Dita e shtunë prashikohet të ketë mot kryesisht të vranët e intervale kthjellimesh.
Sipas Shërbimit Meterologjik, do të ketë dhe reshje shiu me intensitet të ulët në zonën Jugore-Juglindore të vendit deri në orët e mesditës. Era parashikohet nga kuadrati i Veriut me shpejtësi 2-12m/sek, e cila hera-herës përgjatë vijës bregdetare dhe zonave luginore fiton shpejtësi deri në 20m/sek. Kurse dita e diel parashikohet të ketë mot me alternime vranësirash dhe kthjellime.
Era parashikohet nga kuadrati i Veriut me shpejtësi 2-10m/sek, e cila hera-herës përgjatë vijës bregdetare fiton shpejtësi deri në 15m/sek.
Ministrja e Shtetit për Marrëdhëniet me Parlamentin, Elisa Spiropali, u gjend mbrëmjen e sotme në “Zonë e Lirë”.
Vetëm pak minuta pasi hyri në studio, Spiropali kërkoi që të fikej kondicioneri. Ajo i bëri vërejtje Arjan Çanit teksa i tha se nuk lejohet përdorimi i kondicionerit në kohë pandemie(!).
“Mund ta fikni pak kondicionerin? Nuk duhet përdorur në këtë kohë”, i tha Spiropali Çanit.
Në vijim, ministrja Spiropali dhe një i prezantuari nga Çani si analist, politolog dhe filozof, Arjan Çuri, kanë folur mbi situatën me të cilën po përballen njerëzit në vendin tonë.
“Ka në gjithë botën një rëndim të shëndetit mendor, edhe këtu. Nuk lidhet vetëm me Covid-19, lidhet dhe me keqqeverisjen, sidomos me varfërinë. Njeriu kur është shumë i varfër, shkon tek ai moment kur nuk ka çfarë të humbasi më”, – i tha Arjan Çuri ministres.
Spiropali reagoi kështu: “Shqiptarët janë të jashtëzakonshëm në kohë krizash. Funksionojnë mirë në kohë krizash, nga kriza krijojnë mundësi të reja. Mos ua qani aq shumë hallin shqiptarëve, në këtë studio. Punojnë shumë, eksportojnë, tregtojnë, ndërtojnë… Kanë bërë progres të jashtëzakonshëm. Realiteti është shumë ndryshe, e pranoj dhe realitetin tënd se është një realitet meditativ”, tha Spiropali.
Lëkundja është ndjerë në Tiranë, por zgjati pak sekonda.
Sipas EMSC, magnituda paraprake vlerësohet të jetë 3, shkalla Rihter. Epiqendra ishte 25 km në veri të Durrësit,, si dhe 34 km në veriperëndim të Tiranës.
Në epiqendër tërmeti ka pasur një thellësi 10 km, çka bërë që edhe pse me madhësi 3, lëkundja të ndihej e të krijonte panik, por fatmirësisht vala zgjati 2 deri në tre sekonda.
Këto lëkundje vijuan pas lëkundjeve të forta, që u ndjenë sot në Greqi.
Tërmeti me magnitudë 5.9, sipas EMSC, goditi sot rajonin e Kretës.
Sipas dëshmive, lëkundjet afër epiqendrës ishin të forta, ndërsa fatmirësisht tërmeti edhe atje ka zgjatur vetëm pak sekonda.
Në epiqendër tërmeti pati një thellësi 45 km, çka kjo e bëri më të ulët intensitetin në sipërfaqje.
Epiqendra e tërmetit ishte 57 km në juglindje të “Iaákleion”, Kretë, zonë me një popullsi mbi 100 mijë banorë.
Kujtojmë se pas tërmetit tragjik të 26 nëntorit të vitit të kaluar, lëkundjet u pasuan edhe në Kretë. Sipas ekspertëve, vitin e kaluar ishte shkarkuar e njëjta valë sizmike, pasi dy vendet ndodhen në një zonë sizmiologjike. Por duket se edhe pas shumë muajve, energjia e akumuluar ende nuk është shkarkuar.
Tr ansgjinori Luana ka treguar se për shkak të paragjykimeve dhe talljeve nga të tjerët është detyruar që të largohet nga qyteti i tij i Durrësit, për në Elbasan.
Ai ka kërkuar ndihmën e psikologes të shkollës kur shkoi në vitin e parë gjimnaz në Durrës, por psikologia i ka treguar historinë e tij edhe kolegëve të saj.
