Aktualitet

Kryetari i Bashkise se Vlores takim me biznesin vlonjat. Bashkbisedim per buxhetin e Bashkise per vitin 2018, si dhe problematikat qe ka biznesi vlonjat.

Kryeministri Edi Rama në përshëndetjen e përditshme “mirëmëngjesi” në Facebook ka publikuar disa të dhëna mbi lehtësirat në sportelet e administratës, ku vetëm gjatë muajit nëntor në e-Albania janë regjistruar me mijëra dokumente tatimore, certifikata, ekstrakte biznesi.

Brenda datës 15 dhjetor 2017, listës me 26 dokumente shoqëruese, të cilat nuk kërkohen më nga sportelet e institucioneve shtetërore, do t’i shtohen edhe 3 dokumente të tjera të lëshuara nga Qendra Kombëtare e Biznesit që tanimë do të gjenerohen përmes portalit e-Albania: ekstrakt i thjeshtë, ekstrakt historik dhe certifikata e regjistrimit, NUIS.

Pas mesazhit dhe apelit te forte te ambasadorit amerikan ne Tirane Donald Lu, qe beri thirrje qe opozita dhe mazhoranca te bashkepunojne per kryeprokurorin si dhe kur tha qe nuk ka vdekur reforma ne drejtesi, kryeministri Edi Rama për herë të 3-të i ka kërkuar kreut të PD-së Lulzim Basha dialog dhe bashkëpunim për zgjedhjen e kryeprokurorit të ri.

‘LB është koha për të vënë drejtësinë mbi frikën nga drejtësia; dialogun mbi çdo mjet tjetër politik; negociatat për anëtarësimin e Shqipërisë në BE mbi gjithçka që na ndan në parti të ndryshme’, shkruan Edi Rama në faqen e tij në Facebook.

Kompani nënkontraktore për punimet e By Passit të Vlorës dhe Fierit kanë protestuar ditën e sotme

55 kompani nënkontraktore për punimet e By Passit të Vlorës dhe Fierit kanë protestuar ditën e sotme, duke bllokuar për rreth 30 minuta qarkullimin në hyrje të autostrades Vlorë- Levan.
Tenderimi I firmës që do të përfundoj punimet në këto akse rrugore, ka sjell reagimin e këtyre firmave. Të cilët kërkojnë shlyerjen e detyrimeve që shteti, konkretisht arrsh, ka ndaj këtyre 55 firmave. Jane 9.5 milion euro, vlera që shteti duhet të u shlyej këtyre firmave.
Kjo nuk është protesta e parë dhe as e fundit. Në rast të mos pagesës së firmave nënkontraktore, protestat do të përshkallëzohen ka deklaruar një prej përfaqësuesve të firmave nënkontraktore. Ndërsa I ka bërë edhe njëherë thirrje kryeministrit Rama dhe ministrit të infrastrukturës Gjiknuri, se këto mijëra familje që sot po rrinë pa bukë, janë po ato familje që në 25 qeshor i dhanë fitoren.

Drejtoria e Shendetit Publike pas permbytjes se zones se Novoseles vazhdon punën për dezinfektimi e ambienteve në fshatin Fitore,Bishan . Punonjesit jane ne gadishmeri te plote per te evituar te gjitha rastet e perhapjes se semundjeve apo epidemive infektive…

Finalizohet Operacioni Policor i koduar ”Centralja”, ku si rezultat është arrestuar në flagrancë një shtetas, pasi u kap me 100 doza Kokainë!

Specialistët e Seksionit për Hetimin e Narkotikëve në Drejtorinë Vendore të Policisë Vlorë, në kuadër të një procedimi penal proaktiv të nisur në muajin tetor 2017 për veprën penale të Prodhimit dhe shitjes së Narkotikëve, kanë zhvilluar një Operacion Policor të koduar ”Centralja”, të cilin e kanë ndjekur me metoda speciale të hetimit dhe e kanë finalizuar me kapjen dhe arrestimin në flagrancë të shtetasit:

Klaudio Selimaj, 23 vjeç, banues në Vlorë.

Specialistët e Narkotikëve, shtetasit të mësipërm i kanë gjetur dhe sekuestruar në banesën e tij në lagjen ”10 Korriku”, një sasi të konsiderueshme pluhuri me ngjyrë të bardhë e dyshuar si lëndë narkotike e llojit Kokainë me një peshë prej 54,2 gr. e ndarë në 100 doza.

Materialet proceduriale iu referuan Prokurorisë së Rrethit Gjyqësor Vlorë për veprën penale “Prodhimi dhe shitja e Narkotikëve e kryer në bashkëpunim”, e parashikuar nga neni 283/2 i Kodit Penal.