Aktualitet

Kryetari i opozitës Lulzim Basha ka anuluar takimin e planifikuar në qytetin e Fierit për shkak të ndarjes nga jeta të deputetit të PS, Bashkim Fino.

Për shkak të ndarjes nga jeta të ish-kryeministrit dhe deputetit të parlamentit Bashkim Fino, kryetari i PD Lulzim Basha njoftoi se vendosi të shtyjë aktivitetet politike të parashikuara për ditën e sotme në Fier me pjesëmarrjen e tij.

Qindra militantë dhe mbështetës të PD, pas një pritjeje për rreth 60 minuta janë shpërndarë me kërkesë të Luan Bacit.

Takimi ishte planifikuar në orën 10.00 në sheshin “Sharra” në hyrje të qytetit të Fierit, por Baçi bëri me dije se Basha ishte kthyer nga rruga për të respektuar këtë ditë zie në nder të Finos.

“Qytetarë të shumtë që jeni mbledhur në këtë shesh për të pritur kryeministrin e ardhshëm të Shqipërisë, Lulzim Basha, ju falënderoj përzemërsisht dhe do të më lejoni t’ju them se sot Basha e ka anuluar këtë takim, është kthyer nga rruga duke qenë se një prej deputetët e parlamentit shqiptar, zoti Fino ka ndërruar jetë.

Ne do të respektojmë këtë ditë zie duke anuluar takimin e sotëm dhe të takohemi pas disa ditësh të tjera në një takim dhjetëfish më të madh për fitoren e PD me kryeministrin Lulzim Basha. Me qetësi dhe respekt, le të shpërndahemi”, tha Baçi para qytetarëve. //NOA.al

Presidenti i Republikës, Ilir Meta ka marrë pjesë në homazhet në ndrerim të Bashkim Finos, i cili humbi sot betejën me Covid-19.

Në një prononcim për mediat, pas homazheve në nder të tij, mbajtur në Pallatin e Kongresëve, Meta tha se Bashkim Fino ishte një nga miqtë më të mirë, me të cilin ndan kujtime të veçanta.

“Bashkim Fino ishtë një nga miqtë e mi më të mirë dhe do mbetet. Në një moshë shumë të re ai u bë një figurë frymëzuese, si kryetar i bashkisë Gjirokastër, ishte edhe baza e përzgjedhjes së tij mes shumë kandidaturave në ’97 për të krijuar një qeveri të pajtimit dhe stabilitetit. Detyrë që e bëri në mënyrë të jashtëzakonshme, pasi e dimë të gjithë sa i ndarë ishte vendi.

Kam kujtime të veçanta me të, ishte një përkrahës i të rinjve dhe një figurë sportive, i dhënë pas sportit, edhe kjo na bashkonte. Ai ishte shumë njerëzor, shumë bujar, shumë zemërgjerë, tolerant dhe dinte të dallonte marrëdhëniet politike nga raportet njerëzore. Moment sh okues, ndarja nga jeta e tij, edhe pse kishte patur disa sfida me shëndetin të cilat i kishte fituar me sukses”, tha Meta.

Qeveria shqiptare ka shpallur dite z ie per ndarjen nga jeta te deputetit Bashkim Fino.
Vendimi eshte bere publik ne faqen zyrtare nga Kryeministri Edi Rama pak ore pas lajmit per nd arjen nga jeta ne moshen 59-vjecare te Bashkim Finos.
Ne VKM thuhet se per Finon do te organizohen homazhe ne Pallatin e Kongreseve nga ora 12.00 deri ne oren 16.00 ne daten 29 mars 2021.

Vde kja e Bashkim Finos ka shkaktuar reagime te shumta nnga personalitete politike dhe shteterore ne vend. /lajmifundit.al

Kryetari i opozitës, Lulzim Basha u rikthye sot në Elbasan për një takim me të rinjtë e këtij qyteti.

Basha është pritur me ovacion nga djem e vajza të cilët i shprehën padurimin siç thanë ata, që ta shohin pas 25 prillit, në krye të qeverisë. Nën thirrjet “Rama ik”, ata morën pjesë në takimin në formë pikniku në dalje të qytetit.

I surprizuar nga prania e madhe, Basha tha se 25 prilli është ndryshimi i madh për çdo të ri elbasanas me hapjen dhe sigurimin e vendeve të punës. Ai gjithashtu u zotua se Elbasani do ketë një kampus të ri dhe modern universitar.

