Aktualitet

Vidhen 300 mijë Lekë në marketin në Yzberisht/ Menaxheri ia mban kasieres dhe e kërc ënon

Aktualitet, Lajmi i fundit / /

Kohët e fundit në internet kanë qarkulluar video dhe foto, ku shihet një djalë i moshës 12-13 vjeç, duke vjedhur disa objekte në kryeqytet. Pre e vjedhjes prej tij ka rënë edhe një supermarket në Yzberish. Ersida Avdo është drejtuar në emisionin “Stop”, pasi punon kasiere prej disa muajsh në supermarketin në fjalë në zonën e Misto Mames në Tiranë.

Në datën 27 gusht, kur ka ndodhur vjedhja, Ersida ka qenë në kasë, por meqë nuk kishte njerëz por merrej me sistemimin e rafteve të produkteve. Pak çaste më pas ajo ka parë të miturin, por ai është larguar me shpejtësi, duke grabitur një shumë prej 300 mijë lekësh të vjetra.
Për rastin është bërë kallzim dhe materialet i kanë kaluar prokurorisë, por administratori i marketit i kërkon paratë punonjëses. Kjo e fundit është detyruar t’ia japë paratë e vjedhura, por thotë se kjo nuk është e drejtë dhe kërkon ndihmë në zbardhjen e çështjes.

Menaxheri: Lekët, që t’i kanë marrë sot, do t’i kompesosh! Vajza: Po pse duhet t’i nxjerr unë, se këtë nuk po arij dot ta kuptoj?

Menaxheri: Se është përgjegjsia jote e kasës. Vajza: Po pse duhet të jetë përgjesia ime, kur unë, kur nuk ka njerëz, lëviz për të sistemuar rreshtin?
Menaxheri: Si s’ka njerëz? Vajza: A më eshtë…, a më është thënë, kur nuk ka njerëz në market, duhet të lëvizësh të sistemosh?

Menaxheri: Kush? Po kush do të kujdeset për kasën tënde? Vajza: Tashi unë, kur erdha këtu, kam kthyer kokën, dhe sa herë kthej kokën për të parë.

Menaxheri: Shiko, o goca! Vajza: A është përgjegjësia jonë edhe rreshti edhe kasa?
Menaxheri: Përgjegjësia e kasierit është, lekët t’i dorëzojë saktë dhe në rast, që i del minus t’i kompesojë menjeherë ditën e nesërme.

Vajza: Sepse ato lekë, është vjedh nga një njeri, që ka ardh nga jashtë dhe nuk është vjedh nga këtu brënda dhe biles ajo kasë është pa celës. Në mos sot, nesër ai njeri mund të vijë prapë dhe unë atë dua dhe të vijë prapë dhe do shikojmë pastaj, kujt do t’i bjerë përgjegjësia.
Menaxheri: Te çelësi i kasës! Vajza: Te çelësi i kasës? Në çdo market, ku vete, kasa është me çelës, ose me kod.

Menaxheri: Shumë mirë e ka kasën.Vajza: Kasa a kyçet me çelës? Menaxheri: Dhe ti, në rast që nuk i sjell këto lekët, ne do të padisim ty. Vajza: Po! Menaxheri: Për thyerjen e rregullores.

Vajza: Unë rregulloren e kam ndjekur shumë mirë. Që ditën, që kam ardhur më është thënë dhe kasa dhe sistemimi, kur mos të këtë njerëz…, joo jam shumë në rregull.

Vidhen 300 mijë Lekë në marketin në Yzberisht/ Menaxheri ia mban kasieres dhe e kërc ënon Read More »

Rama: Shumë shpejt bluzat e bardha do të kenë rritjen më të madhe të pagave në histori

Aktualitet, Shendetesi / /

Kryeministri Edi Rama e nis këtë të martë me një lajm të mirë për mjekët dhe infermierët, të cilëve iu premton rritjen më të madhe të rrogave.

Ai thotë se me këtë të dhënë të thjeshtë, ku shihet se si nga qendrat shëndetësore në zonat më të thella në spitalet në zemër të Tiranës, më shumë se 600 mjekë dhe mbi 2400 infermierë, janë bërë pjesë e sistemit shëndetësor publik

vetëm 2 vitet e fundit, falë një procesi transparent përzgjedhjeje përmes platformave digjitale, jashtë politikës e tarafeve që e mbajtën peng për çerekshekulli shëndetësinë tonë jep lajmin e mirë për ta.