I ftuar në emisionin Historia ime në Tv Klan, përballë Mirela Milorit, Luana tha se nga ky moment mësuesit filluan ta pëqeshnin e ta shihnin me sy të keq.
Madje Luana filloi të binte nga mësimet, për këtë arsye vendosi që të shkonte në Elbasan, ku gjeti shumë paqe dhe rehati si në shkollë ashtu edhe në shoqëri. Flet gjithashtu nëse emri ka lidhje me Luana Vjollcën si dhe faktin se e ka pritur familja vendimin e tij.
Pse u largove nga Durrësi për në Elbasan?
U regjistrova në shkollë në vitin e parë në qytetin e Durrësit dhe duke u shoqëruar me njerëz tr asgjinorë si puna ime në qytet fillova të ekspozohesha më shumë. Aty filluan ngacmimet më shumë, puls që pata një interivistë në shkollë me psikologen, kur në ato momente me shumë trysni, unë kisha shumë nevojë për ndihmë, kisha nevojë të shprehesha tek dikush dhe të flisja se çfarë po ndodh me mua.
Plus e tr ansgjinorët si puna ime fillova t’i merrja fobi sepse nuk doja të përfundoja si ato. Unë ëndërroja që në fëmijëri të isha një femër e fuqishme, të mbaroja një arsim, një femër e pavarur. Të gjitha këto dëshira fillova t’ja tregoja psikologes. Normalisht si në Shqipëri që jemi, nuk të mban gjë barku dhe normalisht do shprehesh tek kolegia dhe ashtu bëri edhe psikologia.
Pra theu kodin e saj të punës?
Ajo tregoi, dhe pashë një ndryshim kolosal tek mësuesit në mënyrën si silleshin me mua, kur ngrihesha në mësim më shikonin me përqeshje. Filluan të më hidhnin fjalë, më pas u përhap më shumë. Filluan ngacmime nga çunat, kërcënime të kota, gjë që më bëri të futesha në trysni dhe të bija nga mësimet. Kështu vendosa të lija familjen e qytetin e të shkoja në Elbasan. Kam qëndruar 3 vite në Elbasan tek shoqata Tjetër Vizion , jetoja tek ajo shoqata.
Vazhdove shkollën aty, me çfarë rezultatesh?
Isha presidenti i shkollës, gjithmonë unë isha vëmendja e shkollës, në çdo aktivitet mësuesit me mua krenoheshin. Në çdo mbledhje që vinin nga Ministria unë dilja përpara dhe prezantohesha. Në shkollë kam pasur një eksperiencë shumë të bukur e shokët më kanë mbështetur pavarësisht orientimit tim.
Pse ke zgjedhur emrin Luana?
Shumë veta mendojnë për shkak të Luana Vjollcës, unë e vlerësoj si personazh, por jo. Thjesht unë i përkoj shenjës së Luanit në horoskop. Meqë kam punuar një vit në televizion dhe një vit kam lexuar horoskopin aty, u fiksova shumë.
Si je përpjekur t’ja shpjegosh të shtëpisë.
Ata e kishin kuptuar dhe përpiqeshim që të mos e ngacmonim njëri-tjetrin si për shembull pse vishesh kështu si femer apo me këto ngjyra, e kemi lënë pezull. Por unë e lëshova topin, duke dalë në televizion në 17 Maj para dy vitesh duke dhënë një intervistë të shkurtër me mikrofon. Përmes televizionit ata mësuan të vërtetën time. Në fakt ata e dinin, thjesht ata më panë të veshur, të lyer.
Mirela Milori: Çfarë ndodhi kur shkove në shtëpi?
Asnjë gjë, madje unë isha frikësuar dhe kisha mbajtur një tërheqje duke mos kontaktuar pak me familjen, duke menduar prit sa të qetësohen.
Po me babin si ka qenë marrëdhënia?
Babai im ka qenë njeri shumë i butë dhe i mrekullueshëm sepse nuk më ka privuar asnjëherë nga gjërat që unë dua. Sigurisht që ka ato shqetësimet e veta por nuk ka ushtruar dhunë apo ku di unë.
Presidenti i Republikës, Ilir Meta, vizitoi sot Muzeun Historik në “Sinë, në truallin e Kastriotëve, vendin e origjinës të Heroit tonë Kombëtar, Gjergj Kastrioti Skënderbeu”, – siç edhe u shpreh ai.
