjes së parave ose sendeve që janë trajtuar nga klientët, siç janë qeset ushqimore me një përdorim; para se të vishni dhe hiqni dorezat me një përdorim; të mos prekni sytë, hundën ose gojën; kollitja dhe teshtitja kryhen duke përdorur bryllin apo letër hundësh. Letra hidhet menjëherë në kosh.

Klienti dezinfekton duart në hyrje dhe dalje nga bari ose restoranti me higjienizues me nivel përmbajtje alkooli 60% të vënë në dispozicion nga subjekti.

Subjekti bar apo restorant duhet të garantojë dhe respektojë në çdo moment distancën prej 1,5 metra midis personelit të punësuar dhe këtyre të fundit e klientëve.

Rekomandohet shmangia e parasë “cash” dhe ofrimi i shërbimeve me kartë krediti. Punonjësit e arkës dezinfektojnë duart pas çdo veprimi me “cash”. Nëse pagesa bëhet në arkë subjekti i bar – kafesë ose restorantit duhet të vendosë xham mbrojtës (pleksiglas) midis punonjësit dhe klientit. Punonjësit e shërbimit bar kafe ose restorant nuk duhet të prekin fytyrën, sytë apo maskën pasi të shkëmbejnë para në formatin letër apo monedhë. Në asnjë rast nuk lejohet kontakti fizik mes punonjësve apo mes palëve të treta përfshirë përshëndetjet.

Subjekti bar – kafe ose restorant duhet të vendosë në sipërfaqen e ambientit të hapur tavolinat, në atë mënyrë, që distanca nga pjesa e pasme e një karrige në pjesën e pasme të një karrige tjetër të jetë të paktën 1 m larg, e për rrjedhojë, klientët ta shohin përballë njëri-tjetrin nga një distancë prej të paktën 2 m.

Subjekti bar-kafe ose restorant për të ruajtur distancimin fizik me klientët duhet të sigurojë një korridor të dedikuar për klientët deri në nivelin e arkës dhe një korridor për daljen nga ambienti.

Subjekti bar – kafe ose restorant duhet të vendosë shenjat vizuale në dysheme, shirita me ngjyra, ose shenja për t’u treguar klientëve respektimin e distancës fizike.

Subjekti bar-kafe ose restorant duhet të vlerësojë uljen e orarit të punës për të kryer pastrimin dhe dezinfektimin mjedisor në mënyrë sistematike.
Personat e tretë si furnizuesit dhe shpërndarësit të lejohen vetëm të pajisur me maska dhe doreza mbrojtëse dhe më pas te kryhet dezinfektimi i duarve.
Subjekti bar-kafe ose restorant duhet të sigurojë pastrimin dhe dezinfektimin e sipërfaqeve me nivel të lartë prekje të shpeshta, si: dorezat e dyerve, tavolinat, tabaka shërbimi dhe banakët e lokaleve.

Subjekti duhet të kryejë dezinfektim të ambientit dhe larje para hapjes dhe pas mbylljes të paktën 2 herë në ditë. Sipërfaqet e papastra lahen fillimisht me ujë dhe sapun e më pas dezinfektohen me produktet e tjera. Produktet përdoren nga prodhuesi/shitësi në përputhje me udhëzimet përkatëse të Ministrisë së Shëndetësisë dhe Mbrojtjes Sociale.

Punonjësit gjatë punës apo ndërrimit të turneve nuk duhet të përdorin mjetet apo vendin e punës së kolegëve pa kryer dezinfektimin. Subjekti duhet të afishojë posterin informues mbi uljen e riskut të COVID-19 sipas formatit të miratuar.

Subjekti bar-kafe ose restorant duhet të afishojë deklaratën për zbatimin e protokollit për subjektet, sipas formatit të miratuar ku përfshihet detyrimi për vetëvlerësim të simptomave nga personeli i punësuar/administratori/ çdo person tjetër palë e tretë, që hyn e del në ambientet e brendshme sipas formatit të miratuar ku përmendet përgjegjësia administrative apo penale për personin që nuk merr masat sipas detyrimeve ligjore dhe numri jeshil për denoncim.