“Shumë shpejt të gjitha bluzat e bardha do të kenë rritjen më të madhe të pagave në historinë e tyre, ju uroj një ditë të mbarë”, shkruan Rama. /noa.al

Rama: Shumë shpejt bluzat e bardha do të kenë rritjen më të madhe të pagave në histori Read More »

Cila është gjëja e parë që shihni në imazh?/ Me anë të këtij testi psikologjik ju do arrini të zbuloni disa aspekte të personalitetit tuaj

Aktualitet / /

Me anë të këtij testi psikologjik ju do arrini të zbuloni disa aspekte të personalitetit tuaj.

Është thuajse i ngjashëm me testet që kemi publikuar edhe më parë.

Ju thjesht duhet t’i përgjigjeni pyetjes: Cila është gjëja e parë që shihni në imazh?

Në rast se shikoni një mace atëhere do të thotë se ju jeni një individ me mendje të hapur dhe që mbi gjithçka vlerësoni lirinë.

Nëse arrini të shikoni figura të njerëzve atëherë ju ka shumë mundësi që ndiheni më mirë me miqtë sesa me të dashurin. Kjo nuk do të thotë që ju jeni kundër dashurisë, thjesht i jepni secilës përparësinë e merituar. /noa.al/

Cila është gjëja e parë që shihni në imazh?/ Me anë të këtij testi psikologjik ju do arrini të zbuloni disa aspekte të personalitetit tuaj Read More »

Presidenti Ilir Meta kujton gjashtë vjetorin e ardhjes në Shqipëri të Papa Françeskut: ‘Të kthejmë shpresën për rininë dhe për të gjithë shqiptarët’

Aktualitet / /

Presidenti Ilir Meta kujton gjashtë vjetorin e ardhjes në Shqipëri të Papa Françeskut dhe mesazhin e tij.

Duke ndarë një video nga mesazhi i Papës, kreu i shtetit fton që në 6-vjetorin e vizitës së tij në Shqipëri, nuk duhet të harrojmë porositë e mençuara të Papa Françeskut: “Shqiponjat nuk e harrojnë folenë, por fluturojnë lart. Kam parë kaq shumë të rinj, ndaj ju lutem mbajini ata në Atdheun e tyre dhe Shqipëria të shpëtojë nga dimri demografik”.

Meta kërkon që të bëjmë gjithçka “që shqiponjat të qëndrojnë e të kthehen në folenë e tyre, dhe Shqipëria të ngrihet lart, atje ku e meritojnë ëndrrat dhe sakrificat e shqiptarëve, si një vend plotësisht demokratik, i respektuar dhe me dinjitet në Europë”.

Po ashtu ai citon fjalën e Papës në Tiranë, “Duhet bërë gjithçka për të shtuar shpresën për rininë tonë, sepse ‘Ku ka rini, ka shpresë”.

Presidenti e mbyll mesazhin e tij duke thënë se koha nuk pret më, “Të kthejmë shpresën për rininë dhe për të gjithë shqiptarët”. /noa.al

Presidenti Ilir Meta kujton gjashtë vjetorin e ardhjes në Shqipëri të Papa Françeskut: ‘Të kthejmë shpresën për rininë dhe për të gjithë shqiptarët’ Read More »

Kryeministri Edi Rama kujton 6-vjetorin e vizitës së Papa Françeskut në vendin tonë (foto)

Aktualitet / /

Kryeministri Edi Rama ka kujtuar ditën e sotme, 6-vjetorin e vizitës së Papa Françeskut në vendin tonë.

Ai ka ndarë një fotografi nga momenti kur e shoqja, Linda, çoi te Papa djalin e tyre të sapolindur Zaho.

Bashkëngjitur kësaj fotoje, Kryeministri citon fjalët e atit të shenjtë:

“Erdha për t’iu inkurajuar që të rritet shpresa brenda dhe mes jush. Uroj që shqiponja që keni në flamurin tuaj, të mbajë gjithmonë shpresën tek Zoti që nuk zhgënjen e qëndron pranë në momente të vështira”.

– Papa Françesku

(6 vite nga vizita e Papës në Shqipëri, 21 shtator 2014)” /noa.al

Kryeministri Edi Rama kujton 6-vjetorin e vizitës së Papa Françeskut në vendin tonë (foto) Read More »

Meta: ‘Paqja, siç thotë edhe Shenjtorja jonë Nënë Tereza, mund të arrihet,’edhe me një buzëqeshje’

Aktualitet, Opinione, Politike / /

“Paqja, siç thotë edhe Shenjtorja jonë Nënë Tereza, mund të arrihet: ‘Edhe me një buzëqeshje”.

Është ky mesazhi që jep Presidenti Ilir Meta ditën e sotme me rastin e ditës së paqes, pasi më herët ndau edhe mesazhin e Papa Françeskut.

