E hëna rrezikon edhe zonat e ulëta nga reshje të pakta dëbore pasi temperaturat do të ulen ndjeshem gjatë natës dhe gjatë ditës së hënë.
Po ashtu, parashikohet që e gjithë java që vjen të jete e ftohtë dhe shumë e ftohtë, njofton Meteoalb, duke bërë që temperaturat të ulen ne zonat malore ne -7grade C, ne zona te thella edhe me te uleta. Pjesa e mbetur e dhjetorit do te jete kryesisht e ftohte duke rrezikuar 90% te territorit nga reshje debore gjate periudhes 22 – 25 dhjetor
Uebsajti i njohur holandez, Galaxyclub.nl, ka publikuar fotografitë e reja të telefonit të ardhshëm të gjigantit të teknologjisë Samsung, Galaxy A8 për vitin 2018.
Samsung Galaxy A8 (2018) është telefon që i përket segmentit të mesëm, i cili karakterizohet me një kornizë shumë të hollë rreth ekranit, e cila do të jetë në dispozicion me shumë ngjyra, transmeton Koha.net. Skaneri për gishtërinj i këtij modeli të 2018-ës pritet të jetë i pozicionuar nën kamerën kryesore, domethënë në pjesën e pasme, për dallim nga ai siç ndodhet krahas kamerës te Galaxy S8.
Galaxy A8 (2018) dhe Galaxy A8+ (2018) pritet të prezantohen gjatë panairit të teknologjisë CES 2018, i cili do të mbahet në fillim të vitit të ardhshëm.
Shoqata Kulturore Atdhetare “Laberia” ka organizuar nje event kulturor e atdhetar ne Muzeun Historik Kombetar ne Tirane. Eventi i organizuar “Laberia Nderi i Kombit” perkon edhe me 26 vjetorin e kesaj shoqate. Qellimi i aktivitetit eshte nderimi i bijve te laberise, emrave te shumte qe kane dhene kontribut ne jeten shoqerore. Ne kete aktivitet kane marre pjese shume autoritete te larta te shtetit, drejtues e deputet te Vlores.
Shoqata “Laberia” i ka akorduar titullin e larte Kryetarit të Bashkisë Vlorë Dritan Leli, certifikaten “Personalitet i Shquar i Laberise”. Dr.Dritan Lelit.
Ulje temperaturash reshje shiu dhe bore, ja çfarë na pret javën që vjen
Gjatë ditës së nesërme sinoptikanët përjashtojnë mundësinë e reshjeve, por pritet një ulje e mëtejshme e temperaturave.
E marta sjell mot kryesisht të kthjellet me vranësira kalimtare ne të gjithë vendin. Më të dukshme vranësirat paraqiten në zonat Lindore. Nesër pritet një tjetër rënie të temperaturave në mëngjes, ndërsa mesdita sjell një rënie të lehtë.
Temperaturat minimale dhe maksimale të ajrit pritet të arrijnë:
Në bregdet: 4 °C / 10 °C
Në vendet e ulta: -2 °C / 10 °C
Në vendet malore: -5 °C / 3 °C.
Ndërkohë, në krahasim me ditën e sotme era pritet të dobësohet deri në mesatare.
Për 18.4 % është rritur numri i përdoruesve të internetit nga rrjetet celulare në tremujorin e tretë të këtij viti.
Sipas statistikave të Autoritetit të Komunikimeve Elektronike dhe Postare shqiptare, 2.16 milionë konsumatorë në vend kanë akses në internet 3G dhe 4G nga aparatet celularë.
Shërbimi i internetit me brez të gjerë nga rrjetet e lëvizshme deri në fund të këtij viti ofrohet nga katër operatorë.
Tregu i internetit po rritet edhe në shërbimet fikse, ku numri i pajtimtarëve në mesin e këtij viti arriti në afro 288 mijë, në rritje me 3% gjatë tremujorit të tretë dhe afro 10% krahasuar me të njëjtën periudhë të një viti më parë.
AKEP njofton se, rritje ka pësuar edhe segmenti i përdoruesve me shërbime të integruara, internet, telefon e televizion.
Numri i abonentëve që marrin të terja këto shërbimeve njëkohësisht ka arritur në 98 mijë, në rritje vjetore me 23%.
11 anëtarët e grupit të kërkim-shpëtimit të Policisë së Shkodrës janë një nga ekipet më të specializuara për të përballuar rastet e emergjencave natyrore, kryesisht nga përmbytjet.
Ata janë anëtarë të forcës së ndërhyrjes së shpejtë të stacionuar në Shkodër.
2 javë më parë ishin në aksionet e kërkim-shpëtimit në zonat e përmbytura nga Vjosa në Fier dhe Vlorë. Kur nuk ka përmbytje, ekipi i trajnuar nga Bashkimi Europian stërvitet ose angazhohet në aksione edhe jashtë vendit.
Kamera e TCH ka ndjekur nga afër një ditë stërvitje të këtij grupi, në kushte reale në ujrat e ftohta dhe të vrullshme të lumit Drin në këto ditë dhjetori. Dhe ajo që ato demonstrojnë, thjesht të lë pa fjalë.
Shpëtuesi Alfons Gjergji shprehet: “Ndjejmë krenari dhe gëzim që i japim popullsisë ndihmën e duhur”.
Gazetari investigativ Artan Hoxha duke folur pak më parë në “Kjo Javë” hodhi dritë mbi çështjen aq të përfolur, atë të përgjimit të ish-ministrit të Brendshëm, Saimir Tahiri dhe nisjen e procedimit penal nga prokuroria e Katanias për të.
Gazetari Hoxha zbulon detaje të reja nga hetimet dhe ngre dyshime se të paktën tre prej anëtarëve të grupit “Habilaj” të arrestuar atje mund të kenë folur dhe mund të kenë dëshmuar.
Sipas tij, janë pikërisht ata që me dëshmitë e tyre mund ta rrezikojnë ish-ministrin Tahiri.
“Procedimi për Tahirin në Itali ka nisur në 27 tetor. Është marrë vesh vonë, dhe në rastin konkret Saimir Tahiri nuk është vënë në dijeni. Prandaj çështja ka qenë kaq e padukshme dhe kaq e vështirë për tu marrë vesh. Dua të them se çështja është bërë interesante se në grupin Habilaj janë 4 italianë dhe 3 shqiptarë, 3 prej tyre rezultojnë të penduar, 2 prej tyre shqiptarë. Kjo e intrigon çështjen. Kemi një bashkëpunëtor si Sebastiano Sardi, ky del edhe në përgjimet e Habilajve. Por fakti që Prokuroria ka edhe dy të tjerë të penduar, kjo mund të jetë për mua detaji i ri apo fakti i ri që e ka çuar prokurorinë e Katanias të nisë procedimin për Tahirin. Nga përgjimet ambjentale nuk është se ai implikohet. Por, në rast se mes grupit ka dikë që flet, aty situata ndryshon. Të penduarit mund të kenë folur. Megjithatë tashmë do kemi një arbitër të paanshëm, një prokurori profesionale që do sqarojë edhe publikun shqiptar nëse është apo jo i implikuar Saimir Tahiri, nëse ka apo jo prova për të”,- u shpreh Hoxha.
Atmosfere festive ndihet ne qytetin tone
Ne keto dite festash Vlora eshte e ndricuar dhe e zbukuruar gjithandej