Lulzim Basha: 25 është dita e fitores, është dita e ndryshimit për të gjithë shqiptarët e në veçanti për rininë e Elbasanit e të Shqipërisë. Pas kësaj na presin punë të mëdha. Shumica prej jush keni qenë gjimnazist ose dhe në 9 vjeçare , kur kemi nisur një punë shumë të madhe që e ka transformuar Elbasanin, që është tuneli i Elbasanit dhe rruga Tiranë-Elbasan. Dhe për këtë rrugë shumica nuk kishin besim. Ekzistonte dhe një projekt tjetër që dilte nga Baldushku në Papër. Nuk e di kujt i kujtohet prej jush, por ishte krejt ndryshe nga projekti që dëshironin banorët e Elbasanit, banorët e Librazhdit, Përrenjasit, Cërrikut, Belshit, Gramshit, sepse realisht rruga që ndërtuam në fund të fundit, është rruga që bëri Elbasanin dhe Tiranën një. Ajo tjetra do tё na duhej tё paktën njё orë, njё orë e 15 minuta pёr tё mbërritur deri nё Krastë. Tani nisesh nga Tirana dhe vjen pёr njё orë. Dhe Tirana me Elbasanin pёr shkak tё kësaj rruge janë dy qytetet mё afër njëri-tjetrit nё gjithё Shqipërinë. Mirëpo unё e kuptoj sikurse flisnin pёr atё rrugё dhe pёr tunelin e Elbasanit, tunelin e Kërrabës atëherë, shumica e njerëzve thonin s’ka pёr tu bёrё nё fakt e bёmё apo jo?! Tani nё kёtё vend ku ndodhemi sot këtu nё tё gjithё kёtё hapësira tё bukur qё ёshtё kaq afër qytetit tё Elbasanit, edhe këtu kemi patur njё plan, i cili pёr fat tё keq nuk ёshtё bёrё realitet kanё kaluar 8 vite dhe pёr kёtё plan kanё folur dhe kundërshtarët tanё politik qё kanё patur 8 vite kohë qё ta realizojnë. Unё sot meqë jemi nё piknik nuk do zgjatem shumë me deklarata politike meqë nё fushatë jemi dhe nё fushatë fitore dhe fitore, por dua njё zotim t’ua jap atyre qё janë nё universitet akoma dhe gjimnazistëve tё Elbasanit se, dhe gjithё atyre qё duan tё vijnë e tё studiojnë nё universitetin e Elbasanit, se ju qё po mbaroni pёr fat tё keq do ta shijoni por nuk do tё jeni pajës e këtij zhvillimi sepse jeni nё fund tё studimeve dhe se pёr ju kam tё tjera prioritete. Pёr ju kam prioritet zgjimin ekonomik tё Elbasanit dhe Shqipërisë dhe sigurimin e vendeve tё punës. Ndërsa për gjithë studentët e kam një zotim dhe dua ta përsëris: Ekziston një koncept, një ide që këtë park të bukur këtu, sigurisht jo gjithë parkun por një pjesë të parkut ta përdorim për të ndërtuar këtu një nga kampuset më moderne universitare të Shqipërisë. Mbani mend para disa ditësh pata një konferencë me aleancën e universiteteve europiane dhe me komisioneren europiane për digjitalizimin. E mbani mend? Të rinjtë: Po! Lulzim Basha: Ajo që e bëri të paharrueshme ishte dhe reagimi I kryeministrit në ikje që u tërbua, tha se kjo është ndërhyrje në punët e brendshme. “Është ndërhyrje në fushatë”- tha. Jo nuk është ndërhyrje në fushatë por është shprehje e besimit që kanë evropianët tek rinia shqiptare dhe tek Partia Demokratike dhe tek planet tona që së bashku me ta ti japim të rinjve dhe të rejave shqiptare të njëjtat mundësi të njëjtat mekanizma si rinisë Europiane. Dhe ju e dini Europa ka ndarë shuma të mëdha parash për universitetet e Ballkanit, është një mëkat i vërtetë që Shqipëria nuk ka arritur të përfitojë nga këto fonde, jo për faj të universiteteve por për faj të qeverisë. Dhe ju e dini unë kam studiuar jashtë dhe ja dedikoj një pjesë të madhe të suksesit tim në jetë faktit që më është dhënë kjo mundësi për të studiuar jashtë në një kohë ku kjo mundësi u ofrohej shumë pak njerëzve. Sot duhet t’ju them diçka tjetër, me teknologjinë që ka avancuar, me këtë vëmendje të veçantë që ka Europa për të trajnuar të rinjtë shqiptarë me mënyrën se si i njoh mekanizmat që funksionojnë për të sjellë qoftë trajnimin qoftë trajnuesit, apo për t’ju nxjerrë ju nëpër program ne Exchange që i thonë, pra programe shkëmbimi nëpër universitetet europiane. Unë ju siguroj që shumë shpejt rinia e Elbasanit dhe rinia e gjithë Shqipërisë do të ketë të njëjtën përgatitje profesionale si rinia europiane dhe do të jetë e gatshme për tregun e punës. Se unë e di që problemi kryesor që keni dhe brenga më e madhe që ju dhe familjet tuaja keni është siguria për të nesërmen e në veçanti punësimi. Po ju them që gjërat mund të ndryshojnë dhe me votën tuaj, me energjinë tuaj ju jap garancinë time personale se do të ndryshojmë, se ju do të keni të gjitha mundësitë, jo vetëm të trajnoheni në fushat që dëshironi por edhe të punësoheni në një ekonomi e cila do të zgjohet nga letargjia 8 vjeçare. Një ekonomi që nuk do t’i takova vetëm një apo dy oligarkëve por do t’i takojë të gjithë shqiptarëve, një pasuri e mrekullueshme siç është Shqipëria, siç është Elbasani. Shikojeni këtu nga Krasta sa e bukur që është. E cila do të fillojë të funksionojë për të gjithë dhe ky është zotimi im dhe i ekipit tim para jush por deri me 25 prill kam nevojë për ndihmën tuaj, energjinë tuaj, besimin tuaj. Ndryshimi po vjen dhe ju jap fjalën. Askush nuk e meriton dhe nuk do ta shijoj më shumë ndryshimin që po vjen se rinia shqiptare kudo që ndodhet. Ta përzhisim pak të keqen tani? Të mirën e kam fjalën.