Subjekti bar-kafe ose restorant të afishojë të plotë protokollin sipas tekstit të miratuar. Materialet e mësipërme afishohen në hyrje të subjektit si dhe në vende të dukshme në brendësi të subjektit bar-kafe ose restorant./atsh

Baret dhe restorante hapin nesër dyert, protokolli i masave që duhet të zbatojnë Read More »

Nga zgjatja e orarit në “zonat e kuqe”, deri te heqja e autorizimeve të lëvizjes, Rama publikon masat lehtësuese

Aktualitet, Lajmi i fundit / /

Kryeministri Edi Rama ka lajmëruar se edhe Fieri tashmë do jetë në “zonat e gjelbra” dhe nga nesër këto zona nuk do kenë kufizim orari.

“Nga nesër për javën në vazhdim, në bazë të vendimit të Ministrisë së Shëndetësisë Fieri kthehet në ‘zonë e gjelbër’. Hiqet krejtësisht fasha orare e lëvizjes në ‘zonat e gjelbra’. Fasha orare e lëvizjes në ‘zonat e kuqe’ zgjatet deri në orën 21:00. Hiqen në të gjithë vendin autorizimet për lëvizjen e këmbësorëve apo automjeteve”, – tha Rama.

“Vazhdon të jetë e ndaluar hyrje-dalja e automjeteve në ‘zonat e kuqe’. Qeveria do të ndryshojë nesër Aktin Normativ për heqjen e ndalesës së studiove televizive për të ftuar jo më shumë se një person. Do të mbetet vetëm kushti që të ftuarit të vendosen në distancë 2 m nga njëri-tjetri”, – shprehet Rama.

“Miq, me heqjen e të gjitha autorizimeve të lëvizjes, ekspozimi ndaj infeksionit rritet shumë dhe barra e çdo individi për të ruajtur veten e të tjerët gjithashtu! Ju lutem bëni më të mirën tuaj, si deri tani, dhe kujdes në mënyrën më të veçantë më të moshuarit e të sëmurët në familjet tuaja, të cilët duhet të vetëkufizojnë daljet maksimalisht”, – thekson Rama.

“Masa 14-ditore për të vetëkarantinuarit nuk ndryshon dhe shkelja e saj ndëshkohet nga ligji dhe Kodi Penal”, – përfundoi Kryeministri./atsh

Nga zgjatja e orarit në “zonat e kuqe”, deri te heqja e autorizimeve të lëvizjes, Rama publikon masat lehtësuese Read More »

Balla: Shqipëria do ketë shumë shpejt një Teatër të ri Kombëtar dinjitoz

Aktualitet, Art-Kulture, Opinione / /

Kryetari i grupit parlamentar të Partisë Socialiste, Taulant Balla deklaron se Shqipëria do të ketë shumë shpejt një Teatër të Ri Kombëtar dinjitoz.

Balla thekson se ,”ne dhe brezat e aktorëve e regjisorëve pas nesh meritojmë një Teatër dinjitoz, që të na shërbejë jo vetëm neve, por edhe publikut teatërdashës”.

“Siç thanë aktorët dhe regjisorët: “nuk përballojmë dot më as edhe një kokërr loti krokodili në mexhelis për teatrin tonë! 50 vjet në atë ndërtesë-karantinë dhe të harruar nga politika na dalin e na teprojnë! Ne dhe brezat e aktorëve e regjisorëve pas nesh meritojmë një Teatër dinjitoz, që të na shërbejë jo vetëm neve, por edhe publikut teatërdashës”.

“Shqipëria do të ketë shumë shpejt një Teatër të ri Kombëtar dinjitoz”, tha Balla./atsh

Balla: Shqipëria do ketë shumë shpejt një Teatër të ri Kombëtar dinjitoz Read More »