‘Kënaqësi të vizitoja Muzeun Historik dhe të njihesha nga afër me të dhëna interesante për betejat heroike të zhvilluara për mbrojtjen e kombësisë, territorit dhe identitetit tonë europian”, – shtoi Presidenti Meta pas kësaj vizite.
“Të bëhet zemra mal kur sheh djemtë dhe vajzat e Dibrës të lartësojnë traditat dhe vlerat tona duke na bërë të ndihemi krenarë!”
Kreu i shtetit e mbylli mesazhin, që e shoqëroi edhe me foto përkatëse, përmes fjalëve:
“Thelbësore që rinia jonë të njohë rrënjët kombëtare, për të mbrojtur më mirë të ardhmen europiane të Shqipërisë”.
Në konferencën e përjavshme për mediat, Presidenti Ilir Meta u pyet nëse do e linte mandatin e Presidentit për të marrë një post të rëndësishëm qeveritar, siç është përfolur kohëve të fundit në media.
“Unë kam qenë gjithë kohës i gatshëm për hir të marrëveshjeve që zgjidhin krizën e institucioneve të vendin, të lija postin e Presidentit, për të pasur një zgjidhje afatgjatë. Dua të siguroj se duan të heqin vëmendjen nga zgjedhjet e 25 prillit, por se në të gjitha rastet premtimin që ka bërë që deri në 24 korrik 2022, ky institucion do të jetë kështjellë e pamposhtur e demokracisë dhe mbrojtjes së Kushtetutës. Këtë premtim do e mbaj në të gjithë mënyrat”, u shpreh Meta.
Ai tha se ka bërë gjithçka që vendi të mos përplaset në fund të greminës, edhe pse e shtoi se ka marrë tatëpjetën prej kohësh, por se për të kanë rëndësi zgjedhje të lira ndershme.
Sipas tij domosdoshmëria e vendosjes së legjitimitetin është kërkesë ultimative edhe për të ardhmen e Shqipërisë.
Lidhur me plotësimin e vendeve vakante në Gjykatën Kushtetuese, ai deklaroi se kjo situatë problematike ka 3 vjet që zgjat.
“Që me bllokimin e Këshillit të Emërimeve në Drejtësi, dhe më pas keqfunksionimin e saj. Problematikat në vitin 2019 janë trajtuar në opinionin e Venecias. Edhe KED e 2020 ka problematika, si vonesat e pajustifikuara. Problematikat e kosntatuara nuk lidhen vetëm me KED, por dhe institucione të tjera. Që kanë të bëjnë me informacionin, dhe nuk e realizojnë në kohë. Presidenti kërkon të dijë se si institucionet kanë komunikuar me KED, dhe si KED nuk ka reaguar duke pranuar këtë zvarritje”, deklaroi kreu i shtetit./noa.al
“Asnjë të sëmuri mendor apo të marrosuri pas vjedhjes së pushtetit, nuk duhet ti shkojë mendja se Presidenti i vendit mund të frikësohet apo intimidohet dhe të mos përmbushë misionin historik që të jetë Presidenti i 25 prillit”.
Kështu deklaroi Presidenti Ilir Meta në konferencën e përjavshme për mediat, kur tha se ky parlament do të mbetet parlamenti i 1 prillit nëse nuk iu përmbahet marrëveshjeve, ku tha se kushti i parë është respektimi i marrëveshjes së 5 qershorit, dhe këtu përshëndeti qëndrimin e opozitës për hapjen e listave 100%.
“Mirë keq ju e keni Presidentin dhe të jeni të sigurt edhe sikur të mos kishit Presidentin dhe të kishin mbaruar të gjithë burrat në Shqipëri, jam e sigurtë që gratë e Shqipërisë do ua kalonin edhe grave të Bjellorusisë! Se kur ngrihen gratë e një shteti diktatorial si Bjellorusia, gratë shqiptare do të bëjnë atë që do ju duket shumë e madhe edhe virma vrimës së miut”, u shpreh kreu i shtetit.
Ai shtoi se Presidenti është këtu, nuk fle gjumë dhe se zgjedhjet e 25 prillit janë domosdoshmëri dhe se kushdo që mendon se do e trembë popullin shqiptarë që të fabrikojë shumicë sipas dosjes së Shijakut dhe Dibrës, e sfidoi që ta provojë.
“Presidenti nuk i thotë askujt të mos bëjë eksperimente kur është kokëfortë, por i paralajmëroj se të mos cenojnë fatin e popullit shqiptar se ju them dhe njëherë se vrima e vrimës së miut do ju duket shumë e madhe”, deklaroi Ilir Meta. /noa.al