Në fund Basha ka shkëmbyer disa batuta me të rinjtë, ku nuk ka lënë pa ngacmuar edhe kundërshtarët politikë.

Lulzim Basha: Ndaj pa e zgjatur shumë se kemi ardhur për piknik jo për miting dhe si duket më presin dhe detyra të veçanta siç është skuqja e salsiçeve në zgarë. Jo s’qenkam aq dobët se s’kam qenë duke skuqur salsiçe atë natë. Meqë do ta dish kam qenë duke skuqur mëlçi pule.

Qytetari: Poshtë Taulant Balla! Lulzim Basha: S’është në meny sot. Qytetari: Do ha më Ramën. Lulzim Basha: As ai s’është në meny sot. Qytetari: E kemi djegur mos e vra mendjen. Lulzim Basha: Kërpudhat he lmuese nuk janë në meny sot.

Kryeministri Edi Rama po ndjek nga afër procesin e vaksinimit masiv që ka nisur sot në kryeqytet.

Të pranishëm ishin edhe ministrat Ogerta Manastirliu, Arben Ahmetaj, si dhe kryebashkiaku Erion Veliaj.

Një qytetare e cila sapo ishte vaksinuar këmbënguli të takohej me kryeministrin.

Ajo tha se nuk ikte në shtëpi pa i thënë dy fjalë Ramës.

“E bëra vaksinën, por nuk iki në shtëpi pa të thënë dy fjalë, në momentin e duhur në vendin e duhur Shqipërisë ju gjet njeriu i duhur!”, – i tha ajo kreu të qeverisë.

Por Kryeministri Edi Rama duket se lëvdatat e kanë vënë në siklet.

“Po lëri këto!”, – iu drejtua Rama.

Në Sheshin “Skënderbej” janë ngritur dhe bërë gati dy çadra të mëdha ku secili ka nga 10 pika vaksinimi që do të shërbejnë për vaksinimin masiv të popullsisë.

Vaksinimi në sheshin “Skënderbej” do të nis paralel me atë që vijon që prej 11 janarit në stadiumin kombëtar.

Objektivi i Ministrisë së Shëndetësisë është që të arrijmë nga 10-15 mijë vaksinime në ditë.

Vaksinimi te sheshi “Skënderbej” ka nisur për moshat mbi 70 dhe 75 vjeç me vaksinës kineze ‘Soniovac’ dhe se këtë qytetarët do të lajmërohen nga mjeku i familjes.

Në ndihmë të bluzave të bardha do të bashkohen edhe mjekët e Forcave të Armatosura.

Kryeministri premtoi se me vaksinimin e popullatës në dy muajt e ardhshëm, sezoni turistik do të nisë normalisht. Rama tha se do të ketë 500 mijë të vaksinaur brenda majit. Deri atëherë pritet të vaksinohen të moshuarit mbi 65 vjeç.

Nisja e vaksinimit masiv pritet që të plotësojë planin ambicioz për vaksinimin në 14 muaj.

Pjesë nga biseda ku ka nisur vaksinimi masiv:

Edi Rama: U lodhët pak? Ja dhe pak

Ogerta Manastirliu: Vjen radha shumë shpejt

Edi Rama: Të kishim vënë atje te radha disa karrige

Ogerta Manastirliu: Po i vëmë, i vëmë, i kemi në fakt por i vëmë tani

Edi Rama: Të vendosen në rresht me karrige, që të rrinë karrige

I moshuari: O gjigant, njëmijë të bëhet dita

Edi Rama: Shëndet, shëndet

E moshuara: E dinim që do ia dilnit

Edi Rama: Faleminderit

E moshuara: E bëra vaksinën por nuk po iki në shtëpi pa të thënë dy fjalë, falënderimet më të mëdha. Në momentin e duhur, në vendin e duhur, Shqipërisë ju gjendët ju

Edi Rama: Lëri këto tani, shëndet, shëndet

/NOA.al