Por historia na ka mësuar, shkruan kreu i shtetit, se paqja e qëndrueshme kërkon sakrifica të panumërta, jo vetëm për ta fituar, por edhe për ta mbrojtur, dhe se ajo është e sigurtë kur liria dhe të drejtat e njeriut garantohen përmes shtetit ligjor.

Sot në Ditën Ndërkombëtare të Paqes, ai sjell në vëmendje disa nga mesazhet që i quan tepër frymëzuese të kardinalit Van Thuan, i cili kaloi 13 vjet në burgjet e komunizmit dhe gjithë jetën e tij ja kushtoi Paqes, në funksion të së cilës i ka lënë njerëzimit dhe në veçanti politikës këto porosi, aktuale në çdo kohë:

“Bekuar politikani, thellësisht i vetëdijshëm për rolin e vet!

Bekuar politikani, që frymëzon besim;

Bekuar politikani, që punon për të mirën e përbashkët e jo për interesin e vet;

Bekuar politikani, që e kryen me besnikëri të patundur, detyrën e besuar;

Bekuar politikani, që punon për unitetin;

Bekuar politikani, që angazhohet për realizimin e ndryshimeve rrënjësore dhe refuzon të quajë të mirë atë që është e keqe;

Bekuar politikani, që e dëgjon popullin para, gjatë dhe pas zgjedhjeve;

Bekuar politikani, që nuk ka frikë nga e vërteta dhe nga media.” /noa.al

Meta: ‘Paqja, siç thotë edhe Shenjtorja jonë Nënë Tereza, mund të arrihet,’edhe me një buzëqeshje’ Read More »

Ministrja e re e Arsimit shoqëron vajzën në shkollë, para nisjes së punës

Aktualitet, Arsim / /

Ministria e re e Arsimit, Evis Kushi, e cila sot nis javën e parë të punës si pjesë e qeverisë, para se të shkonte në zyrë ka shoqëruar të bijën për në shkollë.

Ajo ka ndarë një fotografi, duke shkruar se para nisjes së një jave intensive me angazhimet dhe sfidat e reja, e kishte të pamundur të mos bënte një copëz rrugë deri tek shkolla e saj me një shoqe shumë të mirë të sajën, vajzën e madhe Ana.

“Bisedova sërish me të mbi rëndësinë e mbajtjes së maskës, ruajtjen e distancës me shoqet dhe shokët e klasës dhe zbatimin e çdo rregulli që ruan shëndetin e saj, nxënësve, mësuesve e gjithë të tjerëve.

Koha që po kalojmë është e pazakontë në çdo aspekt, e në këtë kuadër, nevojitet kujdes shumë më i madh dhe respektim i çdo mase që frenon përhapjen e koronavirusit. Vetëm në këtë formë do të arrijmë të gjithë së bashku ta kalojmë këtë sfidë aspak të lehtë për çdo njeri. Javë të mbarë të gjithëve!”, shkruan Kushi. /noa.al

Ministrja e re e Arsimit shoqëron vajzën në shkollë, para nisjes së punës Read More »

Këngëtarja e arr estuar dy ditë më parë Fjolla Morina dy muajshe shtatzanë

Aktualitet, ShowBiz / /

Këngëtarja Fjolla Morina e arr estuar dy ditë më parë nga po licia kufitare e Morinës, pasi iu gjetën dy pistoleta në çantën e dorës, rezulton shtatzënë.

Pas ndalimit nga po licia, ajo përfundoi në spitalin e Kukësit në gjendje të rënduar shëndetësore.

Siç raporton shqiptarja.com, ekspertiza e mjekut gjinekolog në spitalin e Kukësit, ka dalë në përfundimin se këngëtarja e arrestuar është dy muajshe shtatzanë.

Pavarësisht këtij elementi të ri që ka dalë gjatë fazës së hetimit, prokuroria e Kukësit, ka çuar në gjykatën e rrethit kërkesën për caktimin e masës së sigurisë “arrest në burg”, për këngëtaren Fjolla Morina. 34-vjeçaria akuzohet për “Trafik të ar mëve dhe mu nicioneve” dhe nisur nga kjo vepër penale, për Morinën prokuroria i ka kërkuar gjykatës, caktimin e masës së “arrestit në burg”.

Seanca gjyqësore pritet të zhvillohet ditën e nesërme në ambientet e gjykatës, ku Morina do dalë përballë gjykatës ku sigurisht do japi dhe pretendimet e saj. Kërkesën “Arrest në burg”, prokuroria e Kukësit do kërkojë edhe për biznesmenin nga Kosova por me qwndrim në Belgjikë, Fysnik Syla si dhe shoferin e Fjolla Morinës, Fitim Muji.

Këngëtarja e arr estuar dy ditë më parë Fjolla Morina dy muajshe shtatzanë Read More »